{"id":"sn56.39","title":"Indra’s pillar","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn56.39","title":"Indra’s pillar","units":[{"id":"sn56.39:0","sourceIds":["sn56.39:0.1","sn56.39:0.2","sn56.39:0.3"],"kind":"text","text":{"pi":"Saṁyutta Nikāya 56.39\n4. Sīsapāvanavagga\nIndakhīlasutta","en":"Linked Discourses 56.39\n4. In a Rosewood Forest\nIndra’s pillar"}},{"id":"sn56.39:1","sourceIds":["sn56.39:1.1","sn56.39:1.2","sn56.39:1.3"],"kind":"text","text":{"pi":"“Ye hi keci, bhikkhave, samaṇā vā brāhmaṇā vā ‘idaṁ dukkhan’ti yathābhūtaṁ nappajānanti …pe…\n‘ayaṁ dukkhanirodhagāminī paṭipadā’ti yathābhūtaṁ nappajānanti, te aññassa samaṇassa vā brāhmaṇassa vā mukhaṁ ullokenti:\n‘ayaṁ nūna bhavaṁ jānaṁ jānāti, passaṁ passatī’ti.","en":"“Mendicants, there are ascetics and brahmins who don’t truly understand about suffering, its origin, its cessation, and the path.\nThey gaze up at the face of another ascetic or brahmin, thinking:\n‘Surely this worthy one knows and sees.’"}},{"id":"sn56.39:2","sourceIds":["sn56.39:2.1","sn56.39:2.2","sn56.39:2.3","sn56.39:2.4","sn56.39:2.5","sn56.39:2.6","sn56.39:2.7","sn56.39:2.8","sn56.39:2.9"],"kind":"text","text":{"pi":"Seyyathāpi, bhikkhave, tūlapicu vā kappāsapicu vā lahuko vātūpādāno same bhūmibhāge nikkhitto.\nTamenaṁ puratthimo vāto pacchimena saṁhareyya, pacchimo vāto puratthimena saṁhareyya, uttaro vāto dakkhiṇena saṁhareyya, dakkhiṇo vāto uttarena saṁhareyya.\nTaṁ kissa hetu?\nLahukattā, bhikkhave, kappāsapicuno.\nEvameva kho, bhikkhave, ye hi keci samaṇā vā brāhmaṇā vā ‘idaṁ dukkhan’ti yathābhūtaṁ nappajānanti …pe…\n‘ayaṁ dukkhanirodhagāminī paṭipadā’ti yathābhūtaṁ nappajānanti, te aññassa samaṇassa vā brāhmaṇassa vā mukhaṁ ullokenti:\n‘ayaṁ nūna bhavaṁ jānaṁ jānāti, passaṁ passatī’ti.\nTaṁ kissa hetu?\nAdiṭṭhattā, bhikkhave, catunnaṁ ariyasaccānaṁ.","en":"Suppose there was a light tuft of cotton-wool or kapok which was taken up by the wind and landed on level ground.\nThe east wind wafts it west; the west wind wafts it east; the north wind wafts it south; and the south wind wafts it north.\nWhy is that?\nIt’s because the tuft of cotton-wool is so light.\nIn the same way, there are ascetics and brahmins who don’t truly understand about suffering, its origin, its cessation, and the path.\nThey gaze up at the face of another ascetic or brahmin, thinking:\n‘Surely this worthy one knows and sees.’\nWhy is that?\nIt’s because they haven’t seen the four noble truths."}},{"id":"sn56.39:3","sourceIds":["sn56.39:3.1","sn56.39:3.2","sn56.39:3.3"],"kind":"text","text":{"pi":"Ye ca kho keci, bhikkhave, samaṇā vā brāhmaṇā vā ‘idaṁ dukkhan’ti yathābhūtaṁ pajānanti …pe…\n‘ayaṁ dukkhanirodhagāminī paṭipadā’ti yathābhūtaṁ pajānanti, te na aññassa samaṇassa vā brāhmaṇassa vā mukhaṁ ullokenti:\n‘ayaṁ nūna bhavaṁ jānaṁ jānāti, passaṁ passatī’ti.","en":"There are ascetics and brahmins who truly understand about suffering, its origin, its cessation, and the path.\nThey don’t gaze up at the face of another ascetic or brahmin, thinking:\n‘Surely this worthy one knows and sees.’"}},{"id":"sn56.39:4","sourceIds":["sn56.39:4.1","sn56.39:4.2","sn56.39:4.3","sn56.39:4.4","sn56.39:4.5","sn56.39:4.6","sn56.39:4.7","sn56.39:4.8","sn56.39:4.9","sn56.39:4.10","sn56.39:4.11"],"kind":"text","text":{"pi":"Seyyathāpi, bhikkhave, ayokhīlo vā indakhīlo vā gambhīranemo sunikhāto acalo asampakampī.\nPuratthimāya cepi disāya āgaccheyya bhusā vātavuṭṭhi, neva saṅkampeyya na sampakampeyya na sampacāleyya; pacchimāya cepi disāya …pe… uttarāya cepi disāya …pe… dakkhiṇāya cepi disāya āgaccheyya bhusā vātavuṭṭhi, neva saṅkampeyya na sampakampeyya na sampacāleyya.\nTaṁ kissa hetu?\nGambhīrattā, bhikkhave, nemassa sunikhātattā indakhīlassa.\nEvameva kho, bhikkhave, ye ca kho keci samaṇā vā brāhmaṇā vā ‘idaṁ dukkhan’ti yathābhūtaṁ pajānanti …pe…\nayaṁ dukkhanirodhagāminī paṭipadā’ti yathābhūtaṁ pajānanti, te na aññassa samaṇassa vā brāhmaṇassa vā mukhaṁ ullokenti:\n‘ayaṁ nūna bhavaṁ jānaṁ jānāti, passaṁ passatī’ti.\nTaṁ kissa hetu?\nSudiṭṭhattā, bhikkhave, catunnaṁ ariyasaccānaṁ.\nKatamesaṁ catunnaṁ?\nDukkhassa ariyasaccassa …pe… dukkhanirodhagāminiyā paṭipadāya ariyasaccassa.","en":"Suppose there was an iron pillar or an Indra’s pillar with deep foundations, firmly embedded, imperturbable and unshakable.\nEven if violent storms were to blow up out of the east, the west, the north, and the south, they couldn’t make it shake or rock or tremble.\nWhy is that?\nIt’s because that Indra’s pillar is firmly embedded, with deep foundations.\nIn the same way, there are ascetics and brahmins who truly understand about suffering, its origin, its cessation, and the path.\nThey don’t gaze up at the face of another ascetic or brahmin, thinking:\n‘Surely this worthy one knows and sees.’\nWhy is that?\nIt’s because they have clearly seen the four noble truths.\nWhat four?\nThe noble truths of suffering, its origin, its cessation, and the path."}},{"id":"sn56.39:5","sourceIds":["sn56.39:5.1","sn56.39:5.2"],"kind":"text","text":{"pi":"Tasmātiha, bhikkhave, ‘idaṁ dukkhan’ti yogo karaṇīyo …pe… ‘ayaṁ dukkhanirodhagāminī paṭipadā’ti yogo karaṇīyo”ti.\nNavamaṁ.","en":"That’s why you should practice meditation …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn56.39/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}