{"id":"sn56.42","title":"A Cliff","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn56.42","title":"A Cliff","units":[{"id":"sn56.42:0","sourceIds":["sn56.42:0.1","sn56.42:0.2","sn56.42:0.3"],"kind":"text","text":{"pi":"Saṁyutta Nikāya 56.42\n5. Papātavagga\nPapātasutta","en":"Linked Discourses 56.42\n5. A Cliff\nA Cliff"}},{"id":"sn56.42:1","sourceIds":["sn56.42:1.1","sn56.42:1.2","sn56.42:1.3","sn56.42:1.4","sn56.42:1.5","sn56.42:1.6","sn56.42:1.7","sn56.42:1.8","sn56.42:1.9","sn56.42:1.10"],"kind":"text","text":{"pi":"Ekaṁ samayaṁ bhagavā rājagahe viharati gijjhakūṭe pabbate.\nAtha kho bhagavā bhikkhū āmantesi:\n“āyāma, bhikkhave, yena paṭibhānakūṭo tenupasaṅkamissāma divāvihārāyā”ti.\n“Evaṁ, bhante”ti kho te bhikkhū bhagavato paccassosuṁ.\nAtha kho bhagavā sambahulehi bhikkhūhi saddhiṁ yena paṭibhānakūṭo tenupasaṅkami.\nAddasā kho aññataro bhikkhu paṭibhānakūṭe mahantaṁ papātaṁ.\nDisvāna bhagavantaṁ etadavoca:\n“mahā vatāyaṁ, bhante, papāto subhayānako, bhante, papāto.\nAtthi nu kho, bhante, imamhā papātā añño papāto mahantataro ca bhayānakataro cā”ti?\n“Atthi kho, bhikkhu, imamhā papātā añño papāto mahantataro ca bhayānakataro cā”ti.","en":"At one time the Buddha was staying near Rājagaha, on the Vulture’s Peak Mountain.\nThen the Buddha said to the mendicants,\n“Come, mendicants, let’s go to Inspiration Peak for the day’s meditation.”\n“Yes, sir,” they replied.\nThen the Buddha together with several mendicants went to Inspiration Peak.\nA certain mendicant saw the big cliff there\nand said to the Buddha,\n“Sir, that big cliff is really big and scary.\nIs there any other cliff bigger and scarier than this one?”\n“There is, mendicant.”"}},{"id":"sn56.42:2","sourceIds":["sn56.42:2.1","sn56.42:2.2","sn56.42:2.3","sn56.42:2.4","sn56.42:2.5","sn56.42:2.6","sn56.42:2.7"],"kind":"text","text":{"pi":"“Katamo pana, bhante, imamhā papātā añño papāto mahantataro ca bhayānakataro cā”ti?\n“Ye hi keci, bhikkhave, samaṇā vā brāhmaṇā vā ‘idaṁ dukkhan’ti yathābhūtaṁ nappajānanti, ‘ayaṁ dukkhasamudayo’ti yathābhūtaṁ nappajānanti, ‘ayaṁ dukkhanirodho’ti yathābhūtaṁ nappajānanti, ‘ayaṁ dukkhanirodhagāminī paṭipadā’ti yathābhūtaṁ nappajānanti,\nte jātisaṁvattanikesu saṅkhāresu abhiramanti, jarāsaṁvattanikesu saṅkhāresu abhiramanti, maraṇasaṁvattanikesu saṅkhāresu abhiramanti, sokaparidevadukkhadomanassupāyāsasaṁvattanikesu saṅkhāresu abhiramanti.\nTe jātisaṁvattanikesu saṅkhāresu abhiratā jarāsaṁvattanikesu saṅkhāresu abhiratā maraṇasaṁvattanikesu saṅkhāresu abhiratā sokaparidevadukkhadomanassupāyāsasaṁvattanikesu saṅkhāresu abhiratā jātisaṁvattanikepi saṅkhāre abhisaṅkharonti, jarāsaṁvattanikepi saṅkhāre abhisaṅkharonti, maraṇasaṁvattanikepi saṅkhāre abhisaṅkharonti, sokaparidevadukkhadomanassupāyāsasaṁvattanikepi saṅkhāre abhisaṅkharonti.\nTe jātisaṁvattanikepi saṅkhāre abhisaṅkharitvā jarāsaṁvattanikepi saṅkhāre abhisaṅkharitvā maraṇasaṁvattanikepi saṅkhāre abhisaṅkharitvā sokaparidevadukkhadomanassupāyāsasaṁvattanikepi saṅkhāre abhisaṅkharitvā jātipapātampi papatanti, jarāpapātampi papatanti, maraṇapapātampi papatanti, sokaparidevadukkhadomanassupāyāsapapātampi papatanti.\nTe na parimuccanti jātiyā jarāya maraṇena sokehi paridevehi dukkhehi domanassehi upāyāsehi.\n‘Na parimuccanti dukkhasmā’ti vadāmi.","en":"“But sir, what is it?”\n“Mendicant, there are ascetics and brahmins who don’t truly understand about suffering, its origin, its cessation, and the path.\nThey take pleasure in choices that lead to rebirth, old age, and death, to sorrow, lamentation, pain, sadness, and distress.\nSince they take pleasure in such choices, they continue to make them.\nHaving made choices that lead to rebirth, old age, and death, to sorrow, lamentation, pain, sadness, and distress, they fall down the cliff of rebirth, old age, and death, of sorrow, lamentation, pain, sadness, and distress.\nThey’re not freed from rebirth, old age, and death, from sorrow, lamentation, pain, sadness, and distress.\nThey’re not freed from suffering, I say."}},{"id":"sn56.42:3","sourceIds":["sn56.42:3.1","sn56.42:3.2","sn56.42:3.3","sn56.42:3.4","sn56.42:3.5","sn56.42:3.6"],"kind":"text","text":{"pi":"Ye ca kho keci, bhikkhave, samaṇā vā brāhmaṇā vā ‘idaṁ dukkhan’ti yathābhūtaṁ pajānanti …pe…\n‘ayaṁ dukkhanirodhagāminī paṭipadā’ti yathābhūtaṁ pajānanti, te jātisaṁvattanikesu saṅkhāresu nābhiramanti, jarāsaṁvattanikesu saṅkhāresu nābhiramanti, maraṇasaṁvattanikesu saṅkhāresu nābhiramanti, sokaparidevadukkhadomanassupāyāsasaṁvattanikesu saṅkhāresu nābhiramanti.\nTe jātisaṁvattanikesu saṅkhāresu anabhiratā, jarāsaṁvattanikesu saṅkhāresu anabhiratā, maraṇasaṁvattanikesu saṅkhāresu anabhiratā, sokaparidevadukkhadomanassupāyāsasaṁvattanikesu saṅkhāresu anabhiratā, jātisaṁvattanikepi saṅkhāre nābhisaṅkharonti, jarāsaṁvattanikepi saṅkhāre nābhisaṅkharonti, maraṇasaṁvattanikepi saṅkhāre nābhisaṅkharonti, sokaparidevadukkhadomanassupāyāsasaṁvattanikepi saṅkhāre nābhisaṅkharonti.\nTe jātisaṁvattanikepi saṅkhāre anabhisaṅkharitvā, jarāsaṁvattanikepi saṅkhāre anabhisaṅkharitvā, maraṇasaṁvattanikepi saṅkhāre anabhisaṅkharitvā, sokaparidevadukkhadomanassupāyāsasaṁvattanikepi saṅkhāre anabhisaṅkharitvā, jātipapātampi nappapatanti, jarāpapātampi nappapatanti, maraṇapapātampi nappapatanti, sokaparidevadukkhadomanassupāyāsapapātampi nappapatanti.\nTe parimuccanti jātiyā jarāya maraṇena sokehi paridevehi dukkhehi domanassehi upāyāsehi.\n‘Parimuccanti dukkhasmā’ti vadāmi.","en":"There are ascetics and brahmins who truly understand about suffering, its origin, its cessation, and the path.\nThey don’t take pleasure in choices that lead to rebirth, old age, and death, to sorrow, lamentation, pain, sadness, and distress.\nSince they don’t take pleasure in such choices, they stop making them.\nHaving stopped making choices that lead to rebirth, old age, and death, to sorrow, lamentation, pain, sadness, and distress, they don’t fall down the cliff of rebirth, old age, and death, of sorrow, lamentation, pain, sadness, and distress.\nThey’re freed from rebirth, old age, and death, from sorrow, lamentation, pain, sadness, and distress.\nThey’re freed from suffering, I say."}},{"id":"sn56.42:4","sourceIds":["sn56.42:4.1","sn56.42:4.2"],"kind":"text","text":{"pi":"Tasmātiha, bhikkhave, ‘idaṁ dukkhan’ti yogo karaṇīyo …pe… ‘ayaṁ dukkhanirodhagāminī paṭipadā’ti yogo karaṇīyo”ti.\nDutiyaṁ.","en":"That’s why you should practice meditation …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn56.42/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}