{"id":"sn56.48","title":"A Yoke With a Hole (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn56.48","title":"A Yoke With a Hole (2nd)","units":[{"id":"sn56.48:0","sourceIds":["sn56.48:0.1","sn56.48:0.2","sn56.48:0.3"],"kind":"text","text":{"pi":"Saṁyutta Nikāya 56.48\n5. Papātavagga\nDutiyachiggaḷayugasutta","en":"Linked Discourses 56.48\n5. A Cliff\nA Yoke With a Hole (2nd)"}},{"id":"sn56.48:1","sourceIds":["sn56.48:1.1","sn56.48:1.2","sn56.48:1.3","sn56.48:1.4","sn56.48:1.5","sn56.48:1.6","sn56.48:1.7"],"kind":"text","text":{"pi":"“Seyyathāpi, bhikkhave, ayaṁ mahāpathavī ekodakā assa.\nTatra puriso ekacchiggaḷaṁ yugaṁ pakkhipeyya.\nTamenaṁ puratthimo vāto pacchimena saṁhareyya, pacchimo vāto puratthimena saṁhareyya, uttaro vāto dakkhiṇena saṁhareyya, dakkhiṇo vāto uttarena saṁhareyya.\nTatrassa kāṇo kacchapo. So vassasatassa vassasatassa accayena sakiṁ sakiṁ ummujjeyya.\nTaṁ kiṁ maññatha, bhikkhave,\napi nu kho kāṇo kacchapo vassasatassa vassasatassa accayena sakiṁ sakiṁ ummujjanto amusmiṁ ekacchiggaḷe yuge gīvaṁ paveseyyā”ti?\n“Adhiccamidaṁ, bhante, yaṁ so kāṇo kacchapo vassasatassa vassasatassa accayena sakiṁ sakiṁ ummujjanto amusmiṁ ekacchiggaḷe yuge gīvaṁ paveseyyā”ti.","en":"“Mendicants, suppose the earth was entirely covered with water.\nAnd a person threw a yoke with a single hole into it.\nThe east wind wafts it west; the west wind wafts it east; the north wind wafts it south; and the south wind wafts it north.\nAnd there was a one-eyed turtle who popped up once every hundred years.\nWhat do you think, mendicants?\nWould that one-eyed turtle, popping up once every hundred years, still poke its neck through the hole in that yoke?”\n“It would be an anomaly, sir.”"}},{"id":"sn56.48:2","sourceIds":["sn56.48:2.1","sn56.48:2.2","sn56.48:2.3","sn56.48:2.4"],"kind":"text","text":{"pi":"“Evaṁ adhiccamidaṁ, bhikkhave, yaṁ manussattaṁ labhati.\nEvaṁ adhiccamidaṁ, bhikkhave, yaṁ tathāgato loke uppajjati arahaṁ sammāsambuddho.\nEvaṁ adhiccamidaṁ, bhikkhave, yaṁ tathāgatappavedito dhammavinayo loke dibbati.\nTassidaṁ, bhikkhave, manussattaṁ laddhaṁ, tathāgato loke uppanno arahaṁ sammāsambuddho, tathāgatappavedito ca dhammavinayo loke dibbati.","en":"“That’s how anomalous it is to get reborn as a human being.\nAnd that’s how anomalous it is for a Realized One to arise in the world, a perfected one, a fully awakened Buddha.\nAnd that’s how anomalous it is for the teaching and training proclaimed by a Realized One to shine in the world.\nAnd now, mendicants, you have been reborn as a human being. A Realized One has arisen in the world, a perfected one, a fully awakened Buddha. And the teaching and training proclaimed by a Realized One shines in the world."}},{"id":"sn56.48:3","sourceIds":["sn56.48:3.1","sn56.48:3.2"],"kind":"text","text":{"pi":"Tasmātiha, bhikkhave, ‘idaṁ dukkhan’ti yogo karaṇīyo …pe… ‘ayaṁ dukkhanirodhagāminī paṭipadā’ti yogo karaṇīyo”ti.\nAṭṭhamaṁ.","en":"That’s why you should practice meditation …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn56.48/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}