{"id":"sn56.60","title":"A Mountain (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn56.60","title":"A Mountain (2nd)","units":[{"id":"sn56.60:0","sourceIds":["sn56.60:0.1","sn56.60:0.2","sn56.60:0.3"],"kind":"text","text":{"pi":"Saṁyutta Nikāya 56.60\n6. Abhisamayavagga\nDutiyapabbatūpamasutta","en":"Linked Discourses 56.60\n6. Comprehension\nA Mountain (2nd)"}},{"id":"sn56.60:1","sourceIds":["sn56.60:1.1","sn56.60:1.2","sn56.60:1.3","sn56.60:1.4","sn56.60:1.5","sn56.60:1.6","sn56.60:1.7","sn56.60:1.8"],"kind":"text","text":{"pi":"“Seyyathāpi, bhikkhave, himavā pabbatarājā parikkhayaṁ pariyādānaṁ gaccheyya, ṭhapetvā satta sāsapamattiyo pāsāṇasakkharā.\nTaṁ kiṁ maññatha, bhikkhave,\nkatamaṁ nu kho bahutaraṁ—yaṁ vā himavato pabbatarājassa parikkhīṇaṁ pariyādinnaṁ, yā vā satta sāsapamattiyo pāsāṇasakkharā avasiṭṭhā”ti?\n“Etadeva, bhante, bahutaraṁ himavato pabbatarājassa yadidaṁ parikkhīṇaṁ pariyādinnaṁ; appamattikā satta sāsapamattiyo pāsāṇasakkharā avasiṭṭhā.\nSaṅkhampi na upenti, upanidhampi na upenti, kalabhāgampi na upenti himavato pabbatarājassa parikkhīṇaṁ pariyādinnaṁ upanidhāya satta sāsapamattiyo pāsāṇasakkharā avasiṭṭhā”ti.\n“Evameva kho, bhikkhave, ariyasāvakassa diṭṭhisampannassa puggalassa abhisametāvino etadeva bahutaraṁ dukkhaṁ yadidaṁ parikkhīṇaṁ pariyādinnaṁ; appamattakaṁ avasiṭṭhaṁ.\nSaṅkhampi na upeti, upanidhampi na upeti, kalabhāgampi na upeti, purimaṁ dukkhakkhandhaṁ parikkhīṇaṁ pariyādinnaṁ upanidhāya yadidaṁ sattakkhattuparamatā;\nyo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.","en":"“Mendicants, suppose the Himalayas, the king of mountains, was worn away and eroded except seven pebbles the size of mustard seeds.\nWhat do you think, mendicants?\nWhich is more: the portion of the Himalayas, the king of mountains, that has been worn away and eroded, or the seven pebbles the size of mustard seeds that are left?”\n“Sir, the portion of the Himalayas, the king of mountains, that has been worn away and eroded is certainly more. The seven pebbles the size of mustard seeds are tiny.\nCompared to the Himalayas, they don’t count, there’s no comparison, they’re not worth a fraction.”\n“In the same way, for an individual with comprehension, a noble disciple accomplished in view, the suffering that’s over and done with is more, what’s left is tiny.\nCompared to the mass of suffering in the past that’s over and done with, it doesn’t count, there’s no comparison, it’s not worth a fraction, since there are at most seven more lives.\nSuch an individual truly understands about suffering, its origin, its cessation, and the path."}},{"id":"sn56.60:2","sourceIds":["sn56.60:2.1","sn56.60:2.2","sn56.60:2.3"],"kind":"text","text":{"pi":"Tasmātiha, bhikkhave, ‘idaṁ dukkhan’ti yogo karaṇīyo …pe… ‘ayaṁ dukkhanirodhagāminī paṭipadā’ti yogo karaṇīyo”ti.\nDasamaṁ.\nAbhisamayavaggo chaṭṭho.","en":"That’s why you should practice meditation …”"}},{"id":"sn56.60:3","sourceIds":["sn56.60:3.0","sn56.60:3.1","sn56.60:3.2","sn56.60:3.3","sn56.60:3.4"],"kind":"text","text":{"pi":"Tassuddānaṁ\nNakhasikhā pokkharaṇī,\nsambhejja apare duve;\nPathavī dve samuddā dve,\ndvemā ca pabbatūpamāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn56.60/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}