{"id":"sn7.15","title":"Stuck-Up","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn7.15","title":"Stuck-Up","units":[{"id":"sn7.15:0","sourceIds":["sn7.15:0.1","sn7.15:0.2","sn7.15:0.3"],"kind":"text","text":{"pi":"Saṁyutta Nikāya 7.15\n2. Upāsakavagga\nMānatthaddhasutta","en":"Linked Discourses 7.15\n2. Lay Followers\nStuck-Up"}},{"id":"sn7.15:1","sourceIds":["sn7.15:1.1","sn7.15:1.2","sn7.15:1.3","sn7.15:1.4","sn7.15:1.5","sn7.15:1.6","sn7.15:1.7","sn7.15:1.8","sn7.15:1.9","sn7.15:1.10","sn7.15:1.11","sn7.15:1.12","sn7.15:1.13","sn7.15:1.14"],"kind":"text","text":{"pi":"Sāvatthinidānaṁ.\nTena kho pana samayena mānatthaddho nāma brāhmaṇo sāvatthiyaṁ paṭivasati.\nSo neva mātaraṁ abhivādeti, na pitaraṁ abhivādeti, na ācariyaṁ abhivādeti, na jeṭṭhabhātaraṁ abhivādeti.\nTena kho pana samayena bhagavā mahatiyā parisāya parivuto dhammaṁ deseti.\nAtha kho mānatthaddhassa brāhmaṇassa etadahosi:\n“ayaṁ kho samaṇo gotamo mahatiyā parisāya parivuto dhammaṁ deseti.\nYannūnāhaṁ yena samaṇo gotamo tenupasaṅkameyyaṁ.\nSace maṁ samaṇo gotamo ālapissati, ahampi taṁ ālapissāmi.\nNo ce maṁ samaṇo gotamo ālapissati, ahampi nālapissāmī”ti.\nAtha kho mānatthaddho brāhmaṇo yena bhagavā tenupasaṅkami; upasaṅkamitvā tuṇhībhūto ekamantaṁ aṭṭhāsi.\nAtha kho bhagavā taṁ nālapi.\nAtha kho mānatthaddho brāhmaṇo:\n“nāyaṁ samaṇo gotamo kiñci jānātī”ti tatova puna nivattitukāmo ahosi.\nAtha kho bhagavā mānatthaddhassa brāhmaṇassa cetasā cetoparivitakkamaññāya mānatthaddhaṁ brāhmaṇaṁ gāthāya ajjhabhāsi:","en":"At Sāvatthī.\nNow at that time a brahmin named Stuck-Up was residing in Sāvatthī.\nHe didn’t bow to his mother or father, his tutor, or his oldest brother.\nNow, at that time the Buddha was teaching Dhamma, surrounded by a large assembly.\nThen Stuck-Up thought,\n“The ascetic Gotama is teaching Dhamma, surrounded by a large assembly.\nWhy don’t I approach him?\nIf he speaks to me, I’ll speak to him.\nBut if he doesn’t speak, neither will I.”\nThen the brahmin Stuck-Up went up to the Buddha, and stood silently to one side.\nBut the Buddha didn’t speak to him.\nThen Stuck-Up thought,\n“This ascetic Gotama knows nothing!” And he wanted to go back from there right away.\nThen the Buddha, knowing Stuck-Up’s train of thought, addressed him in verse:"}},{"id":"sn7.15:2","sourceIds":["sn7.15:2.1","sn7.15:2.2","sn7.15:2.3","sn7.15:2.4"],"kind":"text","text":{"pi":"“Na mānaṁ brāhmaṇa sādhu,\natthikassīdha brāhmaṇa;\nYena atthena āgacchi,\ntamevamanubrūhaye”ti.","en":"“It’s not good to foster conceit\nif you want what’s good for you, brahmin.\nYou should foster the goal\nwhich brought you here.”"}},{"id":"sn7.15:3","sourceIds":["sn7.15:3.1","sn7.15:3.2","sn7.15:3.3","sn7.15:3.4","sn7.15:3.5","sn7.15:3.6","sn7.15:3.7","sn7.15:3.8","sn7.15:3.9","sn7.15:3.10","sn7.15:3.11"],"kind":"text","text":{"pi":"Atha kho mānatthaddho brāhmaṇo:\n“cittaṁ me samaṇo gotamo jānātī”ti tattheva bhagavato pādesu sirasā nipatitvā bhagavato pādāni mukhena ca paricumbati pāṇīhi ca parisambāhati, nāmañca sāveti:\n“mānatthaddhāhaṁ, bho gotama, mānatthaddhāhaṁ, bho gotamā”ti.\nAtha kho sā parisā abbhutavittajātā ahosi:\n“acchariyaṁ vata bho, abbhutaṁ vata bho.\nAyañhi mānatthaddho brāhmaṇo neva mātaraṁ abhivādeti, na pitaraṁ abhivādeti, na ācariyaṁ abhivādeti, na jeṭṭhabhātaraṁ abhivādeti;\natha ca pana samaṇe gotame evarūpaṁ paramanipaccakāraṁ karotī”ti.\nAtha kho bhagavā mānatthaddhaṁ brāhmaṇaṁ etadavoca:\n“alaṁ, brāhmaṇa, uṭṭhehi, sake āsane nisīda.\nYato te mayi cittaṁ pasannan”ti.\nAtha kho mānatthaddho brāhmaṇo sake āsane nisīditvā bhagavantaṁ gāthāya ajjhabhāsi:","en":"Then Stuck-Up thought,\n“The ascetic Gotama knows my mind!” He bowed with his head to the Buddha’s feet, caressing them and covering them with kisses, and pronounced his name:\n“Worthy Gotama, I am Stuck-Up! I am Stuck-Up!”\nThen that assembly was stunned:\n“Oh lord, how incredible, how amazing!\nThis brahmin Stuck-Up doesn’t bow to his mother or father, his tutor, or his oldest brother.\nYet he shows such utmost deference to the ascetic Gotama!”\nThen the Buddha said to the brahmin Stuck-Up,\n“Enough, brahmin. Get up, and take your own seat.\nFor your mind has confidence in me.”\nThen Stuck-Up took his seat and said to the Buddha:"}},{"id":"sn7.15:4","sourceIds":["sn7.15:4.1","sn7.15:4.2","sn7.15:4.3","sn7.15:4.4"],"kind":"text","text":{"pi":"“Kesu na mānaṁ kayirātha,\nkesu cassa sagāravo;\nKyassa apacitā assu,\nkyassu sādhu supūjitā”ti.","en":"“Regarding whom should you not be conceited?\nWho should you respect?\nWho should you esteem?\nWho is it good to venerate properly?”"}},{"id":"sn7.15:5","sourceIds":["sn7.15:5.1","sn7.15:5.2","sn7.15:5.3","sn7.15:5.4","sn7.15:5.5","sn7.15:5.6","sn7.15:5.7"],"kind":"text","text":{"pi":"“Mātari pitari cāpi,\natho jeṭṭhamhi bhātari;\nĀcariye catutthamhi,\ntesu na mānaṁ kayirātha;\nTesu assa sagāravo,\ntyassa apacitā assu;\nTyassu sādhu supūjitā.","en":"“Your mother and father,\nand also your oldest brother,\nwith tutor as fourth.\nRegarding these you should not be conceited.\nThey are who you should respect.\nThey are who you should esteem.\nAnd they’re who it’s good to venerate properly."}},{"id":"sn7.15:6","sourceIds":["sn7.15:6.1","sn7.15:6.2","sn7.15:6.3","sn7.15:6.4"],"kind":"text","text":{"pi":"Arahante sītībhūte,\nkatakicce anāsave;\nNihacca mānaṁ athaddho,\nte namasse anuttare”ti.","en":"And when with bent knee, not stiff with conceit,\nshow supreme reverence for\nthe perfected ones—cooled,\ntheir task complete, free of defilements.”"}},{"id":"sn7.15:7","sourceIds":["sn7.15:7.1","sn7.15:7.2","sn7.15:7.3"],"kind":"text","text":{"pi":"Evaṁ vutte, mānatthaddho brāhmaṇo bhagavantaṁ etadavoca:\n“abhikkantaṁ, bho gotama …pe…\nupāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.","en":"When he had spoken, the brahmin Stuck-Up said to the Buddha,\n“Excellent, worthy Gotama …\nFrom this day forth, may the worthy Gotama remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn7.15/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}