{"id":"ud1.5","title":"The Brahmin","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud1.5","title":"The Brahmin","units":[{"id":"ud1.5:0","sourceIds":["ud1.5:0.1","ud1.5:0.2"],"kind":"text","text":{"pi":"Udāna 1.5\nBrāhmaṇasutta","en":"Heartfelt Sayings 1.5\nThe Brahmin"}},{"id":"ud1.5:1","sourceIds":["ud1.5:1.1","ud1.5:1.2","ud1.5:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā ca sāriputto āyasmā ca mahāmoggallāno āyasmā ca mahākassapo āyasmā ca mahākaccāno āyasmā ca mahākoṭṭhiko āyasmā ca mahākappino āyasmā ca mahācundo āyasmā ca anuruddho āyasmā ca revato āyasmā ca nando yena bhagavā tenupasaṅkamiṁsu.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time a number of senior monks approached the Buddha—the venerables Sāriputta, Mahāmoggallāna, Mahākassapa, Mahākaccāna, Mahākoṭṭhita, Mahākappina, Mahācunda, Anuruddha, Revata, and Nanda."}},{"id":"ud1.5:2","sourceIds":["ud1.5:2.1","ud1.5:2.2","ud1.5:2.3","ud1.5:2.4","ud1.5:2.5","ud1.5:2.6"],"kind":"text","text":{"pi":"Addasā kho bhagavā te āyasmante dūratova āgacchante;\ndisvāna bhikkhū āmantesi:\n“ete, bhikkhave, brāhmaṇā āgacchanti;\nete, bhikkhave, brāhmaṇā āgacchantī”ti.\nEvaṁ vutte, aññataro brāhmaṇajātiko bhikkhu bhagavantaṁ etadavoca:\n“kittāvatā nu kho, bhante, brāhmaṇo hoti, katame ca pana brāhmaṇakaraṇā dhammā”ti?","en":"The Buddha saw them coming off in the distance,\nand addressed the mendicants:\n“These, mendicants, are brahmins coming!\nThese are brahmins coming!”\nWhen he said this, a certain mendicant who was brahmin by birth asked the Buddha,\n“Sir, how do you define a brahmin? And what are the things that make one a brahmin?”"}},{"id":"ud1.5:3","sourceIds":["ud1.5:3.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud1.5:4","sourceIds":["ud1.5:4.1","ud1.5:4.2","ud1.5:4.3","ud1.5:4.4","ud1.5:4.5"],"kind":"text","text":{"pi":"“Bāhitvā pāpake dhamme,\nye caranti sadā satā;\nKhīṇasaṁyojanā buddhā,\nte ve lokasmi brāhmaṇā”ti.\nPañcamaṁ.","en":"“Having banished bad qualities,\nthose who live always mindful,\nwith fetters ended, awakened,\nthey are the world’s true brahmins.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud1.5/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}