{"id":"ud2.4","title":"Esteem","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud2.4","title":"Esteem","units":[{"id":"ud2.4:0","sourceIds":["ud2.4:0.1","ud2.4:0.2"],"kind":"text","text":{"pi":"Udāna 2.4\nSakkārasutta","en":"Heartfelt Sayings 2.4\nEsteem"}},{"id":"ud2.4:1","sourceIds":["ud2.4:1.1","ud2.4:1.2","ud2.4:1.3","ud2.4:1.4","ud2.4:1.5","ud2.4:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena bhagavā sakkato hoti garukato mānito pūjito apacito, lābhī cīvarapiṇḍapātasenāsanagilānapaccayabhesajjaparikkhārānaṁ.\nBhikkhusaṅghopi sakkato hoti garukato mānito pūjito apacito, lābhī cīvarapiṇḍapātasenāsanagilānapaccayabhesajjaparikkhārānaṁ.\nAññatitthiyā pana paribbājakā asakkatā honti agarukatā amānitā apūjitā anapacitā, na lābhino cīvarapiṇḍapātasenāsanagilānapaccayabhesajjaparikkhārānaṁ.\nAtha kho te aññatitthiyā paribbājakā bhagavato sakkāraṁ asahamānā bhikkhusaṅghassa ca, gāme ca araññe ca bhikkhū disvā asabbhāhi pharusāhi vācāhi akkosanti paribhāsanti rosenti vihesenti.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time the Buddha was honored, respected, revered, venerated, and esteemed. And he received robes, almsfood, lodgings, and medicines and supplies for the sick.\nAnd the mendicant Saṅgha was also honored, respected, revered, venerated, and esteemed. And they received robes, almsfood, lodgings, and medicines and supplies for the sick.\nBut the wanderers who followed other religions were not honored, respected, revered, venerated, and esteemed. And they didn’t receive robes, almsfood, lodgings, and medicines and supplies for the sick.\nThen those wanderers who followed other religions, unable to bear the esteem of the mendicant Saṅgha, abused, attacked, harassed, and troubled the mendicants in the village and the wilderness."}},{"id":"ud2.4:2","sourceIds":["ud2.4:2.1","ud2.4:2.2","ud2.4:2.3","ud2.4:2.4","ud2.4:2.5"],"kind":"text","text":{"pi":"Atha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“etarahi, bhante, bhagavā sakkato garukato mānito pūjito apacito, lābhī cīvarapiṇḍapātasenāsanagilānapaccayabhesajjaparikkhārānaṁ.\nBhikkhusaṅghopi sakkato garukato mānito pūjito apacito, lābhī cīvarapiṇḍapātasenāsanagilānapaccayabhesajjaparikkhārānaṁ.\nAññatitthiyā pana paribbājakā asakkatā agarukatā amānitā apūjitā anapacitā, na lābhino cīvarapiṇḍapātasenāsanagilānapaccayabhesajjaparikkhārānaṁ.\nAtha kho te, bhante, aññatitthiyā paribbājakā bhagavato sakkāraṁ asahamānā bhikkhusaṅghassa ca, gāme ca araññe ca bhikkhū disvā asabbhāhi pharusāhi vācāhi akkosanti paribhāsanti rosenti vihesantī”ti.","en":"Then several mendicants went up to the Buddha, bowed, sat down to one side, and told him what had happened."}},{"id":"ud2.4:3","sourceIds":["ud2.4:3.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud2.4:4","sourceIds":["ud2.4:4.1","ud2.4:4.2","ud2.4:4.3","ud2.4:4.4","ud2.4:4.5"],"kind":"text","text":{"pi":"“Gāme araññe sukhadukkhaphuṭṭho,\nNevattato no parato dahetha;\nPhusanti phassā upadhiṁ paṭicca,\nNirūpadhiṁ kena phuseyyu phassā”ti.\nCatutthaṁ.","en":"“When struck by pleasure and pain in the village or wilderness,\nregard it not as self or alien.\nContacts strike because of attachment;\nhow would contacts strike one free of attachment?”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud2.4/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}