{"id":"ud2.6","title":"The Pregnant Woman","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud2.6","title":"The Pregnant Woman","units":[{"id":"ud2.6:0","sourceIds":["ud2.6:0.1","ud2.6:0.2"],"kind":"text","text":{"pi":"Udāna 2.6\nGabbhinīsutta","en":"Heartfelt Sayings 2.6\nThe Pregnant Woman"}},{"id":"ud2.6:1","sourceIds":["ud2.6:1.1","ud2.6:1.2","ud2.6:1.3","ud2.6:1.4","ud2.6:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena aññatarassa paribbājakassa daharamāṇavikā pajāpati hoti gabbhinī upavijaññā.\nAtha kho sā paribbājikā taṁ paribbājakaṁ etadavoca:\n“gaccha tvaṁ, brāhmaṇa, telaṁ āhara, yaṁ me vijātāya bhavissatī”ti.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time a certain wanderer had a young brahmin wife who was pregnant and about to give birth.\nShe said to him,\n“Go, brahmin, bring oil for my delivery.”"}},{"id":"ud2.6:2","sourceIds":["ud2.6:2.1","ud2.6:2.2","ud2.6:2.3","ud2.6:2.4","ud2.6:2.5","ud2.6:2.6","ud2.6:2.7","ud2.6:2.8"],"kind":"text","text":{"pi":"Evaṁ vutte, so paribbājako taṁ paribbājikaṁ etadavoca:\n“kuto panāhaṁ, bhoti, telaṁ āharāmī”ti?\nDutiyampi kho sā paribbājikā taṁ paribbājakaṁ etadavoca:\n“gaccha tvaṁ, brāhmaṇa, telaṁ āhara, yaṁ me vijātāya bhavissatī”ti.\nDutiyampi kho so paribbājako taṁ paribbājikaṁ etadavoca:\n“kuto panāhaṁ, bhoti, telaṁ āharāmī”ti?\nTatiyampi kho sā paribbājikā taṁ paribbājakaṁ etadavoca:\n“gaccha tvaṁ, brāhmaṇa, telaṁ āhara, yaṁ me vijātāya bhavissatī”ti.","en":"The wanderer said,\n“But where, my dear, can I get oil?”\nFor a second time, she said,\n“Go, brahmin, bring oil for my delivery.”\nFor a second time, the wanderer said,\n“But where, my dear, can I get oil?”\nFor a third time, she said,\n“Go, brahmin, bring oil for my delivery.”"}},{"id":"ud2.6:3","sourceIds":["ud2.6:3.1"],"kind":"text","text":{"pi":"Tena kho pana samayena rañño pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvadatthaṁ pātuṁ dīyati, no nīharituṁ.","en":"Now at that time ghee and oil were being given away to any ascetic or brahmin at the storehouse of King Pasenadi of Kosala. But it was only to drink there, not to take away."}},{"id":"ud2.6:4","sourceIds":["ud2.6:4.1","ud2.6:4.2","ud2.6:4.3"],"kind":"text","text":{"pi":"Atha kho tassa paribbājakassa etadahosi:\n“rañño kho pana pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvadatthaṁ pātuṁ dīyati, no nīharituṁ.\nYannūnāhaṁ rañño pasenadissa kosalassa koṭṭhāgāraṁ gantvā telassa yāvadatthaṁ pivitvā gharaṁ āgantvā ucchadditvāna dadeyyaṁ, yaṁ imissā vijātāya bhavissatī”ti.","en":"Knowing this, the wanderer thought,\n“Why don’t I go to the king’s storehouse, drink as much oil as I can, then come home and throw it up so it can be used for the delivery?”"}},{"id":"ud2.6:5","sourceIds":["ud2.6:5.1","ud2.6:5.2"],"kind":"text","text":{"pi":"Atha kho so paribbājako rañño pasenadissa kosalassa koṭṭhāgāraṁ gantvā telassa yāvadatthaṁ pivitvā gharaṁ āgantvā neva sakkoti uddhaṁ kātuṁ, na pana adho.\nSo dukkhāhi tibbāhi kharāhi kaṭukāhi vedanāhi phuṭṭho āvaṭṭati parivaṭṭati.","en":"Then he did just that. But when he got home he was unable to either bring it up or pass it out.\nHe rolled to and fro, suffering painful, sharp, severe, acute feelings."}},{"id":"ud2.6:6","sourceIds":["ud2.6:6.1","ud2.6:6.2"],"kind":"text","text":{"pi":"Atha kho bhagavā pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nAddasā kho bhagavā taṁ paribbājakaṁ dukkhāhi tibbāhi kharāhi kaṭukāhi vedanāhi phuṭṭhaṁ āvaṭṭamānaṁ parivaṭṭamānaṁ.","en":"Then the Buddha robed up in the morning and, taking his bowl and robe, entered Sāvatthī for alms.\nHe saw the wanderer in agony."}},{"id":"ud2.6:7","sourceIds":["ud2.6:7.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud2.6:8","sourceIds":["ud2.6:8.1","ud2.6:8.2","ud2.6:8.3","ud2.6:8.4","ud2.6:8.5"],"kind":"text","text":{"pi":"“Sukhino vata ye akiñcanā,\nVedaguno hi janā akiñcanā;\nSakiñcanaṁ passa vihaññamānaṁ,\nJano janasmiṁ paṭibandhacitto”ti.\nChaṭṭhaṁ.","en":"“Oh! How happy are those with nothing!\nHence knowledge masters are people with nothing.\nSee how troubled are those with attachments,\na person bound tight to people.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud2.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}