{"id":"ud2.8","title":"Suppavāsā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud2.8","title":"Suppavāsā","units":[{"id":"ud2.8:0","sourceIds":["ud2.8:0.1","ud2.8:0.2"],"kind":"text","text":{"pi":"Udāna 2.8\nSuppavāsāsutta","en":"Heartfelt Sayings 2.8\nSuppavāsā"}},{"id":"ud2.8:1","sourceIds":["ud2.8:1.1","ud2.8:1.2","ud2.8:1.3","ud2.8:1.4","ud2.8:1.5","ud2.8:1.6","ud2.8:1.7"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kuṇḍikāyaṁ viharati kuṇḍadhānavane.\nTena kho pana samayena suppavāsā koliyadhītā satta vassāni gabbhaṁ dhāreti.\nSattāhaṁ mūḷhagabbhā sā dukkhāhi tibbāhi kharāhi kaṭukāhi vedanāhi phuṭṭhā tīhi vitakkehi adhivāseti:\n“sammāsambuddho vata so bhagavā yo imassa evarūpassa dukkhassa pahānāya dhammaṁ deseti;\nsuppaṭipanno vata tassa bhagavato sāvakasaṅgho yo imassa evarūpassa dukkhassa pahānāya paṭipanno;\nsusukhaṁ vata taṁ nibbānaṁ yatthidaṁ evarūpaṁ dukkhaṁ na saṁvijjatī”ti.","en":"So I have heard.\nAt one time the Buddha was staying near Kuṇḍiyā in the Kuṇḍadhāna Grove.\nNow at that time Suppavāsā the Koliyan had been pregnant for seven years, and in obstructed labor for seven days.\nWhile suffering painful, sharp, severe, acute feelings, three thoughts helped her endure:\n“Oh! The Blessed One is indeed a fully awakened Buddha, who teaches the Dhamma for giving up suffering such as this.\nOh! The Saṅgha of the Buddha’s disciples is indeed practicing well, who practice for giving up suffering such as this.\nOh! Extinguishment is so very blissful, where such suffering as this is not found.”"}},{"id":"ud2.8:2","sourceIds":["ud2.8:2.1","ud2.8:2.2","ud2.8:2.3","ud2.8:2.4","ud2.8:2.5","ud2.8:2.6","ud2.8:2.7","ud2.8:2.8","ud2.8:2.9"],"kind":"text","text":{"pi":"Atha kho suppavāsā koliyadhītā sāmikaṁ āmantesi:\n“ehi tvaṁ, ayyaputta, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi; appābādhaṁ appātaṅkaṁ lahuṭṭhānaṁ balaṁ phāsuvihāraṁ puccha:\n‘suppavāsā, bhante, koliyadhītā bhagavato pāde sirasā vandati; appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchatī’ti.\nEvañca vadehi:\n‘suppavāsā, bhante, koliyadhītā satta vassāni gabbhaṁ dhāreti.\nSattāhaṁ mūḷhagabbhā sā dukkhāhi tibbāhi kharāhi kaṭukāhi vedanāhi phuṭṭhā tīhi vitakkehi adhivāseti—\nsammāsambuddho vata so bhagavā yo imassa evarūpassa dukkhassa pahānāya dhammaṁ deseti;\nsuppaṭipanno vata tassa bhagavato sāvakasaṅgho yo imassa evarūpassa dukkhassa pahānāya paṭipanno;\nsusukhaṁ vata taṁ nibbānaṁ yatthidaṁ evarūpaṁ dukkhaṁ na saṁvijjatī’”ti.","en":"Then Suppavāsā addressed her husband,\n“Please, master, go to the Buddha, and in my name bow with your head to his feet. Ask him if he is healthy and well, nimble, strong, and living comfortably.\nAnd then say:\n‘Suppavāsā the Koliyan has been pregnant for seven years, and in obstructed labor for seven days.\nWhile suffering painful, sharp, severe, acute feelings, three thoughts help her endure:\n“Oh! The Blessed One is indeed a fully awakened Buddha, who teaches the Dhamma for giving up suffering such as this.\nOh! The Saṅgha of the Buddha’s disciples is indeed practicing well, who practice for giving up suffering such as this.\nOh! Extinguishment is so very blissful, where such suffering as this is not found.”’”"}},{"id":"ud2.8:3","sourceIds":["ud2.8:3.1","ud2.8:3.2","ud2.8:3.3","ud2.8:3.4","ud2.8:3.5","ud2.8:3.6","ud2.8:3.7","ud2.8:3.8","ud2.8:3.9"],"kind":"text","text":{"pi":"“Paraman”ti kho so koliyaputto suppavāsāya koliyadhītāya paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho koliyaputto bhagavantaṁ etadavoca:\n“suppavāsā, bhante, koliyadhītā bhagavato pāde sirasā vandati, appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchati;\nevañca vadeti:\n‘suppavāsā, bhante, koliyadhītā satta vassāni gabbhaṁ dhāreti.\nSattāhaṁ mūḷhagabbhā sā dukkhāhi tibbāhi kharāhi kaṭukāhi vedanāhi phuṭṭhā tīhi vitakkehi adhivāseti—\nsammāsambuddho vata so bhagavā yo imassa evarūpassa dukkhassa pahānāya dhammaṁ deseti;\nsuppaṭipanno vata tassa bhagavato sāvakasaṅgho yo imassa evarūpassa dukkhassa pahānāya paṭipanno;\nsusukhaṁ vata nibbānaṁ yatthidaṁ evarūpaṁ dukkhaṁ na saṁvijjatī’”ti.","en":"“Excellent idea,” he replied. He went to the Buddha and told him of his wife’s struggles. The Buddha said:"}},{"id":"ud2.8:4","sourceIds":["ud2.8:4.1","ud2.8:4.2"],"kind":"text","text":{"pi":"“Sukhinī hotu suppavāsā koliyadhītā; arogā arogaṁ puttaṁ vijāyatū”ti.\nSaha vacanā ca pana bhagavato suppavāsā koliyadhītā sukhinī arogā arogaṁ puttaṁ vijāyi.","en":"“May Suppavāsā the Koliyan be happy and healthy! May she give birth to a healthy child!”\nAs soon as he spoke, Suppavāsā, happy and healthy, gave birth to a healthy child."}},{"id":"ud2.8:5","sourceIds":["ud2.8:5.1","ud2.8:5.2","ud2.8:5.3","ud2.8:5.4","ud2.8:5.5"],"kind":"text","text":{"pi":"“Evaṁ, bhante”ti kho so koliyaputto bhagavato bhāsitaṁ abhinanditvā anumoditvā uṭṭhāyāsanā bhagavantaṁ abhivādetvā padakkhiṇaṁ katvā yena sakaṁ gharaṁ tena paccāyāsi.\nAddasā kho so koliyaputto suppavāsaṁ koliyadhītaraṁ sukhiniṁ arogaṁ arogaṁ puttaṁ vijātaṁ.\nDisvānassa etadahosi:\n“acchariyaṁ vata bho, abbhutaṁ vata bho, tathāgatassa mahiddhikatā mahānubhāvatā, yatra hi nāmāyaṁ suppavāsā koliyadhītā saha vacanā ca pana bhagavato sukhinī arogā arogaṁ puttaṁ vijāyissatī”ti.\nAttamano pamudito pītisomanassajāto ahosi.","en":"Saying “Yes, sir,” the Koliyan gentleman approved and agreed with what the Buddha said. He got up from his seat, bowed and respectfully circled the Buddha, keeping him on his right. Then he returned to his own house.\nHe saw that his wife, happy and healthy, had given birth to a healthy child,\nand thought,\n“Oh lord, how incredible, how amazing! The Realized One has such psychic power and might! For as soon as he spoke, Suppavāsā, happy and healthy, gave birth to a healthy child.”\nHe became uplifted and overjoyed, full of rapture and happiness."}},{"id":"ud2.8:6","sourceIds":["ud2.8:6.1","ud2.8:6.2","ud2.8:6.3","ud2.8:6.4","ud2.8:6.5","ud2.8:6.6","ud2.8:6.7","ud2.8:6.8"],"kind":"text","text":{"pi":"Atha kho suppavāsā koliyadhītā sāmikaṁ āmantesi:\n“ehi tvaṁ, ayyaputta, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi:\n‘suppavāsā, bhante, koliyadhītā bhagavato pāde sirasā vandatī’ti;\nevañca vadehi:\n‘suppavāsā, bhante, koliyadhītā satta vassāni gabbhaṁ dhāreti.\nSattāhaṁ mūḷhagabbhā sā etarahi sukhinī arogā arogaṁ puttaṁ vijātā.\nSā sattāhaṁ buddhappamukhaṁ bhikkhusaṅghaṁ bhattena nimanteti.\nAdhivāsetu kira, bhante, bhagavā suppavāsāya koliyadhītāya satta bhattāni saddhiṁ bhikkhusaṅghenā’”ti.","en":"Then Suppavāsā addressed her husband,\n“Please, master, go to the Buddha, and in my name bow with your head to his feet.\nAnd then say,\n‘Suppavāsā the Koliyan, who was pregnant for seven years, and in obstructed labor for seven days,\nis now happy and healthy and has given birth to a healthy child.\nShe invites the mendicant Saṅgha headed by the Buddha to a meal for seven days.\nSir, would the Buddha please accept seven meals from Suppavāsā?’”"}},{"id":"ud2.8:7","sourceIds":["ud2.8:7.1","ud2.8:7.2"],"kind":"text","text":{"pi":"“Paraman”ti kho so koliyaputto suppavāsāya koliyadhītāya paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho so koliyaputto bhagavantaṁ etadavoca:","en":"“Excellent idea,” he replied. He went to the Buddha, told him the good news, and conveyed his wife’s invitation."}},{"id":"ud2.8:8","sourceIds":["ud2.8:8.1","ud2.8:8.2","ud2.8:8.3","ud2.8:8.4","ud2.8:8.5","ud2.8:8.6"],"kind":"text","text":{"pi":"“Suppavāsā, bhante, koliyadhītā bhagavato pāde sirasā vandati;\nevañca vadeti:\n‘suppavāsā, bhante, koliyadhītā satta vassāni gabbhaṁ dhāreti.\nSattāhaṁ mūḷhagabbhā sā etarahi sukhinī arogā arogaṁ puttaṁ vijātā.\nSā sattāhaṁ buddhappamukhaṁ bhikkhusaṅghaṁ bhattena nimanteti.\nAdhivāsetu kira, bhante, bhagavā suppavāsāya koliyadhītāya satta bhattāni saddhiṁ bhikkhusaṅghenā’”ti."}},{"id":"ud2.8:9","sourceIds":["ud2.8:9.1","ud2.8:9.2","ud2.8:9.3","ud2.8:9.4","ud2.8:9.5","ud2.8:9.6","ud2.8:9.7","ud2.8:9.8","ud2.8:9.9"],"kind":"text","text":{"pi":"Tena kho pana samayena aññatarena upāsakena buddhappamukho bhikkhusaṅgho svātanāya bhattena nimantito hoti.\nSo ca upāsako āyasmato mahāmoggallānassa upaṭṭhāko hoti.\nAtha kho bhagavā āyasmantaṁ mahāmoggallānaṁ āmantesi:\n“ehi tvaṁ, moggallāna, yena so upāsako tenupasaṅkama; upasaṅkamitvā taṁ upāsakaṁ evaṁ vadehi:\n‘suppavāsā, āvuso, koliyadhītā satta vassāni gabbhaṁ dhāresi.\nSattāhaṁ mūḷhagabbhā sā etarahi sukhinī arogā arogaṁ puttaṁ vijātā.\nSā sattāhaṁ buddhappamukhaṁ bhikkhusaṅghaṁ bhattena nimanteti.\nKarotu suppavāsā koliyadhītā satta bhattāni, pacchā tvaṁ karissasī’ti.\nTuyheso upaṭṭhāko”ti.","en":"Now at that time a certain lay follower had already invited the Saṅgha of monks headed by the Buddha for the meal on the following day.\nThat lay follower was Venerable Mahāmoggallāna’s supporter.\nThen the Buddha addressed Venerable Mahāmoggallāna,\n“Please, Moggallāna, go to that lay follower and say to him,\n‘Suppavāsā the Koliyan, who was pregnant for seven years, and in obstructed labor for seven days,\nis now happy and healthy and has given birth to a healthy child.\nShe invites the mendicant Saṅgha headed by the Buddha to a meal for seven days.\nLet Suppavāsā make seven meals, afterwards you can make yours.’\nHe is your supporter.”"}},{"id":"ud2.8:10","sourceIds":["ud2.8:10.1","ud2.8:10.2","ud2.8:10.3","ud2.8:10.4","ud2.8:10.5"],"kind":"text","text":{"pi":"“Evaṁ, bhante”ti kho āyasmā mahāmoggallāno bhagavato paṭissutvā yena so upāsako tenupasaṅkami; upasaṅkamitvā taṁ upāsakaṁ etadavoca:\n“suppavāsā, āvuso, koliyadhītā satta vassāni gabbhaṁ dhāreti.\nSattāhaṁ mūḷhagabbhā sā etarahi sukhinī arogā arogaṁ puttaṁ vijātā.\nSā sattāhaṁ buddhappamukhaṁ bhikkhusaṅghaṁ bhattena nimanteti.\nKarotu suppavāsā koliyadhītā satta bhattāni, pacchā tvaṁ karissasī”ti.","en":"“Yes, sir,” replied Mahāmoggallāna. He went to that lay follower and conveyed the Buddha’s request."}},{"id":"ud2.8:11","sourceIds":["ud2.8:11.1","ud2.8:11.2","ud2.8:11.3","ud2.8:11.4","ud2.8:11.5","ud2.8:11.6"],"kind":"text","text":{"pi":"“Sace me, bhante, ayyo mahāmoggallāno tiṇṇaṁ dhammānaṁ pāṭibhogo—\nbhogānañca jīvitassa ca saddhāya ca,\nkarotu suppavāsā koliyadhītā satta bhattāni, pacchāhaṁ karissāmī”ti.\n“Dvinnaṁ kho te ahaṁ, āvuso, dhammānaṁ pāṭibhogo—\nbhogānañca jīvitassa ca.\nSaddhāya pana tvaṁyeva pāṭibhogo”ti.","en":"“If, sir, Master Mahāmoggallāna can guarantee me three things—\nwealth, life, and faith—\nthen let Suppavāsā make seven meals, afterwards I shall make mine.”\n“I can guarantee you two things—\nwealth and life.\nBut as for faith, you alone are the guarantor.”"}},{"id":"ud2.8:12","sourceIds":["ud2.8:12.1","ud2.8:12.2","ud2.8:12.3"],"kind":"text","text":{"pi":"“Sace me, bhante, ayyo mahāmoggallāno dvinnaṁ dhammānaṁ pāṭibhogo—\nbhogānañca jīvitassa ca,\nkarotu suppavāsā koliyadhītā satta bhattāni, pacchāhaṁ karissāmī”ti.","en":"“If, sir Master Mahāmoggallāna can guarantee me two things—\nwealth and life—\nthen let Suppavāsā make seven meals, afterwards I shall make mine.”"}},{"id":"ud2.8:13","sourceIds":["ud2.8:13.1","ud2.8:13.2","ud2.8:13.3"],"kind":"text","text":{"pi":"Atha kho āyasmā mahāmoggallāno taṁ upāsakaṁ saññāpetvā yena bhagavā tenupasaṅkami; upasaṅkamitvā bhagavantaṁ etadavoca:\n“saññatto, bhante, so upāsako mayā;\nkarotu suppavāsā koliyadhītā satta bhattāni, pacchā so karissatī”ti.","en":"Having persuaded that lay follower, Mahāmoggallāna went to the Buddha and said,\n“I’ve persuaded the lay follower.\nLet Suppavāsā make seven meals, afterwards he shall make his.”"}},{"id":"ud2.8:14","sourceIds":["ud2.8:14.1","ud2.8:14.2"],"kind":"text","text":{"pi":"Atha kho suppavāsā koliyadhītā sattāhaṁ buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappesi sampavāresi,\ntañca dārakaṁ bhagavantaṁ vandāpesi sabbañca bhikkhusaṅghaṁ.","en":"For seven days Suppavāsā served and satisfied the mendicant Saṅgha headed by the Buddha with her own hands with delicious fresh and cooked foods.\nAnd she made her little boy bow to the Buddha and the mendicant Saṅgha."}},{"id":"ud2.8:15","sourceIds":["ud2.8:15.1","ud2.8:15.2","ud2.8:15.3","ud2.8:15.4"],"kind":"text","text":{"pi":"Atha kho āyasmā sāriputto taṁ dārakaṁ etadavoca:\n“kacci te, dāraka, khamanīyaṁ, kacci yāpanīyaṁ, kacci na kiñci dukkhan”ti?\n“Kuto me, bhante sāriputta, khamanīyaṁ, kuto yāpanīyaṁ.\nSatta me vassāni lohitakumbhiyaṁ vutthānī”ti.","en":"Then Sāriputta said to the boy,\n“I hope you’re keeping well, little boy, I hope you’re all right. I hope you are not in pain.”\n“How could I be keeping well? How could I be getting by?\nFor seven years I lived in a pot of blood.”"}},{"id":"ud2.8:16","sourceIds":["ud2.8:16.1","ud2.8:16.2","ud2.8:16.3","ud2.8:16.4","ud2.8:16.5"],"kind":"text","text":{"pi":"Atha kho suppavāsā koliyadhītā:\n“putto me dhammasenāpatinā saddhiṁ mantetī”ti attamanā pamuditā pītisomanassajātā ahosi.\nAtha kho bhagavā suppavāsaṁ koliyadhītaraṁ attamanaṁ pamuditaṁ pītisomanassajātaṁ viditvā suppavāsaṁ koliyadhītaraṁ etadavoca:\n“iccheyyāsi tvaṁ, suppavāse, aññampi evarūpaṁ puttan”ti?\n“Iccheyyāmahaṁ, bhagavā, aññānipi evarūpāni satta puttānī”ti.","en":"Then Suppavāsā, thinking,\n“My child is conversing with the General of the Dhamma!” was uplifted and overjoyed, full of rapture and happiness.\nKnowing this, the Buddha said to her,\n“Would you like to have another child like this?”\n“Sir, I would like to have seven more children like this!”"}},{"id":"ud2.8:17","sourceIds":["ud2.8:17.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud2.8:18","sourceIds":["ud2.8:18.1","ud2.8:18.2","ud2.8:18.3","ud2.8:18.4","ud2.8:18.5"],"kind":"text","text":{"pi":"“Asātaṁ sātarūpena,\npiyarūpena appiyaṁ;\nDukkhaṁ sukhassa rūpena,\npamattamativattatī”ti.\nAṭṭhamaṁ.","en":"“Pain in the guise of pleasure,\nthe disliked in the guise of the liked,\nsuffering in the guise of happiness,\noverpower the negligent.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud2.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}