{"id":"ud3.3","title":"With Yasoja","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud3.3","title":"With Yasoja","units":[{"id":"ud3.3:0","sourceIds":["ud3.3:0.1","ud3.3:0.2"],"kind":"text","text":{"pi":"Udāna 3.3\nYasojasutta","en":"Heartfelt Sayings 3.3\nWith Yasoja"}},{"id":"ud3.3:1","sourceIds":["ud3.3:1.1","ud3.3:1.2","ud3.3:1.3","ud3.3:1.4"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena yasojappamukhāni pañcamattāni bhikkhusatāni sāvatthiṁ anuppattāni honti bhagavantaṁ dassanāya.\nTedha kho āgantukā bhikkhū nevāsikehi bhikkhūhi saddhiṁ paṭisammodamānā senāsanāni paññāpayamānā pattacīvarāni paṭisāmayamānā uccāsaddā mahāsaddā ahesuṁ.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time five hundred mendicants headed by Yasoja arrived at Sāvatthī to see the Buddha.\nAt that, those visiting mendicants, while exchanging pleasantries with the resident mendicants, preparing their lodgings, and putting away their bowls and robes, made a colossal racket."}},{"id":"ud3.3:2","sourceIds":["ud3.3:2.1","ud3.3:2.2","ud3.3:2.3","ud3.3:2.4","ud3.3:2.5","ud3.3:2.6"],"kind":"text","text":{"pi":"Atha kho bhagavā āyasmantaṁ ānandaṁ āmantesi:\n“ke panete, ānanda, uccāsaddā mahāsaddā kevaṭṭā maññe macchavilope”ti?\n“Etāni, bhante, yasojappamukhāni pañcamattāni bhikkhusatāni sāvatthiṁ anuppattāni bhagavantaṁ dassanāya.\nTete āgantukā bhikkhū nevāsikehi bhikkhūhi saddhiṁ paṭisammodamānā senāsanāni paññāpayamānā pattacīvarāni paṭisāmayamānā uccāsaddā mahāsaddā”ti.\n“Tenahānanda, mama vacanena te bhikkhū āmantehi:\n‘satthā āyasmante āmantetī’”ti.","en":"Then the Buddha said to Venerable Ānanda,\n“Ānanda, who’s making that colossal racket? You’d think it was fishermen hauling in a catch!”\n“Sir, those five hundred mendicants headed by Yasoja have arrived at Sāvatthī to see the Buddha.\nIt’s those visiting mendicants who, while exchanging pleasantries with the resident mendicants, preparing their lodgings, and putting away their bowls and robes, made a colossal racket.”\n“Well then, Ānanda, in my name tell those mendicants that\nthe Teacher summons them.”"}},{"id":"ud3.3:3","sourceIds":["ud3.3:3.1","ud3.3:3.2","ud3.3:3.3"],"kind":"text","text":{"pi":"“Evaṁ, bhante”ti kho āyasmā ānando bhagavato paṭissutvā yena te bhikkhū tenupasaṅkami; upasaṅkamitvā te bhikkhū etadavoca:\n“satthā āyasmante āmantetī”ti.\n“Evamāvuso”ti kho te bhikkhū āyasmato ānandassa paṭissutvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinne kho te bhikkhū bhagavā etadavoca:","en":"“Yes, sir,” Ānanda replied. He went to those mendicants and said,\n“Venerables, the Teacher summons you.”\n“Yes, reverend,” replied those mendicants. Then they rose from their seats and went to the Buddha, bowed, and sat down to one side. The Buddha said to them,"}},{"id":"ud3.3:4","sourceIds":["ud3.3:4.1","ud3.3:4.2","ud3.3:4.3","ud3.3:4.4","ud3.3:4.5"],"kind":"text","text":{"pi":"“Kiṁ nu tumhe, bhikkhave, uccāsaddā mahāsaddā, kevaṭṭā maññe macchavilope”ti?\nEvaṁ vutte, āyasmā yasojo bhagavantaṁ etadavoca:\n“imāni, bhante, pañcamattāni bhikkhusatāni sāvatthiṁ anuppattāni bhagavantaṁ dassanāya.\nTeme āgantukā bhikkhū nevāsikehi bhikkhūhi saddhiṁ paṭisammodamānā senāsanāni paññāpayamānā pattacīvarāni paṭisāmayamānā uccāsaddā mahāsaddā”ti.\n“Gacchatha, bhikkhave, paṇāmemi vo; na vo mama santike vatthabban”ti.","en":"“Mendicants, what’s with that colossal racket? You’d think it was fishermen hauling in a catch!”\nWhen he said this, Venerable Yasoja said to the Buddha,\n“Sir, these five hundred mendicants have arrived at Sāvatthī to see the Buddha.\nIt’s these visiting mendicants who, while exchanging pleasantries with the resident mendicants, preparing their lodgings, and putting away their bowls and robes, made a colossal racket.”\n“Go away, mendicants, I dismiss you. You are not to stay in my presence.”"}},{"id":"ud3.3:5","sourceIds":["ud3.3:5.1","ud3.3:5.2"],"kind":"text","text":{"pi":"“Evaṁ, bhante”ti kho te bhikkhū bhagavato paṭissutvā uṭṭhāyāsanā bhagavantaṁ abhivādetvā padakkhiṇaṁ katvā senāsanaṁ saṁsāmetvā pattacīvaramādāya yena vajjī tena cārikaṁ pakkamiṁsu.\nVajjīsu anupubbena cārikaṁ caramānā yena vaggumudā nadī tenupasaṅkamiṁsu; upasaṅkamitvā vaggumudāya nadiyā tīre paṇṇakuṭiyo karitvā vassaṁ upagacchiṁsu.","en":"“Yes, sir,” replied those mendicants. They got up from their seats, bowed and respectfully circled the Buddha, keeping him on their right. They set their lodgings in order and left, taking their bowls and robes.\nTraveling stage by stage in the land of the Vajjis, they arrived at the Vaggumudā River. They built leaf huts near the riverbank and there they entered the rainy season."}},{"id":"ud3.3:6","sourceIds":["ud3.3:6.1","ud3.3:6.2","ud3.3:6.3","ud3.3:6.4","ud3.3:6.5"],"kind":"text","text":{"pi":"Atha kho āyasmā yasojo vassūpagato bhikkhū āmantesi:\n“bhagavatā mayaṁ, āvuso, paṇāmitā atthakāmena hitesinā, anukampakena anukampaṁ upādāya.\nHanda mayaṁ, āvuso, tathā vihāraṁ kappema yathā no viharataṁ bhagavā attamano assā”ti.\n“Evamāvuso”ti kho te bhikkhū āyasmato yasojassa paccassosuṁ.\nAtha kho te bhikkhū vūpakaṭṭhā appamattā ātāpino pahitattā viharantā tenevantaravassena sabbeva tisso vijjā sacchākaṁsu.","en":"Then Venerable Yasoja, having entered the rainy season, addressed the mendicants:\n“Out of sympathy, reverends, the Buddha dismissed us, wanting what’s best for us.\nCome, let us live in such a way that the Buddha would be pleased with us.”\n“Yes, reverend,” they replied.\nThen those mendicants, living alone, withdrawn, diligent, keen, and resolute, all realized the three knowledges in that same rainy season."}},{"id":"ud3.3:7","sourceIds":["ud3.3:7.1","ud3.3:7.2","ud3.3:7.3"],"kind":"text","text":{"pi":"Atha kho bhagavā sāvatthiyaṁ yathābhirantaṁ viharitvā yena vesālī tena cārikaṁ pakkāmi.\nAnupubbena cārikaṁ caramāno yena vesālī tadavasari.\nTatra sudaṁ bhagavā vesāliyaṁ viharati mahāvane kūṭāgārasālāyaṁ.","en":"When the Buddha had stayed in Sāvatthī as long as he pleased, he set out for Vesālī.\nTraveling stage by stage, he arrived at Vesālī,\nwhere he stayed in the hall with the peaked roof."}},{"id":"ud3.3:8","sourceIds":["ud3.3:8.1","ud3.3:8.2","ud3.3:8.3","ud3.3:8.4","ud3.3:8.5"],"kind":"text","text":{"pi":"Atha kho bhagavā vaggumudātīriyānaṁ bhikkhūnaṁ cetasā ceto paricca manasi karitvā āyasmantaṁ ānandaṁ āmantesi:\n“ālokajātā viya me, ānanda, esā disā, obhāsajātā viya me, ānanda, esā disā;\nyassaṁ disāyaṁ vaggumudātīriyā bhikkhū viharanti gantuṁ appaṭikūlāsi me manasi kātuṁ.\nPahiṇeyyāsi tvaṁ, ānanda, vaggumudātīriyānaṁ bhikkhūnaṁ santike dūtaṁ:\n‘satthā āyasmante āmanteti, satthā āyasmantānaṁ dassanakāmo’”ti.","en":"Then, having applied his mind to comprehending the minds of the mendicants staying on the bank of the Vaggumudā River, the Buddha said to Venerable Ānanda,\n“A light, it appears to me, has arisen in this quarter, Ānanda; a brightness has arisen.\nI’m not put off at the thought of going to where the mendicants are staying on the bank of the Vaggumudā River.\nSend a message to those mendicants:\n‘Venerables, the Teacher summons you. He wants to see you.’”"}},{"id":"ud3.3:9","sourceIds":["ud3.3:9.1","ud3.3:9.2","ud3.3:9.3"],"kind":"text","text":{"pi":"“Evaṁ, bhante”ti kho āyasmā ānando bhagavato paṭissutvā yena aññataro bhikkhu tenupasaṅkami; upasaṅkamitvā taṁ bhikkhuṁ etadavoca:\n“ehi tvaṁ, āvuso, yena vaggumudātīriyā bhikkhū tenupasaṅkama; upasaṅkamitvā vaggumudātīriye bhikkhū evaṁ vadehi:\n‘satthā āyasmante āmanteti, satthā āyasmantānaṁ dassanakāmo’”ti.","en":"“Yes, sir,” Ānanda replied. He went to one of the mendicants and said,\n“Please, Reverend, go to the mendicants staying on the bank of the Vaggumudā River and say to them,\n‘Venerables, the Teacher summons you. He wants to see you.’”"}},{"id":"ud3.3:10","sourceIds":["ud3.3:10.1","ud3.3:10.2","ud3.3:10.3","ud3.3:10.4"],"kind":"text","text":{"pi":"“Evamāvuso”ti kho so bhikkhu āyasmato ānandassa paṭissutvā—\nseyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evamevaṁ—mahāvane kūṭāgārasālāyaṁ antarahito vaggumudāya nadiyā tīre tesaṁ bhikkhūnaṁ purato pāturahosi.\nAtha kho so bhikkhu vaggumudātīriye bhikkhū etadavoca:\n“satthā āyasmante āmanteti, satthā āyasmantānaṁ dassanakāmo”ti.","en":"“Yes, reverend,” replied that mendicant.\nThen, as easily as a strong person would extend or contract their arm, he vanished from the Great Wood, in the hall with the peaked roof, and reappeared in front of those mendicants on the bank of the Vaggumudā River.\nThen he said to those mendicants,\n“Venerables, the Teacher summons you. He wants to see you.”"}},{"id":"ud3.3:11","sourceIds":["ud3.3:11.1","ud3.3:11.2","ud3.3:11.3","ud3.3:11.4","ud3.3:11.5","ud3.3:11.6","ud3.3:11.7","ud3.3:11.8"],"kind":"text","text":{"pi":"“Evamāvuso”ti kho te bhikkhū tassa bhikkhuno paṭissutvā senāsanaṁ saṁsāmetvā pattacīvaramādāya—\nseyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evamevaṁ—vaggumudāya nadiyā tīre antarahitā mahāvane kūṭāgārasālāyaṁ bhagavato sammukhe pāturahesuṁ.\nTena kho pana samayena bhagavā āneñjena samādhinā nisinno hoti.\nAtha kho tesaṁ bhikkhūnaṁ etadahosi:\n“katamena nu kho bhagavā vihārena etarahi viharatī”ti?\nAtha kho tesaṁ bhikkhūnaṁ etadahosi:\n“āneñjena kho bhagavā vihārena etarahi viharatī”ti.\nSabbeva āneñjasamādhinā nisīdiṁsu.","en":"“Yes, reverend,” replied those mendicants. They set their lodgings in order and took their bowls and robes.\nThen, as easily as a strong person would extend or contract their arm, they vanished from the bank of the Vaggumudā River, and reappeared in the presence of the Buddha in the Great Wood, in the hall with the peaked roof.\nBut at that time the Buddha was sitting immersed in imperturbable meditation.\nThen those mendicants thought,\n“What kind of meditation is the Buddha practicing right now?”\nThey thought,\n“He is practicing the imperturbable meditation.”\nThey all sat in imperturbable meditation."}},{"id":"ud3.3:12","sourceIds":["ud3.3:12.1","ud3.3:12.2","ud3.3:12.3","ud3.3:12.4"],"kind":"text","text":{"pi":"Atha kho āyasmā ānando abhikkantāya rattiyā, nikkhante paṭhame yāme, uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:\n“abhikkantā, bhante, ratti; nikkhanto paṭhamo yāmo; ciranisinnā āgantukā bhikkhū;\npaṭisammodatu, bhante, bhagavā āgantukehi bhikkhūhī”ti.\nEvaṁ vutte, bhagavā tuṇhī ahosi.","en":"And then, as the night was getting late, in the first watch of the night, Venerable Ānanda rose from his seat, arranged his robe over one shoulder, raised his cupped palms toward the Buddha and said,\n“Sir, the night is getting late. It is the first watch of the night, and the visiting mendicants have been sitting long.\nSir, please greet the visiting mendicants.”\nBut the Buddha kept silent."}},{"id":"ud3.3:13","sourceIds":["ud3.3:13.1","ud3.3:13.2","ud3.3:13.3","ud3.3:13.4","ud3.3:13.5","ud3.3:13.6"],"kind":"text","text":{"pi":"Dutiyampi kho āyasmā ānando abhikkantāya rattiyā, nikkhante majjhime yāme, uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:\n“abhikkantā, bhante, ratti;\nnikkhanto majjhimo yāmo;\nciranisinnā āgantukā bhikkhū;\npaṭisammodatu, bhante, bhagavā āgantukehi bhikkhūhī”ti.\nDutiyampi kho bhagavā tuṇhī ahosi.","en":"For a second time, as the night was getting late, in the middle watch of the night, Ānanda rose from his seat, arranged his robe over one shoulder, raised his cupped palms toward the Buddha and said,\n“Sir, the night is getting late. It is the second watch of the night, and the visiting mendicants have been sitting long.\nSir, please greet the visiting mendicants.”\nBut for a second time the Buddha kept silent."}},{"id":"ud3.3:14","sourceIds":["ud3.3:14.1","ud3.3:14.2","ud3.3:14.3","ud3.3:14.4","ud3.3:14.5","ud3.3:14.6","ud3.3:14.7"],"kind":"text","text":{"pi":"Tatiyampi kho āyasmā ānando abhikkantāya rattiyā, nikkhante pacchime yāme, uddhaste aruṇe, nandimukhiyā rattiyā uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca:\n“abhikkantā, bhante, ratti;\nnikkhanto pacchimo yāmo;\nuddhasto aruṇo;\nnandimukhī ratti;\nciranisinnā āgantukā bhikkhū;\npaṭisammodatu, bhante, bhagavā, āgantukehi bhikkhūhī”ti.","en":"For a third time, as the night was getting late, in the last watch of the night, as dawn stirred, bringing joy to the night, Ānanda rose from his seat, arranged his robe over one shoulder, raised his cupped palms toward the Buddha and said,\n“Sir, the night is getting late. It is the last watch of the night; dawn stirs, bringing joy to the night, and the visiting mendicants have been sitting long.\nSir, please greet the visiting mendicants.”"}},{"id":"ud3.3:15","sourceIds":["ud3.3:15.1","ud3.3:15.2","ud3.3:15.3"],"kind":"text","text":{"pi":"Atha kho bhagavā tamhā samādhimhā vuṭṭhahitvā āyasmantaṁ ānandaṁ āmantesi:\n“sace kho tvaṁ, ānanda, jāneyyāsi ettakampi te nappaṭibhāseyya.\nAhañca, ānanda, imāni ca pañca bhikkhusatāni sabbeva āneñjasamādhinā nisīdimhā”ti.","en":"Then the Buddha emerged from that immersion and addressed Ānanda,\n“If you’d known, Ānanda, you wouldn’t have said so much.\nBoth I and these five hundred mendicants have been sitting in imperturbable meditation.”"}},{"id":"ud3.3:16","sourceIds":["ud3.3:16.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud3.3:17","sourceIds":["ud3.3:17.1","ud3.3:17.2","ud3.3:17.3","ud3.3:17.4","ud3.3:17.5"],"kind":"text","text":{"pi":"“Yassa jito kāmakaṇḍako,\nAkkoso ca vadho ca bandhanañca;\nPabbatova so ṭhito anejo,\nSukhadukkhesu na vedhatī sa bhikkhū”ti.\nTatiyaṁ.","en":"“A mendicant who has beaten the thorn of sensuality—\nand abuse, killing, and caging—\nsteady as a mountain, imperturbable,\ntrembles not at pleasure and pain.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud3.3/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}