{"id":"ud3.7","title":"Sakka’s Heartfelt Saying","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud3.7","title":"Sakka’s Heartfelt Saying","units":[{"id":"ud3.7:0","sourceIds":["ud3.7:0.1","ud3.7:0.2"],"kind":"text","text":{"pi":"Udāna 3.7\nSakkudānasutta","en":"Heartfelt Sayings 3.7\nSakka’s Heartfelt Saying"}},{"id":"ud3.7:1","sourceIds":["ud3.7:1.1","ud3.7:1.2","ud3.7:1.3","ud3.7:1.4","ud3.7:1.5","ud3.7:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena āyasmā mahākassapo pippaliguhāyaṁ viharati, sattāhaṁ ekapallaṅkena nisinno hoti aññataraṁ samādhiṁ samāpajjitvā.\nAtha kho āyasmā mahākassapo tassa sattāhassa accayena tamhā samādhimhā vuṭṭhāsi.\nAtha kho āyasmato mahākassapassa tamhā samādhimhā vuṭṭhitassa etadahosi:\n“yannūnāhaṁ rājagahaṁ piṇḍāya paviseyyan”ti.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nNow at that time Venerable Mahākassapa was staying in the Pipphali cave. Having entered a certain state of immersion, he sat cross-legged for seven days without moving.\nWhen seven days had passed, Mahākassapa emerged from that state of immersion.\nIt occurred to him,\n“Why not enter Rājagaha for almsfood?”"}},{"id":"ud3.7:2","sourceIds":["ud3.7:2.1","ud3.7:2.2","ud3.7:2.3"],"kind":"text","text":{"pi":"Tena kho pana samayena pañcamattāni devatāsatāni ussukkaṁ āpannāni honti āyasmato mahākassapassa piṇḍapātapaṭilābhāya.\nAtha kho āyasmā mahākassapo tāni pañcamattāni devatāsatāni paṭikkhipitvā pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisi.\nTena kho pana samayena sakko devānamindo āyasmato mahākassapassa piṇḍapātaṁ dātukāmo hoti.","en":"Now at that time five hundred deities were ready and eager for the chance to offer alms to Mahākassapa.\nBut Mahākasspa turned down those deities. In the morning, he robed up, took his bowl and robe, and entered Rājagaha for alms.\nNow at that time Sakka, lord of gods, wished to give alms to Mahākassapa."}},{"id":"ud3.7:3","sourceIds":["ud3.7:3.2","ud3.7:3.3","ud3.7:3.4","ud3.7:3.5","ud3.7:3.6","ud3.7:3.7","ud3.7:3.8","ud3.7:3.9","ud3.7:3.10","ud3.7:3.11","ud3.7:3.12","ud3.7:3.13","ud3.7:3.14","ud3.7:3.15"],"kind":"text","text":{"pi":"Pesakāravaṇṇaṁ abhinimminitvā tantaṁ vināti. Sujā asurakaññā tasaraṁ pūreti.\nAtha kho āyasmā mahākassapo rājagahe sapadānaṁ piṇḍāya caramāno yena sakkassa devānamindassa nivesanaṁ tenupasaṅkami.\nAddasā kho sakko devānamindo āyasmantaṁ mahākassapaṁ dūratova āgacchantaṁ.\nDisvāna gharā nikkhamitvā paccuggantvā hatthato pattaṁ gahetvā gharaṁ pavisitvā ghaṭiyā odanaṁ uddharitvā pattaṁ pūretvā āyasmato mahākassapassa adāsi.\nSo ahosi piṇḍapāto anekasūpo anekabyañjano anekarasabyañjano.\nAtha kho āyasmato mahākassapassa etadahosi:\n“ko nu kho ayaṁ satto yassāyaṁ evarūpo iddhānubhāvo”ti?\nAtha kho āyasmato mahākassapassa etadahosi:\n“sakko kho ayaṁ devānamindo”ti.\nIti viditvā sakkaṁ devānamindaṁ etadavoca:\n“kataṁ kho te idaṁ, kosiya;\nmā punapi evarūpamakāsī”ti.\n“Amhākampi, bhante kassapa, puññena attho;\namhākampi puññena karaṇīyan”ti.","en":"Having manifested in the appearance of an embroiderer, he wove the thread. The titan maiden Sujā spun it onto the spindle.\nThen, as Mahākassapa wandered indiscriminately for almsfood in Rājagaha, he approached Sakka’s house.\nSeeing Mahākassapa coming off in the distance,\nSakka came out of his house, greeted him, and took the bowl from his hand. He re-entered the house and filled the bowl with rice from the pot.\nThat almsfood had many tasty soups and sauces.\nThen it occurred to Mahākassapa,\n“Now, what being is this who has such psychic power?”\nIt occurred to him,\n“This is Sakka, lord of gods.”\nKnowing this, he said to Sakka,\n“This is your doing, Kosiya;\ndon’t do such a thing again.”\n“But Honorable Kassapa, we too need merit!\nWe too ought to make merit.”"}},{"id":"ud3.7:4","sourceIds":["ud3.7:4.1","ud3.7:4.2","ud3.7:4.3","ud3.7:4.4","ud3.7:4.5","ud3.7:4.6","ud3.7:4.7","ud3.7:4.8"],"kind":"text","text":{"pi":"Atha kho sakko devānamindo āyasmantaṁ mahākassapaṁ abhivādetvā padakkhiṇaṁ katvā vehāsaṁ abbhuggantvā ākāse antalikkhe tikkhattuṁ udānaṁ udānesi:\n“aho dānaṁ paramadānaṁ kassape suppatiṭṭhitaṁ.\nAho dānaṁ paramadānaṁ kassape suppatiṭṭhitaṁ.\nAho dānaṁ paramadānaṁ kassape suppatiṭṭhitan”ti.\nAssosi kho bhagavā dibbāya sotadhātuyā visuddhāya atikkantamānusikāya sakkassa devānamindassa vehāsaṁ abbhuggantvā ākāse antalikkhe tikkhattuṁ udānaṁ udānentassa:\n“aho dānaṁ paramadānaṁ kassape suppatiṭṭhitaṁ.\nAho dānaṁ paramadānaṁ kassape suppatiṭṭhitaṁ.\nAho dānaṁ paramadānaṁ kassape suppatiṭṭhitan”ti.","en":"Then Sakka bowed and respectfully circled Mahākassapa, keeping him on his right. Then he rose into the air and, sitting cross-legged in midair, expressed this heartfelt sentiment three times:\n“Oh the gift, the best gift is well established in Kassapa!\nOh the gift, the best gift is well established in Kassapa!\nOh the gift, the best gift is well established in Kassapa!”\nWith clairaudience that is purified and superhuman, the Buddha heard Sakka express this heartfelt sentiment while sitting in the sky."}},{"id":"ud3.7:5","sourceIds":["ud3.7:5.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud3.7:6","sourceIds":["ud3.7:6.1","ud3.7:6.2","ud3.7:6.3","ud3.7:6.4","ud3.7:6.5"],"kind":"text","text":{"pi":"“Piṇḍapātikassa bhikkhuno,\nAttabharassa anaññaposino;\nDevā pihayanti tādino,\nUpasantassa sadā satīmato”ti.\nSattamaṁ.","en":"“A mendicant who relies on alms,\nself-supported, providing for no other;\nthe unaffected one is envied by even the gods,\ncalm and ever mindful.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud3.7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}