{"id":"ud3.8","title":"One Who Eats Only Almsfood","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud3.8","title":"One Who Eats Only Almsfood","units":[{"id":"ud3.8:0","sourceIds":["ud3.8:0.1","ud3.8:0.2"],"kind":"text","text":{"pi":"Udāna 3.8\nPiṇḍapātikasutta","en":"Heartfelt Sayings 3.8\nOne Who Eats Only Almsfood"}},{"id":"ud3.8:1","sourceIds":["ud3.8:1.1","ud3.8:1.2","ud3.8:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena sambahulānaṁ bhikkhūnaṁ pacchābhattaṁ piṇḍapātapaṭikkantānaṁ karerimaṇḍalamāḷe sannisinnānaṁ sannipatitānaṁ ayamantarākathā udapādi:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time, after the meal, on return from almsround, several mendicants sat together in the pavilion by the kareri tree and this discussion came up among them:"}},{"id":"ud3.8:2","sourceIds":["ud3.8:2.1","ud3.8:2.2","ud3.8:2.3","ud3.8:2.4","ud3.8:2.5","ud3.8:2.6"],"kind":"text","text":{"pi":"“Piṇḍapātiko, āvuso, bhikkhu piṇḍāya caranto labhati kālena kālaṁ manāpike cakkhunā rūpe passituṁ, labhati kālena kālaṁ manāpike sotena sadde sotuṁ, labhati kālena kālaṁ manāpike ghānena gandhe ghāyituṁ, labhati kālena kālaṁ manāpike jivhāya rase sāyituṁ, labhati kālena kālaṁ manāpike kāyena phoṭṭhabbe phusituṁ.\nPiṇḍapātiko, āvuso, bhikkhu sakkato garukato mānito pūjito apacito piṇḍāya carati.\nHandāvuso, mayampi piṇḍapātikā homa.\nMayampi lacchāma kālena kālaṁ manāpike cakkhunā rūpe passituṁ, mayampi lacchāma kālena kālaṁ manāpike sotena sadde sotuṁ, mayampi lacchāma kālena kālaṁ manāpike ghānena gandhe ghāyituṁ, mayampi lacchāma kālena kālaṁ manāpike jivhāya rase sāyituṁ, mayampi lacchāma kālena kālaṁ manāpike kāyena phoṭṭhabbe phusituṁ;\nmayampi sakkatā garukatā mānitā pūjitā apacitā piṇḍāya carissāmā”ti.\nAyañcarahi tesaṁ bhikkhūnaṁ antarākathā hoti vippakatā.","en":"“Reverends, when a mendicant who eats only almsfood is wandering for alms, from time to time they get to see pleasing sights, hear pleasing sounds, smell pleasing odors, taste pleasing flavors, and encounter pleasing touches.\nThey wander for alms being honored, respected, revered, venerated, and esteemed.\nCome, we too should eat only almsfood.\nFrom time to time we too will get to see pleasing sights, hear pleasing sounds, smell pleasing odors, taste pleasing flavors, and encounter pleasing touches.\nWe too shall wander for alms being honored, respected, revered, venerated, and esteemed.”\nAt that point the conversation among those mendicants was left unfinished."}},{"id":"ud3.8:3","sourceIds":["ud3.8:3.1","ud3.8:3.2","ud3.8:3.3"],"kind":"text","text":{"pi":"Atha kho bhagavā sāyanhasamayaṁ paṭisallānā vuṭṭhito yena karerimaṇḍalamāḷo tenupasaṅkami; upasaṅkamitvā paññatte āsane nisīdi.\nNisajja kho bhagavā bhikkhū āmantesi:\n“kāya nuttha, bhikkhave, etarahi kathāya sannisinnā, kā ca pana vo antarākathā vippakatā”ti?","en":"Then in the late afternoon, the Buddha came out of retreat and went to the pavilion by the kareri tree, where he sat down on the seat spread out\nand addressed the mendicants:\n“Mendicants, what were you sitting talking about just now? What conversation was left unfinished?”"}},{"id":"ud3.8:4","sourceIds":["ud3.8:4.1"],"kind":"text","text":{"pi":"“Idha, bhante, amhākaṁ pacchābhattaṁ piṇḍapātapaṭikkantānaṁ karerimaṇḍalamāḷe sannisinnānaṁ sannipatitānaṁ ayamantarākathā udapādi:","en":"So the mendicants told him what they had been talking about. The Buddha said,"}},{"id":"ud3.8:5","sourceIds":["ud3.8:5.1","ud3.8:5.2","ud3.8:5.3","ud3.8:5.4","ud3.8:5.5","ud3.8:5.6","ud3.8:5.7"],"kind":"text","text":{"pi":"‘Piṇḍapātiko, āvuso, bhikkhu piṇḍāya caranto labhati kālena kālaṁ manāpike cakkhunā rūpe passituṁ, labhati kālena kālaṁ manāpike sotena sadde sotuṁ, labhati kālena kālaṁ manāpike ghānena gandhe ghāyituṁ, labhati kālena kālaṁ manāpike jivhāya rase sāyituṁ, labhati kālena kālaṁ manāpike kāyena phoṭṭhabbe phusituṁ.\nPiṇḍapātiko, āvuso, bhikkhu sakkato garukato mānito pūjito apacito piṇḍāya carati.\nHandāvuso, mayampi piṇḍapātikā homa.\nMayampi lacchāma kālena kālaṁ manāpike cakkhunā rūpe passituṁ …pe…\nkāyena phoṭṭhabbe phusituṁ.\nMayampi sakkatā garukatā mānitā pūjitā apacitā piṇḍāya carissāmā’ti.\nAyaṁ kho no, bhante, antarākathā vippakatā, atha bhagavā anuppatto”ti."}},{"id":"ud3.8:6","sourceIds":["ud3.8:6.1","ud3.8:6.2","ud3.8:6.3"],"kind":"text","text":{"pi":"“Na khvetaṁ, bhikkhave, tumhākaṁ patirūpaṁ kulaputtānaṁ saddhā agārasmā anagāriyaṁ pabbajitānaṁ yaṁ tumhe evarūpiṁ kathaṁ katheyyātha.\nSannipatitānaṁ vo, bhikkhave, dvayaṁ karaṇīyaṁ—\ndhammī vā kathā ariyo vā tuṇhībhāvo”ti.","en":"“Mendicants, it is not appropriate for you gentlemen who have gone forth out of faith from the lay life to homelessness to talk about such things.\nWhen you’re sitting together you should do one of two things:\ndiscuss the teachings or keep noble silence.”"}},{"id":"ud3.8:7","sourceIds":["ud3.8:7.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud3.8:8","sourceIds":["ud3.8:8.1","ud3.8:8.2","ud3.8:8.3","ud3.8:8.4","ud3.8:8.5"],"kind":"text","text":{"pi":"“Piṇḍapātikassa bhikkhuno,\nAttabharassa anaññaposino;\nDevā pihayanti tādino,\nNo ce saddasilokanissito”ti.\nAṭṭhamaṁ.","en":"“A mendicant who relies on alms,\nself-supported, providing for no other;\nthe unaffected one is envied by even the gods,\nbut not if they’re after popularity and reputation.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud3.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}