{"id":"ud3.9","title":"Professions","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud3.9","title":"Professions","units":[{"id":"ud3.9:0","sourceIds":["ud3.9:0.1","ud3.9:0.2"],"kind":"text","text":{"pi":"Udāna 3.9\nSippasutta","en":"Heartfelt Sayings 3.9\nProfessions"}},{"id":"ud3.9:1","sourceIds":["ud3.9:1.1","ud3.9:1.2","ud3.9:1.3","ud3.9:1.4","ud3.9:1.5","ud3.9:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena sambahulānaṁ bhikkhūnaṁ pacchābhattaṁ piṇḍapātapaṭikkantānaṁ maṇḍalamāḷe sannisinnānaṁ sannipatitānaṁ ayamantarākathā udapādi:\n“ko nu kho, āvuso, sippaṁ jānāti?\nKo kiṁ sippaṁ sikkhi?\nKataraṁ sippaṁ sippānaṁ aggan”ti?","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time, after the meal, on return from almsround, several mendicants sat together in the pavilion and this discussion came up among them:\n“Who knows a craft?\nWho is studying which craft?\nWhich is the best craft?”"}},{"id":"ud3.9:2","sourceIds":["ud3.9:2.1","ud3.9:2.2","ud3.9:2.3","ud3.9:2.4","ud3.9:2.5","ud3.9:2.6","ud3.9:2.7","ud3.9:2.8","ud3.9:2.9","ud3.9:2.10","ud3.9:2.11","ud3.9:2.12","ud3.9:2.13","ud3.9:2.14","ud3.9:2.15","ud3.9:2.16","ud3.9:2.17","ud3.9:2.18","ud3.9:2.19","ud3.9:2.20","ud3.9:2.21","ud3.9:2.22","ud3.9:2.23","ud3.9:2.24","ud3.9:2.25"],"kind":"text","text":{"pi":"Tatthekacce evamāhaṁsu:\n“hatthisippaṁ sippānaṁ aggan”ti.\nEkacce evamāhaṁsu:\n“assasippaṁ sippānaṁ aggan”ti.\nEkacce evamāhaṁsu:\n“rathasippaṁ sippānaṁ aggan”ti.\nEkacce evamāhaṁsu:\n“dhanusippaṁ sippānaṁ aggan”ti.\nEkacce evamāhaṁsu:\n“tharusippaṁ sippānaṁ aggan”ti.\nEkacce evamāhaṁsu:\n“muddāsippaṁ sippānaṁ aggan”ti.\nEkacce evamāhaṁsu:\n“gaṇanāsippaṁ sippānaṁ aggan”ti.\nEkacce evamāhaṁsu:\n“saṅkhānasippaṁ sippānaṁ aggan”ti.\nEkacce evamāhaṁsu:\n“lekhāsippaṁ sippānaṁ aggan”ti.\nEkacce evamāhaṁsu:\n“kāveyyasippaṁ sippānaṁ aggan”ti.\nEkacce evamāhaṁsu:\n“lokāyatasippaṁ sippānaṁ aggan”ti.\nEkacce evamāhaṁsu:\n“khattavijjāsippaṁ sippānaṁ aggan”ti.\nAyañcarahi tesaṁ bhikkhūnaṁ antarākathā hoti vippakatā.","en":"In answer, some said that\nelephant-craft is the best of crafts.\nOthers said that the best craft is\nhorse-craft,\nor chariot-craft,\nor archery,\nor swordsmanship,\nor arithmetic,\nor accounting,\nor calculating,\nor writing,\nor poetry,\nor cosmology,\nor geomancy.\nAt that point the conversation among those mendicants was left unfinished."}},{"id":"ud3.9:3","sourceIds":["ud3.9:3.1","ud3.9:3.2","ud3.9:3.3"],"kind":"text","text":{"pi":"Atha kho bhagavā sāyanhasamayaṁ paṭisallānā vuṭṭhito yena maṇḍalamāḷo tenupasaṅkami; upasaṅkamitvā paññatte āsane nisīdi.\nNisajja kho bhagavā bhikkhū āmantesi:\n“kāya nuttha, bhikkhave, etarahi kathāya sannisinnā, kā ca pana vo antarākathā vippakatā”ti?","en":"Then in the late afternoon, the Buddha came out of retreat and went to the assembly hall. He sat down on the seat spread out,\nand addressed the mendicants:\n“Mendicants, what were you sitting talking about just now? What conversation was left unfinished?”"}},{"id":"ud3.9:4","sourceIds":["ud3.9:4.1","ud3.9:4.2","ud3.9:4.3","ud3.9:4.4"],"kind":"text","text":{"pi":"“Idha, bhante, amhākaṁ pacchābhattaṁ piṇḍapātapaṭikkantānaṁ maṇḍalamāḷe sannisinnānaṁ ayamantarākathā udapādi:\n‘ko nu kho, āvuso, sippaṁ jānāti?\nKo kiṁ sippaṁ sikkhi?\nKataraṁ sippaṁ sippānaṁ aggan’ti?","en":"So the mendicants told him what they had been talking about when the Buddha arrived. The Buddha said,"}},{"id":"ud3.9:5","sourceIds":["ud3.9:5.1","ud3.9:5.2","ud3.9:5.3","ud3.9:5.4","ud3.9:5.5","ud3.9:5.6","ud3.9:5.7","ud3.9:5.8","ud3.9:5.9","ud3.9:5.10","ud3.9:5.11","ud3.9:5.12","ud3.9:5.13","ud3.9:5.14","ud3.9:5.15","ud3.9:5.16","ud3.9:5.17","ud3.9:5.18","ud3.9:5.19","ud3.9:5.20","ud3.9:5.21","ud3.9:5.22","ud3.9:5.23","ud3.9:5.24","ud3.9:5.25"],"kind":"text","text":{"pi":"Tatthekacce evamāhaṁsu:\n‘hatthisippaṁ sippānaṁ aggan’ti.\nEkacce evamāhaṁsu:\n‘assasippaṁ sippānaṁ aggan’ti.\nEkacce evamāhaṁsu:\n‘rathasippaṁ sippānaṁ aggan’ti.\nEkacce evamāhaṁsu:\n‘dhanusippaṁ sippānaṁ aggan’ti.\nEkacce evamāhaṁsu:\n‘tharusippaṁ sippānaṁ aggan’ti.\nEkacce evamāhaṁsu:\n‘muddāsippaṁ sippānaṁ aggan’ti.\nEkacce evamāhaṁsu:\n‘gaṇanāsippaṁ sippānaṁ aggan’ti.\nEkacce evamāhaṁsu:\n‘saṅkhānasippaṁ sippānaṁ aggan’ti.\nEkacce evamāhaṁsu:\n‘lekhāsippaṁ sippānaṁ aggan’ti.\nEkacce evamāhaṁsu:\n‘kāveyyasippaṁ sippānaṁ aggan’ti.\nEkacce evamāhaṁsu:\n‘lokāyatasippaṁ sippānaṁ aggan’ti.\nEkacce evamāhaṁsu:\n‘khattavijjāsippaṁ sippānaṁ aggan’ti.\nAyaṁ kho no, bhante, antarākathā hoti vippakatā, atha bhagavā anuppatto”ti."}},{"id":"ud3.9:6","sourceIds":["ud3.9:6.1","ud3.9:6.2","ud3.9:6.3"],"kind":"text","text":{"pi":"“Na khvetaṁ, bhikkhave, tumhākaṁ patirūpaṁ kulaputtānaṁ saddhā agārasmā anagāriyaṁ pabbajitānaṁ yaṁ tumhe evarūpiṁ kathaṁ katheyyātha.\nSannipatitānaṁ vo, bhikkhave, dvayaṁ karaṇīyaṁ—\ndhammī vā kathā ariyo vā tuṇhībhāvo”ti.","en":"“Mendicants, it is not appropriate for you gentlemen who have gone forth out of faith from the lay life to homelessness to talk about such things.\nWhen you’re sitting together you should do one of two things:\ndiscuss the teachings or keep noble silence.”"}},{"id":"ud3.9:7","sourceIds":["ud3.9:7.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud3.9:8","sourceIds":["ud3.9:8.1","ud3.9:8.2","ud3.9:8.3","ud3.9:8.4","ud3.9:8.5"],"kind":"text","text":{"pi":"“Asippajīvī lahu atthakāmo,\nYatindriyo sabbadhi vippamutto;\nAnokasārī amamo nirāso,\nHitvā mānaṁ ekacaro sa bhikkhū”ti.\nNavamaṁ.","en":"“Living without a craft, light, wanting what is best,\nwith senses controlled, everywhere free;\na migrant with no bastion, unselfish, with no need for hope,\nhaving given up conceit, wandering alone: that is a mendicant.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud3.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}