{"id":"ud4.1","title":"With Meghiya","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud4.1","title":"With Meghiya","units":[{"id":"ud4.1:0","sourceIds":["ud4.1:0.1","ud4.1:0.2"],"kind":"text","text":{"pi":"Udāna 4.1\nMeghiyasutta","en":"Heartfelt Sayings 4.1\nWith Meghiya"}},{"id":"ud4.1:1","sourceIds":["ud4.1:1.1","ud4.1:1.2","ud4.1:1.3","ud4.1:1.4","ud4.1:1.5","ud4.1:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā cālikāyaṁ viharati cālike pabbate.\nTena kho pana samayena āyasmā meghiyo bhagavato upaṭṭhāko hoti.\nAtha kho āyasmā meghiyo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho āyasmā meghiyo bhagavantaṁ etadavoca:\n“icchāmahaṁ, bhante, jantugāmaṁ piṇḍāya pavisitun”ti.\n“Yassadāni tvaṁ, meghiya, kālaṁ maññasī”ti.","en":"So I have heard.\nAt one time the Buddha was staying near Cālikā, on the Cālikā mountain.\nNow, at that time Venerable Meghiya was the Buddha’s attendant.\nThen Venerable Meghiya went up to the Buddha, bowed, stood to one side, and said to him,\n“Sir, I’d like to enter Jantu village for alms.”\n“Please, Meghiya, go at your convenience.”"}},{"id":"ud4.1:2","sourceIds":["ud4.1:2.1","ud4.1:2.2","ud4.1:2.3","ud4.1:2.4","ud4.1:2.5","ud4.1:2.6"],"kind":"text","text":{"pi":"Atha kho āyasmā meghiyo pubbaṇhasamayaṁ nivāsetvā pattacīvaramādāya jantugāmaṁ piṇḍāya pāvisi.\nJantugāme piṇḍāya caritvā pacchābhattaṁ piṇḍapātapaṭikkanto yena kimikāḷāya nadiyā tīraṁ tenupasaṅkami.\nAddasā kho āyasmā meghiyo kimikāḷāya nadiyā tīre jaṅghāvihāraṁ anucaṅkamamāno anuvicaramāno ambavanaṁ pāsādikaṁ manuññaṁ ramaṇīyaṁ.\nDisvānassa etadahosi:\n“pāsādikaṁ vatidaṁ ambavanaṁ manuññaṁ ramaṇīyaṁ. Alaṁ vatidaṁ kulaputtassa padhānatthikassa padhānāya.\nSace maṁ bhagavā anujāneyya, āgaccheyyāhaṁ imaṁ ambavanaṁ padhānāyā”ti.","en":"Then Meghiya robed up in the morning and, taking his bowl and robe, entered Jantu village for alms.\nAfter the meal, on his return from almsround in Jantu village, he went to the shore of Kimikālā River.\nAs he was going for a walk along the shore of the river he saw a lovely and delightful mango grove.\nSeeing this, it occurred to him,\n“Oh, this mango grove is lovely and delightful! This is good enough for striving for a gentleman wanting to strive.\nIf the Buddha allows me, I’ll come back to this mango grove to meditate.”"}},{"id":"ud4.1:3","sourceIds":["ud4.1:3.1","ud4.1:3.2"],"kind":"text","text":{"pi":"Atha kho āyasmā meghiyo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho āyasmā meghiyo bhagavantaṁ etadavoca:","en":"Then Venerable Meghiya went up to the Buddha, bowed, sat down to one side, and told him what had happened, adding,"}},{"id":"ud4.1:4","sourceIds":["ud4.1:4.1","ud4.1:4.2","ud4.1:4.3","ud4.1:4.4","ud4.1:4.5","ud4.1:4.6","ud4.1:4.7","ud4.1:4.8"],"kind":"text","text":{"pi":"“Idhāhaṁ, bhante, pubbaṇhasamayaṁ nivāsetvā pattacīvaramādāya jantugāmaṁ piṇḍāya pāvisiṁ.\nJantugāme piṇḍāya caritvā pacchābhattaṁ piṇḍapātapaṭikkanto yena kimikāḷāya nadiyā tīraṁ tenupasaṅkamiṁ.\nAddasaṁ kho ahaṁ, bhante, kimikāḷāya nadiyā tīre jaṅghāvihāraṁ anucaṅkamamāno anuvicaramāno ambavanaṁ pāsādikaṁ manuññaṁ ramaṇīyaṁ.\nDisvāna me etadahosi:\n‘pāsādikaṁ vatidaṁ ambavanaṁ manuññaṁ ramaṇīyaṁ.\nAlaṁ vatidaṁ kulaputtassa padhānatthikassa padhānāya.\nSace maṁ bhagavā anujāneyya, āgaccheyyāhaṁ imaṁ ambavanaṁ padhānāyā’ti.\nSace maṁ, bhante, bhagavā anujānāti, gaccheyyāhaṁ taṁ ambavanaṁ padhānāyā”ti.","en":"“If the Buddha allows me, I’ll go back to that mango grove to meditate.”"}},{"id":"ud4.1:5","sourceIds":["ud4.1:5.1","ud4.1:5.2"],"kind":"text","text":{"pi":"Evaṁ vutte, bhagavā āyasmantaṁ meghiyaṁ etadavoca:\n“āgamehi tāva, meghiya, ekakamhi tāva, yāva aññopi koci bhikkhu āgacchatī”ti.","en":"When he had spoken, the Buddha said to him,\n“We’re alone, Meghiya. Wait until another mendicant comes.”"}},{"id":"ud4.1:6","sourceIds":["ud4.1:6.1","ud4.1:6.2","ud4.1:6.3","ud4.1:6.4","ud4.1:6.5","ud4.1:6.6"],"kind":"text","text":{"pi":"Dutiyampi kho āyasmā meghiyo bhagavantaṁ etadavoca:\n“bhagavato, bhante, natthi kiñci uttari karaṇīyaṁ, natthi katassa vā paticayo.\nMayhaṁ kho pana, bhante, atthi uttari karaṇīyaṁ, atthi katassa paticayo.\nSace maṁ bhagavā anujānāti, gaccheyyāhaṁ taṁ ambavanaṁ padhānāyā”ti.\nDutiyampi kho bhagavā āyasmantaṁ meghiyaṁ etadavoca:\n“āgamehi tāva, meghiya, ekakamhi tāva, yāva aññopi koci bhikkhu āgacchatī”ti.","en":"For a second time Meghiya said to the Buddha,\n“Sir, the Buddha has nothing more to do, and nothing that needs improvement.\nBut I have.\nIf you allow me, I’ll go back to that mango grove to meditate.”\nFor a second time the Buddha said,\n“We’re alone, Meghiya. Wait until another mendicant comes.”"}},{"id":"ud4.1:7","sourceIds":["ud4.1:7.1","ud4.1:7.2","ud4.1:7.3","ud4.1:7.4","ud4.1:7.5","ud4.1:7.6"],"kind":"text","text":{"pi":"Tatiyampi kho āyasmā meghiyo bhagavantaṁ etadavoca:\n“bhagavato, bhante, natthi kiñci uttari karaṇīyaṁ, natthi katassa vā paticayo.\nMayhaṁ kho pana, bhante, atthi uttari karaṇīyaṁ, atthi katassa paticayo.\nSace maṁ bhagavā anujānāti, gaccheyyāhaṁ taṁ ambavanaṁ padhānāyā”ti.\n“Padhānanti kho, meghiya, vadamānaṁ kinti vadeyyāma?\nYassadāni tvaṁ, meghiya, kālaṁ maññasī”ti.","en":"For a third time Meghiya said to the Buddha,\n“Sir, the Buddha has nothing more to do, and nothing that needs improvement.\nBut I have.\nIf you allow me, I’ll go back to that mango grove to meditate.”\n“Meghiya, since you speak of striving in meditation, what can I say?\nPlease, Meghiya, go at your convenience.”"}},{"id":"ud4.1:8","sourceIds":["ud4.1:8.1","ud4.1:8.2","ud4.1:8.3"],"kind":"text","text":{"pi":"Atha kho āyasmā meghiyo uṭṭhāyāsanā bhagavantaṁ abhivādetvā padakkhiṇaṁ katvā yena taṁ ambavanaṁ tenupasaṅkami; upasaṅkamitvā taṁ ambavanaṁ ajjhogāhetvā aññatarasmiṁ rukkhamūle divāvihāraṁ nisīdi.\nAtha kho āyasmato meghiyassa tasmiṁ ambavane viharantassa yebhuyyena tayo pāpakā akusalā vitakkā samudācaranti, seyyathidaṁ—\nkāmavitakko, byāpādavitakko, vihiṁsāvitakko.","en":"Then Meghiya got up from his seat, bowed and respectfully circled the Buddha, keeping him on his right. Then he went to that mango grove, and, having plunged deep into it, sat at the root of a certain tree for the day’s meditation.\nBut while Meghiya was meditating in that mango grove he was beset mostly by three kinds of bad, unskillful thoughts, namely,\nsensual, malicious, and cruel thoughts."}},{"id":"ud4.1:9","sourceIds":["ud4.1:9.1","ud4.1:9.2","ud4.1:9.3","ud4.1:9.4","ud4.1:9.5"],"kind":"text","text":{"pi":"Atha kho āyasmato meghiyassa etadahosi:\n“acchariyaṁ vata bho, abbhutaṁ vata bho.\nSaddhāya ca vatamhā agārasmā anagāriyaṁ pabbajitā.\nAtha ca panimehi tīhi pāpakehi akusalehi vitakkehi anvāsattā, seyyathidaṁ—\nkāmavitakkena, byāpādavitakkena, vihiṁsāvitakkena”.","en":"Then he thought,\n“Oh lord, how incredible, how amazing!\nI’ve gone forth out of faith from the lay life to homelessness,\nbut I’m still harassed by these three kinds of bad, unskillful thoughts:\nsensual, malicious, and cruel thoughts.”"}},{"id":"ud4.1:10","sourceIds":["ud4.1:10.1","ud4.1:10.2","ud4.1:10.3","ud4.1:10.4","ud4.1:10.5","ud4.1:10.6","ud4.1:10.7","ud4.1:10.8"],"kind":"text","text":{"pi":"Atha kho āyasmā meghiyo sāyanhasamayaṁ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā meghiyo bhagavantaṁ etadavoca:\n“idha mayhaṁ, bhante, tasmiṁ ambavane viharantassa yebhuyyena tayo pāpakā akusalā vitakkā samudācaranti, seyyathidaṁ—\nkāmavitakko, byāpādavitakko, vihiṁsāvitakko.\nTassa mayhaṁ, bhante, etadahosi:\n‘acchariyaṁ vata bho, abbhutaṁ vata bho.\nSaddhāya ca vatamhā agārasmā anagāriyaṁ pabbajitā.\nAtha ca panimehi tīhi pāpakehi akusalehi vitakkehi anvāsattā, seyyathidaṁ—\nkāmavitakkena, byāpādavitakkena, vihiṁsāvitakkena’”.","en":"Then in the late afternoon, Venerable Meghiya came out of retreat and went to the Buddha. He bowed, sat down to one side, and told the Buddha what had happened."}},{"id":"ud4.1:11","sourceIds":["ud4.1:11.1","ud4.1:11.2"],"kind":"text","text":{"pi":"“Aparipakkāya, meghiya, cetovimuttiyā pañca dhammā paripākāya saṁvattanti.\nKatame pañca?","en":"“Meghiya, when the heart’s release is not ripe, five things help it ripen.\nWhat five?"}},{"id":"ud4.1:12","sourceIds":["ud4.1:12.1","ud4.1:12.2"],"kind":"text","text":{"pi":"Idha, meghiya, bhikkhu kalyāṇamitto hoti kalyāṇasahāyo kalyāṇasampavaṅko.\nAparipakkāya, meghiya, cetovimuttiyā ayaṁ paṭhamo dhammo paripākāya saṁvattati.","en":"Firstly, a mendicant has good friends, companions, and associates.\nThis is the first thing …"}},{"id":"ud4.1:13","sourceIds":["ud4.1:13.1","ud4.1:13.2"],"kind":"text","text":{"pi":"Puna caparaṁ, meghiya, bhikkhu sīlavā hoti, pātimokkhasaṁvarasaṁvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu.\nAparipakkāya, meghiya, cetovimuttiyā ayaṁ dutiyo dhammo paripākāya saṁvattati.","en":"Furthermore, a mendicant is ethical, restrained in the monastic code, conducting themselves well and resorting for alms in suitable places. Seeing danger in the slightest fault, they keep the rules they’ve undertaken.\nThis is the second thing …"}},{"id":"ud4.1:14","sourceIds":["ud4.1:14.1","ud4.1:14.2"],"kind":"text","text":{"pi":"Puna caparaṁ, meghiya, bhikkhu yāyaṁ kathā abhisallekhikā cetovivaraṇasappāyā ekantanibbidāya virāgāya nirodhāya upasamāya abhiññāya sambodhāya nibbānāya saṁvattati, seyyathidaṁ—appicchakathā, santuṭṭhikathā, pavivekakathā, asaṁsaggakathā, vīriyārambhakathā, sīlakathā, samādhikathā, paññākathā, vimuttikathā, vimuttiñāṇadassanakathā; evarūpāya kathāya nikāmalābhī hoti akicchalābhī akasiralābhī.\nAparipākāya, meghiya, cetovimuttiyā ayaṁ tatiyo dhammo paripākāya saṁvattati.","en":"Furthermore, a mendicant gets to take part in talk about self-effacement that helps open the heart and leads solely to disillusionment, dispassion, cessation, peace, insight, awakening, and extinguishment when they want, without trouble or difficulty. That is, talk about fewness of wishes, contentment, seclusion, aloofness, arousing energy, ethics, immersion, wisdom, freedom, and the knowledge and vision of freedom.\nThis is the third thing …"}},{"id":"ud4.1:15","sourceIds":["ud4.1:15.1","ud4.1:15.2"],"kind":"text","text":{"pi":"Puna caparaṁ, meghiya, bhikkhu āraddhavīriyo viharati, akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nAparipakkāya, meghiya, cetovimuttiyā ayaṁ catuttho dhammo paripākāya saṁvattati.","en":"Furthermore, a mendicant lives with energy roused up for giving up unskillful qualities and embracing skillful qualities. They are strong, staunchly vigorous, not slacking off when it comes to developing skillful qualities.\nThis is the fourth thing …"}},{"id":"ud4.1:16","sourceIds":["ud4.1:16.1","ud4.1:16.2","ud4.1:16.3"],"kind":"text","text":{"pi":"Puna caparaṁ, meghiya, bhikkhu paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.\nAparipakkāya, meghiya, cetovimuttiyā ayaṁ pañcamo dhammo paripākāya saṁvattati.\nAparipakkāya, meghiya, cetovimuttiyā ime pañca dhammā paripākāya saṁvattanti.","en":"Furthermore, a mendicant is wise. They have the wisdom of arising and passing away which is noble, penetrative, and leads to the complete ending of suffering.\nThis is the fifth thing that, when the heart’s release is not ripe, helps it ripen.\nThese are the five things that, when the heart’s release is not ripe, help it ripen."}},{"id":"ud4.1:17","sourceIds":["ud4.1:17.1"],"kind":"text","text":{"pi":"Kalyāṇamittassetaṁ, meghiya, bhikkhuno pāṭikaṅkhaṁ kalyāṇasahāyassa kalyāṇasampavaṅkassa yaṁ sīlavā bhavissati, pātimokkhasaṁvarasaṁvuto viharissati, ācāragocarasampanno, aṇumattesu vajjesu bhayadassāvī, samādāya sikkhissati sikkhāpadesu.","en":"A mendicant with good friends, companions, and associates can expect to be ethical …"}},{"id":"ud4.1:18","sourceIds":["ud4.1:18.1"],"kind":"text","text":{"pi":"Kalyāṇamittassetaṁ, meghiya, bhikkhuno pāṭikaṅkhaṁ kalyāṇasahāyassa kalyāṇasampavaṅkassa yaṁ yāyaṁ kathā abhisallekhikā cetovivaraṇasappāyā ekantanibbidāya virāgāya nirodhāya upasamāya abhiññāya sambodhāya nibbānāya saṁvattati, seyyathidaṁ—appicchakathā, santuṭṭhikathā, pavivekakathā, asaṁsaggakathā, vīriyārambhakathā, sīlakathā, samādhikathā, paññākathā, vimuttikathā, vimuttiñāṇadassanakathā; evarūpāya kathāya nikāmalābhī bhavissati akicchalābhī akasiralābhī.","en":"A mendicant with good friends, companions, and associates can expect to take part in talk about self-effacement that helps open the heart …"}},{"id":"ud4.1:19","sourceIds":["ud4.1:19.1"],"kind":"text","text":{"pi":"Kalyāṇamittassetaṁ, meghiya, bhikkhuno pāṭikaṅkhaṁ kalyāṇasahāyassa kalyāṇasampavaṅkassa yaṁ āraddhavīriyo viharissati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.","en":"A mendicant with good friends, companions, and associates can expect to be energetic …"}},{"id":"ud4.1:20","sourceIds":["ud4.1:20.1"],"kind":"text","text":{"pi":"Kalyāṇamittassetaṁ, meghiya, bhikkhuno pāṭikaṅkhaṁ kalyāṇasahāyassa kalyāṇasampavaṅkassa yaṁ paññavā bhavissati, udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.","en":"A mendicant with good friends, companions, and associates can expect to be wise …"}},{"id":"ud4.1:21","sourceIds":["ud4.1:21.1","ud4.1:21.2","ud4.1:21.3","ud4.1:21.4"],"kind":"text","text":{"pi":"Tena ca pana, meghiya, bhikkhunā imesu pañcasu dhammesu patiṭṭhāya cattāro dhammā uttari bhāvetabbā—\nasubhā bhāvetabbā rāgassa pahānāya, mettā bhāvetabbā byāpādassa pahānāya, ānāpānassati bhāvetabbā vitakkupacchedāya, aniccasaññā bhāvetabbā asmimānasamugghātāya.\nAniccasaññino hi, meghiya, anattasaññā saṇṭhāti,\nanattasaññī asmimānasamugghātaṁ pāpuṇāti diṭṭheva dhamme nibbānan”ti.","en":"But then, a mendicant grounded on these five things should develop four further things.\nThey should develop the perception of ugliness to give up greed, love to give up hate, mindfulness of breathing to cut off thinking, and perception of impermanence to uproot the conceit ‘I am’.\nWhen you perceive impermanence, the perception of not-self becomes stabilized.\nPerceiving not-self, you uproot the conceit ‘I am’ and attain extinguishment in this very life.”"}},{"id":"ud4.1:22","sourceIds":["ud4.1:22.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud4.1:23","sourceIds":["ud4.1:23.1","ud4.1:23.2","ud4.1:23.3","ud4.1:23.4"],"kind":"text","text":{"pi":"“Khuddā vitakkā sukhumā vitakkā,\nAnugatā manaso uppilāvā;\nEte avidvā manaso vitakke,\nHurā huraṁ dhāvati bhantacitto.","en":"“Lesser thoughts and subtle thoughts\narise, springing up in the mind.\nNot understanding these thoughts,\none with mind astray runs from one thing to the next."}},{"id":"ud4.1:24","sourceIds":["ud4.1:24.1","ud4.1:24.2","ud4.1:24.3","ud4.1:24.4","ud4.1:24.5"],"kind":"text","text":{"pi":"Ete ca vidvā manaso vitakke,\nĀtāpiyo saṁvaratī satīmā;\nAnugate manaso uppilāve,\nAsesamete pajahāsi buddho”ti.\nPaṭhamaṁ.","en":"Having understood these thoughts\nthat arise, springing up in the mind,\nan awakened one—keen, restrained, and mindful—\nhas given them up without remainder.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud4.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}