{"id":"ud4.10","title":"The Peacefulness of Sāriputta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud4.10","title":"The Peacefulness of Sāriputta","units":[{"id":"ud4.10:0","sourceIds":["ud4.10:0.1","ud4.10:0.2"],"kind":"text","text":{"pi":"Udāna 4.10\nSāriputtaupasamasutta","en":"Heartfelt Sayings 4.10\nThe Peacefulness of Sāriputta"}},{"id":"ud4.10:1","sourceIds":["ud4.10:1.1","ud4.10:1.2","ud4.10:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā sāriputto bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya attano upasamaṁ paccavekkhamāno.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time Venerable Sāriputta was sitting not far from the Buddha, cross-legged, with his body straight, reviewing his own peacefulness."}},{"id":"ud4.10:2","sourceIds":["ud4.10:2.1"],"kind":"text","text":{"pi":"Addasā kho bhagavā āyasmantaṁ sāriputtaṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya attano upasamaṁ paccavekkhamānaṁ.","en":"The Buddha saw him meditating there."}},{"id":"ud4.10:3","sourceIds":["ud4.10:3.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud4.10:4","sourceIds":["ud4.10:4.1","ud4.10:4.2","ud4.10:4.3","ud4.10:4.4","ud4.10:4.5","ud4.10:4.6"],"kind":"text","text":{"pi":"“Upasantasantacittassa,\nnetticchinnassa bhikkhuno;\nVikkhīṇo jātisaṁsāro,\nmutto so mārabandhanā”ti.\nDasamaṁ.\nMeghiyavaggo catuttho.","en":"“With mind at peace, so full of peace,\nfor a mendicant who has cut the cord,\ntransmigration through births is finished:\nthey’re freed from Māra’s bonds.”"}},{"id":"ud4.10:5","sourceIds":["ud4.10:5.0","ud4.10:5.1","ud4.10:5.2","ud4.10:5.3","ud4.10:5.4","ud4.10:5.5","ud4.10:5.6"],"kind":"text","text":{"pi":"Tassuddānaṁ\nMeghiyo uddhatā gopālo,\nyakkho nāgena pañcamaṁ;\nPiṇḍolo sāriputto ca,\nsundarī bhavati aṭṭhamaṁ;\nUpaseno vaṅgantaputto,\nsāriputto ca te dasāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud4.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}