{"id":"ud4.4","title":"The Spirit’s Blow","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud4.4","title":"The Spirit’s Blow","units":[{"id":"ud4.4:0","sourceIds":["ud4.4:0.1","ud4.4:0.2"],"kind":"text","text":{"pi":"Udāna 4.4\nYakkhapahārasutta","en":"Heartfelt Sayings 4.4\nThe Spirit’s Blow"}},{"id":"ud4.4:1","sourceIds":["ud4.4:1.1","ud4.4:1.2","ud4.4:1.3","ud4.4:1.4"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena āyasmā ca sāriputto āyasmā ca mahāmoggallāno kapotakandarāyaṁ viharanti.\nTena kho pana samayena āyasmā sāriputto juṇhāya rattiyā navoropitehi kesehi abbhokāse nisinno hoti aññataraṁ samādhiṁ samāpajjitvā.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nAt that time the venerables Sāriputta and Moggallāna were staying near the pigeons’ alcove.\nNow at that time Venerable Sāriputta was sitting outdoors in the moonlight, his head freshly shaven, having entered a certain state of immersion."}},{"id":"ud4.4:2","sourceIds":["ud4.4:2.1","ud4.4:2.2","ud4.4:2.3","ud4.4:2.4","ud4.4:2.5","ud4.4:2.6","ud4.4:2.7"],"kind":"text","text":{"pi":"Tena kho pana samayena dve yakkhā sahāyakā uttarāya disāya dakkhiṇaṁ disaṁ gacchanti kenacideva karaṇīyena.\nAddasaṁsu kho te yakkhā āyasmantaṁ sāriputtaṁ juṇhāya rattiyā navoropitehi kesehi abbhokāse nisinnaṁ.\nDisvāna eko yakkho dutiyaṁ yakkhaṁ etadavoca:\n“paṭibhāti maṁ, samma, imassa samaṇassa sīse pahāraṁ dātun”ti.\nEvaṁ vutte, so yakkho taṁ yakkhaṁ etadavoca:\n“alaṁ, samma, mā samaṇaṁ āsādesi.\nUḷāro so, samma, samaṇo mahiddhiko mahānubhāvo”ti.","en":"Now at that time two native spirits who were friends were on their way from the north to the south on some business.\nThey saw Sāriputta meditating there.\nOne of the spirits said to the other,\n“I feel inspired, my dear, to give this ascetic a blow on the head!”\nThe other spirit replied,\n“Enough, my dear, don’t hit the ascetic!\nThat is an eminent ascetic, powerful and mighty!”"}},{"id":"ud4.4:3","sourceIds":["ud4.4:3.1","ud4.4:3.2","ud4.4:3.3","ud4.4:3.4","ud4.4:3.5","ud4.4:3.6","ud4.4:3.7","ud4.4:3.8","ud4.4:3.9","ud4.4:3.10"],"kind":"text","text":{"pi":"Dutiyampi kho so yakkho taṁ yakkhaṁ etadavoca:\n“paṭibhāti maṁ, samma, imassa samaṇassa sīse pahāraṁ dātun”ti.\nDutiyampi kho so yakkho taṁ yakkhaṁ etadavoca:\n“alaṁ, samma, mā samaṇaṁ āsādesi.\nUḷāro so, samma, samaṇo mahiddhiko mahānubhāvo”ti.\nTatiyampi kho so yakkho taṁ yakkhaṁ etadavoca:\n“paṭibhāti maṁ, samma, imassa samaṇassa sīse pahāraṁ dātun”ti.\nTatiyampi kho so yakkho taṁ yakkhaṁ etadavoca:\n“alaṁ, samma, mā samaṇaṁ āsādesi.\nUḷāro so, samma, samaṇo mahiddhiko mahānubhāvo”ti.","en":"For a second time the first spirit said to the other,\n“I feel inspired to give this ascetic a blow on the head!”\nFor a second time, the other spirit replied,\n“Enough, don’t hit the ascetic!\nThat is an eminent ascetic, powerful and mighty!”\nFor a third time the first spirit said to the other,\n“I feel inspired to give this ascetic a blow on the head!”\nFor a third time, the other spirit replied,\n“Enough, don’t hit the ascetic!\nThat is an eminent ascetic, powerful and mighty!”"}},{"id":"ud4.4:4","sourceIds":["ud4.4:4.1","ud4.4:4.2","ud4.4:4.3"],"kind":"text","text":{"pi":"Atha kho so yakkho taṁ yakkhaṁ anādiyitvā āyasmato sāriputtattherassa sīse pahāraṁ adāsi.\nTāva mahā pahāro ahosi, api tena pahārena sattaratanaṁ vā aḍḍhaṭṭhamaratanaṁ vā nāgaṁ osādeyya, mahantaṁ vā pabbatakūṭaṁ padāleyya.\nAtha ca pana so yakkho “ḍayhāmi ḍayhāmī”ti vatvā tattheva mahānirayaṁ apatāsi.","en":"Ignoring his friend, the first spirit struck Sāriputta.\nThe blow was so strong it would have felled a bull elephant seven or seven and a half cubits tall, or split apart a great mountain peak.\nBut then the spirit, crying out, “I burn, I burn!” fell into the Great Hell right there."}},{"id":"ud4.4:5","sourceIds":["ud4.4:5.1","ud4.4:5.2","ud4.4:5.3","ud4.4:5.4","ud4.4:5.5"],"kind":"text","text":{"pi":"Addasā kho āyasmā mahāmoggallāno dibbena cakkhunā visuddhena atikkantamānusakena tena yakkhena āyasmato sāriputtattherassa sīse pahāraṁ dīyamānaṁ.\nDisvā yena āyasmā sāriputto tenupasaṅkami; upasaṅkamitvā āyasmantaṁ sāriputtaṁ etadavoca:\n“kacci te, āvuso, khamanīyaṁ, kacci yāpanīyaṁ, kacci na kiñci dukkhan”ti?\n“Khamanīyaṁ me, āvuso moggallāna, yāpanīyaṁ me, āvuso moggallāna;\napi ca me sīsaṁ thokaṁ dukkhan”ti.","en":"With clairvoyance that is purified and superhuman, Venerable Moggallāna saw that spirit striking Venerable Sāriputta.\nHe approached him and said,\n“I hope you’re keeping well, reverend, I hope you’re all right. I hope you are not in pain.”\n“I am keeping well, Reverend Moggallāna;\nbut my head does hurt a little.”"}},{"id":"ud4.4:6","sourceIds":["ud4.4:6.1","ud4.4:6.2","ud4.4:6.3","ud4.4:6.4","ud4.4:6.5","ud4.4:6.6"],"kind":"text","text":{"pi":"“Acchariyaṁ, āvuso sāriputta, abbhutaṁ, āvuso sāriputta.\nYāva mahiddhiko āyasmā sāriputto mahānubhāvo.\nIdha te, āvuso sāriputta, aññataro yakkho sīse pahāraṁ adāsi.\nTāva mahā pahāro ahosi, api tena pahārena sattaratanaṁ vā aḍḍhaṭṭhamaratanaṁ vā nāgaṁ osādeyya, mahantaṁ vā pabbatakūṭaṁ padāleyya, atha ca panāyasmā sāriputto evamāha:\n‘khamanīyaṁ me, āvuso moggallāna, yāpanīyaṁ me, āvuso moggallāna;\napi ca me sīsaṁ thokaṁ dukkhan’”ti.","en":"“It’s incredible, Reverend Sāriputta, it’s amazing!\nHow mighty and powerful is Venerable Sāriputta!\nJust now, a native spirit struck you on the head.\nThe blow was so strong it would have felled a bull elephant seven or seven and a half cubits tall, or split apart a great mountain peak.\nYet you say, ‘I am keeping well, Reverend Moggallāna;\nbut my head does hurt a little.’”"}},{"id":"ud4.4:7","sourceIds":["ud4.4:7.1","ud4.4:7.2","ud4.4:7.3"],"kind":"text","text":{"pi":"“Acchariyaṁ, āvuso moggallāna, abbhutaṁ, āvuso moggallāna.\nYāva mahiddhiko āyasmā mahāmoggallāno mahānubhāvo yatra hi nāma yakkhampi passissati.\nMayaṁ panetarahi paṁsupisācakampi na passāmā”ti.","en":"“It’s incredible, Reverend Moggallāna, it’s amazing!\nHow mighty and powerful is Venerable Moggallāna, in that he can even see a native spirit!\nWhereas I can’t even see a mud-goblin right now.”"}},{"id":"ud4.4:8","sourceIds":["ud4.4:8.1"],"kind":"text","text":{"pi":"Assosi kho bhagavā dibbāya sotadhātuyā visuddhāya atikkantamānusikāya tesaṁ ubhinnaṁ mahānāgānaṁ imaṁ evarūpaṁ kathāsallāpaṁ.","en":"With clairaudience that is purified and superhuman, the Buddha heard that discussion between those two spiritual giants."}},{"id":"ud4.4:9","sourceIds":["ud4.4:9.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud4.4:10","sourceIds":["ud4.4:10.1","ud4.4:10.2","ud4.4:10.3","ud4.4:10.4","ud4.4:10.5","ud4.4:10.6","ud4.4:10.7"],"kind":"text","text":{"pi":"“Yassa selūpamaṁ cittaṁ,\nṭhitaṁ nānupakampati;\nVirattaṁ rajanīyesu,\nkopaneyye na kuppati;\nYassevaṁ bhāvitaṁ cittaṁ,\nkuto taṁ dukkhamessatī”ti.\nCatutthaṁ.","en":"“One whose mind is like a rock,\nsteady, never shaking,\nfree of desire for desirable things,\nnot getting annoyed when things are annoying:\nfrom where will suffering strike one\nwhose mind is developed like this?”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud4.4/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}