{"id":"ud4.8","title":"With Sundarī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud4.8","title":"With Sundarī","units":[{"id":"ud4.8:0","sourceIds":["ud4.8:0.1","ud4.8:0.2"],"kind":"text","text":{"pi":"Udāna 4.8\nSundarīsutta","en":"Heartfelt Sayings 4.8\nWith Sundarī"}},{"id":"ud4.8:1","sourceIds":["ud4.8:1.1","ud4.8:1.2","ud4.8:1.3","ud4.8:1.4","ud4.8:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena bhagavā sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṁ.\nBhikkhusaṅghopi sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṁ.\nAññatitthiyā pana paribbājakā asakkatā honti agarukatā amānitā apūjitā anapacitā na lābhino cīvarapiṇḍapātasenāsanagilānapaccayabhesajjaparikkhārānaṁ.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time the Buddha was honored, respected, revered, venerated, and esteemed. And he received robes, almsfood, lodgings, and medicines and supplies for the sick.\nAnd the mendicant Saṅgha was also honored, respected, revered, venerated, and esteemed. And they received robes, almsfood, lodgings, and medicines and supplies for the sick.\nBut the wanderers who followed other religions were not honored, respected, revered, venerated, and esteemed. And they didn’t receive robes, almsfood, lodgings, and medicines and supplies for the sick."}},{"id":"ud4.8:2","sourceIds":["ud4.8:2.1","ud4.8:2.2","ud4.8:2.3","ud4.8:2.4","ud4.8:2.5"],"kind":"text","text":{"pi":"Atha kho te aññatitthiyā paribbājakā bhagavato sakkāraṁ asahamānā bhikkhusaṅghassa ca yena sundarī paribbājikā tenupasaṅkamiṁsu; upasaṅkamitvā sundariṁ paribbājikaṁ etadavocuṁ:\n“ussahasi tvaṁ, bhagini, ñātīnaṁ atthaṁ kātun”ti?\n“Kyāhaṁ, ayyā, karomi?\nKiṁ mayā na sakkā kātuṁ?\nJīvitampi me pariccattaṁ ñātīnaṁ atthāyā”ti.","en":"Then those wanderers who followed other religions, unable to bear the esteem of the mendicant Saṅgha, approached the female wanderer Sundarī and said,\n“Sister, are you able to do something for the welfare of your kin?”\n“What can I do, masters?\nHow can I help?\nI’d even give my life for the welfare of my kin.”"}},{"id":"ud4.8:3","sourceIds":["ud4.8:3.1","ud4.8:3.2"],"kind":"text","text":{"pi":"“Tena hi, bhagini, abhikkhaṇaṁ jetavanaṁ gacchāhī”ti.\n“Evaṁ, ayyā”ti kho sundarī paribbājikā tesaṁ aññatitthiyānaṁ paribbājakānaṁ paṭissutvā abhikkhaṇaṁ jetavanaṁ agamāsi.","en":"“Well then, sister, frequently visit Jeta’s Grove.”\n“Yes, masters,” she replied, and did as they asked."}},{"id":"ud4.8:4","sourceIds":["ud4.8:4.1","ud4.8:4.2","ud4.8:4.3","ud4.8:4.4","ud4.8:4.5","ud4.8:4.6","ud4.8:4.7"],"kind":"text","text":{"pi":"Yadā te aññiṁsu aññatitthiyā paribbājakā:\n“vodiṭṭhā kho sundarī paribbājikā bahujanena abhikkhaṇaṁ jetavanaṁ gacchantī”ti.\nAtha naṁ jīvitā voropetvā tattheva jetavanassa parikhākūpe nikkhipitvā yena rājā pasenadi kosalo tenupasaṅkamiṁsu; upasaṅkamitvā rājānaṁ pasenadiṁ kosalaṁ etadavocuṁ:\n“yā sā, mahārāja, sundarī paribbājikā; sā no na dissatī”ti.\n“Kattha pana tumhe āsaṅkathā”ti?\n“Jetavane, mahārājā”ti.\n“Tena hi jetavanaṁ vicinathā”ti.","en":"When those wanderers knew\nthat Sundarī had been clearly seen by many people frequently visiting Jeta’s Grove,\nthey killed her and dumped her in the ditch around Jeta’s Grove. Then they went to see King Pasenadi of Kosala and said to him,\n“Great king, we cannot find the female wanderer Sundarī.”\n“But where do you suspect she is?”\n“At Jeta’s Grove, Great King.”\n“Well then, search Jeta’s Grove.”"}},{"id":"ud4.8:5","sourceIds":["ud4.8:5.1"],"kind":"text","text":{"pi":"Atha kho te aññatitthiyā paribbājakā jetavanaṁ vicinitvā yathānikkhittaṁ parikhākūpā uddharitvā mañcakaṁ āropetvā sāvatthiṁ pavesetvā rathiyāya rathiyaṁ siṅghāṭakena siṅghāṭakaṁ upasaṅkamitvā manusse ujjhāpesuṁ:","en":"So the wanderers searched Jeta’s Grove. They pulled her body up from the ditch where they had dumped it, and lifted it on a bier. Having entered Sāvatthī, they went from street to street and from square to square, complaining to people:"}},{"id":"ud4.8:6","sourceIds":["ud4.8:6.1","ud4.8:6.2","ud4.8:6.3","ud4.8:6.4","ud4.8:6.5","ud4.8:6.6","ud4.8:6.7","ud4.8:6.8"],"kind":"text","text":{"pi":"“Passathāyyā samaṇānaṁ sakyaputtiyānaṁ kammaṁ.\nAlajjino ime samaṇā sakyaputtiyā dussīlā pāpadhammā musāvādino abrahmacārino.\nIme hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.\nNatthi imesaṁ sāmaññaṁ, natthi imesaṁ brahmaññaṁ.\nNaṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ.\nKuto imesaṁ sāmaññaṁ, kuto imesaṁ brahmaññaṁ?\nApagatā ime sāmaññā, apagatā ime brahmaññā.\nKathañhi nāma puriso purisakiccaṁ karitvā itthiṁ jīvitā voropessatī”ti.","en":"“See the deed of the ascetics who follow the Sakyan!\nShameless are these ascetics who follow the Sakyan, immoral and wicked. They are liars and unchaste.\nSure, they claim to be of principled and moral conduct, to be chaste, truthful, ethical, and of good character.\nBut they have no asceticism, no spirituality.\nAsceticism and spirituality are lost to them!\nWhere is their asceticism, where their spirituality?\nThey have abandoned asceticism and spirituality!\nHow on earth can a man, having done a man’s business, kill a woman!”"}},{"id":"ud4.8:7","sourceIds":["ud4.8:7.1"],"kind":"text","text":{"pi":"Tena kho pana samayena sāvatthiyaṁ manussā bhikkhū disvā asabbhāhi pharusāhi vācāhi akkosanti paribhāsanti rosanti vihesanti:","en":"Then at that time when the people of Sāvatthī saw the mendicants they abused and insulted them with rude, harsh words:"}},{"id":"ud4.8:8","sourceIds":["ud4.8:8.1","ud4.8:8.2","ud4.8:8.3","ud4.8:8.4","ud4.8:8.5","ud4.8:8.6","ud4.8:8.7"],"kind":"text","text":{"pi":"“Alajjino ime samaṇā sakyaputtiyā dussīlā pāpadhammā musāvādino abrahmacārino.\nIme hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.\nNatthi imesaṁ sāmaññaṁ, natthi imesaṁ brahmaññaṁ.\nNaṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ.\nKuto imesaṁ sāmaññaṁ, kuto imesaṁ brahmaññaṁ?\nApagatā ime sāmaññā, apagatā ime brahmaññā.\nKathañhi nāma puriso purisakiccaṁ karitvā itthiṁ jīvitā voropessatī”ti.","en":"“Shameless are these ascetics who follow the Sakyan, immoral, wicked. They are liars and unchaste.\nSure, they claim to be of principled and moral conduct, to be chaste, truthful, ethical, and of good character.\nBut they have no asceticism, no spirituality.\nAsceticism and spirituality are lost to them!\nWhere is their asceticism, where their spirituality?\nThey have abandoned asceticism and spirituality!\nHow on earth can a man, having done a man’s business, kill a woman!”"}},{"id":"ud4.8:9","sourceIds":["ud4.8:9.1","ud4.8:9.2"],"kind":"text","text":{"pi":"Atha kho sambahulā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisiṁsu.\nSāvatthiyaṁ piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:","en":"Then several mendicants robed up in the morning and, taking their bowls and robes, entered Sāvatthī for alms.\nThen, after the meal, when they returned from almsround, they went up to the Buddha, bowed, sat down to one side, and told him what was happening."}},{"id":"ud4.8:10","sourceIds":["ud4.8:10.1","ud4.8:10.2","ud4.8:10.3","ud4.8:10.4","ud4.8:10.5","ud4.8:10.6","ud4.8:10.7","ud4.8:10.8"],"kind":"text","text":{"pi":"“Etarahi, bhante, sāvatthiyaṁ manussā bhikkhū disvā asabbhāhi pharusāhi vācāhi akkosanti paribhāsanti rosanti vihesanti:\n‘alajjino ime samaṇā sakyaputtiyā dussīlā pāpadhammā musāvādino abrahmacārino.\nIme hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.\nNatthi imesaṁ sāmaññaṁ, natthi imesaṁ brahmaññaṁ.\nNaṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ.\nKuto imesaṁ sāmaññaṁ, kuto imesaṁ brahmaññaṁ?\nApagatā ime sāmaññā, apagatā ime brahmaññā.\nKathañhi nāma puriso purisakiccaṁ karitvā itthiṁ jīvitā voropessatī’”ti."}},{"id":"ud4.8:11","sourceIds":["ud4.8:11.1","ud4.8:11.2"],"kind":"text","text":{"pi":"“Neso, bhikkhave, saddo ciraṁ bhavissati sattāhameva bhavissati. Sattāhassa accayena antaradhāyissati.\nTena hi, bhikkhave, ye manussā bhikkhū disvā asabbhāhi pharusāhi vācāhi akkosanti paribhāsanti rosanti vihesanti, te tumhe imāya gāthāya paṭicodetha:","en":"“That rumor, mendicants, won’t last long. It will only be seven days, then it will vanish.\nSo you may respond to those critics with this verse:"}},{"id":"ud4.8:12","sourceIds":["ud4.8:12.1","ud4.8:12.2","ud4.8:12.3","ud4.8:12.4"],"kind":"text","text":{"pi":"‘Abhūtavādī nirayaṁ upeti,\nYo vāpi katvā na karomi cāha;\nUbhopi te pecca samā bhavanti,\nNihīnakammā manujā paratthā’”ti.","en":"A liar goes to hell,\nas does one who denies what they did.\nBoth are equal in the hereafter,\nthose men of base deeds.”"}},{"id":"ud4.8:13","sourceIds":["ud4.8:13.1"],"kind":"text","text":{"pi":"Atha kho te bhikkhū bhagavato santike imaṁ gāthaṁ pariyāpuṇitvā ye manussā bhikkhū disvā asabbhāhi pharusāhi vācāhi akkosanti paribhāsanti rosanti vihesanti te imāya gāthāya paṭicodenti:","en":"The mendicants memorized that verse in the Buddha’s presence, then used it to respond to those critics."}},{"id":"ud4.8:14","sourceIds":["ud4.8:14.1","ud4.8:14.2","ud4.8:14.3","ud4.8:14.4"],"kind":"text","text":{"pi":"“Abhūtavādī nirayaṁ upeti,\nYo vāpi katvā na karomi cāha;\nUbhopi te pecca samā bhavanti,\nNihīnakammā manujā paratthā”ti."}},{"id":"ud4.8:15","sourceIds":["ud4.8:15.1","ud4.8:15.2","ud4.8:15.3"],"kind":"text","text":{"pi":"Manussānaṁ etadahosi:\n“akārakā ime samaṇā sakyaputtiyā, nayimehi kataṁ, sapantime samaṇā sakyaputtiyā”ti.\nNeva so saddo ciraṁ ahosi. Sattāhameva ahosi. Sattāhassa accayena antaradhāyi.","en":"People thought,\n“These ascetics who follow the Sakyan didn’t do it, it was not done by them, they swear it.”\nThat rumor didn’t last long. It was seven days, then it vanished."}},{"id":"ud4.8:16","sourceIds":["ud4.8:16.1"],"kind":"text","text":{"pi":"Atha kho sambahulā bhikkhū yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavato etadavocuṁ:","en":"Then several mendicants went up to the Buddha, bowed, sat down to one side, and said to him,"}},{"id":"ud4.8:17","sourceIds":["ud4.8:17.1","ud4.8:17.2","ud4.8:17.3","ud4.8:17.4"],"kind":"text","text":{"pi":"“Acchariyaṁ, bhante, abbhutaṁ, bhante.\nYāva subhāsitañcidaṁ, bhante, bhagavatā:\n‘neso, bhikkhave, saddo ciraṁ bhavissati. Sattāhameva bhavissati. Sattāhassa accayena antaradhāyissatī’ti.\nAntarahito so, bhante, saddo”ti.","en":"“It’s incredible, sir, it’s amazing!\nHow well said this was by the Buddha:\n‘That rumor, mendicants, won’t last long. It will only be seven days, then it will vanish.’\nThat rumor has vanished, sir.”"}},{"id":"ud4.8:18","sourceIds":["ud4.8:18.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud4.8:19","sourceIds":["ud4.8:19.1","ud4.8:19.2","ud4.8:19.3","ud4.8:19.4","ud4.8:19.5"],"kind":"text","text":{"pi":"“Tudanti vācāya janā asaññatā,\nSarehi saṅgāmagataṁva kuñjaraṁ;\nSutvāna vākyaṁ pharusaṁ udīritaṁ,\nAdhivāsaye bhikkhu aduṭṭhacitto”ti.\nAṭṭhamaṁ.","en":"“People out of control stab with words,\nlike they stab a tusker in battle with darts.\nWhen they hear a harsh word spoken,\na mendicant should endure with no anger in heart.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud4.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}