{"id":"ud5.1","title":"Who is More Dear?","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud5.1","title":"Who is More Dear?","units":[{"id":"ud5.1:0","sourceIds":["ud5.1:0.1","ud5.1:0.2"],"kind":"text","text":{"pi":"Udāna 5.1\nPiyatarasutta","en":"Heartfelt Sayings 5.1\nWho is More Dear?"}},{"id":"ud5.1:1","sourceIds":["ud5.1:1.1","ud5.1:1.2","ud5.1:1.3","ud5.1:1.4","ud5.1:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena rājā pasenadi kosalo mallikāya deviyā saddhiṁ uparipāsādavaragato hoti.\nAtha kho rājā pasenadi kosalo mallikaṁ deviṁ etadavoca:\n“atthi nu kho te, mallike, kocañño attanā piyataro”ti?","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time King Pasenadi of Kosala was upstairs in the royal longhouse together with Queen Mallikā.\nThen King Pasenadi addressed Queen Mallikā,\n“Mallikā, is there anyone more dear to you than yourself?”"}},{"id":"ud5.1:2","sourceIds":["ud5.1:2.1","ud5.1:2.2","ud5.1:2.3"],"kind":"text","text":{"pi":"“Natthi kho me, mahārāja, kocañño attanā piyataro.\nTuyhaṁ pana, mahārāja, atthañño koci attanā piyataro”ti?\n“Mayhampi kho, mallike, natthañño koci attanā piyataro”ti.","en":"“No, Great King, there isn’t.\nBut is there anyone more dear to you than yourself?”\n“For me also, Mallikā, there’s no one.”"}},{"id":"ud5.1:3","sourceIds":["ud5.1:3.1"],"kind":"text","text":{"pi":"Atha kho rājā pasenadi kosalo pāsādā orohitvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho rājā pasenadi kosalo bhagavantaṁ etadavoca:","en":"Then King Pasenadi of Kosala came downstairs from the stilt longhouse, went to the Buddha, bowed, sat down to one side, and told him what had happened."}},{"id":"ud5.1:4","sourceIds":["ud5.1:4.1","ud5.1:4.2","ud5.1:4.3","ud5.1:4.4","ud5.1:4.5","ud5.1:4.6","ud5.1:4.7"],"kind":"text","text":{"pi":"“Idhāhaṁ, bhante, mallikāya deviyā saddhiṁ uparipāsādavaragato mallikaṁ deviṁ etadavocaṁ:\n‘atthi nu kho te, mallike, kocañño attanā piyataro’ti?\nEvaṁ vutte, mallikā devī maṁ etadavoca:\n‘natthi kho me, mahārāja, kocañño attanā piyataro.\nTuyhaṁ pana, mahārāja, atthañño koci attanā piyataro’ti?\nEvaṁ vutte, ahaṁ, bhante, mallikaṁ deviṁ etadavocaṁ:\n‘mayhampi kho, mallike, natthañño koci attanā piyataro’”ti."}},{"id":"ud5.1:5","sourceIds":["ud5.1:5.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud5.1:6","sourceIds":["ud5.1:6.1","ud5.1:6.2","ud5.1:6.3","ud5.1:6.4","ud5.1:6.5"],"kind":"text","text":{"pi":"“Sabbā disā anuparigamma cetasā,\nNevajjhagā piyataramattanā kvaci;\nEvaṁ piyo puthu attā paresaṁ,\nTasmā na hiṁse paramattakāmo”ti.\nPaṭhamaṁ.","en":"“Having explored every quarter with the mind,\none finds no one dearer than oneself.\nLikewise for others, each holds themselves dear;\nso one who desires self-knowledge would harm no other.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud5.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}