{"id":"ud5.8","title":"Schism in the Saṅgha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud5.8","title":"Schism in the Saṅgha","units":[{"id":"ud5.8:0","sourceIds":["ud5.8:0.1","ud5.8:0.2"],"kind":"text","text":{"pi":"Udāna 5.8\nSaṅghabhedasutta","en":"Heartfelt Sayings 5.8\nSchism in the Saṅgha"}},{"id":"ud5.8:1","sourceIds":["ud5.8:1.1","ud5.8:1.2","ud5.8:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena āyasmā ānando tadahuposathe pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisi.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nNow at that time Venerable Ānanda robed up in the morning and, taking his bowl and robe, entered Rājagaha for alms."}},{"id":"ud5.8:2","sourceIds":["ud5.8:2.1","ud5.8:2.2","ud5.8:2.3"],"kind":"text","text":{"pi":"Addasā kho devadatto āyasmantaṁ ānandaṁ rājagahe piṇḍāya carantaṁ.\nDisvāna yenāyasmā ānando tenupasaṅkami; upasaṅkamitvā āyasmantaṁ ānandaṁ etadavoca:\n“ajjatagge dānāhaṁ, āvuso ānanda, aññatreva bhagavatā aññatra bhikkhusaṅghā uposathaṁ karissāmi saṅghakammāni cā”ti.","en":"Devadatta saw him wandering for alms,\nso he went up to him and said,\n“From this day forth, Reverend Ānanda, I shall perform the sabbath and legal proceedings of the Saṅgha apart from the Buddha and the Saṅgha of mendicants.”"}},{"id":"ud5.8:3","sourceIds":["ud5.8:3.1","ud5.8:3.2"],"kind":"text","text":{"pi":"Atha kho āyasmā ānando rājagahe piṇḍāya caritvā pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho āyasmā ānando bhagavantaṁ etadavoca:","en":"Then Ānanda wandered for alms in Rājagaha. After the meal, on his return from almsround, he went to the Buddha, bowed, sat down to one side,\nand told him what had just happened, adding:"}},{"id":"ud5.8:4","sourceIds":["ud5.8:4.1","ud5.8:4.2","ud5.8:4.3","ud5.8:4.4","ud5.8:4.5"],"kind":"text","text":{"pi":"“Idhāhaṁ, bhante, pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisiṁ.\nAddasā kho maṁ, bhante, devadatto rājagahe piṇḍāya carantaṁ.\nDisvāna yenāhaṁ tenupasaṅkami; upasaṅkamitvā maṁ etadavoca:\n‘ajjatagge dānāhaṁ, āvuso ānanda, aññatreva bhagavatā aññatra bhikkhusaṅghā uposathaṁ karissāmi saṅghakammāni cā’ti.\nAjja, bhante, devadatto saṅghaṁ bhindissati, uposathañca karissati saṅghakammāni cā”ti.","en":"“Today, sir, Devadatta will split the Saṅgha. He will perform the sabbath and legal proceedings of the Saṅgha.”"}},{"id":"ud5.8:5","sourceIds":["ud5.8:5.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud5.8:6","sourceIds":["ud5.8:6.1","ud5.8:6.2","ud5.8:6.3","ud5.8:6.4","ud5.8:6.5"],"kind":"text","text":{"pi":"“Sukaraṁ sādhunā sādhu,\nSādhu pāpena dukkaraṁ;\nPāpaṁ pāpena sukaraṁ,\nPāpamariyehi dukkaran”ti.\nAṭṭhamaṁ.","en":"“It’s easy for the good to do good,\nbut for the bad, doing good is hard.\nFor the bad, it’s easy to do bad,\nbut for the noble ones, doing bad is hard.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud5.8/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}