{"id":"ud6.1","title":"Surrendering the Life Force","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud6.1","title":"Surrendering the Life Force","units":[{"id":"ud6.1:0","sourceIds":["ud6.1:0.1","ud6.1:0.2"],"kind":"text","text":{"pi":"Udāna 6.1\nĀyusaṅkhārossajjanasutta","en":"Heartfelt Sayings 6.1\nSurrendering the Life Force"}},{"id":"ud6.1:1","sourceIds":["ud6.1:1.1","ud6.1:1.2","ud6.1:1.3","ud6.1:1.4","ud6.1:1.5","ud6.1:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nAtha kho bhagavā pubbaṇhasamayaṁ nivāsetvā pattacīvaramādāya vesāliṁ piṇḍāya pāvisi.\nVesāliyaṁ piṇḍāya caritvā pacchābhattaṁ piṇḍapātapaṭikkanto āyasmantaṁ ānandaṁ āmantesi:\n“gaṇhāhi, ānanda, nisīdanaṁ.\nYena cāpālaṁ cetiyaṁ tenupasaṅkamissāma divāvihārāyā”ti.","en":"So I have heard.\nAt one time the Buddha was staying near Vesālī, at the Great Wood, in the hall with the peaked roof.\nThen the Buddha robed up in the morning and, taking his bowl and robe, entered Vesālī for alms.\nThen, after the meal, on his return from almsround, he addressed Venerable Ānanda:\n“Ānanda, get your sitting cloth.\nLet’s go to the Cāpāla Shrine for the day’s meditation.”"}},{"id":"ud6.1:2","sourceIds":["ud6.1:2.1","ud6.1:2.2","ud6.1:2.3"],"kind":"text","text":{"pi":"“Evaṁ, bhante”ti kho āyasmā ānando bhagavato paṭissutvā nisīdanaṁ ādāya bhagavantaṁ piṭṭhito piṭṭhito anubandhi.\nAtha kho bhagavā yena cāpālaṁ cetiyaṁ tenupasaṅkami; upasaṅkamitvā paññatte āsane nisīdi.\nNisajja kho bhagavā āyasmantaṁ ānandaṁ āmantesi:","en":"“Yes, sir,” replied Ānanda. Taking his sitting cloth he followed behind the Buddha.\nThen the Buddha went up to the Cāpāla Shrine, where he sat down on the seat spread out.\nWhen he was seated he said to Venerable Ānanda:"}},{"id":"ud6.1:3","sourceIds":["ud6.1:3.1","ud6.1:3.2","ud6.1:3.3"],"kind":"text","text":{"pi":"“Ramaṇīyā, ānanda, vesālī; ramaṇīyaṁ udenaṁ cetiyaṁ; ramaṇīyaṁ gotamakaṁ cetiyaṁ; ramaṇīyaṁ sattambaṁ cetiyaṁ; ramaṇīyaṁ bahuputtaṁ cetiyaṁ; ramaṇīyaṁ sārandadaṁ cetiyaṁ; ramaṇīyaṁ cāpālaṁ cetiyaṁ.\nYassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno (…) kappaṁ vā tiṭṭheyya kappāvasesaṁ vā.\nTathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā. Ākaṅkhamāno, ānanda, tathāgato kappaṁ vā tiṭṭheyya kappāvasesaṁ vā”ti.","en":"“Ānanda, Vesālī is lovely. And the Udena, Gotamaka, Seven Maidens, Many Sons, Sārandada, and Cāpāla Shrines are all lovely.\nWhoever has developed and cultivated the four bases of psychic power—made them a vehicle and a basis, kept them up, consolidated them, and properly implemented them—may, if they wish, live for the proper lifespan or what’s left of it.\nThe Realized One has developed and cultivated the four bases of psychic power, made them a vehicle and a basis, kept them up, consolidated them, and properly implemented them. If he wished, the Realized One could live for the proper lifespan or what’s left of it.”"}},{"id":"ud6.1:4","sourceIds":["ud6.1:4.1","ud6.1:4.2","ud6.1:4.3","ud6.1:4.4","ud6.1:4.5"],"kind":"text","text":{"pi":"Evampi kho āyasmā ānando bhagavatā oḷārike nimitte kayiramāne, oḷārike obhāse kayiramāne, nāsakkhi paṭivijjhituṁ;\nna bhagavantaṁ yāci:\n“tiṭṭhatu, bhante, bhagavā kappaṁ; tiṭṭhatu sugato kappaṁ bahujanahitāya bahujanasukhāya lokānukampāya atthāya hitāya sukhāya devamanussānan”ti, yathā taṁ mārena pariyuṭṭhitacitto.\nDutiyampi kho …pe…\ntatiyampi kho bhagavā āyasmantaṁ ānandaṁ āmantesi:","en":"But Ānanda didn’t get it, even though the Buddha dropped such an obvious hint, such a clear sign.\nHe didn’t beg the Buddha,\n“Sir, may the Blessed One please remain for the proper lifespan! May the Holy One please remain for the proper lifespan! That would be for the welfare and happiness of the people, out of sympathy for the world, for the benefit, welfare, and happiness of gods and humans.” For his mind was as if possessed by Māra.\nFor a second time …\nFor a third time, the Buddha said to Ānanda:"}},{"id":"ud6.1:5","sourceIds":["ud6.1:5.1","ud6.1:5.2","ud6.1:5.3"],"kind":"text","text":{"pi":"“Ramaṇīyā, ānanda, vesālī; ramaṇīyaṁ udenaṁ cetiyaṁ; ramaṇīyaṁ gotamakaṁ cetiyaṁ; ramaṇīyaṁ sattambaṁ cetiyaṁ; ramaṇīyaṁ bahuputtaṁ cetiyaṁ; ramaṇīyaṁ sārandadaṁ cetiyaṁ; ramaṇīyaṁ cāpālaṁ cetiyaṁ.\nYassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṁ vā tiṭṭheyya kappāvasesaṁ vā.\nTathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā. Ākaṅkhamāno, ānanda, tathāgato kappaṁ vā tiṭṭheyya kappāvasesaṁ vā”ti.","en":"“Ānanda, Vesālī is lovely. And the Udena, Gotamaka, Seven Maidens, Many Sons, Sārandada, and Cāpāla Shrines are all lovely.\nWhoever has developed and cultivated the four bases of psychic power—made them a vehicle and a basis, kept them up, consolidated them, and properly implemented them—may, if they wish, live for the proper lifespan or what’s left of it.\nThe Realized One has developed and cultivated the four bases of psychic power, made them a vehicle and a basis, kept them up, consolidated them, and properly implemented them. If he wished, the Realized One could live for the proper lifespan or what’s left of it.”"}},{"id":"ud6.1:6","sourceIds":["ud6.1:6.1","ud6.1:6.2","ud6.1:6.3"],"kind":"text","text":{"pi":"Evampi kho āyasmā ānando bhagavatā oḷārike nimitte kayiramāne, oḷārike obhāse kayiramāne, nāsakkhi paṭivijjhituṁ;\nna bhagavantaṁ yāci:\n“tiṭṭhatu, bhante, bhagavā kappaṁ; tiṭṭhatu sugato kappaṁ bahujanahitāya bahujanasukhāya lokānukampāya atthāya hitāya sukhāya devamanussānan”ti, yathā taṁ mārena pariyuṭṭhitacitto.","en":"But Ānanda didn’t get it, even though the Buddha dropped such an obvious hint, such a clear sign.\nHe didn’t beg the Buddha,\n“Sir, may the Blessed One please remain for the proper lifespan! May the Holy One please remain for the proper lifespan! That would be for the welfare and happiness of the people, out of sympathy for the world, for the benefit, welfare, and happiness of gods and humans.” For his mind was as if possessed by Māra."}},{"id":"ud6.1:7","sourceIds":["ud6.1:7.1","ud6.1:7.2","ud6.1:7.3"],"kind":"text","text":{"pi":"Atha kho bhagavā āyasmantaṁ ānandaṁ āmantesi:\n“gaccha tvaṁ, ānanda, yassadāni kālaṁ maññasī”ti.\n“Evaṁ, bhante”ti kho āyasmā ānando bhagavato paṭissutvā uṭṭhāyāsanā bhagavantaṁ abhivādetvā padakkhiṇaṁ katvā avidūre aññatarasmiṁ rukkhamūle nisīdi.","en":"Then the Buddha said to Venerable Ānanda,\n“Go now, Ānanda, at your convenience.”\n“Yes, sir,” replied Ānanda. He rose from his seat, bowed, and respectfully circled the Buddha, keeping him on his right, before sitting at the root of a tree close by."}},{"id":"ud6.1:8","sourceIds":["ud6.1:8.1"],"kind":"text","text":{"pi":"Atha kho māro pāpimā, acirapakkante āyasmante ānande, yena bhagavā tenupasaṅkami; upasaṅkamitvā ekamantaṁ aṭṭhāsi. Ekamantaṁ ṭhito kho māro pāpimā bhagavantaṁ etadavoca:","en":"And then, not long after Ānanda had left, Māra the Wicked went up to the Buddha, stood to one side, and said to him:"}},{"id":"ud6.1:9","sourceIds":["ud6.1:9.1","ud6.1:9.2","ud6.1:9.3","ud6.1:9.4","ud6.1:9.5"],"kind":"text","text":{"pi":"“Parinibbātu dāni, bhante, bhagavā; parinibbātu sugato; parinibbānakālo dāni, bhante, bhagavato.\nBhāsitā kho panesā, bhante, bhagavatā vācā:\n‘na tāvāhaṁ, pāpima, parinibbāyissāmi yāva me bhikkhū na sāvakā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṁ ācariyakaṁ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desessantī’ti.\nEtarahi kho pana, bhante, bhikkhū bhagavato sāvakā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino sakaṁ ācariyakaṁ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desenti.\nParinibbātu dāni, bhante, bhagavā; parinibbātu sugato; parinibbānakālo dāni, bhante, bhagavato.","en":"“May the Blessed One now be fully extinguished! May the Holy One now be fully extinguished! Now is the time for the full extinguishment of the Buddha.\nSir, you once made this statement:\n‘Wicked One, I shall not be fully extinguished until I have monk disciples who are competent, educated, assured, learned, have memorized the teachings, and practice in line with the principle of the teaching. Not until they practice properly, living in line with the teaching. Not until they’ve learned their own denomination, and explain, teach, assert, establish, disclose, analyze, and make it clear. Not until they can legitimately and completely refute the doctrines of others that come up, and teach with a demonstrable basis.’\nToday you do have such monk disciples.\nMay the Blessed One now be fully extinguished! May the Holy One now be fully extinguished! Now is the time for the full extinguishment of the Buddha."}},{"id":"ud6.1:10","sourceIds":["ud6.1:10.1","ud6.1:10.2","ud6.1:10.3","ud6.1:10.4"],"kind":"text","text":{"pi":"Bhāsitā kho panesā, bhante, bhagavatā vācā:\n‘na tāvāhaṁ, pāpima, parinibbāyissāmi yāva me bhikkhuniyo na sāvikā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo sakaṁ ācariyakaṁ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desessantī’ti.\nEtarahi kho pana, bhante, bhikkhuniyo bhagavato sāvikā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo sakaṁ ācariyakaṁ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desenti.\nParinibbātu dāni, bhante, bhagavā; parinibbātu sugato; parinibbānakālo dāni, bhante, bhagavato.","en":"Sir, you once made this statement:\n‘Wicked One, I shall not be fully extinguished until I have nun disciples who are competent, educated, self-assured, learned …’ …\nToday you do have such nun disciples."}},{"id":"ud6.1:11","sourceIds":["ud6.1:11.1","ud6.1:11.2","ud6.1:11.3","ud6.1:11.4"],"kind":"text","text":{"pi":"Bhāsitā kho panesā, bhante, bhagavatā vācā:\n‘na tāvāhaṁ, pāpima, parinibbāyissāmi yāva me upāsakā na sāvakā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino sakaṁ ācariyakaṁ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desessantī’ti.\nEtarahi kho pana, bhante, upāsakā bhagavato sāvakā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacārino sakaṁ ācariyakaṁ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desenti.\nParinibbātu dāni, bhante, bhagavā; parinibbātu sugato; parinibbānakālo dāni, bhante, bhagavato.","en":"‘Wicked One, I shall not be fully extinguished until I have layman disciples who are competent, educated, self-assured, learned …’\nToday you do have such layman disciples."}},{"id":"ud6.1:12","sourceIds":["ud6.1:12.1","ud6.1:12.2","ud6.1:12.3","ud6.1:12.4"],"kind":"text","text":{"pi":"Bhāsitā kho panesā, bhante, bhagavatā vācā:\n‘na tāvāhaṁ, pāpima, parinibbāyissāmi yāva me upāsikā na sāvikā bhavissanti viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo sakaṁ ācariyakaṁ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desessantī’ti.\nEtarahi kho pana, bhante, upāsikā bhagavato sāvikā viyattā vinītā visāradā bahussutā dhammadharā dhammānudhammappaṭipannā sāmīcippaṭipannā anudhammacāriniyo sakaṁ ācariyakaṁ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desenti.\nParinibbātu dāni, bhante, bhagavā; parinibbātu sugato; parinibbānakālo dāni, bhante, bhagavato.","en":"‘Wicked One, I shall not be fully extinguished until I have laywoman disciples who are competent, educated, self-assured, learned …’\nToday you do have such laywoman disciples.\nMay the Blessed One now be fully extinguished! May the Holy One now be fully extinguished! Now is the time for the full extinguishment of the Buddha."}},{"id":"ud6.1:13","sourceIds":["ud6.1:13.1","ud6.1:13.2","ud6.1:13.3","ud6.1:13.4"],"kind":"text","text":{"pi":"Bhāsitā kho panesā, bhante, bhagavatā vācā:\n‘na tāvāhaṁ, pāpima, parinibbāyissāmi yāva me idaṁ brahmacariyaṁ na iddhañceva bhavissati phītañca vitthārikaṁ bāhujaññaṁ puthubhūtaṁ yāva devamanussehi suppakāsitan’ti.\nEtarahi kho pana, bhante, bhagavato brahmacariyaṁ iddhañceva phītañca vitthārikaṁ bāhujaññaṁ puthubhūtaṁ yāva devamanussehi suppakāsitaṁ.\nParinibbātu dāni, bhante, bhagavā; parinibbātu sugato; parinibbānakālo dāni, bhante, bhagavato”ti.","en":"Sir, you once made this statement:\n‘I shall not be fully extinguished until my spiritual path is successful and prosperous, extensive, popular, widespread, and fully revealed among gods and humans.’\nToday your spiritual path is successful and prosperous, extensive, popular, widespread, and fully revealed among gods and humans.\nMay the Blessed One now be fully extinguished! May the Holy One now be fully extinguished! Now is the time for the full extinguishment of the Buddha.”"}},{"id":"ud6.1:14","sourceIds":["ud6.1:14.1","ud6.1:14.2","ud6.1:14.3"],"kind":"text","text":{"pi":"Evaṁ vutte, bhagavā māraṁ pāpimantaṁ etadavoca:\n“appossukko tvaṁ, pāpima, hohi. Na ciraṁ tathāgatassa parinibbānaṁ bhavissati.\nIto tiṇṇaṁ māsānaṁ accayena tathāgato parinibbāyissatī”ti.","en":"When this was said, the Buddha said to Māra,\n“Relax, Wicked One. The full extinguishment of the Realized One will be soon.\nThree months from now the Realized One will be fully extinguished.”"}},{"id":"ud6.1:15","sourceIds":["ud6.1:15.1","ud6.1:15.2"],"kind":"text","text":{"pi":"Atha kho bhagavā cāpāle cetiye sato sampajāno āyusaṅkhāraṁ ossaji.\nOssaṭṭhe ca bhagavatā āyusaṅkhāre mahābhūmicālo ahosi bhiṁsanako lomahaṁso, devadundubhiyo ca phaliṁsu.","en":"So at the Cāpāla Shrine the Buddha, mindful and aware, surrendered the life force.\nWhen he did so there was a great earthquake, awe-inspiring and hair-raising, and thunder cracked the sky."}},{"id":"ud6.1:16","sourceIds":["ud6.1:16.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud6.1:17","sourceIds":["ud6.1:17.1","ud6.1:17.2","ud6.1:17.3","ud6.1:17.4","ud6.1:17.5"],"kind":"text","text":{"pi":"“Tulamatulañca sambhavaṁ,\nBhavasaṅkhāramavassaji muni;\nAjjhattarato samāhito,\nAbhindi kavacamivattasambhavan”ti.\nPaṭhamaṁ.","en":"“Comparing the incomparable with the creation of prolonged life,\nthe sage surrendered the life force.\nHappy inside, serene,\nhe shattered self-creation like a suit of armor.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud6.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}