{"id":"ud6.10","title":"Arising","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud6.10","title":"Arising","units":[{"id":"ud6.10:0","sourceIds":["ud6.10:0.1","ud6.10:0.2"],"kind":"text","text":{"pi":"Udāna 6.10\nUppajjantisutta","en":"Heartfelt Sayings 6.10\nArising"}},{"id":"ud6.10:1","sourceIds":["ud6.10:1.1","ud6.10:1.2","ud6.10:1.3","ud6.10:1.4"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho āyasmā ānando bhagavantaṁ etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen Venerable Ānanda went up to the Buddha, bowed, sat down to one side, and said to him:"}},{"id":"ud6.10:2","sourceIds":["ud6.10:2.1","ud6.10:2.2","ud6.10:2.3"],"kind":"text","text":{"pi":"“Yāvakīvañca, bhante, tathāgatā loke nuppajjanti arahanto sammāsambuddhā tāva aññatitthiyā paribbājakā sakkatā honti garukatā mānitā pūjitā apacitā lābhino cīvarapiṇḍapātasenāsanagilānapaccayabhesajjaparikkhārānaṁ.\nYato ca kho, bhante, tathāgatā loke uppajjanti arahanto sammāsambuddhā atha aññatitthiyā paribbājakā asakkatā honti agarukatā amānitā apūjitā anapacitā na lābhino cīvarapiṇḍapātasenāsanagilānapaccayabhesajjaparikkhārānaṁ.\nBhagavāyeva dāni, bhante, sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṁ, bhikkhusaṅgho cā”ti.","en":"“Sir, so long as the Realized Ones, the perfected ones, the fully awakened Buddhas do not arise in the world, the wanderers of other religions are honored, respected, revered, venerated, and esteemed. And they receive robes, almsfood, lodgings, and medicines and supplies for the sick.\nBut when the Realized Ones do arise in the world, the wanderers of other religions are no longer honored, respected, revered, venerated, and esteemed. And they do not receive robes, almsfood, lodgings, and medicines and supplies for the sick.\nNow only the Buddha is honored, respected, revered, venerated, and esteemed. And he receives robes, almsfood, lodgings, and medicines and supplies for the sick.”"}},{"id":"ud6.10:3","sourceIds":["ud6.10:3.1","ud6.10:3.2","ud6.10:3.3"],"kind":"text","text":{"pi":"“Evametaṁ, ānanda, yāvakīvañca, ānanda, tathāgatā loke nuppajjanti arahanto sammāsambuddhā tāva aññatitthiyā paribbājakā sakkatā honti garukatā mānitā pūjitā apacitā lābhino cīvarapiṇḍapātasenāsanagilānapaccayabhesajjaparikkhārānaṁ.\nYato ca kho, ānanda, tathāgatā loke uppajjanti arahanto sammāsambuddhā atha aññatitthiyā paribbājakā asakkatā honti agarukatā amānitā apūjitā anapacitā na lābhino cīvarapiṇḍapātasenāsanagilānapaccayabhesajjaparikkhārānaṁ.\nTathāgatova dāni sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṁ, bhikkhusaṅgho cā”ti.","en":"“That’s so true, Ānanda. So long as the Realized Ones do not arise in the world, the wanderers of other religions are honored, respected, revered, venerated, and esteemed. And they receive robes, almsfood, lodgings, and medicines and supplies for the sick.\nBut when the Realized Ones do arise in the world, the wanderers of other religions are no longer honored in this way.\nNow only the Realized One is honored, respected, revered, venerated, and esteemed. And he receives robes, almsfood, lodgings, and medicines and supplies for the sick. And so does the mendicant Saṅgha.”"}},{"id":"ud6.10:4","sourceIds":["ud6.10:4.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud6.10:5","sourceIds":["ud6.10:5.1","ud6.10:5.2","ud6.10:5.3","ud6.10:5.4"],"kind":"text","text":{"pi":"“Obhāsati tāva so kimi,\nYāva na unnamate pabhaṅkaro;\nSa verocanamhi uggate,\nHatappabho hoti na cāpi bhāsati.","en":"“The glow-worm shines so long\nas the beacon of the sun does not rise.\nBut when the dazzling sun has come up,\nthat light is erased and shines no more."}},{"id":"ud6.10:6","sourceIds":["ud6.10:6.1","ud6.10:6.2","ud6.10:6.3","ud6.10:6.4","ud6.10:6.5"],"kind":"text","text":{"pi":"Evaṁ obhāsitameva takkikānaṁ,\nYāva sammāsambuddhā loke nuppajjanti;\nNa takkikā sujjhanti na cāpi sāvakā,\nDuddiṭṭhī na dukkhā pamuccare”ti.\nDasamaṁ.","en":"So too the sophists shine bright\nso long as the Buddhas don’t arise in the world.\nThe sophists are not purified, nor are their disciples.\nHaving bad views, they are not freed from suffering.”"}},{"id":"ud6.10:7","sourceIds":["ud6.10:7.0","ud6.10:7.1","ud6.10:7.2","ud6.10:7.3","ud6.10:7.4","ud6.10:7.5"],"kind":"text","text":{"pi":"Tassuddānaṁ\nĀyujaṭilavekkhaṇā,\ntayo titthiyā subhūti;\nGaṇikā upāti navamo,\nuppajjanti ca te dasāti.\nJaccandhavaggo chaṭṭho."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud6.10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}