{"id":"ud7.6","title":"The Ending of Craving","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud7.6","title":"The Ending of Craving","units":[{"id":"ud7.6:0","sourceIds":["ud7.6:0.1","ud7.6:0.2"],"kind":"text","text":{"pi":"Udāna 7.6\nTaṇhāsaṅkhayasutta","en":"Heartfelt Sayings 7.6\nThe Ending of Craving"}},{"id":"ud7.6:1","sourceIds":["ud7.6:1.1","ud7.6:1.2","ud7.6:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā aññāsikoṇḍañño bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya taṇhāsaṅkhayavimuttiṁ paccavekkhamāno.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nNow at that time Venerable Koṇḍañña Who Understood was sitting not far from the Buddha, cross-legged, with his body straight, reviewing the freedom through the ending of craving."}},{"id":"ud7.6:2","sourceIds":["ud7.6:2.1"],"kind":"text","text":{"pi":"Addasā kho bhagavā āyasmantaṁ aññāsikoṇḍaññaṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya taṇhāsaṅkhayavimuttiṁ paccavekkhamānaṁ.","en":"The Buddha saw him meditating there."}},{"id":"ud7.6:3","sourceIds":["ud7.6:3.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud7.6:4","sourceIds":["ud7.6:4.1","ud7.6:4.2","ud7.6:4.3","ud7.6:4.4","ud7.6:4.5","ud7.6:4.6","ud7.6:4.7"],"kind":"text","text":{"pi":"“Yassa mūlaṁ chamā natthi,\npaṇṇā natthi kuto latā;\nTaṁ dhīraṁ bandhanā muttaṁ,\nko taṁ ninditumarahati;\nDevāpi naṁ pasaṁsanti,\nbrahmunāpi pasaṁsito”ti.\nChaṭṭhaṁ.","en":"“There is no root or ground or leaves for them,\nso where would creepers sprout from?\nThat attentive one is released from bonds:\nwho is worthy to criticize them?\nEven the gods praise them,\nand by the Divinity, too, they’re praised.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud7.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}