{"id":"ud8.7","title":"A Fork in the Road","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud8.7","title":"A Fork in the Road","units":[{"id":"ud8.7:0","sourceIds":["ud8.7:0.1","ud8.7:0.2"],"kind":"text","text":{"pi":"Udāna 8.7\nDvidhāpathasutta","en":"Heartfelt Sayings 8.7\nA Fork in the Road"}},{"id":"ud8.7:1","sourceIds":["ud8.7:1.1","ud8.7:1.2","ud8.7:1.3","ud8.7:1.4","ud8.7:1.5","ud8.7:1.6","ud8.7:1.7","ud8.7:1.8","ud8.7:1.9"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosalesu addhānamaggappaṭipanno hoti āyasmatā nāgasamālena pacchāsamaṇena.\nAddasā kho āyasmā nāgasamālo antarāmagge dvidhāpathaṁ.\nDisvāna bhagavantaṁ etadavoca:\n“ayaṁ, bhante, bhagavā pantho;\niminā gacchāmā”ti.\nEvaṁ vutte, bhagavā āyasmantaṁ nāgasamālaṁ etadavoca:\n“ayaṁ, nāgasamāla, pantho;\niminā gacchāmā”ti.","en":"So I have heard.\nAt one time the Buddha was traveling along a road in the Kosalan lands with Venerable Nāgasamāla as his second monk.\nNāgasamāla saw a fork in the road\nand said to the Buddha,\n“Sir, this is the road,\nlet us go this way.”\nBut when he said this the Buddha responded,\n“Nāgasamāla, this is the road,\nlet us go this way.”"}},{"id":"ud8.7:2","sourceIds":["ud8.7:2.1","ud8.7:2.2","ud8.7:2.3","ud8.7:2.4","ud8.7:2.5","ud8.7:2.6","ud8.7:2.7","ud8.7:2.8","ud8.7:2.9"],"kind":"text","text":{"pi":"Dutiyampi kho …pe…\ntatiyampi kho āyasmā nāgasamālo bhagavantaṁ etadavoca:\n“ayaṁ, bhante, bhagavā pantho;\niminā gacchāmā”ti.\nTatiyampi kho bhagavā āyasmantaṁ nāgasamālaṁ etadavoca:\n“ayaṁ, nāgasamāla, pantho;\niminā gacchāmā”ti.\nAtha kho āyasmā nāgasamālo bhagavato pattacīvaraṁ tattheva chamāyaṁ nikkhipitvā pakkāmi:\n“idaṁ, bhante, bhagavato pattacīvaran”ti.","en":"For a second time …\nFor a third time Nāgasamāla said to the Buddha,\n“Sir, this is the road,\nlet us go this way.”\nAnd for a third time the Buddha responded,\n“Nāgasamāla, this is the road,\nlet us go this way.”\nThen Nāgasamāla put the Buddha’s bowl and robes down on the ground right there and left, saying,\n“Sir, here are your bowl and robes.”"}},{"id":"ud8.7:3","sourceIds":["ud8.7:3.1","ud8.7:3.2","ud8.7:3.3","ud8.7:3.4"],"kind":"text","text":{"pi":"Atha kho āyasmato nāgasamālassa tena panthena gacchantassa antarāmagge corā nikkhamitvā hatthehi ca pādehi ca ākoṭesuṁ pattañca bhindiṁsu saṅghāṭiñca vipphālesuṁ.\nAtha kho āyasmā nāgasamālo bhinnena pattena vipphālitāya saṅghāṭiyā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho āyasmā nāgasamālo bhagavantaṁ etadavoca:\n“idha mayhaṁ, bhante, tena panthena gacchantassa antarāmagge corā nikkhamitvā hatthehi ca pādehi ca ākoṭesuṁ, pattañca bhindiṁsu, saṅghāṭiñca vipphālesun”ti.","en":"Then as Nāgasamāla was going down that road, he was set upon by bandits who struck him with fists and feet, broke his bowl, and tore up his outer robe.\nThen Nāgasamāla—with his bowl broken and his outer robe torn—went to the Buddha and told him what had happened."}},{"id":"ud8.7:4","sourceIds":["ud8.7:4.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud8.7:5","sourceIds":["ud8.7:5.1","ud8.7:5.2","ud8.7:5.3","ud8.7:5.4","ud8.7:5.5"],"kind":"text","text":{"pi":"“Saddhiṁ caramekato vasaṁ,\nMisso aññajanena vedagū;\nVidvā pajahāti pāpakaṁ,\nKoñco khīrapakova ninnagan”ti.\nSattamaṁ.","en":"“Walking together, dwelling as one,\nthe knowledge master mixes with foolish folk.\nKnowing this, they give up wickedness,\nlike a milk-drinking heron the water.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud8.7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}