{"id":"ud8.9","title":"With Dabba (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ud8.9","title":"With Dabba (1st)","units":[{"id":"ud8.9:0","sourceIds":["ud8.9:0.1","ud8.9:0.2"],"kind":"text","text":{"pi":"Udāna 8.9\nPaṭhamadabbasutta","en":"Heartfelt Sayings 8.9\nWith Dabba (1st)"}},{"id":"ud8.9:1","sourceIds":["ud8.9:1.1","ud8.9:1.2","ud8.9:1.3","ud8.9:1.4","ud8.9:1.5","ud8.9:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nAtha kho āyasmā dabbo mallaputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho āyasmā dabbo mallaputto bhagavantaṁ etadavoca:\n“parinibbānakālo me dāni, sugatā”ti.\n“Yassadāni tvaṁ, dabba, kālaṁ maññasī”ti.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nThen Venerable Dabba the Mallian went up to the Buddha, bowed, sat down to one side, and said to him:\n“Holy One, it is the time for my full extinguishment.”\n“Please, Dabba, do as you see fit.”"}},{"id":"ud8.9:2","sourceIds":["ud8.9:2.1"],"kind":"text","text":{"pi":"Atha kho āyasmā dabbo mallaputto uṭṭhāyāsanā bhagavantaṁ abhivādetvā padakkhiṇaṁ katvā vehāsaṁ abbhuggantvā ākāse antalikkhe pallaṅkena nisīditvā tejodhātuṁ samāpajjitvā vuṭṭhahitvā parinibbāyi.","en":"Then Dabba rose from his seat, bowed and respectfully circled the Buddha, keeping him on his right. Then he rose into the air and, sitting cross-legged in midair, entered and withdrew from the fire element before becoming fully extinguished."}},{"id":"ud8.9:3","sourceIds":["ud8.9:3.1","ud8.9:3.2","ud8.9:3.3"],"kind":"text","text":{"pi":"Atha kho āyasmato dabbassa mallaputtassa vehāsaṁ abbhuggantvā ākāse antalikkhe pallaṅkena nisīditvā tejodhātuṁ samāpajjitvā vuṭṭhahitvā parinibbutassa sarīrassa jhāyamānassa ḍayhamānassa neva chārikā paññāyittha na masi.\nSeyyathāpi nāma sappissa vā telassa vā jhāyamānassa ḍayhamānassa neva chārikā paññāyati na masi;\nevamevaṁ āyasmato dabbassa mallaputtassa vehāsaṁ abbhuggantvā ākāse antalikkhe pallaṅkena nisīditvā tejodhātuṁ samāpajjitvā vuṭṭhahitvā parinibbutassa sarīrassa jhāyamānassa ḍayhamānassa neva chārikā paññāyittha na masīti.","en":"Then when he was fully quenched while sitting cross-legged in midair, his body burning and combusting left neither ashes nor soot to be found.\nIt’s like when ghee or oil blaze and burn, and neither ashes nor soot are found."}},{"id":"ud8.9:4","sourceIds":["ud8.9:4.1"],"kind":"text","text":{"pi":"Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:","en":"Then, understanding this matter, on that occasion the Buddha expressed this heartfelt sentiment:"}},{"id":"ud8.9:5","sourceIds":["ud8.9:5.1","ud8.9:5.2","ud8.9:5.3","ud8.9:5.4","ud8.9:5.5"],"kind":"text","text":{"pi":"“Abhedi kāyo nirodhi saññā,\nVedanā sītibhaviṁsu sabbā;\nVūpasamiṁsu saṅkhārā,\nViññāṇaṁ atthamāgamā”ti.\nNavamaṁ.","en":"“The body is broken up, perception has ceased,\nall feelings have become cool;\nchoices are stilled,\nand consciousness come to an end.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ud8.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}