{"id":"vb14","title":"Sikkhāpadavibhaṅga","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"vb14","title":"Sikkhāpadavibhaṅga","units":[{"id":"vb14:0","sourceIds":["vb14:0.1","vb14:0.2"],"kind":"text","text":{"pi":"Vibhaṅga\nSikkhāpadavibhaṅga"}},{"id":"vb14:1","sourceIds":["vb14:1.0","vb14:1.1","vb14:1.2"],"kind":"text","text":{"pi":"1. Abhidhammabhājanīya\nPañca sikkhāpadāni—\npāṇātipātā veramaṇī sikkhāpadaṁ, adinnādānā veramaṇī sikkhāpadaṁ, kāmesumicchācārā veramaṇī sikkhāpadaṁ, musāvādā veramaṇī sikkhāpadaṁ, surāmerayamajjapamādaṭṭhānā veramaṇī sikkhāpadaṁ."}},{"id":"vb14:2","sourceIds":["vb14:2.1","vb14:2.2","vb14:2.3","vb14:2.4"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ pāṇātipātā viramantassa, yā tasmiṁ samaye pāṇātipātā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—\nidaṁ vuccati “pāṇātipātā veramaṇī sikkhāpadaṁ”.\nAvasesā dhammā veramaṇiyā sampayuttā."}},{"id":"vb14:3","sourceIds":["vb14:3.1","vb14:3.2","vb14:3.3","vb14:3.4"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ pāṇātipātā viramantassa, yā tasmiṁ samaye cetanā sañcetanā sañcetayitattaṁ—\nidaṁ vuccati “pāṇātipātā veramaṇī sikkhāpadaṁ”.\nAvasesā dhammā cetanāya sampayuttā."}},{"id":"vb14:4","sourceIds":["vb14:4.1","vb14:4.2","vb14:4.3"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ pāṇātipātā viramantassa, yo tasmiṁ samaye phasso …pe… paggāho avikkhepo—\nidaṁ vuccati “pāṇātipātā veramaṇī sikkhāpadaṁ”."}},{"id":"vb14:5","sourceIds":["vb14:5.1","vb14:5.2","vb14:5.3","vb14:5.4","vb14:5.5","vb14:5.6","vb14:5.7","vb14:5.8","vb14:5.9","vb14:5.10"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…\nsomanassasahagataṁ ñāṇavippayuttaṁ …pe…\nsomanassasahagataṁ ñāṇavippayuttaṁ sasaṅkhārena …pe…\nupekkhāsahagataṁ ñāṇasampayuttaṁ …pe…\nupekkhāsahagataṁ ñāṇasampayuttaṁ sasaṅkhārena …pe…\nupekkhāsahagataṁ ñāṇavippayuttaṁ …pe…\nupekkhāsahagataṁ ñāṇavippayuttaṁ sasaṅkhārena pāṇātipātā viramantassa, yā tasmiṁ samaye pāṇātipātā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—\nidaṁ vuccati “pāṇātipātā veramaṇī sikkhāpadaṁ”.\nAvasesā dhammā veramaṇiyā sampayuttā."}},{"id":"vb14:6","sourceIds":["vb14:6.1","vb14:6.2","vb14:6.3","vb14:6.4"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ sasaṅkhārena pāṇātipātā viramantassa, yā tasmiṁ samaye cetanā sañcetanā sañcetayitattaṁ—\nidaṁ vuccati “pāṇātipātā veramaṇī sikkhāpadaṁ”.\nAvasesā dhammā cetanāya sampayuttā."}},{"id":"vb14:7","sourceIds":["vb14:7.1","vb14:7.2","vb14:7.3"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ sasaṅkhārena pāṇātipātā viramantassa phasso …pe… paggāho avikkhepo—\nidaṁ vuccati “pāṇātipātā veramaṇī sikkhāpadaṁ”."}},{"id":"vb14:8","sourceIds":["vb14:8.1","vb14:8.2","vb14:8.3","vb14:8.4","vb14:8.5","vb14:8.6","vb14:8.7"],"kind":"text","text":{"pi":"Tattha katamaṁ adinnādānā veramaṇī sikkhāpadaṁ …pe…\nkāmesumicchācārā veramaṇī sikkhāpadaṁ …pe…\nmusāvādā veramaṇī sikkhāpadaṁ …pe…\nsurāmerayamajjapamādaṭṭhānā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ surāmerayamajjapamādaṭṭhānā viramantassa, yā tasmiṁ samaye surāmerayamajjapamādaṭṭhānā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”.\nAvasesā dhammā veramaṇiyā sampayuttā."}},{"id":"vb14:9","sourceIds":["vb14:9.1","vb14:9.2","vb14:9.3"],"kind":"text","text":{"pi":"Tattha katamaṁ surāmerayamajjapamādaṭṭhānā veramaṇī sikkhāpadaṁ, yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ surāmerayamajjapamādaṭṭhānā viramantassa, yā tasmiṁ samaye cetanā sañcetanā sañcetayitattaṁ—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”.\nAvasesā dhammā cetanāya sampayuttā."}},{"id":"vb14:10","sourceIds":["vb14:10.1","vb14:10.2","vb14:10.3"],"kind":"text","text":{"pi":"Tattha katamaṁ surāmerayamajjapamādaṭṭhānā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ surāmerayamajjapamādaṭṭhānā viramantassa, yo tasmiṁ samaye phasso …pe… paggāho avikkhepo—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”."}},{"id":"vb14:11","sourceIds":["vb14:11.1","vb14:11.2","vb14:11.3","vb14:11.4","vb14:11.5","vb14:11.6","vb14:11.7","vb14:11.8","vb14:11.9","vb14:11.10"],"kind":"text","text":{"pi":"Tattha katamaṁ surāmerayamajjapamādaṭṭhānā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…\nsomanassasahagataṁ ñāṇavippayuttaṁ …pe…\nsomanassasahagataṁ ñāṇavippayuttaṁ sasaṅkhārena …pe…\nupekkhāsahagataṁ ñāṇasampayuttaṁ …pe…\nupekkhāsahagataṁ ñāṇasampayuttaṁ sasaṅkhārena …pe…\nupekkhāsahagataṁ ñāṇavippayuttaṁ …pe…\nupekkhāsahagataṁ ñāṇavippayuttaṁ sasaṅkhārena surāmerayamajjapamādaṭṭhānā viramantassa, yā tasmiṁ samaye surāmerayamajjapamādaṭṭhānā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”.\nAvasesā dhammā veramaṇiyā sampayuttā."}},{"id":"vb14:12","sourceIds":["vb14:12.1","vb14:12.2","vb14:12.3","vb14:12.4"],"kind":"text","text":{"pi":"Tattha katamaṁ surāmerayamajjapamādaṭṭhānā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ sasaṅkhārena surāmerayamajjapamādaṭṭhānā viramantassa, yā tasmiṁ samaye cetanā sañcetanā sañcetayitattaṁ—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”.\nAvasesā dhammā cetanāya sampayuttā."}},{"id":"vb14:13","sourceIds":["vb14:13.1","vb14:13.2","vb14:13.3"],"kind":"text","text":{"pi":"Tattha katamaṁ surāmerayamajjapamādaṭṭhānā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ sasaṅkhārena surāmerayamajjapamādaṭṭhānā viramantassa, yo tasmiṁ samaye phasso …pe… paggāho avikkhepo—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”."}},{"id":"vb14:14","sourceIds":["vb14:14.1","vb14:14.2"],"kind":"text","text":{"pi":"Pañca sikkhāpadāni—\npāṇātipātā veramaṇī sikkhāpadaṁ, adinnādānā veramaṇī sikkhāpadaṁ, kāmesumicchācārā veramaṇī sikkhāpadaṁ, musāvādā veramaṇī sikkhāpadaṁ, surāmerayamajjapamādaṭṭhānā veramaṇī sikkhāpadaṁ."}},{"id":"vb14:15","sourceIds":["vb14:15.1","vb14:15.2","vb14:15.3","vb14:15.4"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … vīmaṁsādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ … vīmaṁsādhipateyyaṁ hīnaṁ … majjhimaṁ … paṇītaṁ pāṇātipātā viramantassa, yā tasmiṁ samaye pāṇātipātā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—\nidaṁ vuccati “pāṇātipātā veramaṇī sikkhāpadaṁ”.\nAvasesā dhammā veramaṇiyā sampayuttā."}},{"id":"vb14:16","sourceIds":["vb14:16.1","vb14:16.2","vb14:16.3","vb14:16.4"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … vīmaṁsādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ … vīmaṁsādhipateyyaṁ hīnaṁ … majjhimaṁ … paṇītaṁ pāṇātipātā viramantassa, yā tasmiṁ samaye cetanā sañcetanā sañcetayitattaṁ—\nidaṁ vuccati “pāṇātipātā veramaṇī sikkhāpadaṁ”.\nAvasesā dhammā cetanāya sampayuttā."}},{"id":"vb14:17","sourceIds":["vb14:17.1","vb14:17.2","vb14:17.3"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … vīmaṁsādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ … vīmaṁsādhipateyyaṁ hīnaṁ … majjhimaṁ … paṇītaṁ pāṇātipātā viramantassa, yo tasmiṁ samaye phasso …pe… paggāho avikkhepo—\nidaṁ vuccati “pāṇātipātā veramaṇī sikkhāpadaṁ”."}},{"id":"vb14:18","sourceIds":["vb14:18.1","vb14:18.2","vb14:18.3","vb14:18.4","vb14:18.5","vb14:18.6","vb14:18.7","vb14:18.8","vb14:18.9","vb14:18.10","vb14:18.11","vb14:18.12","vb14:18.13"],"kind":"text","text":{"pi":"Tattha katamaṁ pāṇātipātā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…\nsomanassasahagataṁ ñāṇavippayuttaṁ …pe…\nsomanassasahagataṁ ñāṇavippayuttaṁ sasaṅkhārena …pe…\nupekkhāsahagataṁ ñāṇasampayuttaṁ …pe…\nupekkhāsahagataṁ ñāṇasampayuttaṁ sasaṅkhārena …pe…\nupekkhāsahagataṁ ñāṇavippayuttaṁ …pe…\nupekkhāsahagataṁ ñāṇavippayuttaṁ sasaṅkhārena hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ pāṇātipātā viramantassa, yā tasmiṁ samaye pāṇātipātā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—\nidaṁ vuccati “pāṇātipātā veramaṇī sikkhāpadaṁ”.\nAvasesā dhammā veramaṇiyā sampayuttā …pe…\navasesā dhammā cetanāya sampayuttā …pe…\nphasso …pe… paggāho avikkhepo—\nidaṁ vuccati “pāṇātipātā veramaṇī sikkhāpadaṁ”."}},{"id":"vb14:19","sourceIds":["vb14:19.1","vb14:19.2","vb14:19.3","vb14:19.4","vb14:19.5","vb14:19.6","vb14:19.7","vb14:19.8","vb14:19.9","vb14:19.10"],"kind":"text","text":{"pi":"Tattha katamaṁ adinnādānā veramaṇī sikkhāpadaṁ …pe…\nkāmesumicchācārā veramaṇī sikkhāpadaṁ …pe…\nmusāvādā veramaṇī sikkhāpadaṁ …pe…\nsurāmerayamajjapamādaṭṭhānā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … vīmaṁsādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ … paṇītaṁ … vīmaṁsādhipateyyaṁ hīnaṁ … majjhimaṁ … paṇītaṁ surāmerayamajjapamādaṭṭhānā viramantassa, yā tasmiṁ samaye surāmerayamajjapamādaṭṭhānā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”.\nAvasesā dhammā veramaṇiyā sampayuttā …pe…\navasesā dhammā cetanāya sampayuttā …pe…\nphasso …pe… paggāho avikkhepo—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”."}},{"id":"vb14:20","sourceIds":["vb14:20.1","vb14:20.2","vb14:20.3","vb14:20.4","vb14:20.5","vb14:20.6","vb14:20.7","vb14:20.8","vb14:20.9","vb14:20.10","vb14:20.11","vb14:20.12","vb14:20.13"],"kind":"text","text":{"pi":"Tattha katamaṁ surāmerayamajjapamādaṭṭhānā veramaṇī sikkhāpadaṁ?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…\nsomanassasahagataṁ ñāṇavippayuttaṁ …pe…\nsomanassasahagataṁ ñāṇavippayuttaṁ sasaṅkhārena …pe…\nupekkhāsahagataṁ ñāṇasampayuttaṁ …pe…\nupekkhāsahagataṁ ñāṇasampayuttaṁ sasaṅkhārena …pe…\nupekkhāsahagataṁ ñāṇavippayuttaṁ …pe…\nupekkhāsahagataṁ ñāṇavippayuttaṁ sasaṅkhārena hīnaṁ … majjhimaṁ … paṇītaṁ … chandādhipateyyaṁ … vīriyādhipateyyaṁ … cittādhipateyyaṁ … chandādhipateyyaṁ hīnaṁ … majjhimaṁ … paṇītaṁ … vīriyādhipateyyaṁ hīnaṁ … majjhimaṁ … paṇītaṁ … cittādhipateyyaṁ hīnaṁ … majjhimaṁ paṇītaṁ surāmerayamajjapamādaṭṭhānā viramantassa, yā tasmiṁ samaye surāmerayamajjapamādaṭṭhānā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”.\nAvasesā dhammā veramaṇiyā sampayuttā …pe…\navasesā dhammā cetanāya sampayuttā …pe…\nphasso …pe… paggāho avikkhepo—\nidaṁ vuccati “surāmerayamajjapamādaṭṭhānā veramaṇī sikkhāpadaṁ”."}},{"id":"vb14:21","sourceIds":["vb14:21.1","vb14:21.2","vb14:21.3","vb14:21.4"],"kind":"text","text":{"pi":"Katame dhammā sikkhā?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā …pe…\ndhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.\nIme dhammā sikkhā."}},{"id":"vb14:22","sourceIds":["vb14:22.1","vb14:22.2","vb14:22.3","vb14:22.4","vb14:22.5","vb14:22.6","vb14:22.7","vb14:22.8","vb14:22.9","vb14:22.10"],"kind":"text","text":{"pi":"Katame dhammā sikkhā?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…\nsomanassasahagataṁ ñāṇavippayuttaṁ …pe…\nsomanassasahagataṁ ñāṇavippayuttaṁ sasaṅkhārena …pe…\nupekkhāsahagataṁ ñāṇasampayuttaṁ …pe…\nupekkhāsahagataṁ ñāṇasampayuttaṁ sasaṅkhārena …pe…\nupekkhāsahagataṁ ñāṇavippayuttaṁ …pe…\nupekkhāsahagataṁ ñāṇavippayuttaṁ sasaṅkhārena rūpārammaṇaṁ vā …pe…\ndhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.\nIme dhammā sikkhā."}},{"id":"vb14:23","sourceIds":["vb14:23.1","vb14:23.2","vb14:23.3","vb14:23.4","vb14:23.5"],"kind":"text","text":{"pi":"Katame dhammā sikkhā?\nYasmiṁ samaye rūpūpapattiyā maggaṁ bhāveti …pe…\narūpūpapattiyā maggaṁ bhāveti …pe…\nlokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.\nIme dhammā sikkhā."}},{"id":"vb14:24","sourceIds":["vb14:24.1"],"kind":"text","text":{"pi":"Abhidhammabhājanīyaṁ."}},{"id":"vb14:25","sourceIds":["vb14:25.0","vb14:25.1","vb14:25.2"],"kind":"text","text":{"pi":"2. Pañhāpucchaka\nPañca sikkhāpadāni—\npāṇātipātā veramaṇī sikkhāpadaṁ, adinnādānā veramaṇī sikkhāpadaṁ, kāmesumicchācārā veramaṇī sikkhāpadaṁ, musāvādā veramaṇī sikkhāpadaṁ, surāmerayamajjapamādaṭṭhānā veramaṇī sikkhāpadaṁ."}},{"id":"vb14:26","sourceIds":["vb14:26.1"],"kind":"text","text":{"pi":"Pañcannaṁ sikkhāpadānaṁ kati kusalā, kati akusalā, kati abyākatā …pe… kati saraṇā, kati araṇā?"}},{"id":"vb14:27","sourceIds":["vb14:27.0","vb14:27.1"],"kind":"text","text":{"pi":"2.1. Tika\nKusalāyeva."}},{"id":"vb14:28","sourceIds":["vb14:28.1"],"kind":"text","text":{"pi":"Siyā sukhāya vedanāya sampayuttā, siyā adukkhamasukhāya vedanāya sampayuttā."}},{"id":"vb14:29","sourceIds":["vb14:29.1"],"kind":"text","text":{"pi":"Vipākadhammadhammā."}},{"id":"vb14:30","sourceIds":["vb14:30.1"],"kind":"text","text":{"pi":"Anupādinnupādāniyā."}},{"id":"vb14:31","sourceIds":["vb14:31.1"],"kind":"text","text":{"pi":"Asaṅkiliṭṭhasaṅkilesikā."}},{"id":"vb14:32","sourceIds":["vb14:32.1"],"kind":"text","text":{"pi":"Savitakkasavicārā."}},{"id":"vb14:33","sourceIds":["vb14:33.1"],"kind":"text","text":{"pi":"Siyā pītisahagatā, siyā sukhasahagatā, siyā upekkhāsahagatā."}},{"id":"vb14:34","sourceIds":["vb14:34.1"],"kind":"text","text":{"pi":"Neva dassanena na bhāvanāya pahātabbā."}},{"id":"vb14:35","sourceIds":["vb14:35.1"],"kind":"text","text":{"pi":"Neva dassanena na bhāvanāya pahātabbahetukā."}},{"id":"vb14:36","sourceIds":["vb14:36.1"],"kind":"text","text":{"pi":"Ācayagāmino."}},{"id":"vb14:37","sourceIds":["vb14:37.1"],"kind":"text","text":{"pi":"Nevasekkhanāsekkhā."}},{"id":"vb14:38","sourceIds":["vb14:38.1"],"kind":"text","text":{"pi":"Parittā."}},{"id":"vb14:39","sourceIds":["vb14:39.1"],"kind":"text","text":{"pi":"Parittārammaṇā."}},{"id":"vb14:40","sourceIds":["vb14:40.1"],"kind":"text","text":{"pi":"Majjhimā."}},{"id":"vb14:41","sourceIds":["vb14:41.1"],"kind":"text","text":{"pi":"Aniyatā."}},{"id":"vb14:42","sourceIds":["vb14:42.1"],"kind":"text","text":{"pi":"Na vattabbā maggārammaṇātipi, maggahetukātipi, maggādhipatinotipi."}},{"id":"vb14:43","sourceIds":["vb14:43.1"],"kind":"text","text":{"pi":"Siyā uppannā, siyā anuppannā, na vattabbā uppādinoti."}},{"id":"vb14:44","sourceIds":["vb14:44.1"],"kind":"text","text":{"pi":"Siyā atītā, siyā anāgatā, siyā paccuppannā."}},{"id":"vb14:45","sourceIds":["vb14:45.1"],"kind":"text","text":{"pi":"Paccuppannārammaṇā."}},{"id":"vb14:46","sourceIds":["vb14:46.1"],"kind":"text","text":{"pi":"Siyā ajjhattā, siyā bahiddhā, siyā ajjhattabahiddhā."}},{"id":"vb14:47","sourceIds":["vb14:47.1"],"kind":"text","text":{"pi":"Bahiddhārammaṇā."}},{"id":"vb14:48","sourceIds":["vb14:48.1"],"kind":"text","text":{"pi":"Anidassanaappaṭighā."}},{"id":"vb14:49.0","sourceIds":["vb14:49.0.1","vb14:49.0.2"],"kind":"text","text":{"pi":"2.2. 2.2 Duka\n2.2.1. Hetugocchaka"}},{"id":"vb14:49","sourceIds":["vb14:49.1","vb14:49.2"],"kind":"text","text":{"pi":"Na hetū sahetukā, hetusampayuttā.\nNa vattabbā “hetū ceva sahetukā cā”ti, sahetukā ceva na ca hetū, na vattabbā “hetū ceva hetusampayuttā cā”ti, hetusampayuttā ceva na ca hetū, na hetusahetukā."}},{"id":"vb14:50","sourceIds":["vb14:50.0","vb14:50.1"],"kind":"text","text":{"pi":"2.2.2. Cūḷantaraduka\nSappaccayā, saṅkhatā, anidassanā, appaṭighā, arūpā, lokiyā, kenaci viññeyyā, kenaci na viññeyyā."}},{"id":"vb14:51","sourceIds":["vb14:51.0","vb14:51.1","vb14:51.2"],"kind":"text","text":{"pi":"2.2.3. Āsavagocchaka\nNo āsavā, sāsavā, āsavavippayuttā, na vattabbā “āsavā ceva sāsavā cā”ti, sāsavā ceva no ca āsavā, na vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.\nĀsavavippayuttā sāsavā."}},{"id":"vb14:52","sourceIds":["vb14:52.0","vb14:52.1","vb14:52.2","vb14:52.3","vb14:52.4","vb14:52.5","vb14:52.6"],"kind":"text","text":{"pi":"14.2.2.4. Saṁyojanagocchakādi\nNo saṁyojanā …pe…\nno ganthā …pe…\nno oghā …pe…\nno yogā …pe…\nno nīvaraṇā …pe…\nno parāmāsā …pe…."}},{"id":"vb14:53","sourceIds":["vb14:53.0","vb14:53.1"],"kind":"text","text":{"pi":"2.2.10. Mahantaraduka\nSārammaṇā, no cittā, cetasikā, cittasampayuttā, cittasaṁsaṭṭhā, cittasamuṭṭhānā, cittasahabhuno, cittānuparivattino, cittasaṁsaṭṭhasamuṭṭhānā, cittasaṁsaṭṭhasamuṭṭhānasahabhuno, cittasaṁsaṭṭhasamuṭṭhānānuparivattino, bāhirā, no upādā, anupādinnā."}},{"id":"vb14:54","sourceIds":["vb14:54.0","vb14:54.1","vb14:54.2","vb14:54.3"],"kind":"text","text":{"pi":"14.2.2.11. Upādānagocchakādi\nNo upādānā …pe…\nno kilesā …pe…\nna dassanena pahātabbā, na bhāvanāya pahātabbā, na dassanena pahātabbahetukā, na bhāvanāya pahātabbahetukā, savitakkā, savicārā, siyā sappītikā, siyā appītikā, siyā pītisahagatā, siyā na pītisahagatā, siyā sukhasahagatā, siyā na sukhasahagatā, siyā upekkhāsahagatā, siyā na upekkhāsahagatā, kāmāvacarā, na rūpāvacarā, na arūpāvacarā, pariyāpannā, aniyyānikā, aniyatā, sauttarā, araṇāti."}},{"id":"vb14:55","sourceIds":["vb14:55.1"],"kind":"text","text":{"pi":"Pañhāpucchakaṁ."}},{"id":"vb14:56","sourceIds":["vb14:56.1"],"kind":"text","text":{"pi":"Sikkhāpadavibhaṅgo niṭṭhito."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/vb14/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}