{"id":"vb15","title":"Paṭisambhidāvibhaṅga","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"vb15","title":"Paṭisambhidāvibhaṅga","units":[{"id":"vb15:0","sourceIds":["vb15:0.1","vb15:0.2"],"kind":"text","text":{"pi":"Vibhaṅga\nPaṭisambhidāvibhaṅga"}},{"id":"vb15:1.0","sourceIds":["vb15:1.0.1","vb15:1.0.2"],"kind":"text","text":{"pi":"Suttantabhājanīya\n1. Saṅgahavāra"}},{"id":"vb15:1","sourceIds":["vb15:1.1","vb15:1.2","vb15:1.3","vb15:1.4"],"kind":"text","text":{"pi":"Catasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.\nAtthe ñāṇaṁ atthapaṭisambhidā, dhamme ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.\nAyaṁ saṅgahavāro."}},{"id":"vb15:2","sourceIds":["vb15:2.0","vb15:2.1","vb15:2.2","vb15:2.3","vb15:2.4"],"kind":"text","text":{"pi":"2. Saccavāra\nCatasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.\nDukkhe ñāṇaṁ atthapaṭisambhidā, dukkhasamudaye ñāṇaṁ dhammapaṭisambhidā, dukkhanirodhe ñāṇaṁ atthapaṭisambhidā, dukkhanirodhagāminiyā paṭipadāya ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.\nAyaṁ saccavāro."}},{"id":"vb15:3","sourceIds":["vb15:3.0","vb15:3.1","vb15:3.2","vb15:3.3","vb15:3.4"],"kind":"text","text":{"pi":"3. Hetuvāra\nCatasso paṭisambhidā—\natthapaṭisambhidā, dhammapaṭisambhidā niruttipaṭisambhidā, paṭibhānapaṭisambhidā.\nHetumhi ñāṇaṁ dhammapaṭisambhidā, hetuphale ñāṇaṁ atthapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.\nAyaṁ hetuvāro."}},{"id":"vb15:4","sourceIds":["vb15:4.0","vb15:4.1","vb15:4.2","vb15:4.3","vb15:4.4","vb15:4.5"],"kind":"text","text":{"pi":"4. Dhammavāra\nCatasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.\nYe dhammā jātā bhūtā sañjātā nibbattā abhinibbattā pātubhūtā, imesu dhammesu ñāṇaṁ atthapaṭisambhidā;\nyamhā dhammā te dhammā jātā bhūtā sañjātā nibbattā abhinibbattā pātubhūtā, tesu dhammesu ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.\nAyaṁ dhammavāro."}},{"id":"vb15:5","sourceIds":["vb15:5.0","vb15:5.1","vb15:5.2","vb15:5.3"],"kind":"text","text":{"pi":"5. Paṭiccasamuppādavāra\nCatasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.\nJarāmaraṇe ñāṇaṁ atthapaṭisambhidā, jarāmaraṇasamudaye ñāṇaṁ dhammapaṭisambhidā, jarāmaraṇanirodhe ñāṇaṁ atthapaṭisambhidā, jarāmaraṇanirodhagāminiyā paṭipadāya ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā."}},{"id":"vb15:6","sourceIds":["vb15:6.1","vb15:6.2","vb15:6.3","vb15:6.4","vb15:6.5","vb15:6.6","vb15:6.7","vb15:6.8","vb15:6.9","vb15:6.10","vb15:6.11","vb15:6.12","vb15:6.13"],"kind":"text","text":{"pi":"Catasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.\nJātiyā ñāṇaṁ …pe…\nbhave ñāṇaṁ …pe…\nupādāne ñāṇaṁ …pe…\ntaṇhāya ñāṇaṁ …pe…\nvedanāya ñāṇaṁ …pe…\nphasse ñāṇaṁ …pe…\nsaḷāyatane ñāṇaṁ …pe…\nnāmarūpe ñāṇaṁ …pe…\nviññāṇe ñāṇaṁ …pe…\nsaṅkhāresu ñāṇaṁ atthapaṭisambhidā, saṅkhārasamudaye ñāṇaṁ dhammapaṭisambhidā, saṅkhāranirodhe ñāṇaṁ atthapaṭisambhidā, saṅkhāranirodhagāminiyā paṭipadāya ñāṇaṁ dhammapaṭisambhidā, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.\nAyaṁ paṭiccasamuppādavāro."}},{"id":"vb15:7","sourceIds":["vb15:7.0","vb15:7.1","vb15:7.2"],"kind":"text","text":{"pi":"6. Pariyattivāra\nCatasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:8","sourceIds":["vb15:8.1","vb15:8.2","vb15:8.3","vb15:8.4","vb15:8.5","vb15:8.6","vb15:8.7","vb15:8.8"],"kind":"text","text":{"pi":"Tattha katamā dhammapaṭisambhidā?\nIdha bhikkhu dhammaṁ jānāti—\nsuttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.\nAyaṁ vuccati “dhammapaṭisambhidā”.\nSo tassa tasseva bhāsitassa atthaṁ jānāti—\n“ayaṁ imassa bhāsitassa attho, ayaṁ imassa bhāsitassa attho”ti.\nAyaṁ vuccati “atthapaṭisambhidā”, tatra dhammaniruttābhilāpe ñāṇaṁ niruttipaṭisambhidā, ñāṇesu ñāṇaṁ paṭibhānapaṭisambhidā.\nAyaṁ pariyattivāro."}},{"id":"vb15:9","sourceIds":["vb15:9.1"],"kind":"text","text":{"pi":"Suttantabhājanīyaṁ."}},{"id":"vb15:10.0","sourceIds":["vb15:10.0.1","vb15:10.0.2","vb15:10.0.3"],"kind":"text","text":{"pi":"Abhidhammabhājanīya\n1. Kusalavāra\n1.1. Kāmāvacara"}},{"id":"vb15:10","sourceIds":["vb15:10.1","vb15:10.2"],"kind":"text","text":{"pi":"Catasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:11","sourceIds":["vb15:11.1","vb15:11.2","vb15:11.3","vb15:11.4","vb15:11.5","vb15:11.6","vb15:11.7","vb15:11.8"],"kind":"text","text":{"pi":"Katame dhammā kusalā?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā …pe…\ndhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.\nIme dhammā kusalā.\nImesu dhammesu ñāṇaṁ dhammapaṭisambhidā.\nTesaṁ vipāke ñāṇaṁ atthapaṭisambhidā, yāya niruttiyā tesaṁ dhammānaṁ paññatti hoti, tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:12","sourceIds":["vb15:12.1","vb15:12.2"],"kind":"text","text":{"pi":"Catasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:13","sourceIds":["vb15:13.1","vb15:13.2","vb15:13.3","vb15:13.4","vb15:13.5","vb15:13.6","vb15:13.7","vb15:13.8","vb15:13.9","vb15:13.10","vb15:13.11","vb15:13.12","vb15:13.13","vb15:13.14","vb15:13.15"],"kind":"text","text":{"pi":"Katame dhammā kusalā?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…\nsomanassasahagataṁ ñāṇavippayuttaṁ …pe…\nsomanassasahagataṁ ñāṇavippayuttaṁ sasaṅkhārena …pe…\nupekkhāsahagataṁ ñāṇasampayuttaṁ …pe…\nupekkhāsahagataṁ ñāṇasampayuttaṁ sasaṅkhārena …pe…\nupekkhāsahagataṁ ñāṇavippayuttaṁ …pe…\nupekkhāsahagataṁ ñāṇavippayuttaṁ sasaṅkhārena rūpārammaṇaṁ vā …pe…\ndhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.\nIme dhammā kusalā.\nImesu dhammesu ñāṇaṁ dhammapaṭisambhidā.\nTesaṁ vipāke ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:14","sourceIds":["vb15:14.0","vb15:14.1","vb15:14.2"],"kind":"text","text":{"pi":"1.2. Rūpāvacara\nCatasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:15","sourceIds":["vb15:15.1","vb15:15.2","vb15:15.3","vb15:15.4","vb15:15.5","vb15:15.6","vb15:15.7","vb15:15.8"],"kind":"text","text":{"pi":"Katame dhammā kusalā?\nYasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti.\nIme dhammā kusalā.\nImesu dhammesu ñāṇaṁ dhammapaṭisambhidā.\nTesaṁ vipāke ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:16","sourceIds":["vb15:16.0","vb15:16.1","vb15:16.2"],"kind":"text","text":{"pi":"1.3. Arūpāvacara\nCatasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:17","sourceIds":["vb15:17.1","vb15:17.2","vb15:17.3","vb15:17.4","vb15:17.5","vb15:17.6","vb15:17.7","vb15:17.8"],"kind":"text","text":{"pi":"Katame dhammā kusalā?\nYasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti.\nIme dhammā kusalā.\nImesu dhammesu ñāṇaṁ dhammapaṭisambhidā.\nTesaṁ vipāke ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:18","sourceIds":["vb15:18.0","vb15:18.1","vb15:18.2"],"kind":"text","text":{"pi":"1.4. Lokuttara\nCatasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:19","sourceIds":["vb15:19.1","vb15:19.2","vb15:19.3","vb15:19.4","vb15:19.5","vb15:19.6","vb15:19.7","vb15:19.8"],"kind":"text","text":{"pi":"Katame dhammā kusalā?\nYasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.\nIme dhammā kusalā.\nImesu dhammesu ñāṇaṁ dhammapaṭisambhidā.\nTesaṁ vipāke ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:20","sourceIds":["vb15:20.0","vb15:20.1","vb15:20.2"],"kind":"text","text":{"pi":"2. Akusalavāra\nCatasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:21","sourceIds":["vb15:21.1","vb15:21.2","vb15:21.3","vb15:21.4","vb15:21.5","vb15:21.6","vb15:21.7","vb15:21.8","vb15:21.9"],"kind":"text","text":{"pi":"Katame dhammā akusalā?\nYasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ rūpārammaṇaṁ vā …pe…\ndhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.\nIme dhammā akusalā.\nImesu dhammesu ñāṇaṁ dhammapaṭisambhidā.\nTesaṁ vipāke ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:22","sourceIds":["vb15:22.1","vb15:22.2"],"kind":"text","text":{"pi":"Catasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:23","sourceIds":["vb15:23.1","vb15:23.2","vb15:23.3","vb15:23.4","vb15:23.5","vb15:23.6","vb15:23.7","vb15:23.8","vb15:23.9","vb15:23.10","vb15:23.11","vb15:23.12","vb15:23.13","vb15:23.14","vb15:23.15","vb15:23.16","vb15:23.17","vb15:23.18","vb15:23.19"],"kind":"text","text":{"pi":"Katame dhammā akusalā?\nYasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ sasaṅkhārena …pe…\nsomanassasahagataṁ diṭṭhigatavippayuttaṁ …pe…\nsomanassasahagataṁ diṭṭhigatavippayuttaṁ sasaṅkhārena …pe…\nupekkhāsahagataṁ diṭṭhigatasampayuttaṁ …pe…\nupekkhāsahagataṁ diṭṭhigatasampayuttaṁ sasaṅkhārena …pe…\nupekkhāsahagataṁ diṭṭhigatavippayuttaṁ …pe…\nupekkhāsahagataṁ diṭṭhigatavippayuttaṁ sasaṅkhārena …pe…\ndomanassasahagataṁ paṭighasampayuttaṁ …pe…\ndomanassasahagataṁ paṭighasampayuttaṁ sasaṅkhārena …pe…\nupekkhāsahagataṁ vicikicchāsampayuttaṁ …pe…\nupekkhāsahagataṁ uddhaccasampayuttaṁ rūpārammaṇaṁ vā …pe…\ndhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.\nIme dhammā akusalā.\nImesu dhammesu ñāṇaṁ dhammapaṭisambhidā.\nTesaṁ vipāke ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:24.0","sourceIds":["vb15:24.0.1","vb15:24.0.2","vb15:24.0.3"],"kind":"text","text":{"pi":"3. Vipākavāra\n3.1. Kusalavipāka\n3.1.1. Ahetukakusala"}},{"id":"vb15:24","sourceIds":["vb15:24.1","vb15:24.2"],"kind":"text","text":{"pi":"Tisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:25","sourceIds":["vb15:25.1","vb15:25.2","vb15:25.3","vb15:25.4","vb15:25.5","vb15:25.6","vb15:25.7"],"kind":"text","text":{"pi":"Katame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:26","sourceIds":["vb15:26.1","vb15:26.2"],"kind":"text","text":{"pi":"Tisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:27","sourceIds":["vb15:27.1","vb15:27.2","vb15:27.3","vb15:27.4","vb15:27.5","vb15:27.6","vb15:27.7","vb15:27.8","vb15:27.9","vb15:27.10"],"kind":"text","text":{"pi":"Katame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākaṁ sotaviññāṇaṁ uppannaṁ hoti upekkhāsahagataṁ saddārammaṇaṁ …pe…\nghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…\njivhāviññāṇaṁ uppannaṁ hoti upekkhāsahagataṁ rasārammaṇaṁ …pe…\nkāyaviññāṇaṁ uppannaṁ hoti sukhasahagataṁ phoṭṭhabbārammaṇaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, sukhaṁ hoti, cittassekaggatā hoti, manindriyaṁ hoti, sukhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:28","sourceIds":["vb15:28.1","vb15:28.2"],"kind":"text","text":{"pi":"Tisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:29","sourceIds":["vb15:29.1","vb15:29.2","vb15:29.3","vb15:29.4","vb15:29.5","vb15:29.6","vb15:29.7","vb15:29.8"],"kind":"text","text":{"pi":"Katame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā …pe…\nphoṭṭhabbārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:30","sourceIds":["vb15:30.1","vb15:30.2"],"kind":"text","text":{"pi":"Tisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:31","sourceIds":["vb15:31.1","vb15:31.2","vb15:31.3","vb15:31.4","vb15:31.5","vb15:31.6","vb15:31.7","vb15:31.8"],"kind":"text","text":{"pi":"Katame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, manindriyaṁ hoti, somanassindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:32","sourceIds":["vb15:32.1","vb15:32.2"],"kind":"text","text":{"pi":"Tisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:33","sourceIds":["vb15:33.1","vb15:33.2","vb15:33.3","vb15:33.4","vb15:33.5","vb15:33.6","vb15:33.7","vb15:33.8"],"kind":"text","text":{"pi":"Katame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:34","sourceIds":["vb15:34.0","vb15:34.1","vb15:34.2"],"kind":"text","text":{"pi":"3.1.2. Kāmāvacara\nTisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:35","sourceIds":["vb15:35.1","vb15:35.2","vb15:35.3","vb15:35.4","vb15:35.5","vb15:35.6","vb15:35.7","vb15:35.8","vb15:35.9","vb15:35.10","vb15:35.11","vb15:35.12","vb15:35.13","vb15:35.14","vb15:35.15"],"kind":"text","text":{"pi":"Katame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā …pe…\nsomanassasahagatā ñāṇasampayuttā sasaṅkhārena …pe…\nsomanassasahagatā ñāṇavippayuttā …pe…\nsomanassasahagatā ñāṇavippayuttā sasaṅkhārena …pe…\nupekkhāsahagatā ñāṇasampayuttā …pe…\nupekkhāsahagatā ñāṇasampayuttā sasaṅkhārena …pe…\nupekkhāsahagatā ñāṇavippayuttā …pe…\nupekkhāsahagatā ñāṇavippayuttā sasaṅkhārena rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye phasso hoti …pe… avikkhepo hoti.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:36","sourceIds":["vb15:36.1","vb15:36.2"],"kind":"text","text":{"pi":"Tisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:37","sourceIds":["vb15:37.1","vb15:37.2","vb15:37.3","vb15:37.4","vb15:37.5","vb15:37.6","vb15:37.7","vb15:37.8","vb15:37.9"],"kind":"text","text":{"pi":"Katame dhammā abyākatā?\nYasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti.\nIme dhammā kusalā.\nTasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:38","sourceIds":["vb15:38.0","vb15:38.1","vb15:38.2"],"kind":"text","text":{"pi":"3.1.3. Arūpāvacara\nTisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:39","sourceIds":["vb15:39.1","vb15:39.2","vb15:39.3","vb15:39.4","vb15:39.5","vb15:39.6","vb15:39.7","vb15:39.8","vb15:39.9"],"kind":"text","text":{"pi":"Katame dhammā abyākatā?\nYasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti.\nIme dhammā kusalā.\nTasseva arūpāvacarassa kusalassa kammassa katattā upacitattā vipākaṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:40","sourceIds":["vb15:40.0","vb15:40.1","vb15:40.2"],"kind":"text","text":{"pi":"3.1.4. Lokuttara\nTisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:41","sourceIds":["vb15:41.1","vb15:41.2","vb15:41.3","vb15:41.4","vb15:41.5","vb15:41.6","vb15:41.7","vb15:41.8","vb15:41.9"],"kind":"text","text":{"pi":"Katame dhammā abyākatā?\nYasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.\nIme dhammā kusalā.\nTasseva lokuttarassa kusalassa kammassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye phasso hoti …pe… avikkhepo hoti.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:42","sourceIds":["vb15:42.0","vb15:42.1","vb15:42.2"],"kind":"text","text":{"pi":"3.2. Akusalavipāka\nTisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:43","sourceIds":["vb15:43.1","vb15:43.2","vb15:43.3","vb15:43.4","vb15:43.5","vb15:43.6","vb15:43.7","vb15:43.8","vb15:43.9","vb15:43.10","vb15:43.11"],"kind":"text","text":{"pi":"Katame dhammā abyākatā?\nYasmiṁ samaye akusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ …pe…\nsotaviññāṇaṁ uppannaṁ hoti upekkhāsahagataṁ saddārammaṇaṁ …pe…\nghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…\njivhāviññāṇaṁ uppannaṁ hoti upekkhāsahagataṁ rasārammaṇaṁ …pe…\nkāyaviññāṇaṁ uppannaṁ hoti dukkhasahagataṁ phoṭṭhabbārammaṇaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, dukkhaṁ hoti, cittassekaggatā hoti, manindriyaṁ hoti, dukkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:44","sourceIds":["vb15:44.1","vb15:44.2"],"kind":"text","text":{"pi":"Tisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:45","sourceIds":["vb15:45.1","vb15:45.2","vb15:45.3","vb15:45.4","vb15:45.5","vb15:45.6","vb15:45.7","vb15:45.8","vb15:45.9","vb15:45.10"],"kind":"text","text":{"pi":"Katame dhammā abyākatā?\nYasmiṁ samaye akusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā …pe…\nphoṭṭhabbārammaṇā vā …pe…\nmanoviññāṇadhātu uppannā hoti upekkhāsahagatā rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:46","sourceIds":["vb15:46.0","vb15:46.1","vb15:46.2"],"kind":"text","text":{"pi":"4. Kiriyavāra\nTisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:47","sourceIds":["vb15:47.1","vb15:47.2","vb15:47.3","vb15:47.4","vb15:47.5","vb15:47.6","vb15:47.7","vb15:47.8"],"kind":"text","text":{"pi":"Katame dhammā abyākatā?\nYasmiṁ samaye manodhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…\nphoṭṭhabbārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:48","sourceIds":["vb15:48.1","vb15:48.2"],"kind":"text","text":{"pi":"Tisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:49","sourceIds":["vb15:49.1","vb15:49.2","vb15:49.3","vb15:49.4","vb15:49.5","vb15:49.6","vb15:49.7","vb15:49.8","vb15:49.9","vb15:49.10"],"kind":"text","text":{"pi":"Katame dhammā abyākatā?\nYasmiṁ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā rūpārammaṇā vā …pe…\ndhammārammaṇā vā …pe…\nmanoviññāṇadhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṁ hoti, samādhindriyaṁ hoti, manindriyaṁ hoti, upekkhindriyaṁ hoti, jīvitindriyaṁ hoti, ye vā pana tasmiṁ samaye aññepi atthi paṭiccasamuppannā arūpino dhammā.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:50","sourceIds":["vb15:50.1","vb15:50.2"],"kind":"text","text":{"pi":"Tisso paṭisambhidā—\natthapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:51","sourceIds":["vb15:51.1","vb15:51.2","vb15:51.3","vb15:51.4","vb15:51.5","vb15:51.6","vb15:51.7","vb15:51.8","vb15:51.9","vb15:51.10","vb15:51.11","vb15:51.12","vb15:51.13","vb15:51.14","vb15:51.15","vb15:51.16","vb15:51.17"],"kind":"text","text":{"pi":"Katame dhammā abyākatā?\nYasmiṁ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā ñāṇasampayuttā …pe…\nsomanassasahagatā ñāṇasampayuttā sasaṅkhārena …pe…\nsomanassasahagatā ñāṇavippayuttā …pe…\nsomanassasahagatā ñāṇavippayuttā sasaṅkhārena …pe…\nupekkhāsahagatā ñāṇasampayuttā …pe…\nupekkhāsahagatā ñāṇasampayuttā sasaṅkhārena …pe…\nupekkhāsahagatā ñāṇavippayuttā …pe…\nupekkhāsahagatā ñāṇavippayuttā sasaṅkhārena …pe…\nrūpāvacaraṁ jhānaṁ bhāveti …pe…\narūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ …pe…\nsabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti.\nIme dhammā abyākatā.\nImesu dhammesu ñāṇaṁ atthapaṭisambhidā.\nYāya niruttiyā tesaṁ dhammānaṁ paññatti hoti tatra dhammaniruttābhilāpe ñāṇaṁ niruttipaṭisambhidā.\nYena ñāṇena tāni ñāṇāni jānāti—\n“imāni ñāṇāni idamatthajotakānī”ti, ñāṇesu ñāṇaṁ paṭibhānapaṭisambhidā."}},{"id":"vb15:52","sourceIds":["vb15:52.1","vb15:52.2","vb15:52.3","vb15:52.4"],"kind":"text","text":{"pi":"Catasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā.\nTisso paṭisambhidā kāmāvacarakusalato catūsu ñāṇasampayuttesu cittuppādesu, kiriyato catūsu ñāṇasampayuttesu cittuppādesu uppajjanti.\nAtthapaṭisambhidā etesu ceva uppajjati, catūsu maggesu catūsu phalesu ca uppajjati."}},{"id":"vb15:53","sourceIds":["vb15:53.1"],"kind":"text","text":{"pi":"Abhidhammabhājanīyaṁ."}},{"id":"vb15:54","sourceIds":["vb15:54.0","vb15:54.1","vb15:54.2"],"kind":"text","text":{"pi":"Pañhāpucchaka\nCatasso paṭisambhidā—\natthapaṭisambhidā, dhammapaṭisambhidā, niruttipaṭisambhidā, paṭibhānapaṭisambhidā."}},{"id":"vb15:55","sourceIds":["vb15:55.1"],"kind":"text","text":{"pi":"Catunnaṁ paṭisambhidānaṁ kati kusalā, kati akusalā, kati abyākatā …pe… kati saraṇā, kati araṇā?"}},{"id":"vb15:56","sourceIds":["vb15:56.0","vb15:56.1"],"kind":"text","text":{"pi":"1. Tika\nSiyā kusalā, siyā abyākatā."}},{"id":"vb15:57","sourceIds":["vb15:57.1"],"kind":"text","text":{"pi":"Siyā sukhāya vedanāya sampayuttā, siyā adukkhamasukhāya vedanāya sampayuttā."}},{"id":"vb15:58","sourceIds":["vb15:58.1","vb15:58.2"],"kind":"text","text":{"pi":"Tisso paṭisambhidā siyā vipākadhammadhammā, siyā nevavipākanavipākadhammadhammā;\natthapaṭisambhidā siyā vipākā, siyā vipākadhammadhammā, siyā nevavipākanavipākadhammadhammā."}},{"id":"vb15:59","sourceIds":["vb15:59.1","vb15:59.2"],"kind":"text","text":{"pi":"Tisso paṭisambhidā anupādinnupādāniyā;\natthapaṭisambhidā siyā anupādinnupādāniyā, siyā anupādinnaanupādāniyā."}},{"id":"vb15:60","sourceIds":["vb15:60.1","vb15:60.2"],"kind":"text","text":{"pi":"Tisso paṭisambhidā asaṅkiliṭṭhaasaṅkilesikā;\natthapaṭisambhidā siyā asaṅkiliṭṭhasaṅkilesikā, siyā asaṅkiliṭṭhaasaṅkilesikā."}},{"id":"vb15:61","sourceIds":["vb15:61.1","vb15:61.2"],"kind":"text","text":{"pi":"Tisso paṭisambhidā savitakkasavicārā;\natthapaṭisambhidā siyā savitakkasavicārā, siyā avitakkavicāramattā, siyā avitakkaavicārā."}},{"id":"vb15:62","sourceIds":["vb15:62.1"],"kind":"text","text":{"pi":"Siyā pītisahagatā, siyā sukhasahagatā, siyā upekkhāsahagatā."}},{"id":"vb15:63","sourceIds":["vb15:63.1"],"kind":"text","text":{"pi":"Neva dassanena na bhāvanāya pahātabbā."}},{"id":"vb15:64","sourceIds":["vb15:64.1"],"kind":"text","text":{"pi":"Neva dassanena na bhāvanāya pahātabbahetukā."}},{"id":"vb15:65","sourceIds":["vb15:65.1","vb15:65.2"],"kind":"text","text":{"pi":"Tisso paṭisambhidā siyā ācayagāmino, siyā nevācayagāmināpacayagāmino;\natthapaṭisambhidā siyā ācayagāminī, siyā apacayagāminī, siyā nevācayagāmināpacayagāminī."}},{"id":"vb15:66","sourceIds":["vb15:66.1"],"kind":"text","text":{"pi":"Tisso paṭisambhidā nevasekkhanāsekkhā, atthapaṭisambhidā siyā sekkhā, siyā asekkhā, siyā nevasekkhanāsekkhā."}},{"id":"vb15:67","sourceIds":["vb15:67.1","vb15:67.2"],"kind":"text","text":{"pi":"Tisso paṭisambhidā parittā;\natthapaṭisambhidā siyā parittā, siyā appamāṇā."}},{"id":"vb15:68","sourceIds":["vb15:68.1","vb15:68.2"],"kind":"text","text":{"pi":"Niruttipaṭisambhidā parittārammaṇā;\ntisso paṭisambhidā siyā parittārammaṇā, siyā mahaggatārammaṇā, siyā appamāṇārammaṇā."}},{"id":"vb15:69","sourceIds":["vb15:69.1","vb15:69.2"],"kind":"text","text":{"pi":"Tisso paṭisambhidā majjhimā;\natthapaṭisambhidā siyā majjhimā, siyā paṇītā."}},{"id":"vb15:70","sourceIds":["vb15:70.1","vb15:70.2"],"kind":"text","text":{"pi":"Tisso paṭisambhidā aniyatā;\natthapaṭisambhidā siyā sammattaniyatā, siyā aniyatā."}},{"id":"vb15:71","sourceIds":["vb15:71.1","vb15:71.2","vb15:71.3"],"kind":"text","text":{"pi":"Niruttipaṭisambhidā na vattabbā “maggārammaṇā”tipi, “maggahetukā”tipi, “maggādhipatinī”tipi;\natthapaṭisambhidā na maggārammaṇā, siyā maggahetukā, siyā maggādhipatinī, siyā na vattabbā “maggahetukā”tipi, “maggādhipatinī”tipi;\ndve paṭisambhidā siyā maggārammaṇā, na maggahetukā, siyā maggādhipatino, siyā na vattabbā “maggārammaṇā”tipi, “maggādhipatino”tipi."}},{"id":"vb15:72","sourceIds":["vb15:72.1","vb15:72.2"],"kind":"text","text":{"pi":"Tisso paṭisambhidā siyā uppannā, siyā anuppannā, na vattabbā “uppādino”ti;\natthapaṭisambhidā siyā uppannā, siyā anuppannā, siyā uppādinī."}},{"id":"vb15:73","sourceIds":["vb15:73.1"],"kind":"text","text":{"pi":"Siyā atītā, siyā anāgatā, siyā paccuppannā."}},{"id":"vb15:74","sourceIds":["vb15:74.1","vb15:74.2","vb15:74.3"],"kind":"text","text":{"pi":"Niruttipaṭisambhidā paccuppannārammaṇā;\ndve paṭisambhidā siyā atītārammaṇā, siyā anāgatārammaṇā, siyā paccuppannārammaṇā;\natthapaṭisambhidā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā “atītārammaṇā”tipi, “anāgatārammaṇā”tipi, paccuppannārammaṇātipi."}},{"id":"vb15:75","sourceIds":["vb15:75.1"],"kind":"text","text":{"pi":"Siyā ajjhattā, siyā bahiddhā, siyā ajjhattabahiddhā."}},{"id":"vb15:76","sourceIds":["vb15:76.1","vb15:76.2"],"kind":"text","text":{"pi":"Niruttipaṭisambhidā bahiddhārammaṇā;\ntisso paṭisambhidā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā."}},{"id":"vb15:77","sourceIds":["vb15:77.1"],"kind":"text","text":{"pi":"Anidassanaappaṭighā."}},{"id":"vb15:78.0","sourceIds":["vb15:78.0.1","vb15:78.0.2"],"kind":"text","text":{"pi":"2. Duka\n2.1. Hetugocchaka"}},{"id":"vb15:78","sourceIds":["vb15:78.1"],"kind":"text","text":{"pi":"Hetū, sahetukā, hetusampayuttā, hetū ceva sahetukā ca, hetū ceva hetusampayuttā ca, na vattabbā “na hetusahetukā”tipi, nahetuahetukātipi."}},{"id":"vb15:79","sourceIds":["vb15:79.0","vb15:79.1"],"kind":"text","text":{"pi":"2.2. Cūḷantaraduka\nSappaccayā, saṅkhatā, anidassanā, appaṭighā, arūpā, tisso paṭisambhidā lokiyā, atthapaṭisambhidā siyā lokiyā, siyā lokuttarā, kenaci viññeyyā, kenaci na viññeyyā."}},{"id":"vb15:80","sourceIds":["vb15:80.0","vb15:80.1","vb15:80.2","vb15:80.3","vb15:80.4","vb15:80.5","vb15:80.6","vb15:80.7","vb15:80.8","vb15:80.9"],"kind":"text","text":{"pi":"2.3. Āsavagocchaka\nNo āsavā.\nTisso paṭisambhidā sāsavā;\natthapaṭisambhidā siyā sāsavā, siyā anāsavā.\nĀsavavippayuttā.\nTisso paṭisambhidā na vattabbā “āsavā ceva sāsavā cā”ti, sāsavā ceva no ca āsavā;\natthapaṭisambhidā na vattabbā “āsavo ceva sāsavā cā”ti, siyā sāsavā ceva no ca āsavo, siyā na vattabbā “sāsavā ceva no ca āsavo”ti.\nNa vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.\nTisso paṭisambhidā āsavavippayuttā sāsavā;\natthapaṭisambhidā siyā āsavavippayuttā sāsavā, siyā āsavavippayuttā anāsavā."}},{"id":"vb15:81","sourceIds":["vb15:81.0","vb15:81.1","vb15:81.2","vb15:81.3","vb15:81.4","vb15:81.5","vb15:81.6"],"kind":"text","text":{"pi":"2.4. Saṁyojanagocchakādi\nNo saṁyojanā …pe…\nno ganthā …pe…\nno oghā …pe…\nno yogā …pe…\nno nīvaraṇā …pe…\nno parāmāsā …pe…."}},{"id":"vb15:82","sourceIds":["vb15:82.0","vb15:82.1","vb15:82.2","vb15:82.3"],"kind":"text","text":{"pi":"2.10. Mahantaraduka\nSārammaṇā.\nNo cittā, cetasikā, cittasampayuttā, cittasaṁsaṭṭhā, cittasamuṭṭhānā, cittasahabhuno, cittānuparivattino.\nCittasaṁsaṭṭhasamuṭṭhānā, cittasaṁsaṭṭhasamuṭṭhānasahabhuno, cittasaṁsaṭṭhasamuṭṭhānānuparivattino, bāhirā, no upādā, anupādinnā."}},{"id":"vb15:83","sourceIds":["vb15:83.0","vb15:83.1","vb15:83.2","vb15:83.3","vb15:83.4","vb15:83.5","vb15:83.6","vb15:83.7","vb15:83.8","vb15:83.9","vb15:83.10","vb15:83.11","vb15:83.12","vb15:83.13","vb15:83.14","vb15:83.15","vb15:83.16","vb15:83.17","vb15:83.18","vb15:83.19","vb15:83.20","vb15:83.21","vb15:83.22","vb15:83.23","vb15:83.24","vb15:83.25","vb15:83.26","vb15:83.27"],"kind":"text","text":{"pi":"2.11. Upādānagocchakādi\nNo upādānā …pe…\nno kilesā …pe…\nna dassanena pahātabbā.\nNa bhāvanāya pahātabbā.\nNa dassanena pahātabbahetukā.\nNa bhāvanāya pahātabbahetukā.\nTisso paṭisambhidā savitakkā;\natthapaṭisambhidā siyā savitakkā, siyā avitakkā.\nTisso paṭisambhidā savicārā;\natthapaṭisambhidā siyā savicārā, siyā avicārā.\nSiyā sappītikā, siyā appītikā.\nSiyā pītisahagatā, siyā na pītisahagatā.\nSiyā sukhasahagatā, siyā na sukhasahagatā.\nSiyā upekkhāsahagatā, siyā na upekkhāsahagatā.\nTisso paṭisambhidā kāmāvacarā;\natthapaṭisambhidā siyā kāmāvacarā, siyā na kāmāvacarā.\nNa rūpāvacarā.\nNa arūpāvacarā.\nTisso paṭisambhidā pariyāpannā;\natthapaṭisambhidā siyā pariyāpannā, siyā apariyāpannā.\nTisso paṭisambhidā aniyyānikā;\natthapaṭisambhidā siyā niyyānikā, siyā aniyyānikā.\nTisso paṭisambhidā aniyatā;\natthapaṭisambhidā siyā niyatā, siyā aniyatā.\nTisso paṭisambhidā sauttarā;\natthapaṭisambhidā siyā sauttarā, siyā anuttarā.\nAraṇāti."}},{"id":"vb15:84","sourceIds":["vb15:84.1"],"kind":"text","text":{"pi":"Pañhāpucchakaṁ."}},{"id":"vb15:85","sourceIds":["vb15:85.1"],"kind":"text","text":{"pi":"Paṭisambhidāvibhaṅgo niṭṭhito."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/vb15/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}