{"id":"vb4","title":"Saccavibhaṅga","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"vb4","title":"Saccavibhaṅga","units":[{"id":"vb4:0","sourceIds":["vb4:0.1","vb4:0.2"],"kind":"text","text":{"pi":"Vibhaṅga\nSaccavibhaṅga"}},{"id":"vb4:1","sourceIds":["vb4:1.0","vb4:1.1","vb4:1.2"],"kind":"text","text":{"pi":"1. Suttantabhājanīya\nCattāri ariyasaccāni—\ndukkhaṁ ariyasaccaṁ, dukkhasamudayaṁ ariyasaccaṁ, dukkhanirodhaṁ ariyasaccaṁ, dukkhanirodhagāminī paṭipadā ariyasaccaṁ."}},{"id":"vb4:2","sourceIds":["vb4:2.0","vb4:2.1","vb4:2.2"],"kind":"text","text":{"pi":"1.1. Dukkhasacca\nTattha katamaṁ dukkhaṁ ariyasaccaṁ?\nJātipi dukkhā, jarāpi dukkhā, maraṇampi dukkhaṁ, sokaparidevadukkhadomanassupāyāsāpi dukkhā, appiyehi sampayogo dukkho, piyehi vippayogo dukkho, yampicchaṁ na labhati tampi dukkhaṁ, saṅkhittena pañcupādānakkhandhā dukkhā."}},{"id":"vb4:3","sourceIds":["vb4:3.1","vb4:3.2","vb4:3.3"],"kind":"text","text":{"pi":"Tattha katamā jāti?\nYā tesaṁ tesaṁ sattānaṁ tamhi tamhi sattanikāye jāti sañjāti okkanti abhinibbatti khandhānaṁ pātubhāvo āyatanānaṁ paṭilābho—\nayaṁ vuccati “jāti”."}},{"id":"vb4:4","sourceIds":["vb4:4.1","vb4:4.2","vb4:4.3"],"kind":"text","text":{"pi":"Tattha katamā jarā?\nYā tesaṁ tesaṁ sattānaṁ tamhi tamhi sattanikāye jarā jīraṇatā khaṇḍiccaṁ pāliccaṁ valittacatā āyuno saṁhāni indriyānaṁ paripāko—\nayaṁ vuccati “jarā”."}},{"id":"vb4:5","sourceIds":["vb4:5.1","vb4:5.2","vb4:5.3"],"kind":"text","text":{"pi":"Tattha katamaṁ maraṇaṁ?\nYā tesaṁ tesaṁ sattānaṁ tamhā tamhā sattanikāyā cuti cavanatā bhedo antaradhānaṁ maccu maraṇaṁ kālakiriyā khandhānaṁ bhedo kaḷevarassa nikkhepo jīvitindriyassupacchedo—\nidaṁ vuccati “maraṇaṁ”."}},{"id":"vb4:6","sourceIds":["vb4:6.1","vb4:6.2","vb4:6.3"],"kind":"text","text":{"pi":"Tattha katamo soko?\nÑātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa soko socanā socitattaṁ antosoko antoparisoko cetaso parijjhāyanā domanassaṁ sokasallaṁ—\nayaṁ vuccati “soko”."}},{"id":"vb4:7","sourceIds":["vb4:7.1","vb4:7.2","vb4:7.3"],"kind":"text","text":{"pi":"Tattha katamo paridevo?\nÑātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṁ paridevitattaṁ vācā palāpo vippalāpo lālappo lālappanā lālappitattaṁ—\nayaṁ vuccati “paridevo”."}},{"id":"vb4:8","sourceIds":["vb4:8.1","vb4:8.2","vb4:8.3"],"kind":"text","text":{"pi":"Tattha katamaṁ dukkhaṁ?\nYaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ kāyasamphassajā asātā dukkhā vedanā—\nidaṁ vuccati “dukkhaṁ”."}},{"id":"vb4:9","sourceIds":["vb4:9.1","vb4:9.2","vb4:9.3"],"kind":"text","text":{"pi":"Tattha katamaṁ domanassaṁ?\nYaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—\nidaṁ vuccati “domanassaṁ”."}},{"id":"vb4:10","sourceIds":["vb4:10.1","vb4:10.2","vb4:10.3"],"kind":"text","text":{"pi":"Tattha katamo upāyāso?\nÑātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa āyāso upāyāso āyāsitattaṁ upāyāsitattaṁ—\nayaṁ vuccati “upāyāso”."}},{"id":"vb4:11","sourceIds":["vb4:11.1","vb4:11.2","vb4:11.3","vb4:11.4"],"kind":"text","text":{"pi":"Tattha katamo appiyehi sampayogo dukkho?\nIdha yassa te honti aniṭṭhā akantā amanāpā rūpā saddā gandhā rasā phoṭṭhabbā, ye vā panassa te honti anatthakāmā ahitakāmā aphāsukakāmā ayogakkhemakāmā;\nyā tehi saṅgati samāgamo samodhānaṁ missībhāvo—\nayaṁ vuccati “appiyehi sampayogo dukkho”."}},{"id":"vb4:12","sourceIds":["vb4:12.1","vb4:12.2","vb4:12.3","vb4:12.4"],"kind":"text","text":{"pi":"Tattha katamo piyehi vippayogo dukkho?\nIdha yassa te honti iṭṭhā kantā manāpā rūpā saddā gandhā rasā phoṭṭhabbā, ye vā panassa te honti atthakāmā hitakāmā phāsukakāmā yogakkhemakāmā mātā vā pitā vā bhātā vā bhaginī vā mittā vā amaccā vā ñātī vā sālohitā vā;\nyā tehi asaṅgati asamāgamo asamodhānaṁ amissībhāvo—\nayaṁ vuccati “piyehi vippayogo dukkho”."}},{"id":"vb4:13","sourceIds":["vb4:13.1","vb4:13.2","vb4:13.3","vb4:13.4","vb4:13.5","vb4:13.6"],"kind":"text","text":{"pi":"Tattha katamaṁ yampicchaṁ na labhati tampi dukkhaṁ?\nJātidhammānaṁ sattānaṁ evaṁ icchā uppajjati—\n“aho vata, mayaṁ na jātidhammā assāma;\nna ca, vata, no jāti āgaccheyyā”ti.\nNa kho panetaṁ icchāya pattabbaṁ.\nIdampi “yampicchaṁ na labhati tampi dukkhaṁ”."}},{"id":"vb4:14","sourceIds":["vb4:14.1","vb4:14.2","vb4:14.3","vb4:14.4","vb4:14.5","vb4:14.6","vb4:14.7","vb4:14.8"],"kind":"text","text":{"pi":"Jarādhammānaṁ sattānaṁ …pe…\nbyādhidhammānaṁ sattānaṁ …pe…\nmaraṇadhammānaṁ sattānaṁ …pe…\nsokaparidevadukkhadomanassupāyāsadhammānaṁ sattānaṁ evaṁ icchā uppajjati—\n“aho vata, mayaṁ na sokaparidevadukkhadomanassupāyāsadhammā assāma;\nna ca, vata, no sokaparidevadukkhadomanassupāyāsā āgaccheyyun”ti.\nNa kho panetaṁ icchāya pattabbaṁ.\nIdampi “yampicchaṁ na labhati tampi dukkhaṁ”."}},{"id":"vb4:15","sourceIds":["vb4:15.1","vb4:15.2","vb4:15.3","vb4:15.4"],"kind":"text","text":{"pi":"Tattha katame saṅkhittena pañcupādānakkhandhā dukkhā?\nSeyyathidaṁ—\nrūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.\nIme vuccanti “saṅkhittena pañcupādānakkhandhā dukkhā”."}},{"id":"vb4:16","sourceIds":["vb4:16.1"],"kind":"text","text":{"pi":"Idaṁ vuccati “dukkhaṁ ariyasaccaṁ”."}},{"id":"vb4:17","sourceIds":["vb4:17.0","vb4:17.1","vb4:17.2","vb4:17.3"],"kind":"text","text":{"pi":"1.2. Samudayasacca\nTattha katamaṁ dukkhasamudayaṁ ariyasaccaṁ?\nYāyaṁ taṇhā ponobhavikā nandirāgasahagatā tatratatrābhinandinī, seyyathidaṁ—\nkāmataṇhā, bhavataṇhā, vibhavataṇhā."}},{"id":"vb4:18","sourceIds":["vb4:18.1","vb4:18.2"],"kind":"text","text":{"pi":"Sā kho panesā taṇhā kattha uppajjamānā uppajjati, kattha nivisamānā nivisati?\nYaṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:19","sourceIds":["vb4:19.1","vb4:19.2","vb4:19.3","vb4:19.4","vb4:19.5","vb4:19.6","vb4:19.7"],"kind":"text","text":{"pi":"Kiñca loke piyarūpaṁ sātarūpaṁ?\nCakkhuṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSotaṁ loke …pe…\nghānaṁ loke …\njivhā loke …\nkāyo loke …\nmano loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:20","sourceIds":["vb4:20.1","vb4:20.2","vb4:20.3","vb4:20.4","vb4:20.5","vb4:20.6"],"kind":"text","text":{"pi":"Rūpā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSaddā loke …pe…\ngandhā loke …\nrasā loke …\nphoṭṭhabbā loke …\ndhammā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:21","sourceIds":["vb4:21.1","vb4:21.2","vb4:21.3","vb4:21.4","vb4:21.5","vb4:21.6"],"kind":"text","text":{"pi":"Cakkhuviññāṇaṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSotaviññāṇaṁ loke …pe…\nghānaviññāṇaṁ loke …\njivhāviññāṇaṁ loke …\nkāyaviññāṇaṁ loke …\nmanoviññāṇaṁ loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:22","sourceIds":["vb4:22.1","vb4:22.2","vb4:22.3","vb4:22.4","vb4:22.5","vb4:22.6"],"kind":"text","text":{"pi":"Cakkhusamphasso loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSotasamphasso loke …pe…\nghānasamphasso loke …\njivhāsamphasso loke …\nkāyasamphasso loke …\nmanosamphasso loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:23","sourceIds":["vb4:23.1","vb4:23.2","vb4:23.3","vb4:23.4","vb4:23.5","vb4:23.6"],"kind":"text","text":{"pi":"Cakkhusamphassajā vedanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSotasamphassajā vedanā loke …pe…\nghānasamphassajā vedanā loke …\njivhāsamphassajā vedanā loke …\nkāyasamphassajā vedanā loke …\nmanosamphassajā vedanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:24","sourceIds":["vb4:24.1","vb4:24.2","vb4:24.3","vb4:24.4","vb4:24.5","vb4:24.6"],"kind":"text","text":{"pi":"Rūpasaññā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSaddasaññā loke …pe…\ngandhasaññā loke …\nrasasaññā loke …\nphoṭṭhabbasaññā loke …\ndhammasaññā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:25","sourceIds":["vb4:25.1","vb4:25.2","vb4:25.3","vb4:25.4","vb4:25.5","vb4:25.6"],"kind":"text","text":{"pi":"Rūpasañcetanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSaddasañcetanā loke …pe…\ngandhasañcetanā loke …\nrasasañcetanā loke …\nphoṭṭhabbasañcetanā loke …\ndhammasañcetanā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:26","sourceIds":["vb4:26.1","vb4:26.2","vb4:26.3","vb4:26.4","vb4:26.5","vb4:26.6"],"kind":"text","text":{"pi":"Rūpataṇhā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSaddataṇhā loke …pe…\ngandhataṇhā loke …\nrasataṇhā loke …\nphoṭṭhabbataṇhā loke …\ndhammataṇhā loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:27","sourceIds":["vb4:27.1","vb4:27.2","vb4:27.3","vb4:27.4","vb4:27.5","vb4:27.6"],"kind":"text","text":{"pi":"Rūpavitakko loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSaddavitakko loke …pe…\ngandhavitakko loke …\nrasavitakko loke …\nphoṭṭhabbavitakko loke …\ndhammavitakko loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:28","sourceIds":["vb4:28.1","vb4:28.2","vb4:28.3","vb4:28.4","vb4:28.5","vb4:28.6"],"kind":"text","text":{"pi":"Rūpavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nSaddavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nGandhavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nRasavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nPhoṭṭhabbavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati.\nDhammavicāro loke piyarūpaṁ sātarūpaṁ, etthesā taṇhā uppajjamānā uppajjati, ettha nivisamānā nivisati."}},{"id":"vb4:29","sourceIds":["vb4:29.1"],"kind":"text","text":{"pi":"Idaṁ vuccati “dukkhasamudayaṁ ariyasaccaṁ”."}},{"id":"vb4:30","sourceIds":["vb4:30.0","vb4:30.1","vb4:30.2"],"kind":"text","text":{"pi":"1.3. Nirodhasacca\nTattha katamaṁ dukkhanirodhaṁ ariyasaccaṁ?\nYo tassāyeva taṇhāya asesavirāganirodho cāgo paṭinissaggo mutti anālayo."}},{"id":"vb4:31","sourceIds":["vb4:31.1","vb4:31.2"],"kind":"text","text":{"pi":"Sā kho panesā taṇhā kattha pahīyamānā pahīyati, kattha nirujjhamānā nirujjhati?\nYaṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:32","sourceIds":["vb4:32.1","vb4:32.2","vb4:32.3","vb4:32.4","vb4:32.5","vb4:32.6","vb4:32.7"],"kind":"text","text":{"pi":"Kiñca loke piyarūpaṁ sātarūpaṁ?\nCakkhuṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.\nSotaṁ loke …pe…\nghānaṁ loke …\njivhā loke …\nkāyo loke …\nmano loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:33","sourceIds":["vb4:33.1","vb4:33.2","vb4:33.3","vb4:33.4","vb4:33.5","vb4:33.6"],"kind":"text","text":{"pi":"Rūpā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.\nSaddā loke …pe…\ngandhā loke …\nrasā loke …\nphoṭṭhabbā loke …\ndhammā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:34","sourceIds":["vb4:34.1","vb4:34.2","vb4:34.3","vb4:34.4","vb4:34.5","vb4:34.6"],"kind":"text","text":{"pi":"Cakkhuviññāṇaṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.\nSotaviññāṇaṁ loke …pe…\nghānaviññāṇaṁ loke …\njivhāviññāṇaṁ loke …\nkāyaviññāṇaṁ loke …\nmanoviññāṇaṁ loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:35","sourceIds":["vb4:35.1","vb4:35.2","vb4:35.3","vb4:35.4","vb4:35.5","vb4:35.6"],"kind":"text","text":{"pi":"Cakkhusamphasso loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.\nSotasamphasso loke …pe…\nghānasamphasso loke …\njivhāsamphasso loke …\nkāyasamphasso loke …\nmanosamphasso loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:36","sourceIds":["vb4:36.1","vb4:36.2","vb4:36.3","vb4:36.4","vb4:36.5","vb4:36.6"],"kind":"text","text":{"pi":"Cakkhusamphassajā vedanā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati.\nSotasamphassajā vedanā loke …pe…\nghānasamphassajā vedanā loke …\njivhāsamphassajā vedanā loke …\nkāyasamphassajā vedanā loke …\nmanosamphassajā vedanā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:37","sourceIds":["vb4:37.1","vb4:37.2","vb4:37.3","vb4:37.4","vb4:37.5","vb4:37.6"],"kind":"text","text":{"pi":"Rūpasaññā loke …\nsaddasaññā loke …\ngandhasaññā loke …\nrasasaññā loke …\nphoṭṭhabbasaññā loke …\ndhammasaññā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:38","sourceIds":["vb4:38.1","vb4:38.2","vb4:38.3","vb4:38.4","vb4:38.5","vb4:38.6"],"kind":"text","text":{"pi":"Rūpasañcetanā loke …\nsaddasañcetanā loke …\ngandhasañcetanā loke …\nrasasañcetanā loke …\nphoṭṭhabbasañcetanā loke …\ndhammasañcetanā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:39","sourceIds":["vb4:39.1","vb4:39.2","vb4:39.3","vb4:39.4","vb4:39.5","vb4:39.6"],"kind":"text","text":{"pi":"Rūpataṇhā loke …\nsaddataṇhā loke …\ngandhataṇhā loke …\nrasataṇhā loke …\nphoṭṭhabbataṇhā loke …\ndhammataṇhā loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:40","sourceIds":["vb4:40.1","vb4:40.2","vb4:40.3","vb4:40.4","vb4:40.5","vb4:40.6"],"kind":"text","text":{"pi":"Rūpavitakko loke …\nsaddavitakko loke …\ngandhavitakko loke …\nrasavitakko loke …\nphoṭṭhabbavitakko loke …\ndhammavitakko loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:41","sourceIds":["vb4:41.1","vb4:41.2","vb4:41.3","vb4:41.4","vb4:41.5","vb4:41.6"],"kind":"text","text":{"pi":"Rūpavicāro loke …\nsaddavicāro loke …\ngandhavicāro loke …\nrasavicāro loke …\nphoṭṭhabbavicāro loke …\ndhammavicāro loke piyarūpaṁ sātarūpaṁ, etthesā taṇhā pahīyamānā pahīyati, ettha nirujjhamānā nirujjhati."}},{"id":"vb4:42","sourceIds":["vb4:42.1"],"kind":"text","text":{"pi":"Idaṁ vuccati “dukkhanirodhaṁ ariyasaccaṁ”."}},{"id":"vb4:43","sourceIds":["vb4:43.0","vb4:43.1","vb4:43.2","vb4:43.3"],"kind":"text","text":{"pi":"1.4. Maggasacca\nTattha katamaṁ dukkhanirodhagāminī paṭipadā ariyasaccaṁ?\nAyameva ariyo aṭṭhaṅgiko maggo, seyyathidaṁ—\nsammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi."}},{"id":"vb4:44","sourceIds":["vb4:44.1","vb4:44.2","vb4:44.3"],"kind":"text","text":{"pi":"Tattha katamā sammādiṭṭhi?\nDukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ—\nayaṁ vuccati “sammādiṭṭhi”."}},{"id":"vb4:45","sourceIds":["vb4:45.1","vb4:45.2","vb4:45.3"],"kind":"text","text":{"pi":"Tattha katamo sammāsaṅkappo?\nNekkhammasaṅkappo, abyāpādasaṅkappo, avihiṁsāsaṅkappo—\nayaṁ vuccati “sammāsaṅkappo”."}},{"id":"vb4:46","sourceIds":["vb4:46.1","vb4:46.2","vb4:46.3"],"kind":"text","text":{"pi":"Tattha katamā sammāvācā?\nMusāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī—\nayaṁ vuccati “sammāvācā”."}},{"id":"vb4:47","sourceIds":["vb4:47.1","vb4:47.2","vb4:47.3"],"kind":"text","text":{"pi":"Tattha katamo sammākammanto?\nPāṇātipātā veramaṇī, adinnādānā veramaṇī, kāmesumicchācārā veramaṇī—\nayaṁ vuccati “sammākammanto”."}},{"id":"vb4:48","sourceIds":["vb4:48.1","vb4:48.2","vb4:48.3"],"kind":"text","text":{"pi":"Tattha katamo sammāājīvo?\nIdha ariyasāvako micchāājīvaṁ pahāya sammāājīvena jīvikaṁ kappeti—\nayaṁ vuccati “sammāājīvo”."}},{"id":"vb4:49","sourceIds":["vb4:49.1","vb4:49.2","vb4:49.3","vb4:49.4","vb4:49.5","vb4:49.6"],"kind":"text","text":{"pi":"Tattha katamo sammāvāyāmo?\nIdha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti, vāyamati, vīriyaṁ ārabhati, cittaṁ paggaṇhāti, padahati.\nUppannānaṁ pāpakānaṁ akusalānaṁ dhammānaṁ pahānāya chandaṁ janeti, vāyamati, vīriyaṁ ārabhati, cittaṁ paggaṇhāti, padahati.\nAnuppannānaṁ kusalānaṁ dhammānaṁ uppādāya chandaṁ janeti, vāyamati, vīriyaṁ ārabhati, cittaṁ paggaṇhāti, padahati.\nUppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti, vāyamati, vīriyaṁ ārabhati, cittaṁ paggaṇhāti, padahati.\nAyaṁ vuccati “sammāvāyāmo”."}},{"id":"vb4:50","sourceIds":["vb4:50.1","vb4:50.2","vb4:50.3","vb4:50.4","vb4:50.5","vb4:50.6"],"kind":"text","text":{"pi":"Tattha katamā sammāsati?\nIdha bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ.\nVedanāsu …pe…\ncitte …pe…\ndhammesu dhammānupassī viharati ātāpī sampajāno satimā, vineyya loke abhijjhādomanassaṁ.\nAyaṁ vuccati “sammāsati”."}},{"id":"vb4:51","sourceIds":["vb4:51.1","vb4:51.2","vb4:51.3","vb4:51.4","vb4:51.5","vb4:51.6"],"kind":"text","text":{"pi":"Tattha katamo sammāsamādhi?\nIdha bhikkhu vivicceva kāmehi, vivicca akusalehi dhammehi, savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati.\nVitakkavicārānaṁ vūpasamā, ajjhattaṁ sampasādanaṁ, cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati.\nPītiyā ca virāgā, upekkhako ca viharati, sato ca sampajāno, sukhañca kāyena paṭisaṁvedeti, yaṁ taṁ ariyā ācikkhanti—“upekkhako satimā sukhavihārī”ti, tatiyaṁ jhānaṁ upasampajja viharati.\nSukhassa ca pahānā, dukkhassa ca pahānā, pubbeva somanassadomanassānaṁ atthaṅgamā, adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.\nAyaṁ vuccati “sammāsamādhi”."}},{"id":"vb4:52","sourceIds":["vb4:52.1"],"kind":"text","text":{"pi":"Idaṁ vuccati “dukkhanirodhagāminī paṭipadā ariyasaccaṁ”."}},{"id":"vb4:53","sourceIds":["vb4:53.1"],"kind":"text","text":{"pi":"Suttantabhājanīyaṁ."}},{"id":"vb4:54","sourceIds":["vb4:54.0","vb4:54.1","vb4:54.2"],"kind":"text","text":{"pi":"2. Abhidhammabhājanīya\nCattāri saccāni—\ndukkhaṁ, dukkhasamudayo, dukkhanirodho, dukkhanirodhagāminī paṭipadā."}},{"id":"vb4:55","sourceIds":["vb4:55.1","vb4:55.2","vb4:55.3"],"kind":"text","text":{"pi":"Tattha katamo dukkhasamudayo?\nTaṇhā—\nayaṁ vuccati “dukkhasamudayo”."}},{"id":"vb4:56","sourceIds":["vb4:56.1","vb4:56.2","vb4:56.3"],"kind":"text","text":{"pi":"Tattha katamaṁ dukkhaṁ?\nAvasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—\nidaṁ vuccati “dukkhaṁ”."}},{"id":"vb4:57","sourceIds":["vb4:57.1","vb4:57.2","vb4:57.3"],"kind":"text","text":{"pi":"Tattha katamo dukkhanirodho?\nTaṇhāya pahānaṁ—\nayaṁ vuccati “dukkhanirodho”."}},{"id":"vb4:58","sourceIds":["vb4:58.1","vb4:58.2"],"kind":"text","text":{"pi":"Tattha katamā dukkhanirodhagāminī paṭipadā?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti sammādiṭṭhi …pe… sammāsamādhi."}},{"id":"vb4:59","sourceIds":["vb4:59.1","vb4:59.2","vb4:59.3"],"kind":"text","text":{"pi":"Tattha katamā sammādiṭṭhi?\nYā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—\nayaṁ vuccati “sammādiṭṭhi”."}},{"id":"vb4:60","sourceIds":["vb4:60.1","vb4:60.2","vb4:60.3"],"kind":"text","text":{"pi":"Tattha katamo sammāsaṅkappo?\nYo takko vitakko …pe… sammāsaṅkappo maggaṅgaṁ maggapariyāpannaṁ—\nayaṁ vuccati “sammāsaṅkappo”."}},{"id":"vb4:61","sourceIds":["vb4:61.1","vb4:61.2","vb4:61.3"],"kind":"text","text":{"pi":"Tattha katamā sammāvācā?\nYā catūhi vacīduccaritehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammāvācā maggaṅgaṁ maggapariyāpannaṁ—\nayaṁ vuccati “sammāvācā”."}},{"id":"vb4:62","sourceIds":["vb4:62.1","vb4:62.2","vb4:62.3"],"kind":"text","text":{"pi":"Tattha katamo sammākammanto?\nYā tīhi kāyaduccaritehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammākammanto maggaṅgaṁ maggapariyāpannaṁ—\nayaṁ vuccati “sammākammanto”."}},{"id":"vb4:63","sourceIds":["vb4:63.1","vb4:63.2","vb4:63.3"],"kind":"text","text":{"pi":"Tattha katamo sammāājīvo?\nYā micchā ājīvā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammāājīvo maggaṅgaṁ maggapariyāpannaṁ—\nayaṁ vuccati “sammāājīvo”."}},{"id":"vb4:64","sourceIds":["vb4:64.1","vb4:64.2","vb4:64.3"],"kind":"text","text":{"pi":"Tattha katamo sammāvāyāmo?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nayaṁ vuccati “sammāvāyāmo”."}},{"id":"vb4:65","sourceIds":["vb4:65.1","vb4:65.2","vb4:65.3"],"kind":"text","text":{"pi":"Tattha katamā sammāsati?\nYā sati anussati …pe… sammāsati satisambojjhaṅgo maggaṅgaṁ maggapariyāpannaṁ—\nayaṁ vuccati “sammāsati”."}},{"id":"vb4:66","sourceIds":["vb4:66.1","vb4:66.2","vb4:66.3","vb4:66.4","vb4:66.5"],"kind":"text","text":{"pi":"Tattha katamo sammāsamādhi?\nYā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—\nayaṁ vuccati “sammāsamādhi”.\nAyaṁ vuccati “dukkhanirodhagāminī paṭipadā”.\nAvasesā dhammā dukkhanirodhagāminiyā paṭipadāya sampayuttā."}},{"id":"vb4:67","sourceIds":["vb4:67.1","vb4:67.2","vb4:67.3"],"kind":"text","text":{"pi":"Tattha katamo dukkhasamudayo?\nTaṇhā ca avasesā ca kilesā—\nayaṁ vuccati “dukkhasamudayo”."}},{"id":"vb4:68","sourceIds":["vb4:68.1","vb4:68.2","vb4:68.3"],"kind":"text","text":{"pi":"Tattha katamaṁ dukkhaṁ?\nAvasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—\nidaṁ vuccati “dukkhaṁ”."}},{"id":"vb4:69","sourceIds":["vb4:69.1","vb4:69.2","vb4:69.3"],"kind":"text","text":{"pi":"Tattha katamo dukkhanirodho?\nTaṇhāya ca, avasesānañca kilesānaṁ pahānaṁ—\nayaṁ vuccati “dukkhanirodho”."}},{"id":"vb4:70","sourceIds":["vb4:70.1","vb4:70.2","vb4:70.3","vb4:70.4","vb4:70.5","vb4:70.6"],"kind":"text","text":{"pi":"Tattha katamā dukkhanirodhagāminī paṭipadā?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti—\nsammādiṭṭhi …pe… sammāsamādhi.\nAyaṁ vuccati—\n“dukkhanirodhagāminī paṭipadā”.\nAvasesā dhammā dukkhanirodhagāminiyā paṭipadāya sampayuttā."}},{"id":"vb4:71","sourceIds":["vb4:71.1","vb4:71.2","vb4:71.3"],"kind":"text","text":{"pi":"Tattha katamo dukkhasamudayo?\nTaṇhā ca avasesā ca kilesā, avasesā ca akusalā dhammā—\nayaṁ vuccati “dukkhasamudayo”."}},{"id":"vb4:72","sourceIds":["vb4:72.1","vb4:72.2","vb4:72.3"],"kind":"text","text":{"pi":"Tattha katamaṁ dukkhaṁ?\nTīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—\nidaṁ vuccati “dukkhaṁ”."}},{"id":"vb4:73","sourceIds":["vb4:73.1","vb4:73.2","vb4:73.3"],"kind":"text","text":{"pi":"Tattha katamo dukkhanirodho?\nTaṇhāya ca, avasesānañca kilesānaṁ, avasesānañca akusalānaṁ dhammānaṁ pahānaṁ—\nayaṁ vuccati “dukkhanirodho”."}},{"id":"vb4:74","sourceIds":["vb4:74.1","vb4:74.2","vb4:74.3","vb4:74.4","vb4:74.5"],"kind":"text","text":{"pi":"Tattha katamā dukkhanirodhagāminī paṭipadā?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti—\nsammādiṭṭhi …pe… sammāsamādhi.\nAyaṁ vuccati “dukkhanirodhagāminī paṭipadā”.\nAvasesā dhammā dukkhanirodhagāminiyā paṭipadāya sampayuttā."}},{"id":"vb4:75","sourceIds":["vb4:75.1","vb4:75.2","vb4:75.3"],"kind":"text","text":{"pi":"Tattha katamo dukkhasamudayo?\nTaṇhā ca avasesā ca kilesā, avasesā ca akusalā dhammā, tīṇi ca kusalamūlāni sāsavāni—\nayaṁ vuccati “dukkhasamudayo”."}},{"id":"vb4:76","sourceIds":["vb4:76.1","vb4:76.2","vb4:76.3"],"kind":"text","text":{"pi":"Tattha katamaṁ dukkhaṁ?\nAvasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—\nidaṁ vuccati “dukkhaṁ”."}},{"id":"vb4:77","sourceIds":["vb4:77.1","vb4:77.2","vb4:77.3"],"kind":"text","text":{"pi":"Tattha katamo dukkhanirodho?\nTaṇhāya ca, avasesānañca kilesānaṁ, avasesānañca akusalānaṁ dhammānaṁ, tiṇṇañca kusalamūlānaṁ sāsavānaṁ pahānaṁ—\nayaṁ vuccati “dukkhanirodho”."}},{"id":"vb4:78","sourceIds":["vb4:78.1","vb4:78.2","vb4:78.3","vb4:78.4","vb4:78.5"],"kind":"text","text":{"pi":"Tattha katamā dukkhanirodhagāminī paṭipadā?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti—\nsammādiṭṭhi …pe… sammāsamādhi.\nAyaṁ vuccati “dukkhanirodhagāminī paṭipadā”.\nAvasesā dhammā dukkhanirodhagāminiyā paṭipadāya sampayuttā."}},{"id":"vb4:79","sourceIds":["vb4:79.1","vb4:79.2","vb4:79.3"],"kind":"text","text":{"pi":"Tattha katamo dukkhasamudayo?\nTaṇhā ca, avasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā—\nayaṁ vuccati “dukkhasamudayo”."}},{"id":"vb4:80","sourceIds":["vb4:80.1","vb4:80.2","vb4:80.3"],"kind":"text","text":{"pi":"Tattha katamaṁ dukkhaṁ?\nSāsavā kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—\nidaṁ vuccati “dukkhaṁ”."}},{"id":"vb4:81","sourceIds":["vb4:81.1","vb4:81.2","vb4:81.3"],"kind":"text","text":{"pi":"Tattha katamo dukkhanirodho?\nTaṇhāya ca, avasesānañca kilesānaṁ, avasesānañca akusalānaṁ dhammānaṁ, tiṇṇañca kusalamūlānaṁ sāsavānaṁ, avasesānañca sāsavānaṁ kusalānaṁ dhammānaṁ pahānaṁ—\nayaṁ vuccati “dukkhanirodho”."}},{"id":"vb4:82","sourceIds":["vb4:82.1","vb4:82.2","vb4:82.3","vb4:82.4","vb4:82.5"],"kind":"text","text":{"pi":"Tattha katamā dukkhanirodhagāminī paṭipadā?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye aṭṭhaṅgiko maggo hoti—\nsammādiṭṭhi …pe… sammāsamādhi.\nAyaṁ vuccati “dukkhanirodhagāminī paṭipadā”.\nAvasesā dhammā dukkhanirodhagāminiyā paṭipadāya sampayuttā."}},{"id":"vb4:83","sourceIds":["vb4:83.1","vb4:83.2"],"kind":"text","text":{"pi":"Cattāri saccāni—\ndukkhaṁ, dukkhasamudayo, dukkhanirodho, dukkhanirodhagāminī paṭipadā."}},{"id":"vb4:84","sourceIds":["vb4:84.1","vb4:84.2","vb4:84.3"],"kind":"text","text":{"pi":"Tattha katamo dukkhasamudayo?\nTaṇhā—\nayaṁ vuccati “dukkhasamudayo”."}},{"id":"vb4:85","sourceIds":["vb4:85.1","vb4:85.2","vb4:85.3"],"kind":"text","text":{"pi":"Tattha katamaṁ dukkhaṁ?\nAvasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—\nidaṁ vuccati “dukkhaṁ”."}},{"id":"vb4:86","sourceIds":["vb4:86.1","vb4:86.2","vb4:86.3"],"kind":"text","text":{"pi":"Tattha katamo dukkhanirodho?\nTaṇhāya pahānaṁ—\nayaṁ vuccati “dukkhanirodho”."}},{"id":"vb4:87","sourceIds":["vb4:87.1","vb4:87.2","vb4:87.3"],"kind":"text","text":{"pi":"Tattha katamā dukkhanirodhagāminī paṭipadā?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye pañcaṅgiko maggo hoti—\nsammādiṭṭhi, sammāsaṅkappo, sammāvāyāmo, sammāsati, sammāsamādhi."}},{"id":"vb4:88","sourceIds":["vb4:88.1","vb4:88.2","vb4:88.3"],"kind":"text","text":{"pi":"Tattha katamā sammādiṭṭhi?\nYā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—\nayaṁ vuccati “sammādiṭṭhi”."}},{"id":"vb4:89","sourceIds":["vb4:89.1","vb4:89.2","vb4:89.3"],"kind":"text","text":{"pi":"Tattha katamo sammāsaṅkappo?\nYo takko vitakko …pe… sammāsaṅkappo maggaṅgaṁ maggapariyāpannaṁ—\nayaṁ vuccati “sammāsaṅkappo”."}},{"id":"vb4:90","sourceIds":["vb4:90.1","vb4:90.2","vb4:90.3"],"kind":"text","text":{"pi":"Tattha katamo sammāvāyāmo?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nayaṁ vuccati “sammāvāyāmo”."}},{"id":"vb4:91","sourceIds":["vb4:91.1","vb4:91.2","vb4:91.3"],"kind":"text","text":{"pi":"Tattha katamā sammāsati?\nYā sati anussati …pe… sammāsati satisambojjhaṅgo maggaṅgaṁ maggapariyāpannaṁ—\nayaṁ vuccati “sammāsati”."}},{"id":"vb4:92","sourceIds":["vb4:92.1","vb4:92.2","vb4:92.3","vb4:92.4","vb4:92.5"],"kind":"text","text":{"pi":"Tattha katamo sammāsamādhi?\nYā cittassa ṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—\nayaṁ vuccati “sammāsamādhi”.\nAyaṁ vuccati “dukkhanirodhagāminī paṭipadā”.\nAvasesā dhammā dukkhanirodhagāminiyā paṭipadāya sampayuttā."}},{"id":"vb4:93","sourceIds":["vb4:93.1","vb4:93.2","vb4:93.3"],"kind":"text","text":{"pi":"Tattha katamo dukkhasamudayo?\nTaṇhā ca, avasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā—\nayaṁ vuccati “dukkhasamudayo”."}},{"id":"vb4:94","sourceIds":["vb4:94.1","vb4:94.2","vb4:94.3"],"kind":"text","text":{"pi":"Tattha katamaṁ dukkhaṁ?\nSāsavā kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—\nidaṁ vuccati “dukkhaṁ”."}},{"id":"vb4:95","sourceIds":["vb4:95.1","vb4:95.2","vb4:95.3"],"kind":"text","text":{"pi":"Tattha katamo dukkhanirodho?\nTaṇhāya ca, avasesānañca kilesānaṁ, avasesānañca akusalānaṁ dhammānaṁ, tiṇṇañca kusalamūlānaṁ sāsavānaṁ, avasesānañca sāsavānaṁ kusalānaṁ dhammānaṁ pahānaṁ—\nayaṁ vuccati “dukkhanirodho”."}},{"id":"vb4:96","sourceIds":["vb4:96.1","vb4:96.2","vb4:96.3","vb4:96.4","vb4:96.5"],"kind":"text","text":{"pi":"Tattha katamā dukkhanirodhagāminī paṭipadā?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā, vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye pañcaṅgiko maggo hoti—\nsammādiṭṭhi, sammāsaṅkappo, sammāvāyāmo, sammāsati, sammāsamādhi.\nAyaṁ vuccati “dukkhanirodhagāminī paṭipadā”.\nAvasesā dhammā dukkhanirodhagāminiyā paṭipadāya sampayuttā."}},{"id":"vb4:97","sourceIds":["vb4:97.1","vb4:97.2"],"kind":"text","text":{"pi":"Cattāri saccāni—\ndukkhaṁ, dukkhasamudayo, dukkhanirodho, dukkhanirodhagāminī paṭipadā."}},{"id":"vb4:98","sourceIds":["vb4:98.1","vb4:98.2","vb4:98.3"],"kind":"text","text":{"pi":"Tattha katamo dukkhasamudayo?\nTaṇhā—\nayaṁ vuccati “dukkhasamudayo”."}},{"id":"vb4:99","sourceIds":["vb4:99.1","vb4:99.2","vb4:99.3"],"kind":"text","text":{"pi":"Tattha katamaṁ dukkhaṁ?\nAvasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā, sāsavā ca kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—\nidaṁ vuccati “dukkhaṁ”."}},{"id":"vb4:100","sourceIds":["vb4:100.1","vb4:100.2","vb4:100.3"],"kind":"text","text":{"pi":"Tattha katamo dukkhanirodho?\nTaṇhāya pahānaṁ—\nayaṁ vuccati “dukkhanirodho”."}},{"id":"vb4:101","sourceIds":["vb4:101.1","vb4:101.2","vb4:101.3"],"kind":"text","text":{"pi":"Tattha katamā dukkhanirodhagāminī paṭipadā?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.\nAyaṁ vuccati “dukkhanirodhagāminī paṭipadā”."}},{"id":"vb4:102","sourceIds":["vb4:102.1","vb4:102.2","vb4:102.3"],"kind":"text","text":{"pi":"Tattha katamo dukkhasamudayo?\nTaṇhā ca, avasesā ca kilesā, avasesā ca akusalā dhammā, tīṇi ca kusalamūlāni sāsavāni, avasesā ca sāsavā kusalā dhammā—\nayaṁ vuccati “dukkhasamudayo”."}},{"id":"vb4:103","sourceIds":["vb4:103.1","vb4:103.2","vb4:103.3"],"kind":"text","text":{"pi":"Tattha katamaṁ dukkhaṁ?\nSāsavā kusalākusalānaṁ dhammānaṁ vipākā, ye ca dhammā kiriyā neva kusalā nākusalā na ca kammavipākā, sabbañca rūpaṁ—\nidaṁ vuccati “dukkhaṁ”."}},{"id":"vb4:104","sourceIds":["vb4:104.1","vb4:104.2","vb4:104.3"],"kind":"text","text":{"pi":"Tattha katamo dukkhanirodho?\nTaṇhāya ca, avasesānañca kilesānaṁ, avasesānañca akusalānaṁ dhammānaṁ, tiṇṇañca kusalamūlānaṁ sāsavānaṁ, avasesānañca sāsavānaṁ kusalānaṁ dhammānaṁ pahānaṁ—\nayaṁ vuccati “dukkhanirodho”."}},{"id":"vb4:105","sourceIds":["vb4:105.1","vb4:105.2","vb4:105.3"],"kind":"text","text":{"pi":"Tattha katamā dukkhanirodhagāminī paṭipadā?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti.\nAyaṁ vuccati “dukkhanirodhagāminī paṭipadā”."}},{"id":"vb4:106","sourceIds":["vb4:106.1"],"kind":"text","text":{"pi":"Abhidhammabhājanīyaṁ."}},{"id":"vb4:107","sourceIds":["vb4:107.0","vb4:107.1","vb4:107.2"],"kind":"text","text":{"pi":"3. Pañhāpucchaka\nCattāri ariyasaccāni—\ndukkhaṁ ariyasaccaṁ, dukkhasamudayaṁ ariyasaccaṁ, dukkhanirodhaṁ ariyasaccaṁ, dukkhanirodhagāminī paṭipadā ariyasaccaṁ."}},{"id":"vb4:108","sourceIds":["vb4:108.1"],"kind":"text","text":{"pi":"Catunnaṁ ariyasaccānaṁ kati kusalā, kati akusalā, kati abyākatā …pe… kati saraṇā, kati araṇā?"}},{"id":"vb4:109","sourceIds":["vb4:109.0","vb4:109.1","vb4:109.2","vb4:109.3","vb4:109.4"],"kind":"text","text":{"pi":"3.1. Tika\nSamudayasaccaṁ akusalaṁ.\nMaggasaccaṁ kusalaṁ.\nNirodhasaccaṁ abyākataṁ.\nDukkhasaccaṁ siyā kusalaṁ, siyā akusalaṁ, siyā abyākataṁ."}},{"id":"vb4:110","sourceIds":["vb4:110.1","vb4:110.2","vb4:110.3","vb4:110.4"],"kind":"text","text":{"pi":"Dve saccā siyā sukhāya vedanāya sampayuttā, siyā adukkhamasukhāya vedanāya sampayuttā.\nNirodhasaccaṁ na vattabbaṁ—\n“sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi.\nDukkhasaccaṁ siyā sukhāya vedanāya sampayuttaṁ, siyā dukkhāya vedanāya sampayuttaṁ, siyā adukkhamasukhāya vedanāya sampayuttaṁ, siyā na vattabbaṁ—“sukhāya vedanāya sampayuttan”tipi, “dukkhāya vedanāya sampayuttan”tipi, “adukkhamasukhāya vedanāya sampayuttan”tipi."}},{"id":"vb4:111","sourceIds":["vb4:111.1","vb4:111.2","vb4:111.3"],"kind":"text","text":{"pi":"Dve saccā vipākadhammadhammā.\nNirodhasaccaṁ nevavipākanavipākadhammadhammaṁ.\nDukkhasaccaṁ siyā vipākaṁ, siyā vipākadhammadhammaṁ, siyā nevavipākanavipākadhammadhammaṁ."}},{"id":"vb4:112","sourceIds":["vb4:112.1","vb4:112.2","vb4:112.3"],"kind":"text","text":{"pi":"Samudayasaccaṁ anupādinnupādāniyaṁ.\nDve saccā anupādinnaanupādāniyā.\nDukkhasaccaṁ siyā upādinnupādāniyaṁ, siyā anupādinnupādāniyaṁ."}},{"id":"vb4:113","sourceIds":["vb4:113.1","vb4:113.2","vb4:113.3"],"kind":"text","text":{"pi":"Samudayasaccaṁ saṅkiliṭṭhasaṅkilesikaṁ.\nDve saccā asaṅkiliṭṭhaasaṅkilesikā.\nDukkhasaccaṁ siyā saṅkiliṭṭhasaṅkilesikaṁ, siyā asaṅkiliṭṭhasaṅkilesikaṁ."}},{"id":"vb4:114","sourceIds":["vb4:114.1","vb4:114.2","vb4:114.3","vb4:114.4"],"kind":"text","text":{"pi":"Samudayasaccaṁ savitakkasavicāraṁ.\nNirodhasaccaṁ avitakkaavicāraṁ.\nMaggasaccaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ.\nDukkhasaccaṁ siyā savitakkasavicāraṁ, siyā avitakkavicāramattaṁ, siyā avitakkaavicāraṁ, siyā na vattabbaṁ—“savitakkasavicāran”tipi, “avitakkavicāramattan”tipi, “avitakkaavicāran”tipi."}},{"id":"vb4:115","sourceIds":["vb4:115.1","vb4:115.2","vb4:115.3","vb4:115.4"],"kind":"text","text":{"pi":"Dve saccā siyā pītisahagatā, siyā sukhasahagatā, siyā upekkhāsahagatā.\nNirodhasaccaṁ na vattabbaṁ—\n“pītisahagatan”tipi, “sukhasahagatan”tipi, “upekkhāsahagatan”tipi.\nDukkhasaccaṁ siyā pītisahagataṁ, siyā sukhasahagataṁ, siyā upekkhāsahagataṁ, siyā na vattabbaṁ—“pītisahagatan”tipi, “sukhasahagatan”tipi, “upekkhāsahagatan”tipi."}},{"id":"vb4:116","sourceIds":["vb4:116.1","vb4:116.2","vb4:116.3"],"kind":"text","text":{"pi":"Dve saccā neva dassanena na bhāvanāya pahātabbā.\nSamudayasaccaṁ siyā dassanena pahātabbaṁ, siyā bhāvanāya pahātabbaṁ.\nDukkhasaccaṁ siyā dassanena pahātabbaṁ, siyā bhāvanāya pahātabbaṁ, siyā neva dassanena na bhāvanāya pahātabbaṁ."}},{"id":"vb4:117","sourceIds":["vb4:117.1","vb4:117.2","vb4:117.3"],"kind":"text","text":{"pi":"Dve saccā neva dassanena na bhāvanāya pahātabbahetukā.\nSamudayasaccaṁ siyā dassanena pahātabbahetukaṁ, siyā bhāvanāya pahātabbahetukaṁ.\nDukkhasaccaṁ siyā dassanena pahātabbahetukaṁ, siyā bhāvanāya pahātabbahetukaṁ, siyā neva dassanena na bhāvanāya pahātabbahetukaṁ."}},{"id":"vb4:118","sourceIds":["vb4:118.1","vb4:118.2","vb4:118.3","vb4:118.4"],"kind":"text","text":{"pi":"Samudayasaccaṁ ācayagāmi.\nMaggasaccaṁ apacayagāmi.\nNirodhasaccaṁ nevācayagāmināpacayagāmi.\nDukkhasaccaṁ siyā ācayagāmi, siyā nevācayagāmināpacayagāmi."}},{"id":"vb4:119","sourceIds":["vb4:119.1","vb4:119.2"],"kind":"text","text":{"pi":"Maggasaccaṁ sekkhaṁ.\nTīṇi saccāni nevasekkhanāsekkhā."}},{"id":"vb4:120","sourceIds":["vb4:120.1","vb4:120.2","vb4:120.3"],"kind":"text","text":{"pi":"Samudayasaccaṁ parittaṁ.\nDve saccā appamāṇā.\nDukkhasaccaṁ siyā parittaṁ, siyā mahaggataṁ."}},{"id":"vb4:121","sourceIds":["vb4:121.1","vb4:121.2","vb4:121.3","vb4:121.4"],"kind":"text","text":{"pi":"Nirodhasaccaṁ anārammaṇaṁ.\nMaggasaccaṁ appamāṇārammaṇaṁ.\nSamudayasaccaṁ siyā parittārammaṇaṁ, siyā mahaggatārammaṇaṁ na appamāṇārammaṇaṁ, siyā na vattabbaṁ—“parittārammaṇan”tipi, “mahaggatārammaṇan”tipi.\nDukkhasaccaṁ siyā parittārammaṇaṁ, siyā mahaggatārammaṇaṁ, siyā appamāṇārammaṇaṁ, siyā na vattabbaṁ—“parittārammaṇan”tipi, “mahaggatārammaṇan”tipi, “appamāṇārammaṇan”tipi."}},{"id":"vb4:122","sourceIds":["vb4:122.1","vb4:122.2","vb4:122.3"],"kind":"text","text":{"pi":"Samudayasaccaṁ hīnaṁ.\nDve saccā paṇītā.\nDukkhasaccaṁ siyā hīnaṁ, siyā majjhimaṁ."}},{"id":"vb4:123","sourceIds":["vb4:123.1","vb4:123.2","vb4:123.3"],"kind":"text","text":{"pi":"Nirodhasaccaṁ aniyataṁ.\nMaggasaccaṁ sammattaniyataṁ.\nDve saccā siyā micchattaniyatā, siyā aniyatā."}},{"id":"vb4:124","sourceIds":["vb4:124.1","vb4:124.2","vb4:124.3","vb4:124.4","vb4:124.5"],"kind":"text","text":{"pi":"Nirodhasaccaṁ anārammaṇaṁ.\nSamudayasaccaṁ na vattabbaṁ—\n“maggārammaṇan”tipi, “maggahetukan”tipi, “maggādhipatī”tipi.\nMaggasaccaṁ na maggārammaṇaṁ maggahetukaṁ, siyā maggādhipati, siyā na vattabbaṁ—“maggādhipatī”ti.\nDukkhasaccaṁ siyā maggārammaṇaṁ na maggahetukaṁ, siyā maggādhipati, siyā na vattabbaṁ—“maggārammaṇan”tipi, “maggādhipatī”tipi."}},{"id":"vb4:125","sourceIds":["vb4:125.1","vb4:125.2","vb4:125.3","vb4:125.4","vb4:125.5"],"kind":"text","text":{"pi":"Dve saccā siyā uppannā, siyā anuppannā, na vattabbā—\n“uppādino”ti.\nNirodhasaccaṁ na vattabbaṁ—\n“uppannan”tipi, “anuppannan”tipi, “uppādī”tipi.\nDukkhasaccaṁ siyā uppannaṁ, siyā anuppannaṁ, siyā uppādi."}},{"id":"vb4:126","sourceIds":["vb4:126.1","vb4:126.2","vb4:126.3"],"kind":"text","text":{"pi":"Tīṇi saccāni siyā atītā, siyā anāgatā, siyā paccuppannā.\nNirodhasaccaṁ na vattabbaṁ—\n“atītan”tipi, “anāgatan”tipi, “paccuppannan”tipi."}},{"id":"vb4:127","sourceIds":["vb4:127.1","vb4:127.2","vb4:127.3","vb4:127.4"],"kind":"text","text":{"pi":"Nirodhasaccaṁ anārammaṇaṁ.\nMaggasaccaṁ na vattabbaṁ—\n“atītārammaṇan”tipi, “anāgatārammaṇan”tipi, “paccuppannārammaṇan”tipi.\nDve saccā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā—“atītārammaṇā”tipi, “anāgatārammaṇā”tipi, “paccuppannārammaṇā”tipi."}},{"id":"vb4:128","sourceIds":["vb4:128.1","vb4:128.2"],"kind":"text","text":{"pi":"Nirodhasaccaṁ bahiddhā.\nTīṇi saccāni siyā ajjhattā, siyā bahiddhā, siyā ajjhattabahiddhā."}},{"id":"vb4:129","sourceIds":["vb4:129.1","vb4:129.2","vb4:129.3","vb4:129.4"],"kind":"text","text":{"pi":"Nirodhasaccaṁ anārammaṇaṁ.\nMaggasaccaṁ bahiddhārammaṇaṁ.\nSamudayasaccaṁ siyā ajjhattārammaṇaṁ, siyā bahiddhārammaṇaṁ, siyā ajjhattabahiddhārammaṇaṁ.\nDukkhasaccaṁ siyā ajjhattārammaṇaṁ, siyā bahiddhārammaṇaṁ, siyā ajjhattabahiddhārammaṇaṁ, siyā na vattabbaṁ—“ajjhattārammaṇan”tipi, “bahiddhārammaṇan”tipi, “ajjhattabahiddhārammaṇan”tipi."}},{"id":"vb4:130","sourceIds":["vb4:130.1","vb4:130.2"],"kind":"text","text":{"pi":"Tīṇi saccāni anidassanaappaṭighā.\nDukkhasaccaṁ siyā sanidassanasappaṭighaṁ, siyā anidassanasappaṭighaṁ, siyā anidassanaappaṭighaṁ."}},{"id":"vb4:131.0","sourceIds":["vb4:131.0.1","vb4:131.0.2"],"kind":"text","text":{"pi":"3.2. 3.2 Duka\n3.2.1. Hetugocchaka"}},{"id":"vb4:131","sourceIds":["vb4:131.1","vb4:131.2","vb4:131.3","vb4:131.4","vb4:131.5","vb4:131.6","vb4:131.7","vb4:131.8","vb4:131.9","vb4:131.10","vb4:131.11","vb4:131.12","vb4:131.13","vb4:131.14","vb4:131.15","vb4:131.16","vb4:131.17","vb4:131.18","vb4:131.19","vb4:131.20","vb4:131.21","vb4:131.22","vb4:131.23","vb4:131.24"],"kind":"text","text":{"pi":"Samudayasaccaṁ hetu.\nNirodhasaccaṁ na hetu.\nDve saccā siyā hetū, siyā na hetū.\nDve saccā sahetukā.\nNirodhasaccaṁ ahetukaṁ.\nDukkhasaccaṁ siyā sahetukaṁ, siyā ahetukaṁ.\nDve saccā hetusampayuttā.\nNirodhasaccaṁ hetuvippayuttaṁ.\nDukkhasaccaṁ siyā hetusampayuttaṁ, siyā hetuvippayuttaṁ.\nSamudayasaccaṁ hetu ceva sahetukañca.\nNirodhasaccaṁ na vattabbaṁ—\n“hetu ceva sahetukañcā”tipi, “sahetukañceva na ca hetū”tipi.\nMaggasaccaṁ siyā hetu ceva sahetukañca, siyā sahetukañceva na ca hetu.\nDukkhasaccaṁ siyā hetu ceva sahetukañca, siyā sahetukañceva na ca hetu, siyā na vattabbaṁ—“hetu ceva sahetukañcā”tipi, “sahetukañceva na ca hetū”tipi.\nSamudayasaccaṁ hetu ceva hetusampayuttañca.\nNirodhasaccaṁ na vattabbaṁ—\n“hetu ceva hetusampayuttañcā”tipi, “hetusampayuttañceva na ca hetū”tipi.\nMaggasaccaṁ siyā hetu ceva hetusampayuttañca, siyā hetusampayuttañceva na ca hetu.\nDukkhasaccaṁ siyā hetu ceva hetusampayuttañca, siyā hetusampayuttañceva na ca hetu, siyā na vattabbaṁ—“hetu ceva hetusampayuttañcā”tipi, “hetusampayuttañceva na ca hetū”tipi.\nNirodhasaccaṁ na hetuahetukaṁ.\nSamudayasaccaṁ na vattabbaṁ—\n“na hetusahetukan”tipi, “na hetuahetukan”tipi.\nMaggasaccaṁ siyā na hetusahetukaṁ, siyā na vattabbaṁ—“na hetusahetukan”tipi, “na hetuahetukan”tipi.\nDukkhasaccaṁ siyā na hetusahetukaṁ, siyā na hetuahetukaṁ, siyā na vattabbaṁ—“na hetusahetukan”tipi, “na hetuahetukan”tipi."}},{"id":"vb4:132","sourceIds":["vb4:132.0","vb4:132.1","vb4:132.2","vb4:132.3","vb4:132.4","vb4:132.5","vb4:132.6","vb4:132.7","vb4:132.8","vb4:132.9","vb4:132.10","vb4:132.11","vb4:132.12","vb4:132.13"],"kind":"text","text":{"pi":"3.2.2. Cūḷantaraduka\nTīṇi saccāni sappaccayā.\nNirodhasaccaṁ appaccayaṁ.\nTīṇi saccāni saṅkhatā.\nNirodhasaccaṁ asaṅkhataṁ.\nTīṇi saccāni anidassanā.\nDukkhasaccaṁ siyā sanidassanaṁ, siyā anidassanaṁ.\nTīṇi saccāni appaṭighā.\nDukkhasaccaṁ siyā sappaṭighaṁ, siyā appaṭighaṁ.\nTīṇi saccāni arūpāni.\nDukkhasaccaṁ siyā rūpaṁ, siyā arūpaṁ.\nDve saccā lokiyā.\nDve saccā lokuttarā;\nkenaci viññeyyā, kenaci na viññeyyā."}},{"id":"vb4:133","sourceIds":["vb4:133.0","vb4:133.1","vb4:133.2","vb4:133.3","vb4:133.4","vb4:133.5","vb4:133.6","vb4:133.7","vb4:133.8","vb4:133.9","vb4:133.10","vb4:133.11","vb4:133.12","vb4:133.13","vb4:133.14","vb4:133.15","vb4:133.16","vb4:133.17","vb4:133.18","vb4:133.19","vb4:133.20"],"kind":"text","text":{"pi":"3.2.3. Āsavagocchaka\nSamudayasaccaṁ āsavo.\nDve saccā no āsavā.\nDukkhasaccaṁ siyā āsavo, siyā no āsavo.\nDve saccā sāsavā.\nDve saccā anāsavā.\nSamudayasaccaṁ āsavasampayuttaṁ.\nDve saccā āsavavippayuttā.\nDukkhasaccaṁ siyā āsavasampayuttaṁ, siyā āsavavippayuttaṁ.\nSamudayasaccaṁ āsavo ceva sāsavañca.\nDve saccā na vattabbā—\n“āsavā ceva sāsavā cā”tipi, “sāsavā ceva no ca āsavā”tipi.\nDukkhasaccaṁ siyā āsavo ceva sāsavañca, siyā sāsavañceva no ca āsavo.\nSamudayasaccaṁ āsavo ceva āsavasampayuttañca.\nDve saccā na vattabbā—\n“āsavā ceva āsavasampayuttā cā”tipi, “āsavasampayuttā ceva no ca āsavā”tipi.\nDukkhasaccaṁ siyā āsavo ceva āsavasampayuttañca, siyā āsavasampayuttañceva no ca āsavo, siyā na vattabbaṁ—“āsavo ceva āsavasampayuttañcā”tipi, “āsavasampayuttañceva no ca āsavo”tipi.\nDve saccā āsavavippayuttaanāsavā.\nSamudayasaccaṁ na vattabbaṁ—\n“āsavavippayuttasāsavan”tipi, “āsavavippayuttaanāsavan”tipi.\nDukkhasaccaṁ siyā āsavavippayuttasāsavaṁ, siyā na vattabbaṁ—“āsavavippayuttasāsavan”tipi, “āsavavippayuttaanāsavan”tipi."}},{"id":"vb4:134","sourceIds":["vb4:134.0","vb4:134.1","vb4:134.2","vb4:134.3","vb4:134.4","vb4:134.5","vb4:134.6","vb4:134.7","vb4:134.8","vb4:134.9","vb4:134.10","vb4:134.11","vb4:134.12","vb4:134.13","vb4:134.14","vb4:134.15","vb4:134.16","vb4:134.17","vb4:134.18","vb4:134.19","vb4:134.20"],"kind":"text","text":{"pi":"3.2.4. Saṁyojanagocchaka\nSamudayasaccaṁ saṁyojanaṁ.\nDve saccā no saṁyojanā.\nDukkhasaccaṁ siyā saṁyojanaṁ, siyā no saṁyojanaṁ.\nDve saccā saṁyojaniyā.\nDve saccā asaṁyojaniyā.\nSamudayasaccaṁ saṁyojanasampayuttaṁ.\nDve saccā saṁyojanavippayuttā.\nDukkhasaccaṁ siyā saṁyojanasampayuttaṁ, siyā saṁyojanavippayuttaṁ.\nSamudayasaccaṁ saṁyojanañceva saṁyojaniyañca.\nDve saccā na vattabbā—\n“saṁyojanā ceva saṁyojaniyā cā”tipi, “saṁyojaniyā ceva no ca saṁyojanā”tipi.\nDukkhasaccaṁ siyā saṁyojanañceva saṁyojaniyañca, siyā saṁyojaniyañceva no ca saṁyojanaṁ.\nSamudayasaccaṁ saṁyojanañceva saṁyojanasampayuttañca.\nDve saccā na vattabbā—\n“saṁyojanā ceva saṁyojanasampayuttā cā”tipi, “saṁyojanasampayuttā ceva no ca saṁyojanā”tipi.\nDukkhasaccaṁ siyā saṁyojanañceva saṁyojanasampayuttañca, siyā saṁyojanasampayuttañceva no ca saṁyojanaṁ, siyā na vattabbaṁ—“saṁyojanañceva saṁyojanasampayuttañcā”tipi, “saṁyojanasampayuttañceva no ca saṁyojanan”tipi.\nDve saccā saṁyojanavippayuttaasaṁyojaniyā.\nSamudayasaccaṁ na vattabbaṁ—\n“saṁyojanavippayuttasaṁyojaniyan”tipi, “saṁyojanavippayuttaasaṁyojaniyan”tipi.\nDukkhasaccaṁ siyā saṁyojanavippayuttasaṁyojaniyaṁ, siyā na vattabbaṁ—“saṁyojanavippayuttasaṁyojaniyan”tipi, “saṁyojanavippayuttaasaṁyojaniyan”tipi."}},{"id":"vb4:135","sourceIds":["vb4:135.0","vb4:135.1","vb4:135.2","vb4:135.3","vb4:135.4","vb4:135.5","vb4:135.6","vb4:135.7","vb4:135.8","vb4:135.9","vb4:135.10","vb4:135.11","vb4:135.12","vb4:135.13","vb4:135.14","vb4:135.15","vb4:135.16","vb4:135.17"],"kind":"text","text":{"pi":"3.2.5. Ganthagocchaka\nSamudayasaccaṁ gantho.\nDve saccā no ganthā.\nDukkhasaccaṁ siyā gantho, siyā no gantho.\nDve saccā ganthaniyā.\nDve saccā aganthaniyā.\nDve saccā ganthavippayuttā.\nDve saccā siyā ganthasampayuttā, siyā ganthavippayuttā.\nSamudayasaccaṁ gantho ceva ganthaniyañca.\nDve saccā na vattabbā—\n“ganthā ceva ganthaniyā cā”tipi, “ganthaniyā ceva no ca ganthā”tipi.\nDukkhasaccaṁ siyā gantho ceva ganthaniyañca, siyā ganthaniyañceva no ca gantho.\nSamudayasaccaṁ gantho ceva ganthasampayuttañca, siyā na vattabbaṁ—“gantho ceva ganthasampayuttañcā”tipi, “ganthasampayuttañceva no ca gantho”tipi.\nDve saccā na vattabbā—\n“ganthā ceva ganthasampayuttā cā”tipi, “ganthasampayuttā ceva no ca gantho”tipi.\nDukkhasaccaṁ siyā gantho ceva ganthasampayuttañca, siyā ganthasampayuttañceva no ca gantho, siyā na vattabbaṁ—“gantho ceva ganthasampayuttañcā”tipi, “ganthasampayuttañceva no ca gantho”tipi.\nDve saccā ganthavippayuttaaganthaniyā.\nDve saccā siyā ganthavippayuttaganthaniyā, siyā na vattabbā—“ganthavippayuttaganthaniyā”tipi, “ganthavippayuttaaganthaniyā”tipi."}},{"id":"vb4:136","sourceIds":["vb4:136.0","vb4:136.1","vb4:136.2","vb4:136.3","vb4:136.4","vb4:136.5","vb4:136.6","vb4:136.7","vb4:136.8","vb4:136.9","vb4:136.10","vb4:136.11","vb4:136.12","vb4:136.13","vb4:136.14","vb4:136.15","vb4:136.16","vb4:136.17","vb4:136.18","vb4:136.19","vb4:136.20","vb4:136.21"],"kind":"text","text":{"pi":"4.3.2.6. Oghayoganīvaraṇagocchaka\nSamudayasaccaṁ ogho …pe…\nyogo …pe…\nnīvaraṇaṁ.\nDve saccā no nīvaraṇā.\nDukkhasaccaṁ siyā nīvaraṇaṁ, siyā no nīvaraṇaṁ.\nDve saccā nīvaraṇiyā dve saccā anīvaraṇiyā.\nSamudayasaccaṁ nīvaraṇasampayuttaṁ.\nDve saccā nīvaraṇavippayuttā.\nDukkhasaccaṁ siyā nīvaraṇasampayuttaṁ, siyā nīvaraṇavippayuttaṁ.\nSamudayasaccaṁ nīvaraṇañceva nīvaraṇiyañca.\nDve saccā na vattabbā—\n“nīvaraṇā ceva nīvaraṇiyā cā”tipi, “nīvaraṇiyā ceva no ca nīvaraṇā”tipi.\nDukkhasaccaṁ siyā nīvaraṇañceva nīvaraṇiyañca, siyā nīvaraṇiyañceva no ca nīvaraṇaṁ.\nSamudayasaccaṁ nīvaraṇañceva nīvaraṇasampayuttañca.\nDve saccā na vattabbā—\n“nīvaraṇā ceva nīvaraṇasampayuttā cā”tipi, “nīvaraṇasampayuttā ceva no ca nīvaraṇā”tipi.\nDukkhasaccaṁ siyā nīvaraṇañceva nīvaraṇasampayuttañca, siyā nīvaraṇasampayuttañceva no ca nīvaraṇaṁ, siyā na vattabbaṁ—“nīvaraṇañceva nīvaraṇasampayuttañcā”tipi, “nīvaraṇasampayuttañceva no ca nīvaraṇan”tipi.\nDve saccā nīvaraṇavippayuttaanīvaraṇiyā.\nSamudayasaccaṁ na vattabbaṁ—\n“nīvaraṇavippayuttanīvaraṇiyan”tipi, “nīvaraṇavippayuttaanīvaraṇiyan”tipi.\nDukkhasaccaṁ siyā nīvaraṇavippayuttanīvaraṇiyaṁ, siyā na vattabbaṁ—“nīvaraṇavippayuttanīvaraṇiyan”tipi, “nīvaraṇavippayuttaanīvaraṇiyan”tipi."}},{"id":"vb4:137","sourceIds":["vb4:137.0","vb4:137.1","vb4:137.2","vb4:137.3","vb4:137.4","vb4:137.5","vb4:137.6","vb4:137.7","vb4:137.8","vb4:137.9","vb4:137.10","vb4:137.11","vb4:137.12","vb4:137.13","vb4:137.14"],"kind":"text","text":{"pi":"3.2.9. Parāmāsagocchaka\nTīṇi saccāni no parāmāsā.\nDukkhasaccaṁ siyā parāmāso, siyā no parāmāso.\nDve saccā parāmaṭṭhā.\nDve saccā aparāmaṭṭhā.\nDve saccā parāmāsavippayuttā.\nSamudayasaccaṁ siyā parāmāsasampayuttaṁ, siyā parāmāsavippayuttaṁ.\nDukkhasaccaṁ siyā parāmāsasampayuttaṁ, siyā parāmāsavippayuttaṁ, siyā na vattabbaṁ—“parāmāsasampayuttan”tipi, “parāmāsavippayuttan”tipi.\nSamudayasaccaṁ na vattabbaṁ—\n“parāmāso ceva parāmaṭṭhañcā”ti, parāmaṭṭhañceva no ca parāmāso.\nDve saccā na vattabbā—\n“parāmāsā ceva parāmaṭṭhā cā”tipi, “parāmaṭṭhā ceva no ca parāmāsā”tipi.\nDukkhasaccaṁ siyā parāmāso ceva parāmaṭṭhañca, siyā parāmaṭṭhañceva no ca parāmāso.\nDve saccā parāmāsavippayuttaaparāmaṭṭhā.\nDve saccā siyā parāmāsavippayuttaparāmaṭṭhā, siyā na vattabbā—“parāmāsavippayuttaparāmaṭṭhā”tipi, “parāmāsavippayuttaaparāmaṭṭhā”tipi."}},{"id":"vb4:138","sourceIds":["vb4:138.0","vb4:138.1","vb4:138.2","vb4:138.3","vb4:138.4","vb4:138.5","vb4:138.6","vb4:138.7","vb4:138.8","vb4:138.9","vb4:138.10","vb4:138.11","vb4:138.12","vb4:138.13","vb4:138.14","vb4:138.15","vb4:138.16","vb4:138.17","vb4:138.18","vb4:138.19","vb4:138.20","vb4:138.21","vb4:138.22","vb4:138.23","vb4:138.24","vb4:138.25","vb4:138.26","vb4:138.27","vb4:138.28","vb4:138.29","vb4:138.30","vb4:138.31","vb4:138.32"],"kind":"text","text":{"pi":"3.2.10. Mahantaraduka\nDve saccā sārammaṇā.\nNirodhasaccaṁ anārammaṇaṁ.\nDukkhasaccaṁ siyā sārammaṇaṁ, siyā anārammaṇaṁ.\nTīṇi saccāni no cittā.\nDukkhasaccaṁ siyā cittaṁ, siyā no cittaṁ.\nDve saccā cetasikā.\nNirodhasaccaṁ acetasikaṁ.\nDukkhasaccaṁ siyā cetasikaṁ, siyā acetasikaṁ.\nDve saccā cittasampayuttā.\nNirodhasaccaṁ cittavippayuttaṁ.\nDukkhasaccaṁ siyā cittasampayuttaṁ, siyā cittavippayuttaṁ, siyā na vattabbaṁ—“cittena sampayuttan”tipi, “cittena vippayuttan”tipi.\nDve saccā cittasaṁsaṭṭhā.\nNirodhasaccaṁ cittavisaṁsaṭṭhaṁ.\nDukkhasaccaṁ siyā cittasaṁsaṭṭhaṁ, siyā cittavisaṁsaṭṭhaṁ, siyā na vattabbaṁ—“cittena saṁsaṭṭhan”tipi, “cittena visaṁsaṭṭhan”tipi.\nDve saccā cittasamuṭṭhānā.\nNirodhasaccaṁ no cittasamuṭṭhānaṁ.\nDukkhasaccaṁ siyā cittasamuṭṭhānaṁ, siyā no cittasamuṭṭhānaṁ.\nDve saccā cittasahabhuno.\nNirodhasaccaṁ no cittasahabhū.\nDukkhasaccaṁ siyā cittasahabhū, siyā no cittasahabhū.\nDve saccā cittānuparivattino.\nNirodhasaccaṁ no cittānuparivatti.\nDukkhasaccaṁ siyā cittānuparivatti, siyā no cittānuparivatti.\nDve saccā cittasaṁsaṭṭhasamuṭṭhānā.\nNirodhasaccaṁ no cittasaṁsaṭṭhasamuṭṭhānaṁ.\nDukkhasaccaṁ siyā cittasaṁsaṭṭhasamuṭṭhānaṁ, siyā no cittasaṁsaṭṭhasamuṭṭhānaṁ.\nDve saccā cittasaṁsaṭṭhasamuṭṭhānasahabhuno.\nNirodhasaccaṁ no cittasaṁsaṭṭhasamuṭṭhānasahabhū.\nDukkhasaccaṁ siyā cittasaṁsaṭṭhasamuṭṭhānasahabhū, siyā no cittasaṁsaṭṭhasamuṭṭhānasahabhū.\nDve saccā cittasaṁsaṭṭhasamuṭṭhānānuparivattino.\nNirodhasaccaṁ no cittasaṁsaṭṭhasamuṭṭhānānuparivatti.\nDukkhasaccaṁ siyā cittasaṁsaṭṭhasamuṭṭhānānuparivatti, siyā no cittasaṁsaṭṭhasamuṭṭhānānuparivatti."}},{"id":"vb4:139","sourceIds":["vb4:139.1","vb4:139.2","vb4:139.3","vb4:139.4","vb4:139.5","vb4:139.6"],"kind":"text","text":{"pi":"Tīṇi saccāni bāhirā.\nDukkhasaccaṁ siyā ajjhattaṁ, siyā bāhiraṁ.\nTīṇi saccāni no upādā.\nDukkhasaccaṁ siyā upādā, siyā no upādā.\nTīṇi saccāni anupādinnā.\nDukkhasaccaṁ siyā upādinnaṁ, siyā anupādinnaṁ."}},{"id":"vb4:140","sourceIds":["vb4:140.0","vb4:140.1","vb4:140.2","vb4:140.3","vb4:140.4","vb4:140.5","vb4:140.6","vb4:140.7","vb4:140.8","vb4:140.9","vb4:140.10","vb4:140.11","vb4:140.12","vb4:140.13","vb4:140.14","vb4:140.15","vb4:140.16","vb4:140.17"],"kind":"text","text":{"pi":"3.2.11. Upādānagocchaka\nSamudayasaccaṁ upādānaṁ.\nDve saccā no upādānā.\nDukkhasaccaṁ siyā upādānaṁ, siyā no upādānaṁ.\nDve saccā upādāniyā.\nDve saccā anupādāniyā.\nDve saccā upādānavippayuttā.\nDve saccā siyā upādānasampayuttā, siyā upādānavippayuttā.\nSamudayasaccaṁ upādānañceva upādāniyañca.\nDve saccā na vattabbā—\n“upādānā ceva upādāniyā cā”tipi, “upādāniyā ceva no ca upādānā”tipi.\nDukkhasaccaṁ siyā upādānañceva upādāniyañca, siyā upādāniyañceva no ca upādānaṁ.\nSamudayasaccaṁ siyā upādānañceva upādānasampayuttañca, siyā na vattabbaṁ—“upādānañceva upādānasampayuttañcā”tipi, “upādānasampayuttañceva no ca upādānan”tipi.\nDve saccā na vattabbā—\n“upādānā ceva upādānasampayuttā cā”tipi, “upādānasampayuttā ceva no ca upādānā”tipi.\nDukkhasaccaṁ siyā upādānañceva upādānasampayuttañca, siyā upādānasampayuttañceva no ca upādānaṁ, siyā na vattabbaṁ—“upādānañceva upādānasampayuttañcā”tipi, “upādānasampayuttañceva no ca upādānan”tipi.\nDve saccā upādānavippayuttaanupādāniyā.\nDve saccā siyā upādānavippayuttaupādāniyā, siyā na vattabbā—“upādānavippayuttaupādāniyā”tipi, “upādānavippayuttaanupādāniyā”tipi."}},{"id":"vb4:141","sourceIds":["vb4:141.0","vb4:141.1","vb4:141.2","vb4:141.3","vb4:141.4","vb4:141.5","vb4:141.6","vb4:141.7","vb4:141.8","vb4:141.9","vb4:141.10","vb4:141.11","vb4:141.12","vb4:141.13","vb4:141.14","vb4:141.15","vb4:141.16","vb4:141.17","vb4:141.18","vb4:141.19","vb4:141.20","vb4:141.21","vb4:141.22","vb4:141.23","vb4:141.24","vb4:141.25","vb4:141.26","vb4:141.27"],"kind":"text","text":{"pi":"3.2.12. Kilesagocchaka\nSamudayasaccaṁ kileso.\nDve saccā no kilesā.\nDukkhasaccaṁ siyā kileso, siyā no kileso.\nDve saccā saṅkilesikā.\nDve saccā asaṅkilesikā.\nSamudayasaccaṁ saṅkiliṭṭhaṁ.\nDve saccā asaṅkiliṭṭhā.\nDukkhasaccaṁ siyā saṅkiliṭṭhaṁ, siyā asaṅkiliṭṭhaṁ.\nSamudayasaccaṁ kilesasampayuttaṁ.\nDve saccā kilesavippayuttā.\nDukkhasaccaṁ siyā kilesasampayuttaṁ, siyā kilesavippayuttaṁ.\nSamudayasaccaṁ kileso ceva saṅkilesikañca.\nDve saccā na vattabbā—\n“kilesā ceva saṅkilesikā cā”tipi, “saṅkilesikā ceva no ca kilesā”tipi.\nDukkhasaccaṁ siyā kileso ceva saṅkilesikañca, siyā saṅkilesikañceva no ca kileso.\nSamudayasaccaṁ kileso ceva saṅkiliṭṭhañca.\nDve saccā na vattabbā—\n“kilesā ceva saṅkiliṭṭhā cā”tipi, “saṅkiliṭṭhā ceva no ca kilesā”tipi.\nDukkhasaccaṁ siyā kileso ceva saṅkiliṭṭhañca, siyā saṅkiliṭṭhañceva no ca kileso, siyā na vattabbaṁ—“kileso ceva saṅkiliṭṭhañcā”tipi, “saṅkiliṭṭhañceva no ca kileso”tipi.\nSamudayasaccaṁ kileso ceva kilesasampayuttañca.\nDve saccā na vattabbā—\n“kilesā ceva kilesasampayuttā cā”tipi, “kilesasampayuttā ceva no ca kilesā”tipi.\nDukkhasaccaṁ siyā kileso ceva kilesasampayuttañca, siyā kilesasampayuttañceva no ca kileso, siyā na vattabbaṁ—“kileso ceva kilesasampayuttañcā”tipi, “kilesasampayuttañceva no ca kileso”tipi.\nDve saccā kilesavippayuttaasaṅkilesikā.\nSamudayasaccaṁ na vattabbaṁ—\n“kilesavippayuttasaṅkilesikan”tipi, “kilesavippayuttaasaṅkilesikan”tipi.\nDukkhasaccaṁ siyā kilesavippayuttasaṅkilesikaṁ, siyā na vattabbaṁ—“kilesavippayuttasaṅkilesikan”tipi, “kilesavippayuttaasaṅkilesikan”tipi."}},{"id":"vb4:142","sourceIds":["vb4:142.0","vb4:142.1","vb4:142.2","vb4:142.3","vb4:142.4","vb4:142.5","vb4:142.6","vb4:142.7","vb4:142.8","vb4:142.9","vb4:142.10","vb4:142.11","vb4:142.12","vb4:142.13","vb4:142.14","vb4:142.15","vb4:142.16","vb4:142.17","vb4:142.18","vb4:142.19","vb4:142.20","vb4:142.21","vb4:142.22"],"kind":"text","text":{"pi":"3.2.13. Piṭṭhiduka\nDve saccā na dassanena pahātabbā.\nDve saccā siyā dassanena pahātabbā, siyā na dassanena pahātabbā.\nDve saccā na bhāvanāya pahātabbā.\nDve saccā siyā bhāvanāya pahātabbā, siyā na bhāvanāya pahātabbā.\nDve saccā na dassanena pahātabbahetukā.\nDve saccā siyā dassanena pahātabbahetukā, siyā na dassanena pahātabbahetukā.\nDve saccā na bhāvanāya pahātabbahetukā.\nDve saccā siyā bhāvanāya pahātabbahetukā, siyā na bhāvanāya pahātabbahetukā.\nSamudayasaccaṁ savitakkaṁ.\nNirodhasaccaṁ avitakkaṁ.\nDve saccā siyā savitakkā, siyā avitakkā.\nSamudayasaccaṁ savicāraṁ.\nNirodhasaccaṁ avicāraṁ.\nDve saccā siyā savicārā, siyā avicārā.\nNirodhasaccaṁ appītikaṁ.\nTīṇi saccāni siyā sappītikā, siyā appītikā.\nNirodhasaccaṁ na pītisahagataṁ.\nTīṇi saccāni siyā pītisahagatā, siyā na pītisahagatā.\nNirodhasaccaṁ na sukhasahagataṁ.\nTīṇi saccāni siyā sukhasahagatā, siyā na sukhasahagatā.\nNirodhasaccaṁ na upekkhāsahagataṁ.\nTīṇi saccāni siyā upekkhāsahagatā, siyā na upekkhāsahagatā."}},{"id":"vb4:143","sourceIds":["vb4:143.1","vb4:143.2","vb4:143.3","vb4:143.4","vb4:143.5","vb4:143.6","vb4:143.7","vb4:143.8","vb4:143.9","vb4:143.10","vb4:143.11","vb4:143.12","vb4:143.13","vb4:143.14","vb4:143.15","vb4:143.16","vb4:143.17","vb4:143.18","vb4:143.19"],"kind":"text","text":{"pi":"Samudayasaccaṁ kāmāvacaraṁ.\nDve saccā na kāmāvacarā.\nDukkhasaccaṁ siyā kāmāvacaraṁ, siyā na kāmāvacaraṁ.\nTīṇi saccāni na rūpāvacarā.\nDukkhasaccaṁ siyā rūpāvacaraṁ, siyā na rūpāvacaraṁ.\nTīṇi saccāni na arūpāvacarā.\nDukkhasaccaṁ siyā arūpāvacaraṁ, siyā na arūpāvacaraṁ.\nDve saccā pariyāpannā.\nDve saccā apariyāpannā.\nMaggasaccaṁ niyyānikaṁ.\nTīṇi saccāni aniyyānikā.\nMaggasaccaṁ niyataṁ.\nNirodhasaccaṁ aniyataṁ.\nDve saccā siyā niyatā, siyā aniyatā.\nDve saccā sauttarā.\nDve saccā anuttarā.\nSamudayasaccaṁ saraṇaṁ.\nDve saccā araṇā.\nDukkhasaccaṁ siyā saraṇaṁ, siyā araṇanti."}},{"id":"vb4:144","sourceIds":["vb4:144.1"],"kind":"text","text":{"pi":"Pañhāpucchakaṁ."}},{"id":"vb4:145","sourceIds":["vb4:145.1"],"kind":"text","text":{"pi":"Saccavibhaṅgo niṭṭhito."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/vb4/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}