{"id":"vb6","title":"Paṭiccasamuppādavibhaṅga","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"vb6","title":"Paṭiccasamuppādavibhaṅga","units":[{"id":"vb6:0","sourceIds":["vb6:0.1","vb6:0.2"],"kind":"text","text":{"pi":"Vibhaṅga\nPaṭiccasamuppādavibhaṅga"}},{"id":"vb6:1","sourceIds":["vb6:1.0","vb6:1.1","vb6:1.2"],"kind":"text","text":{"pi":"1. Suttantabhājanīya\nAvijjāpaccayā saṅkhārā, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā saḷāyatanaṁ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ sokaparidevadukkhadomanassupāyāsā sambhavanti.\nEvametassa kevalassa dukkhakkhandhassa samudayo hoti."}},{"id":"vb6:2","sourceIds":["vb6:2.1","vb6:2.2","vb6:2.3"],"kind":"text","text":{"pi":"Tattha katamā avijjā?\nDukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ—\nayaṁ vuccati “avijjā”."}},{"id":"vb6:3","sourceIds":["vb6:3.1","vb6:3.2"],"kind":"text","text":{"pi":"Tattha katame avijjāpaccayā saṅkhārā?\nPuññābhisaṅkhāro, apuññābhisaṅkhāro, āneñjābhisaṅkhāro, kāyasaṅkhāro, vacīsaṅkhāro, cittasaṅkhāro."}},{"id":"vb6:4","sourceIds":["vb6:4.1","vb6:4.2","vb6:4.3"],"kind":"text","text":{"pi":"Tattha katamo puññābhisaṅkhāro?\nKusalā cetanā kāmāvacarā rūpāvacarā dānamayā sīlamayā bhāvanāmayā—\nayaṁ vuccati “puññābhisaṅkhāro”."}},{"id":"vb6:5","sourceIds":["vb6:5.1","vb6:5.2","vb6:5.3"],"kind":"text","text":{"pi":"Tattha katamo apuññābhisaṅkhāro?\nAkusalā cetanā kāmāvacarā—\nayaṁ vuccati “apuññābhisaṅkhāro”."}},{"id":"vb6:6","sourceIds":["vb6:6.1","vb6:6.2","vb6:6.3"],"kind":"text","text":{"pi":"Tattha katamo āneñjābhisaṅkhāro?\nKusalā cetanā arūpāvacarā—\nayaṁ vuccati “āneñjābhisaṅkhāro”."}},{"id":"vb6:7","sourceIds":["vb6:7.1","vb6:7.2","vb6:7.3"],"kind":"text","text":{"pi":"Tattha katamo kāyasaṅkhāro?\nKāyasañcetanā kāyasaṅkhāro, vacīsañcetanā vacīsaṅkhāro, manosañcetanā cittasaṅkhāro.\nIme vuccanti “avijjāpaccayā saṅkhārā”."}},{"id":"vb6:8","sourceIds":["vb6:8.1","vb6:8.2","vb6:8.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nCakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manoviññāṇaṁ—\nidaṁ vuccati “saṅkhārapaccayā viññāṇaṁ”."}},{"id":"vb6:9","sourceIds":["vb6:9.1","vb6:9.2","vb6:9.3","vb6:9.4","vb6:9.5","vb6:9.6","vb6:9.7","vb6:9.8","vb6:9.9","vb6:9.10"],"kind":"text","text":{"pi":"Tattha katamaṁ viññāṇapaccayā nāmarūpaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCattāro mahābhūtā, catunnañca mahābhūtānaṁ upādāyarūpaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “viññāṇapaccayā nāmarūpaṁ”."}},{"id":"vb6:10","sourceIds":["vb6:10.1","vb6:10.2","vb6:10.3"],"kind":"text","text":{"pi":"Tattha katamaṁ nāmarūpapaccayā saḷāyatanaṁ?\nCakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—\nidaṁ vuccati “nāmarūpapaccayā saḷāyatanaṁ”."}},{"id":"vb6:11","sourceIds":["vb6:11.1","vb6:11.2","vb6:11.3"],"kind":"text","text":{"pi":"Tattha katamo saḷāyatanapaccayā phasso?\nCakkhusamphasso sotasamphasso ghānasamphasso jivhāsamphasso kāyasamphasso manosamphasso—\nayaṁ vuccati “saḷāyatanapaccayā phasso”."}},{"id":"vb6:12","sourceIds":["vb6:12.1","vb6:12.2","vb6:12.3"],"kind":"text","text":{"pi":"Tattha katamā phassapaccayā vedanā?\nCakkhusamphassajā vedanā, sotasamphassajā vedanā, ghānasamphassajā vedanā, jivhāsamphassajā vedanā, kāyasamphassajā vedanā, manosamphassajā vedanā—\nayaṁ vuccati “phassapaccayā vedanā”."}},{"id":"vb6:13","sourceIds":["vb6:13.1","vb6:13.2","vb6:13.3"],"kind":"text","text":{"pi":"Tattha katamā vedanāpaccayā taṇhā?\nRūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā—\nayaṁ vuccati “vedanāpaccayā taṇhā”."}},{"id":"vb6:14","sourceIds":["vb6:14.1","vb6:14.2","vb6:14.3"],"kind":"text","text":{"pi":"Tattha katamaṁ taṇhāpaccayā upādānaṁ?\nKāmupādānaṁ, diṭṭhupādānaṁ, sīlabbatupādānaṁ, attavādupādānaṁ—\nidaṁ vuccati “taṇhāpaccayā upādānaṁ”."}},{"id":"vb6:15","sourceIds":["vb6:15.1","vb6:15.2","vb6:15.3","vb6:15.4","vb6:15.5","vb6:15.6","vb6:15.7"],"kind":"text","text":{"pi":"Tattha katamo upādānapaccayā bhavo?\nBhavo duvidhena—\natthi kammabhavo, atthi upapattibhavo.\nTattha katamo kammabhavo?\nPuññābhisaṅkhāro, apuññābhisaṅkhāro, āneñjābhisaṅkhāro—\nayaṁ vuccati “kammabhavo”.\nSabbampi bhavagāmikammaṁ kammabhavo."}},{"id":"vb6:16","sourceIds":["vb6:16.1","vb6:16.2","vb6:16.3","vb6:16.4"],"kind":"text","text":{"pi":"Tattha katamo upapattibhavo?\nKāmabhavo, rūpabhavo, arūpabhavo, saññābhavo, asaññābhavo, nevasaññānāsaññābhavo, ekavokārabhavo, catuvokārabhavo, pañcavokārabhavo—\nayaṁ vuccati “upapattibhavo”.\nAyaṁ vuccati “upādānapaccayā bhavo”."}},{"id":"vb6:17","sourceIds":["vb6:17.1","vb6:17.2","vb6:17.3"],"kind":"text","text":{"pi":"Tattha katamā bhavapaccayā jāti?\nYā tesaṁ tesaṁ sattānaṁ tamhi tamhi sattanikāye jāti sañjāti okkanti abhinibbatti, khandhānaṁ pātubhāvo, āyatanānaṁ paṭilābho—\nayaṁ vuccati “bhavapaccayā jāti”."}},{"id":"vb6:18","sourceIds":["vb6:18.1","vb6:18.2","vb6:18.3","vb6:18.4","vb6:18.5"],"kind":"text","text":{"pi":"Tattha katamaṁ jātipaccayā jarāmaraṇaṁ?\nAtthi jarā, atthi maraṇaṁ.\nTattha katamā jarā?\nYā tesaṁ tesaṁ sattānaṁ tamhi tamhi sattanikāye jarā jīraṇatā khaṇḍiccaṁ pāliccaṁ valittacatā āyuno saṁhāni indriyānaṁ paripāko—\nayaṁ vuccati “jarā”."}},{"id":"vb6:19","sourceIds":["vb6:19.1","vb6:19.2","vb6:19.3","vb6:19.4","vb6:19.5"],"kind":"text","text":{"pi":"Tattha katamaṁ maraṇaṁ?\nYā tesaṁ tesaṁ sattānaṁ tamhā tamhā sattanikāyā cuti cavanatā bhedo antaradhānaṁ maccu maraṇaṁ kālakiriyā khandhānaṁ bhedo kaḷevarassa nikkhepo jīvitindriyassupacchedo—\nidaṁ vuccati “maraṇaṁ”.\nIti ayañca jarā, idañca maraṇaṁ.\nIdaṁ vuccati “jātipaccayā jarāmaraṇaṁ”."}},{"id":"vb6:20","sourceIds":["vb6:20.1","vb6:20.2","vb6:20.3"],"kind":"text","text":{"pi":"Tattha katamo soko?\nÑātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa soko socanā socitattaṁ antosoko antoparisoko cetaso parijjhāyanā domanassaṁ sokasallaṁ—\nayaṁ vuccati “soko”."}},{"id":"vb6:21","sourceIds":["vb6:21.1","vb6:21.2","vb6:21.3"],"kind":"text","text":{"pi":"Tattha katamo paridevo?\nÑātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṁ paridevitattaṁ vācā palāpo vippalāpo lālappo lālappanā lālappitattaṁ—\nayaṁ vuccati “paridevo”."}},{"id":"vb6:22","sourceIds":["vb6:22.1","vb6:22.2","vb6:22.3"],"kind":"text","text":{"pi":"Tattha katamaṁ dukkhaṁ?\nYaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ kāyasamphassajā asātā dukkhā vedanā—\nidaṁ vuccati “dukkhaṁ”."}},{"id":"vb6:23","sourceIds":["vb6:23.1","vb6:23.2","vb6:23.3"],"kind":"text","text":{"pi":"Tattha katamaṁ domanassaṁ?\nYaṁ cetasikaṁ asātaṁ, cetasikaṁ dukkhaṁ, cetosamphassajaṁ asātaṁ dukkhaṁ vedayitaṁ, cetosamphassajā asātā dukkhā vedanā—\nidaṁ vuccati “domanassaṁ”."}},{"id":"vb6:24","sourceIds":["vb6:24.1","vb6:24.2","vb6:24.3"],"kind":"text","text":{"pi":"Tattha katamo upāyāso?\nÑātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena byasanena samannāgatassa, aññataraññatarena dukkhadhammena phuṭṭhassa āyāso upāyāso āyāsitattaṁ upāyāsitattaṁ—\nayaṁ vuccati “upāyāso”."}},{"id":"vb6:25","sourceIds":["vb6:25.1","vb6:25.2"],"kind":"text","text":{"pi":"Evametassa kevalassa dukkhakkhandhassa samudayo hotīti, evametassa kevalassa dukkhakkhandhassa saṅgati hoti, samāgamo hoti, samodhānaṁ hoti, pātubhāvo hoti.\nTena vuccati “evametassa kevalassa dukkhakkhandhassa samudayo hotī”ti."}},{"id":"vb6:26","sourceIds":["vb6:26.1"],"kind":"text","text":{"pi":"Suttantabhājanīyaṁ."}},{"id":"vb6:27.0","sourceIds":["vb6:27.0.1","vb6:27.0.2"],"kind":"text","text":{"pi":"2. Abhidhammabhājanīya\n2.1. Paccayacatukka"}},{"id":"vb6:27","sourceIds":["vb6:27.1","vb6:27.2"],"kind":"text","text":{"pi":"Avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:28","sourceIds":["vb6:28.1","vb6:28.2"],"kind":"text","text":{"pi":"Avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:29","sourceIds":["vb6:29.1","vb6:29.2"],"kind":"text","text":{"pi":"Avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:30","sourceIds":["vb6:30.1","vb6:30.2"],"kind":"text","text":{"pi":"Avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā saḷāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:31","sourceIds":["vb6:31.1"],"kind":"text","text":{"pi":"Paccayacatukkaṁ."}},{"id":"vb6:32","sourceIds":["vb6:32.0","vb6:32.1","vb6:32.2","vb6:32.3"],"kind":"text","text":{"pi":"2.2. Hetucatukka\nAvijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā chaṭṭhāyatanaṁ nāmahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:33","sourceIds":["vb6:33.1","vb6:33.2","vb6:33.3"],"kind":"text","text":{"pi":"Avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā phasso nāmahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:34","sourceIds":["vb6:34.1","vb6:34.2","vb6:34.3"],"kind":"text","text":{"pi":"Avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmarūpaṁ viññāṇahetukaṁ, nāmarūpapaccayā chaṭṭhāyatanaṁ nāmarūpahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:35","sourceIds":["vb6:35.1","vb6:35.2","vb6:35.3"],"kind":"text","text":{"pi":"Avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmarūpaṁ viññāṇahetukaṁ, nāmarūpapaccayā saḷāyatanaṁ nāmarūpahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:36","sourceIds":["vb6:36.1"],"kind":"text","text":{"pi":"Hetucatukkaṁ."}},{"id":"vb6:37","sourceIds":["vb6:37.0","vb6:37.1","vb6:37.2","vb6:37.3"],"kind":"text","text":{"pi":"2.3. Sampayuttacatukka\nAvijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā chaṭṭhāyatanaṁ nāmasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:38","sourceIds":["vb6:38.1","vb6:38.2","vb6:38.3"],"kind":"text","text":{"pi":"Avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā phasso nāmasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:39","sourceIds":["vb6:39.1","vb6:39.2","vb6:39.3"],"kind":"text","text":{"pi":"Avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmarūpaṁ viññāṇasampayuttaṁ nāmaṁ, nāmarūpapaccayā chaṭṭhāyatanaṁ nāmarūpasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:40","sourceIds":["vb6:40.1","vb6:40.2","vb6:40.3"],"kind":"text","text":{"pi":"Avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmarūpaṁ viññāṇasampayuttaṁ nāmaṁ, nāmarūpapaccayā saḷāyatanaṁ nāmasampayuttaṁ chaṭṭhāyatanaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:41","sourceIds":["vb6:41.1"],"kind":"text","text":{"pi":"Sampayuttacatukkaṁ."}},{"id":"vb6:42","sourceIds":["vb6:42.0","vb6:42.1","vb6:42.2","vb6:42.3","vb6:42.4","vb6:42.5","vb6:42.6","vb6:42.7","vb6:42.8","vb6:42.9","vb6:42.10"],"kind":"text","text":{"pi":"2.4. Aññamaññacatukka\nAvijjāpaccayā saṅkhāro, saṅkhārapaccayāpi avijjā;\nsaṅkhārapaccayā viññāṇaṁ, viññāṇapaccayāpi saṅkhāro;\nviññāṇapaccayā nāmaṁ, nāmapaccayāpi viññāṇaṁ;\nnāmapaccayā chaṭṭhāyatanaṁ, chaṭṭhāyatanapaccayāpi nāmaṁ;\nchaṭṭhāyatanapaccayā phasso, phassapaccayāpi chaṭṭhāyatanaṁ;\nphassapaccayā vedanā, vedanāpaccayāpi phasso;\nvedanāpaccayā taṇhā, taṇhāpaccayāpi vedanā;\ntaṇhāpaccayā upādānaṁ, upādānapaccayāpi taṇhā;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:43","sourceIds":["vb6:43.1","vb6:43.2","vb6:43.3","vb6:43.4","vb6:43.5","vb6:43.6","vb6:43.7","vb6:43.8","vb6:43.9"],"kind":"text","text":{"pi":"Avijjāpaccayā saṅkhāro, saṅkhārapaccayāpi avijjā;\nsaṅkhārapaccayā viññāṇaṁ, viññāṇapaccayāpi saṅkhāro;\nviññāṇapaccayā nāmaṁ, nāmapaccayāpi viññāṇaṁ;\nnāmapaccayā phasso, phassapaccayāpi nāmaṁ;\nphassapaccayā vedanā, vedanāpaccayāpi phasso;\nvedanāpaccayā taṇhā, taṇhāpaccayāpi vedanā;\ntaṇhāpaccayā upādānaṁ, upādānapaccayāpi taṇhā;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:44","sourceIds":["vb6:44.1","vb6:44.2","vb6:44.3","vb6:44.4","vb6:44.5","vb6:44.6","vb6:44.7","vb6:44.8","vb6:44.9","vb6:44.10"],"kind":"text","text":{"pi":"Avijjāpaccayā saṅkhāro, saṅkhārapaccayāpi avijjā;\nsaṅkhārapaccayā viññāṇaṁ, viññāṇapaccayāpi saṅkhāro;\nviññāṇapaccayā nāmarūpaṁ, nāmarūpapaccayāpi viññāṇaṁ;\nnāmarūpapaccayā chaṭṭhāyatanaṁ, chaṭṭhāyatanapaccayāpi nāmarūpaṁ;\nchaṭṭhāyatanapaccayā phasso, phassapaccayāpi chaṭṭhāyatanaṁ;\nphassapaccayā vedanā, vedanāpaccayāpi phasso;\nvedanāpaccayā taṇhā, taṇhāpaccayāpi vedanā;\ntaṇhāpaccayā upādānaṁ, upādānapaccayāpi taṇhā;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:45","sourceIds":["vb6:45.1","vb6:45.2","vb6:45.3","vb6:45.4","vb6:45.5","vb6:45.6","vb6:45.7","vb6:45.8","vb6:45.9","vb6:45.10"],"kind":"text","text":{"pi":"Avijjāpaccayā saṅkhāro, saṅkhārapaccayāpi avijjā;\nsaṅkhārapaccayā viññāṇaṁ, viññāṇapaccayāpi saṅkhāro;\nviññāṇapaccayā nāmarūpaṁ, nāmarūpapaccayāpi viññāṇaṁ;\nnāmarūpapaccayā saḷāyatanaṁ, chaṭṭhāyatanapaccayāpi nāmarūpaṁ;\nchaṭṭhāyatanapaccayā phasso, phassapaccayāpi chaṭṭhāyatanaṁ;\nphassapaccayā vedanā, vedanāpaccayāpi phasso;\nvedanāpaccayā taṇhā, taṇhāpaccayāpi vedanā;\ntaṇhāpaccayā upādānaṁ, upādānapaccayāpi taṇhā;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:46","sourceIds":["vb6:46.1"],"kind":"text","text":{"pi":"Aññamaññacatukkaṁ."}},{"id":"vb6:47","sourceIds":["vb6:47.0","vb6:47.1","vb6:47.2","vb6:47.3","vb6:47.4","vb6:47.5","vb6:47.6","vb6:47.7","vb6:47.8","vb6:47.9","vb6:47.10"],"kind":"text","text":{"pi":"2.4.1. Mātikā\nSaṅkhārapaccayā avijjā …pe…\nviññāṇapaccayā avijjā …pe…\nnāmapaccayā avijjā …pe…\nchaṭṭhāyatanapaccayā avijjā …pe…\nphassapaccayā avijjā …pe…\nvedanāpaccayā avijjā …pe…\ntaṇhāpaccayā avijjā …pe…\nupādānapaccayā avijjā …pe…\navijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:48","sourceIds":["vb6:48.1"],"kind":"text","text":{"pi":"Mātikā."}},{"id":"vb6:49","sourceIds":["vb6:49.0","vb6:49.1","vb6:49.2","vb6:49.3"],"kind":"text","text":{"pi":"2.5.1. Akusalacitta\nKatame dhammā akusalā?\nYasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:50","sourceIds":["vb6:50.1","vb6:50.2","vb6:50.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:51","sourceIds":["vb6:51.1","vb6:51.2","vb6:51.3"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro”."}},{"id":"vb6:52","sourceIds":["vb6:52.1","vb6:52.2","vb6:52.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:53","sourceIds":["vb6:53.1","vb6:53.2","vb6:53.3"],"kind":"text","text":{"pi":"Tattha katamaṁ viññāṇapaccayā nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ”."}},{"id":"vb6:54","sourceIds":["vb6:54.1","vb6:54.2","vb6:54.3"],"kind":"text","text":{"pi":"Tattha katamaṁ nāmapaccayā chaṭṭhāyatanaṁ?\nYaṁ cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—\nidaṁ vuccati “nāmapaccayā chaṭṭhāyatanaṁ”."}},{"id":"vb6:55","sourceIds":["vb6:55.1","vb6:55.2","vb6:55.3"],"kind":"text","text":{"pi":"Tattha katamo chaṭṭhāyatanapaccayā phasso?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso”."}},{"id":"vb6:56","sourceIds":["vb6:56.1","vb6:56.2","vb6:56.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā”."}},{"id":"vb6:57","sourceIds":["vb6:57.1","vb6:57.2","vb6:57.3"],"kind":"text","text":{"pi":"Tattha katamā vedanāpaccayā taṇhā?\nYo rāgo sārāgo anunayo anurodho nandī nandirāgo cittassa sārāgo—\nayaṁ vuccati “vedanāpaccayā taṇhā”."}},{"id":"vb6:58","sourceIds":["vb6:58.1","vb6:58.2","vb6:58.3"],"kind":"text","text":{"pi":"Tattha katamaṁ taṇhāpaccayā upādānaṁ?\nYā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaṁyojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—\nidaṁ vuccati “taṇhāpaccayā upādānaṁ”."}},{"id":"vb6:59","sourceIds":["vb6:59.1","vb6:59.2","vb6:59.3"],"kind":"text","text":{"pi":"Tattha katamo upādānapaccayā bhavo?\nṬhapetvā upādānaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “upādānapaccayā bhavo”."}},{"id":"vb6:60","sourceIds":["vb6:60.1","vb6:60.2","vb6:60.3"],"kind":"text","text":{"pi":"Tattha katamā bhavapaccayā jāti?\nYā tesaṁ tesaṁ dhammānaṁ jāti sañjāti nibbatti abhinibbatti pātubhāvo—\nayaṁ vuccati “bhavapaccayā jāti”."}},{"id":"vb6:61","sourceIds":["vb6:61.1","vb6:61.2","vb6:61.3","vb6:61.4","vb6:61.5","vb6:61.6","vb6:61.7","vb6:61.8","vb6:61.9","vb6:61.10"],"kind":"text","text":{"pi":"Tattha katamaṁ jātipaccayā jarāmaraṇaṁ?\nAtthi jarā, atthi maraṇaṁ.\nTattha katamā jarā?\nYā tesaṁ tesaṁ dhammānaṁ jarā jīraṇatā āyuno saṁhāni—\nayaṁ vuccati “jarā”.\nTattha katamaṁ maraṇaṁ?\nYo tesaṁ tesaṁ dhammānaṁ khayo vayo bhedo paribhedo aniccatā antaradhānaṁ—\nidaṁ vuccati “maraṇaṁ”.\nIti ayañca jarā, idañca maraṇaṁ.\nIdaṁ vuccati “jātipaccayā jarāmaraṇaṁ”."}},{"id":"vb6:62","sourceIds":["vb6:62.1","vb6:62.2","vb6:62.3"],"kind":"text","text":{"pi":"Evametassa kevalassa dukkhakkhandhassa samudayo hotīti.\nEvametassa kevalassa dukkhakkhandhassa saṅgati hoti, samāgamo hoti, samodhānaṁ hoti, pātubhāvo hoti.\nTena vuccati “evametassa kevalassa dukkhakkhandhassa samudayo hotī”ti."}},{"id":"vb6:63","sourceIds":["vb6:63.1","vb6:63.2"],"kind":"text","text":{"pi":"Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:64","sourceIds":["vb6:64.1","vb6:64.2","vb6:64.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:65","sourceIds":["vb6:65.1","vb6:65.2","vb6:65.3"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro”."}},{"id":"vb6:66","sourceIds":["vb6:66.1","vb6:66.2","vb6:66.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:67","sourceIds":["vb6:67.1","vb6:67.2","vb6:67.3"],"kind":"text","text":{"pi":"Tattha katamaṁ viññāṇapaccayā nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ”."}},{"id":"vb6:68","sourceIds":["vb6:68.1","vb6:68.2","vb6:68.3","vb6:68.4"],"kind":"text","text":{"pi":"Nāmapaccayā phassoti.\nTattha katamaṁ nāmaṁ?\nṬhapetvā phassaṁ, vedanākkhandho saññākkhandho saṅkhārakkhandho viññāṇakkhandho—\nidaṁ vuccati “nāmaṁ”."}},{"id":"vb6:69","sourceIds":["vb6:69.1","vb6:69.2","vb6:69.3","vb6:69.4"],"kind":"text","text":{"pi":"Tattha katamo nāmapaccayā phasso?\nYo phasso phusanā samphusanā samphusitattaṁ—\nayaṁ vuccati “nāmapaccayā phasso” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:70","sourceIds":["vb6:70.1","vb6:70.2"],"kind":"text","text":{"pi":"Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:71","sourceIds":["vb6:71.1","vb6:71.2","vb6:71.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:72","sourceIds":["vb6:72.1","vb6:72.2","vb6:72.3"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro”."}},{"id":"vb6:73","sourceIds":["vb6:73.1","vb6:73.2","vb6:73.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:74","sourceIds":["vb6:74.1","vb6:74.2","vb6:74.3","vb6:74.4","vb6:74.5","vb6:74.6","vb6:74.7","vb6:74.8","vb6:74.9","vb6:74.10"],"kind":"text","text":{"pi":"Tattha katamaṁ viññāṇapaccayā nāmarūpaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “viññāṇapaccayā nāmarūpaṁ”."}},{"id":"vb6:75","sourceIds":["vb6:75.1","vb6:75.2","vb6:75.3","vb6:75.4","vb6:75.5","vb6:75.6","vb6:75.7","vb6:75.8","vb6:75.9","vb6:75.10"],"kind":"text","text":{"pi":"Nāmarūpapaccayā chaṭṭhāyatananti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nYaṁ rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:76","sourceIds":["vb6:76.1","vb6:76.2","vb6:76.3"],"kind":"text","text":{"pi":"Tattha katamaṁ nāmarūpapaccayā chaṭṭhāyatanaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmarūpapaccayā chaṭṭhāyatanaṁ”."}},{"id":"vb6:77","sourceIds":["vb6:77.1","vb6:77.2","vb6:77.3","vb6:77.4"],"kind":"text","text":{"pi":"Tattha katamo chaṭṭhāyatanapaccayā phasso?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:78","sourceIds":["vb6:78.1","vb6:78.2"],"kind":"text","text":{"pi":"Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā saḷāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:79","sourceIds":["vb6:79.1","vb6:79.2","vb6:79.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:80","sourceIds":["vb6:80.1","vb6:80.2","vb6:80.3"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro”."}},{"id":"vb6:81","sourceIds":["vb6:81.1","vb6:81.2","vb6:81.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:82","sourceIds":["vb6:82.1","vb6:82.2","vb6:82.3","vb6:82.4","vb6:82.5","vb6:82.6","vb6:82.7","vb6:82.8","vb6:82.9","vb6:82.10"],"kind":"text","text":{"pi":"Tattha katamaṁ viññāṇapaccayā nāmarūpaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “viññāṇapaccayā nāmarūpaṁ”."}},{"id":"vb6:83","sourceIds":["vb6:83.1","vb6:83.2","vb6:83.3","vb6:83.4","vb6:83.5","vb6:83.6","vb6:83.7","vb6:83.8","vb6:83.9","vb6:83.10"],"kind":"text","text":{"pi":"Nāmarūpapaccayā saḷāyatananti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCattāro ca mahābhūtā, yañca rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:84","sourceIds":["vb6:84.1","vb6:84.2","vb6:84.3"],"kind":"text","text":{"pi":"Tattha katamaṁ nāmarūpapaccayā saḷāyatanaṁ?\nCakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—\nidaṁ vuccati “nāmarūpapaccayā saḷāyatanaṁ”."}},{"id":"vb6:85","sourceIds":["vb6:85.1","vb6:85.2","vb6:85.3","vb6:85.4"],"kind":"text","text":{"pi":"Tattha katamo chaṭṭhāyatanapaccayā phasso?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:86","sourceIds":["vb6:86.1"],"kind":"text","text":{"pi":"Paccayacatukkaṁ."}},{"id":"vb6:87","sourceIds":["vb6:87.0","vb6:87.1","vb6:87.2","vb6:87.3"],"kind":"text","text":{"pi":"2.6. Hetucatukka\nTasmiṁ samaye avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā chaṭṭhāyatanaṁ nāmahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:88","sourceIds":["vb6:88.1","vb6:88.2","vb6:88.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:89","sourceIds":["vb6:89.1","vb6:89.2","vb6:89.3"],"kind":"text","text":{"pi":"Tattha katamo avijjāpaccayā saṅkhāro avijjāhetuko?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro avijjāhetuko”."}},{"id":"vb6:90","sourceIds":["vb6:90.1","vb6:90.2","vb6:90.3"],"kind":"text","text":{"pi":"Tattha katamaṁ saṅkhārapaccayā viññāṇaṁ saṅkhārahetukaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ saṅkhārahetukaṁ”."}},{"id":"vb6:91","sourceIds":["vb6:91.1","vb6:91.2","vb6:91.3"],"kind":"text","text":{"pi":"Tattha katamaṁ viññāṇapaccayā nāmaṁ viññāṇahetukaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ viññāṇahetukaṁ”."}},{"id":"vb6:92","sourceIds":["vb6:92.1","vb6:92.2","vb6:92.3"],"kind":"text","text":{"pi":"Tattha katamaṁ nāmapaccayā chaṭṭhāyatanaṁ nāmahetukaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmapaccayā chaṭṭhāyatanaṁ nāmahetukaṁ”."}},{"id":"vb6:93","sourceIds":["vb6:93.1","vb6:93.2","vb6:93.3"],"kind":"text","text":{"pi":"Tattha katamo chaṭṭhāyatanapaccayā phasso chaṭṭhāyatanahetuko?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso chaṭṭhāyatanahetuko”."}},{"id":"vb6:94","sourceIds":["vb6:94.1","vb6:94.2","vb6:94.3"],"kind":"text","text":{"pi":"Tattha katamā phassapaccayā vedanā phassahetukā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā phassahetukā”."}},{"id":"vb6:95","sourceIds":["vb6:95.1","vb6:95.2","vb6:95.3"],"kind":"text","text":{"pi":"Tattha katamā vedanāpaccayā taṇhā vedanāhetukā?\nYo rāgo sārāgo …pe… cittassa sārāgo—\nayaṁ vuccati “vedanāpaccayā taṇhā vedanāhetukā”."}},{"id":"vb6:96","sourceIds":["vb6:96.1","vb6:96.2","vb6:96.3","vb6:96.4"],"kind":"text","text":{"pi":"Tattha katamaṁ taṇhāpaccayā upādānaṁ taṇhāhetukaṁ?\nYā diṭṭhi diṭṭhigataṁ …pe… titthāyatanaṁ vipariyāsaggāho—\nidaṁ vuccati “taṇhāpaccayā upādānaṁ taṇhāhetukaṁ” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:97","sourceIds":["vb6:97.1","vb6:97.2","vb6:97.3"],"kind":"text","text":{"pi":"Tasmiṁ samaye avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā phasso nāmahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:98","sourceIds":["vb6:98.1","vb6:98.2","vb6:98.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:99","sourceIds":["vb6:99.1","vb6:99.2","vb6:99.3"],"kind":"text","text":{"pi":"Tattha katamo avijjāpaccayā saṅkhāro avijjāhetuko?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro avijjāhetuko”."}},{"id":"vb6:100","sourceIds":["vb6:100.1","vb6:100.2","vb6:100.3"],"kind":"text","text":{"pi":"Tattha katamaṁ saṅkhārapaccayā viññāṇaṁ saṅkhārahetukaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati saṅkhārapaccayā viññāṇaṁ saṅkhārahetukaṁ."}},{"id":"vb6:101","sourceIds":["vb6:101.1","vb6:101.2","vb6:101.3"],"kind":"text","text":{"pi":"Tattha katamaṁ viññāṇapaccayā nāmaṁ viññāṇahetukaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ viññāṇahetukaṁ”."}},{"id":"vb6:102","sourceIds":["vb6:102.1","vb6:102.2","vb6:102.3","vb6:102.4"],"kind":"text","text":{"pi":"Nāmapaccayā phasso nāmahetukoti.\nTattha katamaṁ nāmaṁ?\nṬhapetvā phassaṁ, vedanākkhandho saññākkhandho saṅkhārakkhandho viññāṇakkhandho—\nidaṁ vuccati “nāmaṁ”."}},{"id":"vb6:103","sourceIds":["vb6:103.1","vb6:103.2","vb6:103.3","vb6:103.4"],"kind":"text","text":{"pi":"Tattha katamo nāmapaccayā phasso nāmahetuko?\nYo phasso phusanā samphusanā samphusitattaṁ—\nayaṁ vuccati “nāmapaccayā phasso nāmahetuko” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:104","sourceIds":["vb6:104.1","vb6:104.2","vb6:104.3"],"kind":"text","text":{"pi":"Tasmiṁ samaye avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ, viññāṇapaccayā nāmarūpaṁ viññāṇahetukaṁ, nāmarūpapaccayā chaṭṭhāyatanaṁ nāmarūpahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:105","sourceIds":["vb6:105.1","vb6:105.2","vb6:105.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:106","sourceIds":["vb6:106.1","vb6:106.2","vb6:106.3"],"kind":"text","text":{"pi":"Tattha katamo avijjāpaccayā saṅkhāro avijjāhetuko?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro avijjāhetuko”."}},{"id":"vb6:107","sourceIds":["vb6:107.1","vb6:107.2","vb6:107.3"],"kind":"text","text":{"pi":"Tattha katamaṁ saṅkhārapaccayā viññāṇaṁ saṅkhārahetukaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ saṅkhārahetukaṁ”."}},{"id":"vb6:108","sourceIds":["vb6:108.1","vb6:108.2","vb6:108.3","vb6:108.4","vb6:108.5","vb6:108.6","vb6:108.7","vb6:108.8","vb6:108.9","vb6:108.10"],"kind":"text","text":{"pi":"Tattha katamaṁ viññāṇapaccayā nāmarūpaṁ viññāṇahetukaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “viññāṇapaccayā nāmarūpaṁ viññāṇahetukaṁ”."}},{"id":"vb6:109","sourceIds":["vb6:109.1","vb6:109.2","vb6:109.3","vb6:109.4","vb6:109.5","vb6:109.6","vb6:109.7","vb6:109.8","vb6:109.9","vb6:109.10"],"kind":"text","text":{"pi":"Nāmarūpapaccayā chaṭṭhāyatanaṁ nāmarūpahetukanti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nYaṁ rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:110","sourceIds":["vb6:110.1","vb6:110.2","vb6:110.3"],"kind":"text","text":{"pi":"Tattha katamaṁ nāmarūpapaccayā chaṭṭhāyatanaṁ nāmarūpahetukaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmarūpapaccayā chaṭṭhāyatanaṁ nāmarūpahetukaṁ”."}},{"id":"vb6:111","sourceIds":["vb6:111.1","vb6:111.2","vb6:111.3","vb6:111.4"],"kind":"text","text":{"pi":"Tattha katamo chaṭṭhāyatanapaccayā phasso chaṭṭhāyatanahetuko?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso chaṭṭhāyatanahetuko” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:112","sourceIds":["vb6:112.1","vb6:112.2","vb6:112.3"],"kind":"text","text":{"pi":"Tasmiṁ samaye avijjāpaccayā saṅkhāro avijjāhetuko, saṅkhārapaccayā viññāṇaṁ saṅkhārahetukaṁ viññāṇapaccayā nāmarūpaṁ viññāṇahetukaṁ, nāmarūpapaccayā saḷāyatanaṁ nāmarūpahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā taṇhā vedanāhetukā, taṇhāpaccayā upādānaṁ taṇhāhetukaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:113","sourceIds":["vb6:113.1","vb6:113.2","vb6:113.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:114","sourceIds":["vb6:114.1","vb6:114.2","vb6:114.3"],"kind":"text","text":{"pi":"Tattha katamo avijjāpaccayā saṅkhāro avijjāhetuko?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro avijjāhetuko”."}},{"id":"vb6:115","sourceIds":["vb6:115.1","vb6:115.2","vb6:115.3"],"kind":"text","text":{"pi":"Tattha katamaṁ saṅkhārapaccayā viññāṇaṁ saṅkhārahetukaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ saṅkhārahetukaṁ”."}},{"id":"vb6:116","sourceIds":["vb6:116.1","vb6:116.2","vb6:116.3","vb6:116.4","vb6:116.5","vb6:116.6","vb6:116.7","vb6:116.8","vb6:116.9","vb6:116.10"],"kind":"text","text":{"pi":"Tattha katamaṁ viññāṇapaccayā nāmarūpaṁ viññāṇahetukaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “viññāṇapaccayā nāmarūpaṁ viññāṇahetukaṁ”."}},{"id":"vb6:117","sourceIds":["vb6:117.1","vb6:117.2","vb6:117.3","vb6:117.4","vb6:117.5","vb6:117.6","vb6:117.7","vb6:117.8","vb6:117.9","vb6:117.10"],"kind":"text","text":{"pi":"Nāmarūpapaccayā saḷāyatanaṁ nāmarūpahetukanti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCattāro ca mahābhūtā, yañca rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:118","sourceIds":["vb6:118.1","vb6:118.2","vb6:118.3"],"kind":"text","text":{"pi":"Tattha katamaṁ nāmarūpapaccayā saḷāyatanaṁ nāmarūpahetukaṁ?\nCakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—\nidaṁ vuccati “nāmarūpapaccayā saḷāyatanaṁ nāmarūpahetukaṁ”."}},{"id":"vb6:119","sourceIds":["vb6:119.1","vb6:119.2","vb6:119.3"],"kind":"text","text":{"pi":"Tattha katamo chaṭṭhāyatanapaccayā phasso chaṭṭhāyatanahetuko?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso chaṭṭhāyatanahetuko”."}},{"id":"vb6:120","sourceIds":["vb6:120.1","vb6:120.2","vb6:120.3"],"kind":"text","text":{"pi":"Tattha katamā phassapaccayā vedanā phassahetukā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā phassahetukā”."}},{"id":"vb6:121","sourceIds":["vb6:121.1","vb6:121.2","vb6:121.3"],"kind":"text","text":{"pi":"Tattha katamā vedanāpaccayā taṇhā vedanāhetukā?\nYo rāgo sārāgo …pe… cittassa sārāgo—\nayaṁ vuccati “vedanāpaccayā taṇhā vedanāhetukā”."}},{"id":"vb6:122","sourceIds":["vb6:122.1","vb6:122.2","vb6:122.3","vb6:122.4"],"kind":"text","text":{"pi":"Tattha katamaṁ taṇhāpaccayā upādānaṁ taṇhāhetukaṁ?\nYā diṭṭhi diṭṭhigataṁ …pe… titthāyatanaṁ vipariyāsaggāho—\nidaṁ vuccati “taṇhāpaccayā upādānaṁ taṇhāhetukaṁ” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:123","sourceIds":["vb6:123.1"],"kind":"text","text":{"pi":"Hetucatukkaṁ."}},{"id":"vb6:124","sourceIds":["vb6:124.0","vb6:124.1","vb6:124.2","vb6:124.3"],"kind":"text","text":{"pi":"2.7. Sampayuttacatukka\nTasmiṁ samaye avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā chaṭṭhāyatanaṁ nāmasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:125","sourceIds":["vb6:125.1","vb6:125.2","vb6:125.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:126","sourceIds":["vb6:126.1","vb6:126.2","vb6:126.3"],"kind":"text","text":{"pi":"Tattha katamo avijjāpaccayā saṅkhāro avijjāsampayutto?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro avijjāsampayutto”."}},{"id":"vb6:127","sourceIds":["vb6:127.1","vb6:127.2","vb6:127.3"],"kind":"text","text":{"pi":"Tattha katamaṁ saṅkhārapaccayā viññāṇaṁ saṅkhārasampayuttaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ saṅkhārasampayuttaṁ”."}},{"id":"vb6:128","sourceIds":["vb6:128.1","vb6:128.2","vb6:128.3"],"kind":"text","text":{"pi":"Tattha katamaṁ viññāṇapaccayā nāmaṁ viññāṇasampayuttaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ viññāṇasampayuttaṁ”."}},{"id":"vb6:129","sourceIds":["vb6:129.1","vb6:129.2","vb6:129.3","vb6:129.4"],"kind":"text","text":{"pi":"Tattha katamaṁ nāmapaccayā chaṭṭhāyatanaṁ …pe…\nnāmasampayuttaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmapaccayā chaṭṭhāyatanaṁ nāmasampayuttaṁ”."}},{"id":"vb6:130","sourceIds":["vb6:130.1","vb6:130.2","vb6:130.3"],"kind":"text","text":{"pi":"Tattha katamo chaṭṭhāyatanapaccayā phasso chaṭṭhāyatanasampayutto?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso chaṭṭhāyatanasampayutto”."}},{"id":"vb6:131","sourceIds":["vb6:131.1","vb6:131.2","vb6:131.3"],"kind":"text","text":{"pi":"Tattha katamā phassapaccayā vedanā phassasampayuttā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā phassasampayuttā”."}},{"id":"vb6:132","sourceIds":["vb6:132.1","vb6:132.2","vb6:132.3"],"kind":"text","text":{"pi":"Tattha katamā vedanāpaccayā taṇhā vedanāsampayuttā?\nYo rāgo sārāgo …pe… cittassa sārāgo—\nayaṁ vuccati “vedanāpaccayā taṇhā vedanāsampayuttā”."}},{"id":"vb6:133","sourceIds":["vb6:133.1","vb6:133.2","vb6:133.3","vb6:133.4"],"kind":"text","text":{"pi":"Tattha katamaṁ taṇhāpaccayā upādānaṁ taṇhāsampayuttaṁ?\nYā diṭṭhi diṭṭhigataṁ …pe… titthāyatanaṁ vipariyāsaggāho—\nidaṁ vuccati “taṇhāpaccayā upādānaṁ taṇhāsampayuttaṁ” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:134","sourceIds":["vb6:134.1","vb6:134.2","vb6:134.3"],"kind":"text","text":{"pi":"Tasmiṁ samaye avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā phasso nāmasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:135","sourceIds":["vb6:135.1","vb6:135.2","vb6:135.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:136","sourceIds":["vb6:136.1","vb6:136.2","vb6:136.3"],"kind":"text","text":{"pi":"Tattha katamo avijjāpaccayā saṅkhāro avijjāsampayutto?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro avijjāsampayutto”."}},{"id":"vb6:137","sourceIds":["vb6:137.1","vb6:137.2","vb6:137.3"],"kind":"text","text":{"pi":"Tattha katamaṁ saṅkhārapaccayā viññāṇaṁ saṅkhārasampayuttaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ saṅkhārasampayuttaṁ”."}},{"id":"vb6:138","sourceIds":["vb6:138.1","vb6:138.2","vb6:138.3"],"kind":"text","text":{"pi":"Tattha katamaṁ viññāṇapaccayā nāmaṁ viññāṇasampayuttaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ viññāṇasampayuttaṁ”."}},{"id":"vb6:139","sourceIds":["vb6:139.1","vb6:139.2","vb6:139.3","vb6:139.4"],"kind":"text","text":{"pi":"Nāmapaccayā phasso nāmasampayuttoti.\nTattha katamaṁ nāmaṁ?\nṬhapetvā phassaṁ, vedanākkhandho saññākkhandho saṅkhārakkhandho viññāṇakkhandho—\nidaṁ vuccati “nāmaṁ”."}},{"id":"vb6:140","sourceIds":["vb6:140.1","vb6:140.2","vb6:140.3","vb6:140.4"],"kind":"text","text":{"pi":"Tattha katamo nāmapaccayā phasso nāmasampayutto?\nYo phasso phusanā samphusanā samphusitattaṁ—\nayaṁ vuccati “nāmapaccayā phasso nāmasampayutto” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:141","sourceIds":["vb6:141.1","vb6:141.2","vb6:141.3"],"kind":"text","text":{"pi":"Tasmiṁ samaye avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmarūpaṁ viññāṇasampayuttaṁ nāmaṁ, nāmarūpapaccayā chaṭṭhāyatanaṁ nāmasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:142","sourceIds":["vb6:142.1","vb6:142.2","vb6:142.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:143","sourceIds":["vb6:143.1","vb6:143.2","vb6:143.3"],"kind":"text","text":{"pi":"Tattha katamo avijjāpaccayā saṅkhāro avijjāsampayutto?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro avijjāsampayutto”."}},{"id":"vb6:144","sourceIds":["vb6:144.1","vb6:144.2","vb6:144.3"],"kind":"text","text":{"pi":"Tattha katamaṁ saṅkhārapaccayā viññāṇaṁ saṅkhārasampayuttaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ saṅkhārasampayuttaṁ”."}},{"id":"vb6:145","sourceIds":["vb6:145.1","vb6:145.2","vb6:145.3","vb6:145.4","vb6:145.5","vb6:145.6","vb6:145.7","vb6:145.8","vb6:145.9","vb6:145.10"],"kind":"text","text":{"pi":"Tattha katamaṁ viññāṇapaccayā nāmarūpaṁ viññāṇasampayuttaṁ nāmaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “viññāṇapaccayā nāmarūpaṁ viññāṇasampayuttaṁ nāmaṁ”."}},{"id":"vb6:146","sourceIds":["vb6:146.1","vb6:146.2","vb6:146.3","vb6:146.4","vb6:146.5","vb6:146.6","vb6:146.7","vb6:146.8","vb6:146.9","vb6:146.10"],"kind":"text","text":{"pi":"Nāmarūpapaccayā chaṭṭhāyatanaṁ nāmasampayuttanti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nYaṁ rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:147","sourceIds":["vb6:147.1","vb6:147.2","vb6:147.3"],"kind":"text","text":{"pi":"Tattha katamaṁ nāmarūpapaccayā chaṭṭhāyatanaṁ nāmasampayuttaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmarūpapaccayā chaṭṭhāyatanaṁ nāmasampayuttaṁ”."}},{"id":"vb6:148","sourceIds":["vb6:148.1","vb6:148.2","vb6:148.3","vb6:148.4"],"kind":"text","text":{"pi":"Tattha katamo chaṭṭhāyatanapaccayā phasso chaṭṭhāyatanasampayutto?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso chaṭṭhāyatanasampayutto” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:149","sourceIds":["vb6:149.1","vb6:149.2","vb6:149.3"],"kind":"text","text":{"pi":"Tasmiṁ samaye avijjāpaccayā saṅkhāro avijjāsampayutto, saṅkhārapaccayā viññāṇaṁ saṅkhārasampayuttaṁ, viññāṇapaccayā nāmarūpaṁ viññāṇasampayuttaṁ nāmaṁ, nāmarūpapaccayā saḷāyatanaṁ nāmasampayuttaṁ chaṭṭhāyatanaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā taṇhā vedanāsampayuttā, taṇhāpaccayā upādānaṁ taṇhāsampayuttaṁ;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:150","sourceIds":["vb6:150.1","vb6:150.2","vb6:150.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:151","sourceIds":["vb6:151.1","vb6:151.2","vb6:151.3"],"kind":"text","text":{"pi":"Tattha katamo avijjāpaccayā saṅkhāro avijjāsampayutto?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro avijjāsampayutto”."}},{"id":"vb6:152","sourceIds":["vb6:152.1","vb6:152.2","vb6:152.3"],"kind":"text","text":{"pi":"Tattha katamaṁ saṅkhārapaccayā viññāṇaṁ saṅkhārasampayuttaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ saṅkhārasampayuttaṁ”."}},{"id":"vb6:153","sourceIds":["vb6:153.1","vb6:153.2","vb6:153.3","vb6:153.4","vb6:153.5","vb6:153.6","vb6:153.7","vb6:153.8","vb6:153.9","vb6:153.10"],"kind":"text","text":{"pi":"Tattha katamaṁ viññāṇapaccayā nāmarūpaṁ viññāṇasampayuttaṁ nāmaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “viññāṇapaccayā nāmarūpaṁ viññāṇasampayuttaṁ nāmaṁ”."}},{"id":"vb6:154","sourceIds":["vb6:154.1","vb6:154.2","vb6:154.3","vb6:154.4","vb6:154.5","vb6:154.6","vb6:154.7","vb6:154.8","vb6:154.9","vb6:154.10"],"kind":"text","text":{"pi":"Nāmarūpapaccayā saḷāyatanaṁ nāmasampayuttaṁ chaṭṭhāyatananti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCattāro ca mahābhūtā, yañca rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:155","sourceIds":["vb6:155.1","vb6:155.2","vb6:155.3"],"kind":"text","text":{"pi":"Tattha katamaṁ nāmarūpapaccayā saḷāyatanaṁ nāmasampayuttaṁ chaṭṭhāyatanaṁ?\nCakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—\nidaṁ vuccati “nāmarūpapaccayā saḷāyatanaṁ nāmasampayuttaṁ chaṭṭhāyatanaṁ”."}},{"id":"vb6:156","sourceIds":["vb6:156.1","vb6:156.2","vb6:156.3","vb6:156.4"],"kind":"text","text":{"pi":"Tattha katamo chaṭṭhāyatanapaccayā phasso chaṭṭhāyatanasampayutto?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso chaṭṭhāyatanasampayutto” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:157","sourceIds":["vb6:157.1"],"kind":"text","text":{"pi":"Sampayuttacatukkaṁ."}},{"id":"vb6:158","sourceIds":["vb6:158.0","vb6:158.1","vb6:158.2","vb6:158.3","vb6:158.4","vb6:158.5","vb6:158.6","vb6:158.7","vb6:158.8","vb6:158.9","vb6:158.10"],"kind":"text","text":{"pi":"2.8. Aññamaññacatukka\nTasmiṁ samaye avijjāpaccayā saṅkhāro, saṅkhārapaccayāpi avijjā;\nsaṅkhārapaccayā viññāṇaṁ, viññāṇapaccayāpi saṅkhāro;\nviññāṇapaccayā nāmaṁ, nāmapaccayāpi viññāṇaṁ;\nnāmapaccayā chaṭṭhāyatanaṁ, chaṭṭhāyatanapaccayāpi nāmaṁ;\nchaṭṭhāyatanapaccayā phasso, phassapaccayāpi chaṭṭhāyatanaṁ;\nphassapaccayā vedanā, vedanāpaccayāpi phasso;\nvedanāpaccayā taṇhā, taṇhāpaccayāpi vedanā;\ntaṇhāpaccayā upādānaṁ, upādānapaccayāpi taṇhā;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:159","sourceIds":["vb6:159.1","vb6:159.2","vb6:159.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:160","sourceIds":["vb6:160.1","vb6:160.2","vb6:160.3"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro”."}},{"id":"vb6:161","sourceIds":["vb6:161.1","vb6:161.2","vb6:161.3"],"kind":"text","text":{"pi":"Tattha katamā saṅkhārapaccayāpi avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “saṅkhārapaccayāpi avijjā”."}},{"id":"vb6:162","sourceIds":["vb6:162.1","vb6:162.2","vb6:162.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:163","sourceIds":["vb6:163.1","vb6:163.2","vb6:163.3"],"kind":"text","text":{"pi":"Tattha katamo viññāṇapaccayāpi saṅkhāro?\nYā cetanā sañcetanā sañcetayitattaṁ—\nayaṁ vuccati “viññāṇapaccayāpi saṅkhāro”."}},{"id":"vb6:164","sourceIds":["vb6:164.1","vb6:164.2","vb6:164.3"],"kind":"text","text":{"pi":"Tattha katamaṁ viññāṇapaccayā nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ”."}},{"id":"vb6:165","sourceIds":["vb6:165.1","vb6:165.2","vb6:165.3"],"kind":"text","text":{"pi":"Tattha katamaṁ nāmapaccayāpi viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmapaccayāpi viññāṇaṁ”."}},{"id":"vb6:166","sourceIds":["vb6:166.1","vb6:166.2","vb6:166.3"],"kind":"text","text":{"pi":"Tattha katamaṁ nāmapaccayā chaṭṭhāyatanaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmapaccayā chaṭṭhāyatanaṁ”."}},{"id":"vb6:167","sourceIds":["vb6:167.1","vb6:167.2","vb6:167.3"],"kind":"text","text":{"pi":"Tattha katamaṁ chaṭṭhāyatanapaccayāpi nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “chaṭṭhāyatanapaccayāpi nāmaṁ”."}},{"id":"vb6:168","sourceIds":["vb6:168.1","vb6:168.2","vb6:168.3"],"kind":"text","text":{"pi":"Tattha katamo chaṭṭhāyatanapaccayā phasso?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso”."}},{"id":"vb6:169","sourceIds":["vb6:169.1","vb6:169.2","vb6:169.3"],"kind":"text","text":{"pi":"Tattha katamaṁ phassapaccayāpi chaṭṭhāyatanaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “phassapaccayāpi chaṭṭhāyatanaṁ”."}},{"id":"vb6:170","sourceIds":["vb6:170.1","vb6:170.2","vb6:170.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā”."}},{"id":"vb6:171","sourceIds":["vb6:171.1","vb6:171.2","vb6:171.3"],"kind":"text","text":{"pi":"Tattha katamo vedanāpaccayāpi phasso?\nYo phasso phusanā samphusanā samphusitattaṁ—\nayaṁ vuccati “vedanāpaccayāpi phasso”."}},{"id":"vb6:172","sourceIds":["vb6:172.1","vb6:172.2","vb6:172.3"],"kind":"text","text":{"pi":"Tattha katamā vedanāpaccayā taṇhā?\nYo rāgo sārāgo …pe… cittassa sārāgo—\nayaṁ vuccati “vedanāpaccayā taṇhā”."}},{"id":"vb6:173","sourceIds":["vb6:173.1","vb6:173.2","vb6:173.3"],"kind":"text","text":{"pi":"Tattha katamā taṇhāpaccayāpi vedanā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “taṇhāpaccayāpi vedanā”."}},{"id":"vb6:174","sourceIds":["vb6:174.1","vb6:174.2","vb6:174.3"],"kind":"text","text":{"pi":"Tattha katamaṁ taṇhāpaccayā upādānaṁ?\nYā diṭṭhi diṭṭhigataṁ …pe… titthāyatanaṁ vipariyāsaggāho—\nidaṁ vuccati “taṇhāpaccayā upādānaṁ”."}},{"id":"vb6:175","sourceIds":["vb6:175.1","vb6:175.2","vb6:175.3"],"kind":"text","text":{"pi":"Tattha katamā upādānapaccayāpi taṇhā?\nYo rāgo …pe… cittassa sārāgo—\nayaṁ vuccati “upādānapaccayāpi taṇhā”."}},{"id":"vb6:176","sourceIds":["vb6:176.1","vb6:176.2","vb6:176.3"],"kind":"text","text":{"pi":"Tattha katamo upādānapaccayā bhavo?\nṬhapetvā upādānaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “upādānapaccayā bhavo”."}},{"id":"vb6:177","sourceIds":["vb6:177.1","vb6:177.2","vb6:177.3"],"kind":"text","text":{"pi":"Tattha katamā bhavapaccayā jāti?\nYā tesaṁ tesaṁ dhammānaṁ jāti sañjāti nibbatti abhinibbatti pātubhāvo—\nayaṁ vuccati “bhavapaccayā jāti”."}},{"id":"vb6:178","sourceIds":["vb6:178.1","vb6:178.2","vb6:178.3","vb6:178.4","vb6:178.5","vb6:178.6","vb6:178.7","vb6:178.8","vb6:178.9","vb6:178.10"],"kind":"text","text":{"pi":"Tattha katamaṁ jātipaccayā jarāmaraṇaṁ?\nAtthi jarā, atthi maraṇaṁ.\nTattha katamā jarā?\nYā tesaṁ tesaṁ dhammānaṁ jarā jīraṇatā āyuno saṁhāni—\nayaṁ vuccati “jarā”.\nTattha katamaṁ maraṇaṁ?\nYo tesaṁ tesaṁ dhammānaṁ khayo vayo bhedo paribhedo aniccatā antaradhānaṁ—\nidaṁ vuccati “maraṇaṁ”.\nIti ayañca jarā, idañca maraṇaṁ.\nIdaṁ vuccati “jātipaccayā jarāmaraṇaṁ”."}},{"id":"vb6:179","sourceIds":["vb6:179.1","vb6:179.2","vb6:179.3"],"kind":"text","text":{"pi":"Evametassa kevalassa dukkhakkhandhassa samudayo hotīti.\nEvametassa kevalassa dukkhakkhandhassa saṅgati hoti, samāgamo hoti, samodhānaṁ hoti, pātubhāvo hoti.\nTena vuccati “evametassa kevalassa dukkhakkhandhassa samudayo hotī”ti."}},{"id":"vb6:180","sourceIds":["vb6:180.1","vb6:180.2","vb6:180.3","vb6:180.4","vb6:180.5","vb6:180.6","vb6:180.7","vb6:180.8","vb6:180.9"],"kind":"text","text":{"pi":"Tasmiṁ samaye avijjāpaccayā saṅkhāro, saṅkhārapaccayāpi avijjā;\nsaṅkhārapaccayā viññāṇaṁ, viññāṇapaccayāpi saṅkhāro;\nviññāṇapaccayā nāmaṁ, nāmapaccayāpi viññāṇaṁ;\nnāmapaccayā phasso, phassapaccayāpi nāmaṁ;\nphassapaccayā vedanā, vedanāpaccayāpi phasso;\nvedanāpaccayā taṇhā, taṇhāpaccayāpi vedanā;\ntaṇhāpaccayā upādānaṁ, upādānapaccayāpi taṇhā;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:181","sourceIds":["vb6:181.1","vb6:181.2","vb6:181.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:182","sourceIds":["vb6:182.1","vb6:182.2","vb6:182.3"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro”."}},{"id":"vb6:183","sourceIds":["vb6:183.1","vb6:183.2","vb6:183.3"],"kind":"text","text":{"pi":"Tattha katamā saṅkhārapaccayāpi avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “saṅkhārapaccayāpi avijjā”."}},{"id":"vb6:184","sourceIds":["vb6:184.1","vb6:184.2","vb6:184.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:185","sourceIds":["vb6:185.1","vb6:185.2","vb6:185.3"],"kind":"text","text":{"pi":"Tattha katamo viññāṇapaccayāpi saṅkhāro?\nYā cetanā sañcetanā sañcetayitattaṁ—\nayaṁ vuccati “viññāṇapaccayāpi saṅkhāro”."}},{"id":"vb6:186","sourceIds":["vb6:186.1","vb6:186.2","vb6:186.3"],"kind":"text","text":{"pi":"Tattha katamaṁ viññāṇapaccayā nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ”."}},{"id":"vb6:187","sourceIds":["vb6:187.1","vb6:187.2","vb6:187.3"],"kind":"text","text":{"pi":"Tattha katamaṁ nāmapaccayāpi viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmapaccayāpi viññāṇaṁ”."}},{"id":"vb6:188","sourceIds":["vb6:188.1","vb6:188.2","vb6:188.3","vb6:188.4"],"kind":"text","text":{"pi":"Nāmapaccayā phassoti.\nTattha katamaṁ nāmaṁ?\nṬhapetvā phassaṁ, vedanākkhandho saññākkhandho saṅkhārakkhandho viññāṇakkhandho—\nidaṁ vuccati “nāmaṁ”."}},{"id":"vb6:189","sourceIds":["vb6:189.1","vb6:189.2","vb6:189.3"],"kind":"text","text":{"pi":"Tattha katamo nāmapaccayā phasso?\nYo phasso phusanā samphusanā samphusitattaṁ—\nayaṁ vuccati “nāmapaccayā phasso”."}},{"id":"vb6:190","sourceIds":["vb6:190.1","vb6:190.2","vb6:190.3","vb6:190.4"],"kind":"text","text":{"pi":"Tattha katamaṁ phassapaccayāpi nāmaṁ?\nVedanākkhandho, saññākkhandho, saṅkhārakkhandho, viññāṇakkhandho—\nidaṁ vuccati “phassapaccayāpi nāmaṁ” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:191","sourceIds":["vb6:191.1","vb6:191.2","vb6:191.3","vb6:191.4","vb6:191.5","vb6:191.6","vb6:191.7","vb6:191.8","vb6:191.9","vb6:191.10"],"kind":"text","text":{"pi":"Tasmiṁ samaye avijjāpaccayā saṅkhāro, saṅkhārapaccayāpi avijjā;\nsaṅkhārapaccayā viññāṇaṁ, viññāṇapaccayāpi saṅkhāro;\nviññāṇapaccayā nāmarūpaṁ, nāmarūpapaccayāpi viññāṇaṁ;\nnāmarūpapaccayā chaṭṭhāyatanaṁ, chaṭṭhāyatanapaccayāpi nāmarūpaṁ;\nchaṭṭhāyatanapaccayā phasso, phassapaccayāpi chaṭṭhāyatanaṁ;\nphassapaccayā vedanā, vedanāpaccayāpi phasso;\nvedanāpaccayā taṇhā, taṇhāpaccayāpi vedanā;\ntaṇhāpaccayā upādānaṁ, upādānapaccayāpi taṇhā;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:192","sourceIds":["vb6:192.1","vb6:192.2","vb6:192.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:193","sourceIds":["vb6:193.1","vb6:193.2","vb6:193.3"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro”."}},{"id":"vb6:194","sourceIds":["vb6:194.1","vb6:194.2","vb6:194.3"],"kind":"text","text":{"pi":"Tattha katamā saṅkhārapaccayāpi avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “saṅkhārapaccayāpi avijjā”."}},{"id":"vb6:195","sourceIds":["vb6:195.1","vb6:195.2","vb6:195.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:196","sourceIds":["vb6:196.1","vb6:196.2","vb6:196.3"],"kind":"text","text":{"pi":"Tattha katamo viññāṇapaccayāpi saṅkhāro?\nYā cetanā sañcetanā sañcetayitattaṁ—\nayaṁ vuccati “viññāṇapaccayāpi saṅkhāro”."}},{"id":"vb6:197","sourceIds":["vb6:197.1","vb6:197.2","vb6:197.3","vb6:197.4","vb6:197.5","vb6:197.6","vb6:197.7","vb6:197.8","vb6:197.9","vb6:197.10"],"kind":"text","text":{"pi":"Tattha katamaṁ viññāṇapaccayā nāmarūpaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “viññāṇapaccayā nāmarūpaṁ”."}},{"id":"vb6:198","sourceIds":["vb6:198.1","vb6:198.2","vb6:198.3","vb6:198.4","vb6:198.5","vb6:198.6","vb6:198.7","vb6:198.8","vb6:198.9","vb6:198.10"],"kind":"text","text":{"pi":"Nāmarūpapaccayāpi viññāṇanti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nYaṁ rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:199","sourceIds":["vb6:199.1","vb6:199.2","vb6:199.3"],"kind":"text","text":{"pi":"Tattha katamaṁ nāmarūpapaccayāpi viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmarūpapaccayāpi viññāṇaṁ”."}},{"id":"vb6:200","sourceIds":["vb6:200.1","vb6:200.2","vb6:200.3","vb6:200.4","vb6:200.5","vb6:200.6","vb6:200.7","vb6:200.8","vb6:200.9","vb6:200.10"],"kind":"text","text":{"pi":"Nāmarūpapaccayā chaṭṭhāyatananti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nYaṁ rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:201","sourceIds":["vb6:201.1","vb6:201.2","vb6:201.3"],"kind":"text","text":{"pi":"Tattha katamaṁ nāmarūpapaccayā chaṭṭhāyatanaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmarūpapaccayā chaṭṭhāyatanaṁ”."}},{"id":"vb6:202","sourceIds":["vb6:202.1","vb6:202.2","vb6:202.3","vb6:202.4","vb6:202.5","vb6:202.6","vb6:202.7","vb6:202.8","vb6:202.9","vb6:202.10"],"kind":"text","text":{"pi":"Tattha katamaṁ chaṭṭhāyatanapaccayāpi nāmarūpaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “chaṭṭhāyatanapaccayāpi nāmarūpaṁ”."}},{"id":"vb6:203","sourceIds":["vb6:203.1","vb6:203.2","vb6:203.3"],"kind":"text","text":{"pi":"Tattha katamo chaṭṭhāyatanapaccayā phasso?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso”."}},{"id":"vb6:204","sourceIds":["vb6:204.1","vb6:204.2","vb6:204.3","vb6:204.4"],"kind":"text","text":{"pi":"Tattha katamaṁ phassapaccayāpi chaṭṭhāyatanaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “phassapaccayāpi chaṭṭhāyatanaṁ” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:205","sourceIds":["vb6:205.1","vb6:205.2","vb6:205.3","vb6:205.4","vb6:205.5","vb6:205.6","vb6:205.7","vb6:205.8","vb6:205.9","vb6:205.10"],"kind":"text","text":{"pi":"Tasmiṁ samaye avijjāpaccayā saṅkhāro, saṅkhārapaccayāpi avijjā;\nsaṅkhārapaccayā viññāṇaṁ, viññāṇapaccayāpi saṅkhāro;\nviññāṇapaccayā nāmarūpaṁ, nāmarūpapaccayāpi viññāṇaṁ;\nnāmarūpapaccayā saḷāyatanaṁ, chaṭṭhāyatanapaccayāpi nāmarūpaṁ;\nchaṭṭhāyatanapaccayā phasso, phassapaccayāpi chaṭṭhāyatanaṁ;\nphassapaccayā vedanā, vedanāpaccayāpi phasso;\nvedanāpaccayā taṇhā, taṇhāpaccayāpi vedanā;\ntaṇhāpaccayā upādānaṁ, upādānapaccayāpi taṇhā;\nupādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:206","sourceIds":["vb6:206.1","vb6:206.2","vb6:206.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:207","sourceIds":["vb6:207.1","vb6:207.2","vb6:207.3"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro”."}},{"id":"vb6:208","sourceIds":["vb6:208.1","vb6:208.2","vb6:208.3"],"kind":"text","text":{"pi":"Tattha katamā saṅkhārapaccayāpi avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “saṅkhārapaccayāpi avijjā”."}},{"id":"vb6:209","sourceIds":["vb6:209.1","vb6:209.2","vb6:209.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:210","sourceIds":["vb6:210.1","vb6:210.2","vb6:210.3"],"kind":"text","text":{"pi":"Tattha katamo viññāṇapaccayāpi saṅkhāro?\nYā cetanā sañcetanā sañcetayitattaṁ—\nayaṁ vuccati “viññāṇapaccayāpi saṅkhāro”."}},{"id":"vb6:211","sourceIds":["vb6:211.1","vb6:211.2","vb6:211.3","vb6:211.4","vb6:211.5","vb6:211.6","vb6:211.7","vb6:211.8","vb6:211.9","vb6:211.10"],"kind":"text","text":{"pi":"Tattha katamaṁ viññāṇapaccayā nāmarūpaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati nāmaṁ.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “viññāṇapaccayā nāmarūpaṁ”."}},{"id":"vb6:212","sourceIds":["vb6:212.1","vb6:212.2","vb6:212.3","vb6:212.4","vb6:212.5","vb6:212.6","vb6:212.7","vb6:212.8","vb6:212.9","vb6:212.10"],"kind":"text","text":{"pi":"Nāmarūpapaccayāpi viññāṇanti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nYaṁ rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:213","sourceIds":["vb6:213.1","vb6:213.2","vb6:213.3"],"kind":"text","text":{"pi":"Tattha katamaṁ nāmarūpapaccayāpi viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmarūpapaccayāpi viññāṇaṁ”."}},{"id":"vb6:214","sourceIds":["vb6:214.1","vb6:214.2","vb6:214.3","vb6:214.4","vb6:214.5","vb6:214.6","vb6:214.7","vb6:214.8","vb6:214.9","vb6:214.10"],"kind":"text","text":{"pi":"Nāmarūpapaccayā saḷāyatananti.\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCattāro ca mahābhūtā, yañca rūpaṁ nissāya manoviññāṇadhātu vattati—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “nāmarūpaṁ”."}},{"id":"vb6:215","sourceIds":["vb6:215.1","vb6:215.2","vb6:215.3"],"kind":"text","text":{"pi":"Tattha katamaṁ nāmarūpapaccayā saḷāyatanaṁ?\nCakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, manāyatanaṁ—\nidaṁ vuccati “nāmarūpapaccayā saḷāyatanaṁ”."}},{"id":"vb6:216","sourceIds":["vb6:216.1","vb6:216.2","vb6:216.3","vb6:216.4","vb6:216.5","vb6:216.6","vb6:216.7","vb6:216.8","vb6:216.9","vb6:216.10"],"kind":"text","text":{"pi":"Tattha katamaṁ chaṭṭhāyatanapaccayāpi nāmarūpaṁ?\nAtthi nāmaṁ, atthi rūpaṁ.\nTattha katamaṁ nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “nāmaṁ”.\nTattha katamaṁ rūpaṁ?\nCakkhāyatanassa upacayo, sotāyatanassa upacayo, ghānāyatanassa upacayo, jivhāyatanassa upacayo, kāyāyatanassa upacayo, yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ—\nidaṁ vuccati “rūpaṁ”.\nIti idañca nāmaṁ, idañca rūpaṁ.\nIdaṁ vuccati “chaṭṭhāyatanapaccayāpi nāmarūpaṁ”."}},{"id":"vb6:217","sourceIds":["vb6:217.1","vb6:217.2","vb6:217.3"],"kind":"text","text":{"pi":"Tattha katamo chaṭṭhāyatanapaccayā phasso?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso”."}},{"id":"vb6:218","sourceIds":["vb6:218.1","vb6:218.2","vb6:218.3"],"kind":"text","text":{"pi":"Tattha katamaṁ phassapaccayāpi chaṭṭhāyatanaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “phassapaccayāpi chaṭṭhāyatanaṁ”."}},{"id":"vb6:219","sourceIds":["vb6:219.1","vb6:219.2","vb6:219.3","vb6:219.4"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:220","sourceIds":["vb6:220.1"],"kind":"text","text":{"pi":"Aññamaññacatukkaṁ."}},{"id":"vb6:221.0","sourceIds":["vb6:221.0.1","vb6:221.0.2"],"kind":"text","text":{"pi":"2.9.  Akusalaniddesa\n2.9.1 Akusalacitta"}},{"id":"vb6:221","sourceIds":["vb6:221.1","vb6:221.2","vb6:221.3","vb6:221.4","vb6:221.5"],"kind":"text","text":{"pi":"Katame dhammā akusalā?\nYasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ sasaṅkhārena …pe…\nsomanassasahagataṁ diṭṭhigatavippayuttaṁ rūpārammaṇaṁ vā …pe…\nsomanassasahagataṁ diṭṭhigatavippayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:222","sourceIds":["vb6:222.1","vb6:222.2","vb6:222.3"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā”."}},{"id":"vb6:223","sourceIds":["vb6:223.1","vb6:223.2","vb6:223.3"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati avijjāpaccayā saṅkhāro …pe…."}},{"id":"vb6:224","sourceIds":["vb6:224.1","vb6:224.2","vb6:224.3"],"kind":"text","text":{"pi":"Tattha katamo taṇhāpaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “taṇhāpaccayā adhimokkho”."}},{"id":"vb6:225","sourceIds":["vb6:225.1","vb6:225.2","vb6:225.3","vb6:225.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:226","sourceIds":["vb6:226.0","vb6:226.1","vb6:226.2","vb6:226.3"],"kind":"text","text":{"pi":"2.9.2. Akusalacitta\nKatame dhammā akusalā?\nYasmiṁ samaye akusalaṁ cittaṁ uppannaṁ hoti upekkhāsahagataṁ diṭṭhigatasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:227","sourceIds":["vb6:227.0","vb6:227.1","vb6:227.2","vb6:227.3"],"kind":"text","text":{"pi":"2.9.3. Akusalacitta\nTattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati avijjā …pe…."}},{"id":"vb6:228","sourceIds":["vb6:228.1","vb6:228.2","vb6:228.3","vb6:228.4"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—\nayaṁ vuccati “phassapaccayā vedanā” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:229","sourceIds":["vb6:229.1","vb6:229.2","vb6:229.3","vb6:229.4","vb6:229.5"],"kind":"text","text":{"pi":"Katame dhammā akusalā?\nYasmiṁ samaye akusalaṁ cittaṁ uppannaṁ hoti upekkhāsahagataṁ diṭṭhigatasampayuttaṁ sasaṅkhārena …pe…\nupekkhāsahagataṁ diṭṭhigatavippayuttaṁ rūpārammaṇaṁ vā …pe…\nupekkhāsahagataṁ diṭṭhigatavippayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:230","sourceIds":["vb6:230.1","vb6:230.2"],"kind":"text","text":{"pi":"Tattha katamā avijjā …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:231","sourceIds":["vb6:231.0","vb6:231.1","vb6:231.2","vb6:231.3","vb6:231.4"],"kind":"text","text":{"pi":"2.9.4. Akusalacitta\nKatame dhammā akusalā?\nYasmiṁ samaye akusalaṁ cittaṁ uppannaṁ hoti domanassasahagataṁ paṭighasampayuttaṁ rūpārammaṇaṁ vā …pe…\ndomanassasahagataṁ paṭighasampayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā paṭighaṁ, paṭighapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:232","sourceIds":["vb6:232.1","vb6:232.2","vb6:232.3","vb6:232.4"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā” …pe…\nayaṁ vuccati “chaṭṭhāyatanapaccayā phasso”."}},{"id":"vb6:233","sourceIds":["vb6:233.1","vb6:233.2","vb6:233.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—\nayaṁ vuccati “phassapaccayā vedanā”."}},{"id":"vb6:234","sourceIds":["vb6:234.1","vb6:234.2","vb6:234.3","vb6:234.4"],"kind":"text","text":{"pi":"Tattha katamaṁ vedanāpaccayā paṭighaṁ?\nYo cittassa āghāto …pe…\ncaṇḍikkaṁ asuropo anattamanatā cittassa—\nidaṁ vuccati “vedanāpaccayā paṭighaṁ”."}},{"id":"vb6:235","sourceIds":["vb6:235.1","vb6:235.2","vb6:235.3"],"kind":"text","text":{"pi":"Tattha katamo paṭighapaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “paṭighapaccayā adhimokkho”."}},{"id":"vb6:236","sourceIds":["vb6:236.1","vb6:236.2","vb6:236.3","vb6:236.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:237","sourceIds":["vb6:237.0","vb6:237.1","vb6:237.2","vb6:237.3"],"kind":"text","text":{"pi":"2.9.5. Akusalacitta\nKatame dhammā akusalā?\nYasmiṁ samaye akusalaṁ cittaṁ uppannaṁ hoti upekkhāsahagataṁ vicikicchāsampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā vicikicchā, vicikicchāpaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:238","sourceIds":["vb6:238.1","vb6:238.2","vb6:238.3","vb6:238.4"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā” …pe…\nayaṁ vuccati “chaṭṭhāyatanapaccayā phasso”."}},{"id":"vb6:239","sourceIds":["vb6:239.1","vb6:239.2","vb6:239.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ, cetosamphassajā adukkhamasukhā vedanā—\nayaṁ vuccati “phassapaccayā vedanā”."}},{"id":"vb6:240","sourceIds":["vb6:240.1","vb6:240.2","vb6:240.3"],"kind":"text","text":{"pi":"Tattha katamā vedanāpaccayā vicikicchā?\nYā kaṅkhā kaṅkhāyanā kaṅkhāyitattaṁ vimati vicikicchā dveḷhakaṁ dvidhāpatho saṁsayo anekaṁsaggāho āsappanā parisappanā apariyogāhaṇā chambhitattaṁ cittassa manovilekho—\nayaṁ vuccati “vedanāpaccayā vicikicchā”."}},{"id":"vb6:241","sourceIds":["vb6:241.1","vb6:241.2","vb6:241.3","vb6:241.4"],"kind":"text","text":{"pi":"Tattha katamo vicikicchāpaccayā bhavo?\nṬhapetvā vicikicchaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “vicikicchāpaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:242","sourceIds":["vb6:242.0","vb6:242.1","vb6:242.2","vb6:242.3"],"kind":"text","text":{"pi":"2.9.6. Akusalacitta\nKatame dhammā akusalā?\nYasmiṁ samaye akusalaṁ cittaṁ uppannaṁ hoti upekkhāsahagataṁ uddhaccasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā uddhaccaṁ, uddhaccapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:243","sourceIds":["vb6:243.1","vb6:243.2","vb6:243.3","vb6:243.4"],"kind":"text","text":{"pi":"Tattha katamā avijjā?\nYaṁ aññāṇaṁ adassanaṁ …pe… avijjālaṅgī moho akusalamūlaṁ—\nayaṁ vuccati “avijjā” …pe…\nayaṁ vuccati “chaṭṭhāyatanapaccayā phasso”."}},{"id":"vb6:244","sourceIds":["vb6:244.1","vb6:244.2","vb6:244.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—\nayaṁ vuccati “phassapaccayā vedanā”."}},{"id":"vb6:245","sourceIds":["vb6:245.1","vb6:245.2","vb6:245.3"],"kind":"text","text":{"pi":"Tattha katamaṁ vedanāpaccayā uddhaccaṁ?\nYaṁ cittassa uddhaccaṁ avūpasamo cetaso vikkhepo bhantattaṁ cittassa—\nidaṁ vuccati “vedanāpaccayā uddhaccaṁ”."}},{"id":"vb6:246","sourceIds":["vb6:246.1","vb6:246.2","vb6:246.3"],"kind":"text","text":{"pi":"Tattha katamo uddhaccapaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “uddhaccapaccayā adhimokkho”."}},{"id":"vb6:247","sourceIds":["vb6:247.1","vb6:247.2","vb6:247.3","vb6:247.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:248","sourceIds":["vb6:248.1"],"kind":"text","text":{"pi":"Akusalaniddeso."}},{"id":"vb6:249.0","sourceIds":["vb6:249.0.1","vb6:249.0.2","vb6:249.0.3"],"kind":"text","text":{"pi":"2. Kusalaniddesa\n2.10.1. 2.10.1 Kāmāvacarakusalacitta\n2.10.1.1. Mahākusalacitta"}},{"id":"vb6:249","sourceIds":["vb6:249.1","vb6:249.2","vb6:249.3"],"kind":"text","text":{"pi":"Katame dhammā kusalā?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:250","sourceIds":["vb6:250.1","vb6:250.2"],"kind":"text","text":{"pi":"Tattha katame kusalamūlā?\nAlobho, adoso, amoho."}},{"id":"vb6:251","sourceIds":["vb6:251.1","vb6:251.2","vb6:251.3"],"kind":"text","text":{"pi":"Tattha katamo alobho?\nYo alobho alubbhanā alubbhitattaṁ asārāgo asārajjanā asārajjitattaṁ anabhijjhā alobho kusalamūlaṁ—\nayaṁ vuccati “alobho”."}},{"id":"vb6:252","sourceIds":["vb6:252.1","vb6:252.2","vb6:252.3"],"kind":"text","text":{"pi":"Tattha katamo adoso?\nYo adoso adussanā adussitattaṁ abyāpādo abyāpajjo adoso kusalamūlaṁ—\nayaṁ vuccati “adoso”."}},{"id":"vb6:253","sourceIds":["vb6:253.1","vb6:253.2","vb6:253.3","vb6:253.4"],"kind":"text","text":{"pi":"Tattha katamo amoho?\nYā paññā pajānanā …pe… amoho dhammavicayo sammādiṭṭhi—\nayaṁ vuccati “amoho”.\nIme vuccanti “kusalamūlā”."}},{"id":"vb6:254","sourceIds":["vb6:254.1","vb6:254.2","vb6:254.3"],"kind":"text","text":{"pi":"Tattha katamo kusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “kusalamūlapaccayā saṅkhāro”."}},{"id":"vb6:255","sourceIds":["vb6:255.1","vb6:255.2","vb6:255.3","vb6:255.4","vb6:255.5","vb6:255.6"],"kind":"text","text":{"pi":"Tattha katamaṁ saṅkhārapaccayā viññāṇaṁ …pe…\nviññāṇapaccayā nāmaṁ …pe…\nnāmapaccayā chaṭṭhāyatanaṁ …pe…\nchaṭṭhāyatanapaccayā phasso …pe…\nphassapaccayā vedanā …pe…\nayaṁ vuccati “phassapaccayā vedanā”."}},{"id":"vb6:256","sourceIds":["vb6:256.1","vb6:256.2","vb6:256.3"],"kind":"text","text":{"pi":"Tattha katamo vedanāpaccayā pasādo?\nYā saddhā saddahanā okappanā abhippasādo—\nayaṁ vuccati “vedanāpaccayā pasādo”."}},{"id":"vb6:257","sourceIds":["vb6:257.1","vb6:257.2","vb6:257.3"],"kind":"text","text":{"pi":"Tattha katamo pasādapaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “pasādapaccayā adhimokkho”."}},{"id":"vb6:258","sourceIds":["vb6:258.1","vb6:258.2","vb6:258.3","vb6:258.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:259","sourceIds":["vb6:259.0","vb6:259.1","vb6:259.2","vb6:259.3","vb6:259.4","vb6:259.5"],"kind":"text","text":{"pi":"2.10.1.2. Mahākusalacitta\nKatame dhammā kusalā?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena rūpārammaṇaṁ vā …pe…\nsomanassasahagataṁ ñāṇavippayuttaṁ rūpārammaṇaṁ vā …pe…\nsomanassasahagataṁ ñāṇavippayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:260","sourceIds":["vb6:260.1","vb6:260.2"],"kind":"text","text":{"pi":"Tattha katame kusalamūlā?\nAlobho, adoso."}},{"id":"vb6:261","sourceIds":["vb6:261.1","vb6:261.2","vb6:261.3"],"kind":"text","text":{"pi":"Tattha katamo alobho?\nYo alobho alubbhanā alubbhitattaṁ asārāgo asārajjanā asārajjitattaṁ anabhijjhā alobho kusalamūlaṁ—\nayaṁ vuccati “alobho”."}},{"id":"vb6:262","sourceIds":["vb6:262.1","vb6:262.2","vb6:262.3","vb6:262.4"],"kind":"text","text":{"pi":"Tattha katamo adoso?\nYo adoso adussanā adussitattaṁ abyāpādo abyāpajjo adoso kusalamūlaṁ—\nayaṁ vuccati “adoso”.\nIme vuccanti “kusalamūlā”."}},{"id":"vb6:263","sourceIds":["vb6:263.1","vb6:263.2","vb6:263.3","vb6:263.4"],"kind":"text","text":{"pi":"Tattha katamo kusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “kusalamūlapaccayā saṅkhāro” …pe…\nayaṁ vuccati “chaṭṭhāyatanapaccayā phasso”."}},{"id":"vb6:264","sourceIds":["vb6:264.1","vb6:264.2","vb6:264.3","vb6:264.4"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:265","sourceIds":["vb6:265.0","vb6:265.1","vb6:265.2","vb6:265.3","vb6:265.4"],"kind":"text","text":{"pi":"2.10.1.3. Mahākusalacitta\nKatame dhammā kusalā?\nYasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇasampayuttaṁ rūpārammaṇaṁ vā …pe…\nupekkhāsahagataṁ ñāṇasampayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:266","sourceIds":["vb6:266.1","vb6:266.2","vb6:266.3"],"kind":"text","text":{"pi":"Tattha katame kusalamūlā?\nAlobho, adoso, amoho—\nime vuccanti “kusalamūlā”."}},{"id":"vb6:267","sourceIds":["vb6:267.1","vb6:267.2","vb6:267.3","vb6:267.4","vb6:267.5"],"kind":"text","text":{"pi":"Tattha katamo kusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “kusalamūlapaccayā saṅkhāro” …pe…\nayaṁ vuccati—\n“chaṭṭhāyatanapaccayā phasso”."}},{"id":"vb6:268","sourceIds":["vb6:268.1","vb6:268.2","vb6:268.3","vb6:268.4"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—\nayaṁ vuccati “phassapaccayā vedanā” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:269","sourceIds":["vb6:269.0","vb6:269.1","vb6:269.2","vb6:269.3","vb6:269.4"],"kind":"text","text":{"pi":"2.10.1.4. Mahākusalacitta\nKatame dhammā kusalā?\nYasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇavippayuttaṁ rūpārammaṇaṁ vā …pe…\nupekkhāsahagataṁ ñāṇavippayuttaṁ sasaṅkhārena rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:270","sourceIds":["vb6:270.1","vb6:270.2","vb6:270.3"],"kind":"text","text":{"pi":"Tattha katame kusalamūlā?\nAlobho, adoso—\nime vuccanti “kusalamūlā”."}},{"id":"vb6:271","sourceIds":["vb6:271.1","vb6:271.2","vb6:271.3","vb6:271.4"],"kind":"text","text":{"pi":"Tattha katamo kusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “kusalamūlapaccayā saṅkhāro” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:272","sourceIds":["vb6:272.0","vb6:272.1","vb6:272.2","vb6:272.3","vb6:272.4"],"kind":"text","text":{"pi":"2.10.2. Rūpāvacarakusalacitta\nKatame dhammā kusalā?\nYasmiṁ samaye rūpūpapattiyā maggaṁ bhāveti vivicceva kāmehi …pe…\npaṭhamaṁ jhānaṁ upasampajja viharati pathavīkasiṇaṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:273","sourceIds":["vb6:273.1","vb6:273.2","vb6:273.3"],"kind":"text","text":{"pi":"Tattha katame kusalamūlā?\nAlobho, adoso, amoho—\nime vuccanti “kusalamūlā”."}},{"id":"vb6:274","sourceIds":["vb6:274.1","vb6:274.2","vb6:274.3","vb6:274.4"],"kind":"text","text":{"pi":"Tattha katamo kusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “kusalamūlapaccayā saṅkhāro” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:275","sourceIds":["vb6:275.0","vb6:275.1","vb6:275.2","vb6:275.3"],"kind":"text","text":{"pi":"2.10.3. Arūpāvacarakusalacitta\nKatame dhammā kusalā?\nYasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:276","sourceIds":["vb6:276.1","vb6:276.2","vb6:276.3"],"kind":"text","text":{"pi":"Tattha katame kusalamūlā?\nAlobho, adoso, amoho—\nime vuccanti “kusalamūlā”."}},{"id":"vb6:277","sourceIds":["vb6:277.1","vb6:277.2","vb6:277.3","vb6:277.4"],"kind":"text","text":{"pi":"Tattha katamo kusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “kusalamūlapaccayā saṅkhāro” …pe…\nayaṁ vuccati “chaṭṭhāyatanapaccayā phasso”."}},{"id":"vb6:278","sourceIds":["vb6:278.1","vb6:278.2","vb6:278.3","vb6:278.4"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:279","sourceIds":["vb6:279.0","vb6:279.1","vb6:279.2","vb6:279.3"],"kind":"text","text":{"pi":"2.10.4. Lokuttarakusalacitta\nKatame dhammā kusalā?\nYasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametesaṁ dhammānaṁ samudayo hoti."}},{"id":"vb6:280","sourceIds":["vb6:280.1","vb6:280.2"],"kind":"text","text":{"pi":"Tattha katame kusalamūlā?\nAlobho, adoso, amoho."}},{"id":"vb6:281","sourceIds":["vb6:281.1","vb6:281.2","vb6:281.3","vb6:281.4","vb6:281.5","vb6:281.6"],"kind":"text","text":{"pi":"Tattha katamo alobho …pe…\nadoso …pe…\namoho?\nYā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—\nayaṁ vuccati “amoho”.\nIme vuccanti “kusalamūlā”."}},{"id":"vb6:282","sourceIds":["vb6:282.1","vb6:282.2","vb6:282.3","vb6:282.4"],"kind":"text","text":{"pi":"Tattha katamo kusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “kusalamūlapaccayā saṅkhāro” …pe…\nayaṁ vuccati “chaṭṭhāyatanapaccayā phasso”."}},{"id":"vb6:283","sourceIds":["vb6:283.1","vb6:283.2","vb6:283.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā”."}},{"id":"vb6:284","sourceIds":["vb6:284.1","vb6:284.2","vb6:284.3"],"kind":"text","text":{"pi":"Tattha katamo vedanāpaccayā pasādo?\nYā saddhā saddahanā okappanā abhippasādo—\nayaṁ vuccati “vedanāpaccayā pasādo”."}},{"id":"vb6:285","sourceIds":["vb6:285.1","vb6:285.2","vb6:285.3"],"kind":"text","text":{"pi":"Tattha katamo pasādapaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “pasādapaccayā adhimokkho”."}},{"id":"vb6:286","sourceIds":["vb6:286.1","vb6:286.2","vb6:286.3","vb6:286.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\nayaṁ vuccati “jātipaccayā jarāmaraṇaṁ”."}},{"id":"vb6:287","sourceIds":["vb6:287.1","vb6:287.2","vb6:287.3"],"kind":"text","text":{"pi":"Evametesaṁ dhammānaṁ samudayo hotīti.\nEvametesaṁ dhammānaṁ saṅgati hoti, samāgamo hoti, samodhānaṁ hoti, pātubhāvo hoti.\nTena vuccati “evametesaṁ dhammānaṁ samudayo hotī”ti."}},{"id":"vb6:288","sourceIds":["vb6:288.1"],"kind":"text","text":{"pi":"Kusalaniddeso."}},{"id":"vb6:289.0","sourceIds":["vb6:289.0.1","vb6:289.0.2","vb6:289.0.3","vb6:289.0.4"],"kind":"text","text":{"pi":"2.11. Abyākataniddesa\n2.11. 2.11 Ahetukakusalavipākacitta\n2.11.1.1. 2.11.1.1 Ahetukakusalavipākacitta\n2.11.1.1.1. Cakkhuviññāṇacitta"}},{"id":"vb6:289","sourceIds":["vb6:289.1","vb6:289.2","vb6:289.3"],"kind":"text","text":{"pi":"Katame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:290","sourceIds":["vb6:290.1","vb6:290.2","vb6:290.3"],"kind":"text","text":{"pi":"Tattha katamo saṅkhāro?\nYā cetanā sañcetanā sañcetayitattaṁ—\nayaṁ vuccati “saṅkhāro”."}},{"id":"vb6:291","sourceIds":["vb6:291.1","vb6:291.2","vb6:291.3","vb6:291.4"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe…\ntajjācakkhuviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:292","sourceIds":["vb6:292.1","vb6:292.2","vb6:292.3"],"kind":"text","text":{"pi":"Tattha katamaṁ viññāṇapaccayā nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ”."}},{"id":"vb6:293","sourceIds":["vb6:293.1","vb6:293.2","vb6:293.3","vb6:293.4"],"kind":"text","text":{"pi":"Tattha katamaṁ nāmapaccayā chaṭṭhāyatanaṁ?\nYaṁ cittaṁ mano mānasaṁ …pe…\ntajjācakkhuviññāṇadhātu—\nidaṁ vuccati “nāmapaccayā chaṭṭhāyatanaṁ”."}},{"id":"vb6:294","sourceIds":["vb6:294.1","vb6:294.2","vb6:294.3"],"kind":"text","text":{"pi":"Tattha katamo chaṭṭhāyatanapaccayā phasso?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso”."}},{"id":"vb6:295","sourceIds":["vb6:295.1","vb6:295.2","vb6:295.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—\nayaṁ vuccati “phassapaccayā vedanā”."}},{"id":"vb6:296","sourceIds":["vb6:296.1","vb6:296.2","vb6:296.3","vb6:296.4"],"kind":"text","text":{"pi":"Tattha katamo vedanāpaccayā bhavo?\nṬhapetvā vedanaṁ, saññākkhandho saṅkhārakkhandho viññāṇakkhandho—\nayaṁ vuccati “vedanāpaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:297","sourceIds":["vb6:297.1","vb6:297.2"],"kind":"text","text":{"pi":"Tasmiṁ samaye saṅkhārapaccayā viññāṇaṁ saṅkhārahetukaṁ, viññāṇapaccayā nāmaṁ viññāṇahetukaṁ, nāmapaccayā chaṭṭhāyatanaṁ nāmahetukaṁ, chaṭṭhāyatanapaccayā phasso chaṭṭhāyatanahetuko, phassapaccayā vedanā phassahetukā, vedanāpaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:298","sourceIds":["vb6:298.1","vb6:298.2"],"kind":"text","text":{"pi":"Tasmiṁ samaye saṅkhārapaccayā viññāṇaṁ saṅkhārasampayuttaṁ, viññāṇapaccayā nāmaṁ viññāṇasampayuttaṁ, nāmapaccayā chaṭṭhāyatanaṁ nāmasampayuttaṁ, chaṭṭhāyatanapaccayā phasso chaṭṭhāyatanasampayutto, phassapaccayā vedanā phassasampayuttā, vedanāpaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:299","sourceIds":["vb6:299.1","vb6:299.2","vb6:299.3","vb6:299.4","vb6:299.5","vb6:299.6","vb6:299.7"],"kind":"text","text":{"pi":"Tasmiṁ samaye saṅkhārapaccayā viññāṇaṁ, viññāṇapaccayāpi saṅkhāro;\nviññāṇapaccayā nāmaṁ, nāmapaccayāpi viññāṇaṁ;\nnāmapaccayā chaṭṭhāyatanaṁ, chaṭṭhāyatanapaccayāpi nāmaṁ;\nchaṭṭhāyatanapaccayā phasso, phassapaccayāpi chaṭṭhāyatanaṁ;\nphassapaccayā vedanā, vedanāpaccayāpi phasso;\nvedanāpaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:300","sourceIds":["vb6:300.0","vb6:300.1","vb6:300.2","vb6:300.3","vb6:300.4","vb6:300.5","vb6:300.6"],"kind":"text","text":{"pi":"2.11.1.1.2. Sota-kāyaviññāṇacitta\nKatame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākaṁ sotaviññāṇaṁ uppannaṁ hoti upekkhāsahagataṁ saddārammaṇaṁ …pe…\nghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…\njivhāviññāṇaṁ uppannaṁ hoti upekkhāsahagataṁ rasārammaṇaṁ …pe…\nkāyaviññāṇaṁ uppannaṁ hoti sukhasahagataṁ phoṭṭhabbārammaṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:301","sourceIds":["vb6:301.1","vb6:301.2","vb6:301.3","vb6:301.4"],"kind":"text","text":{"pi":"Tattha katamo saṅkhāro?\nYā cetanā sañcetanā sañcetayitattaṁ—\nayaṁ vuccati “saṅkhāro” …pe…\nayaṁ vuccati “chaṭṭhāyatanapaccayā phasso”."}},{"id":"vb6:302","sourceIds":["vb6:302.1","vb6:302.2","vb6:302.3"],"kind":"text","text":{"pi":"Tattha katamā phassapaccayā vedanā?\nYaṁ kāyikaṁ sātaṁ kāyikaṁ sukhaṁ kāyasamphassajaṁ sātaṁ sukhaṁ vedayitaṁ kāyasamphassajā sātā sukhā vedanā—\nayaṁ vuccati “phassapaccayā vedanā”."}},{"id":"vb6:303","sourceIds":["vb6:303.1","vb6:303.2","vb6:303.3","vb6:303.4"],"kind":"text","text":{"pi":"Tattha katamo vedanāpaccayā bhavo?\nṬhapetvā vedanaṁ, saññākkhandho saṅkhārakkhandho viññāṇakkhandho—\nayaṁ vuccati “vedanāpaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:304","sourceIds":["vb6:304.0","vb6:304.1","vb6:304.2","vb6:304.3"],"kind":"text","text":{"pi":"2.11.1.1.3. Sampaṭicchanacitta\nKatame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:305","sourceIds":["vb6:305.1","vb6:305.2","vb6:305.3"],"kind":"text","text":{"pi":"Tattha katamo saṅkhāro?\nYā cetanā sañcetanā sañcetayitattaṁ—\nayaṁ vuccati “saṅkhāro”."}},{"id":"vb6:306","sourceIds":["vb6:306.1","vb6:306.2","vb6:306.3","vb6:306.4","vb6:306.5"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe…\ntajjāmanodhātu—\nidaṁ vuccati “saṅkhārapaccayā viññāṇaṁ” …pe…\nayaṁ vuccati “chaṭṭhāyatanapaccayā phasso”."}},{"id":"vb6:307","sourceIds":["vb6:307.1","vb6:307.2","vb6:307.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—\nayaṁ vuccati “phassapaccayā vedanā”."}},{"id":"vb6:308","sourceIds":["vb6:308.1","vb6:308.2","vb6:308.3"],"kind":"text","text":{"pi":"Tattha katamo vedanāpaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “vedanāpaccayā adhimokkho”."}},{"id":"vb6:309","sourceIds":["vb6:309.1","vb6:309.2","vb6:309.3","vb6:309.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:310","sourceIds":["vb6:310.0","vb6:310.1","vb6:310.2","vb6:310.3"],"kind":"text","text":{"pi":"2.11.1.1.4. Somanassantīraṇacitta\nKatame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā dhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:311","sourceIds":["vb6:311.1","vb6:311.2","vb6:311.3"],"kind":"text","text":{"pi":"Tattha katamo saṅkhāro?\nYā cetanā sañcetanā sañcetayitattaṁ—\nayaṁ vuccati “saṅkhāro”."}},{"id":"vb6:312","sourceIds":["vb6:312.1","vb6:312.2","vb6:312.3","vb6:312.4"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ” …pe…\nayaṁ vuccati “chaṭṭhāyatanapaccayā phasso”."}},{"id":"vb6:313","sourceIds":["vb6:313.1","vb6:313.2","vb6:313.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā”."}},{"id":"vb6:314","sourceIds":["vb6:314.1","vb6:314.2","vb6:314.3"],"kind":"text","text":{"pi":"Tattha katamo vedanāpaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “vedanāpaccayā adhimokkho”."}},{"id":"vb6:315","sourceIds":["vb6:315.1","vb6:315.2","vb6:315.3","vb6:315.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:316","sourceIds":["vb6:316.0","vb6:316.1","vb6:316.2","vb6:316.3"],"kind":"text","text":{"pi":"2.11.1.1.5. Upekkhāsantīraṇacitta\nKatame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā dhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:317","sourceIds":["vb6:317.1","vb6:317.2","vb6:317.3"],"kind":"text","text":{"pi":"Tattha katamo saṅkhāro?\nYā cetanā sañcetanā sañcetayitattaṁ—\nayaṁ vuccati “saṅkhāro”."}},{"id":"vb6:318","sourceIds":["vb6:318.1","vb6:318.2","vb6:318.3","vb6:318.4"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ” …pe…\nayaṁ vuccati “chaṭṭhāyatanapaccayā phasso”."}},{"id":"vb6:319","sourceIds":["vb6:319.1","vb6:319.2","vb6:319.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—\nayaṁ vuccati “phassapaccayā vedanā”."}},{"id":"vb6:320","sourceIds":["vb6:320.1","vb6:320.2","vb6:320.3"],"kind":"text","text":{"pi":"Tattha katamo vedanāpaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “vedanāpaccayā adhimokkho”."}},{"id":"vb6:321","sourceIds":["vb6:321.1","vb6:321.2","vb6:321.3","vb6:321.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho, viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:322","sourceIds":["vb6:322.0","vb6:322.1","vb6:322.2","vb6:322.3","vb6:322.4","vb6:322.5","vb6:322.6","vb6:322.7","vb6:322.8","vb6:322.9","vb6:322.10","vb6:322.11"],"kind":"text","text":{"pi":"2.11.1.2. Kāmāvacaravipākacitta\nKatame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā …pe…\nsomanassasahagatā ñāṇasampayuttā sasaṅkhārena …pe…\nsomanassasahagatā ñāṇavippayuttā …pe…\nsomanassasahagatā ñāṇavippayuttā sasaṅkhārena …pe…\nupekkhāsahagatā ñāṇasampayuttā …pe…\nupekkhāsahagatā ñāṇasampayuttā sasaṅkhārena …pe…\nupekkhāsahagatā ñāṇavippayuttā …pe…\nupekkhāsahagatā ñāṇavippayuttā sasaṅkhārena rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:323","sourceIds":["vb6:323.1","vb6:323.2","vb6:323.3"],"kind":"text","text":{"pi":"Tattha katamo saṅkhāro?\nYā cetanā sañcetanā sañcetayitattaṁ—\nayaṁ vuccati “saṅkhāro”."}},{"id":"vb6:324","sourceIds":["vb6:324.1","vb6:324.2","vb6:324.3","vb6:324.4"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ” …pe…\nayaṁ vuccati “phassapaccayā vedanā”."}},{"id":"vb6:325","sourceIds":["vb6:325.1","vb6:325.2","vb6:325.3"],"kind":"text","text":{"pi":"Tattha katamo vedanāpaccayā pasādo?\nYā saddhā saddahanā okappanā abhippasādo—\nayaṁ vuccati “vedanāpaccayā pasādo”."}},{"id":"vb6:326","sourceIds":["vb6:326.1","vb6:326.2","vb6:326.3"],"kind":"text","text":{"pi":"Tattha katamo pasādapaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “pasādapaccayā adhimokkho”."}},{"id":"vb6:327","sourceIds":["vb6:327.1","vb6:327.2","vb6:327.3","vb6:327.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:328","sourceIds":["vb6:328.0","vb6:328.1","vb6:328.2","vb6:328.3"],"kind":"text","text":{"pi":"2.11.1.3. Rūpāvacaravipākacitta\nKatame dhammā abyākatā?\nYasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti—\nime dhammā kusalā."}},{"id":"vb6:329","sourceIds":["vb6:329.1","vb6:329.2","vb6:329.3"],"kind":"text","text":{"pi":"Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti.\n(…)"}},{"id":"vb6:330","sourceIds":["vb6:330.0","vb6:330.1","vb6:330.2","vb6:330.3"],"kind":"text","text":{"pi":"2.11.1.4. Arūpāvacaravipākacitta\nKatame dhammā abyākatā?\nYasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti—\nime dhammā kusalā."}},{"id":"vb6:331","sourceIds":["vb6:331.1","vb6:331.2"],"kind":"text","text":{"pi":"Tasseva arūpāvacarassa kusalassa kammassa katattā upacitattā vipākaṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:332","sourceIds":["vb6:332.0","vb6:332.1","vb6:332.2","vb6:332.3"],"kind":"text","text":{"pi":"2.11.1.5. Lokuttaravipākacitta\nKatame dhammā abyākatā?\nYasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti—\nime dhammā kusalā."}},{"id":"vb6:333","sourceIds":["vb6:333.1","vb6:333.2","vb6:333.3"],"kind":"text","text":{"pi":"Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametesaṁ dhammānaṁ samudayo hoti.\n(…)"}},{"id":"vb6:334.0","sourceIds":["vb6:334.0.1","vb6:334.0.2"],"kind":"text","text":{"pi":"2.11.2. 2.11.2 Akusalavipākacitta\n2.11.2.1. Cakkhu-kāyaviññāṇacitta"}},{"id":"vb6:334","sourceIds":["vb6:334.1","vb6:334.2","vb6:334.3","vb6:334.4","vb6:334.5","vb6:334.6","vb6:334.7"],"kind":"text","text":{"pi":"Katame dhammā abyākatā?\nYasmiṁ samaye akusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ …pe…\nsotaviññāṇaṁ uppannaṁ hoti upekkhāsahagataṁ saddārammaṇaṁ …pe…\nghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…\njivhāviññāṇaṁ uppannaṁ hoti upekkhāsahagataṁ rasārammaṇaṁ …pe…\nkāyaviññāṇaṁ uppannaṁ hoti dukkhasahagataṁ phoṭṭhabbārammaṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:335","sourceIds":["vb6:335.1","vb6:335.2","vb6:335.3"],"kind":"text","text":{"pi":"Tattha katamo saṅkhāro?\nYā cetanā sañcetanā sañcetayitattaṁ—\nayaṁ vuccati “saṅkhāro”."}},{"id":"vb6:336","sourceIds":["vb6:336.1","vb6:336.2","vb6:336.3","vb6:336.4","vb6:336.5"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe…\ntajjākāyaviññāṇadhātu—\nidaṁ vuccati “saṅkhārapaccayā viññāṇaṁ” …pe…\nayaṁ vuccati “chaṭṭhāyatanapaccayā phasso”."}},{"id":"vb6:337","sourceIds":["vb6:337.1","vb6:337.2","vb6:337.3"],"kind":"text","text":{"pi":"Tattha katamā phassapaccayā vedanā?\nYaṁ kāyikaṁ asātaṁ kāyikaṁ dukkhaṁ kāyasamphassajaṁ asātaṁ dukkhaṁ vedayitaṁ kāyasamphassajā asātā dukkhā vedanā—\nayaṁ vuccati “phassapaccayā vedanā”."}},{"id":"vb6:338","sourceIds":["vb6:338.1","vb6:338.2","vb6:338.3","vb6:338.4"],"kind":"text","text":{"pi":"Tattha katamo vedanāpaccayā bhavo?\nṬhapetvā vedanaṁ, saññākkhandho saṅkhārakkhandho viññāṇakkhandho—\nayaṁ vuccati “vedanāpaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:339","sourceIds":["vb6:339.0","vb6:339.1","vb6:339.2","vb6:339.3"],"kind":"text","text":{"pi":"2.11.2.2. Sampaṭicchanacitta\nKatame dhammā abyākatā?\nYasmiṁ samaye akusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:340","sourceIds":["vb6:340.1","vb6:340.2","vb6:340.3"],"kind":"text","text":{"pi":"Tattha katamo saṅkhāro?\nYā cetanā sañcetanā sañcetayitattaṁ—\nayaṁ vuccati “saṅkhāro”."}},{"id":"vb6:341","sourceIds":["vb6:341.1","vb6:341.2","vb6:341.3","vb6:341.4","vb6:341.5"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe…\ntajjāmanodhātu—\nidaṁ vuccati “saṅkhārapaccayā viññāṇaṁ” …pe…\nayaṁ vuccati “chaṭṭhāyatanapaccayā phasso”."}},{"id":"vb6:342","sourceIds":["vb6:342.1","vb6:342.2","vb6:342.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—\nayaṁ vuccati “phassapaccayā vedanā”."}},{"id":"vb6:343","sourceIds":["vb6:343.1","vb6:343.2","vb6:343.3"],"kind":"text","text":{"pi":"Tattha katamo vedanāpaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “vedanāpaccayā adhimokkho”."}},{"id":"vb6:344","sourceIds":["vb6:344.1","vb6:344.2","vb6:344.3","vb6:344.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:345","sourceIds":["vb6:345.0","vb6:345.1","vb6:345.2","vb6:345.3","vb6:345.4"],"kind":"text","text":{"pi":"2.11.2.3. Upekkhāsantīraṇacitta\nKatame dhammā abyākatā?\nYasmiṁ samaye akusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:346","sourceIds":["vb6:346.1","vb6:346.2","vb6:346.3"],"kind":"text","text":{"pi":"Tattha katamo saṅkhāro?\nYā cetanā sañcetanā sañcetayitattaṁ—\nayaṁ vuccati “saṅkhāro”."}},{"id":"vb6:347","sourceIds":["vb6:347.1","vb6:347.2","vb6:347.3","vb6:347.4"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:348.0","sourceIds":["vb6:348.0.1","vb6:348.0.2"],"kind":"text","text":{"pi":"2.11.3. 2.11.3 Kiriyācitta\n2.11.3.1. Ahetukakiriyācitta"}},{"id":"vb6:348","sourceIds":["vb6:348.1","vb6:348.2","vb6:348.3","vb6:348.4","vb6:348.5","vb6:348.6","vb6:348.7","vb6:348.8"],"kind":"text","text":{"pi":"Katame dhammā abyākatā?\nYasmiṁ samaye manodhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…\nphoṭṭhabbārammaṇā vā …pe…\nmanoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā rūpārammaṇā vā …pe…\ndhammārammaṇā vā …pe…\nmanoviññāṇadhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:349","sourceIds":["vb6:349.0","vb6:349.1","vb6:349.2","vb6:349.3","vb6:349.4","vb6:349.5","vb6:349.6","vb6:349.7","vb6:349.8","vb6:349.9","vb6:349.10","vb6:349.11"],"kind":"text","text":{"pi":"2.11.3.2. Kāmāvacarakiriyācitta\nKatame dhammā abyākatā?\nYasmiṁ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā ñāṇasampayuttā …pe…\nsomanassasahagatā ñāṇasampayuttā sasaṅkhārena …pe…\nsomanassasahagatā ñāṇavippayuttā …pe…\nsomanassasahagatā ñāṇavippayuttā sasaṅkhārena …pe…\nupekkhāsahagatā ñāṇasampayuttā …pe…\nupekkhāsahagatā ñāṇasampayuttā sasaṅkhārena …pe…\nupekkhāsahagatā ñāṇavippayuttā …pe…\nupekkhāsahagatā ñāṇavippayuttā sasaṅkhārena rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:350","sourceIds":["vb6:350.0","vb6:350.1","vb6:350.2","vb6:350.3"],"kind":"text","text":{"pi":"2.11.3.3. Rūpāvacarakiriyācitta\nKatame dhammā abyākatā?\nYasmiṁ samaye rūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:351","sourceIds":["vb6:351.0","vb6:351.1","vb6:351.2","vb6:351.3","vb6:351.4"],"kind":"text","text":{"pi":"2.11.3.4. Arūpāvacarakiriyācitta\nKatame dhammā abyākatā?\nYasmiṁ samaye arūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti.\n(…)"}},{"id":"vb6:352","sourceIds":["vb6:352.1"],"kind":"text","text":{"pi":"Abyākataniddeso."}},{"id":"vb6:353.0","sourceIds":["vb6:353.0.1","vb6:353.0.2"],"kind":"text","text":{"pi":"2.12.1. 2.12.1 Avijjāmūlakakusalaniddesa\n2.12.1.1. Mahākusalacitta"}},{"id":"vb6:353","sourceIds":["vb6:353.1","vb6:353.2","vb6:353.3","vb6:353.4"],"kind":"text","text":{"pi":"Katame dhammā kusalā?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ rūpārammaṇaṁ vā …pe…\ndhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:354","sourceIds":["vb6:354.1","vb6:354.2","vb6:354.3","vb6:354.4"],"kind":"text","text":{"pi":"Tattha katamo avijjāpaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “avijjāpaccayā saṅkhāro” …pe…\nayaṁ vuccati “chaṭṭhāyatanapaccayā phasso”."}},{"id":"vb6:355","sourceIds":["vb6:355.1","vb6:355.2","vb6:355.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—\nayaṁ vuccati “phassapaccayā vedanā”."}},{"id":"vb6:356","sourceIds":["vb6:356.1","vb6:356.2","vb6:356.3"],"kind":"text","text":{"pi":"Tattha katamo vedanāpaccayā pasādo?\nYā saddhā saddahanā okappanā abhippasādo—\nayaṁ vuccati “vedanāpaccayā pasādo”."}},{"id":"vb6:357","sourceIds":["vb6:357.1","vb6:357.2","vb6:357.3"],"kind":"text","text":{"pi":"Tattha katamo pasādapaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “pasādapaccayā adhimokkho”."}},{"id":"vb6:358","sourceIds":["vb6:358.1","vb6:358.2","vb6:358.3","vb6:358.4"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:359","sourceIds":["vb6:359.1","vb6:359.2"],"kind":"text","text":{"pi":"Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:360","sourceIds":["vb6:360.1","vb6:360.2"],"kind":"text","text":{"pi":"Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:361","sourceIds":["vb6:361.1","vb6:361.2"],"kind":"text","text":{"pi":"Tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:362","sourceIds":["vb6:362.0","vb6:362.1","vb6:362.2","vb6:362.3","vb6:362.4","vb6:362.5","vb6:362.6","vb6:362.7","vb6:362.8","vb6:362.9","vb6:362.10"],"kind":"text","text":{"pi":"2.12.1.2. Mahākusalacitta\nKatame dhammā kusalā?\nYasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena …pe…\nsomanassasahagataṁ ñāṇavippayuttaṁ …pe…\nsomanassasahagataṁ ñāṇavippayuttaṁ sasaṅkhārena …pe…\nupekkhāsahagataṁ ñāṇasampayuttaṁ …pe…\nupekkhāsahagataṁ ñāṇasampayuttaṁ sasaṅkhārena …pe…\nupekkhāsahagataṁ ñāṇavippayuttaṁ …pe…\nupekkhāsahagataṁ ñāṇavippayuttaṁ sasaṅkhārena rūpārammaṇaṁ vā …pe…\ndhammārammaṇaṁ vā yaṁ yaṁ vā panārabbha, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:363","sourceIds":["vb6:363.0","vb6:363.1","vb6:363.2","vb6:363.3","vb6:363.4"],"kind":"text","text":{"pi":"2.12.2. Rūpāvacarakusalacitta\nKatame dhammā kusalā?\nYasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti.\n(…)"}},{"id":"vb6:364","sourceIds":["vb6:364.0","vb6:364.1","vb6:364.2","vb6:364.3"],"kind":"text","text":{"pi":"2.12.3. Arūpāvacarakusalacitta\nKatame dhammā kusalā?\nYasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:365","sourceIds":["vb6:365.0","vb6:365.1","vb6:365.2","vb6:365.3"],"kind":"text","text":{"pi":"2.12.4. Lokuttarakusalacitta\nKatame dhammā kusalā?\nYasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye avijjāpaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametesaṁ dhammānaṁ samudayo hoti."}},{"id":"vb6:366","sourceIds":["vb6:366.1"],"kind":"text","text":{"pi":"Avijjāmūlakakusalaniddeso."}},{"id":"vb6:367.0","sourceIds":["vb6:367.0.1","vb6:367.0.2"],"kind":"text","text":{"pi":"2.13.1. 2.13.1 Kusalamūlakavipākaniddesa\n2.13.1.1. Cakkhuviññāṇacitta"}},{"id":"vb6:367","sourceIds":["vb6:367.1","vb6:367.2","vb6:367.3"],"kind":"text","text":{"pi":"Katame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:368","sourceIds":["vb6:368.1","vb6:368.2","vb6:368.3","vb6:368.4"],"kind":"text","text":{"pi":"Tattha katamo kusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “kusalamūlapaccayā saṅkhāro” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:369","sourceIds":["vb6:369.0","vb6:369.1","vb6:369.2","vb6:369.3","vb6:369.4","vb6:369.5","vb6:369.6","vb6:369.7","vb6:369.8","vb6:369.9","vb6:369.10","vb6:369.11","vb6:369.12","vb6:369.13"],"kind":"text","text":{"pi":"2.13.1.2. Sotaviññāṇa-upekkhāsantīraṇacitta\nKatame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākaṁ sotaviññāṇaṁ uppannaṁ hoti upekkhāsahagataṁ saddārammaṇaṁ …pe…\nghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…\njivhāviññāṇaṁ uppannaṁ hoti upekkhāsahagataṁ rasārammaṇaṁ …pe…\nkāyaviññāṇaṁ uppannaṁ hoti sukhasahagataṁ phoṭṭhabbārammaṇaṁ …pe…\nmanodhātu uppannā hoti upekkhāsahagatā rūpārammaṇā vā …pe…\nphoṭṭhabbārammaṇā vā …pe…\nmanoviññāṇadhātu uppannā hoti somanassasahagatā rūpārammaṇā vā …pe…\ndhammārammaṇā vā …pe…\nmanoviññāṇadhātu uppannā hoti upekkhāsahagatā rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti.\n(…)"}},{"id":"vb6:370","sourceIds":["vb6:370.0","vb6:370.1","vb6:370.2","vb6:370.3","vb6:370.4","vb6:370.5","vb6:370.6","vb6:370.7","vb6:370.8","vb6:370.9","vb6:370.10","vb6:370.11"],"kind":"text","text":{"pi":"2.13.2. Kāmāvacaravipākacitta\nKatame dhammā abyākatā?\nYasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā …pe…\nsomanassasahagatā ñāṇasampayuttā sasaṅkhārena …pe…\nsomanassasahagatā ñāṇavippayuttā …pe…\nsomanassasahagatā ñāṇavippayuttā sasaṅkhārena …pe…\nupekkhāsahagatā ñāṇasampayuttā …pe…\nupekkhāsahagatā ñāṇasampayuttā sasaṅkhārena …pe…\nupekkhāsahagatā ñāṇavippayuttā …pe…\nupekkhāsahagatā ñāṇavippayuttā sasaṅkhārena rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:371","sourceIds":["vb6:371.0","vb6:371.1","vb6:371.2","vb6:371.3"],"kind":"text","text":{"pi":"2.13.3. Rūpāvacaravipākacitta\nKatame dhammā abyākatā?\nYasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti—\nime dhammā kusalā."}},{"id":"vb6:372","sourceIds":["vb6:372.1","vb6:372.2"],"kind":"text","text":{"pi":"Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:373","sourceIds":["vb6:373.0","vb6:373.1","vb6:373.2","vb6:373.3"],"kind":"text","text":{"pi":"2.13.4. Arūpāvacaravipākacitta\nKatame dhammā abyākatā?\nYasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti—\nime dhammā kusalā."}},{"id":"vb6:374","sourceIds":["vb6:374.1","vb6:374.2"],"kind":"text","text":{"pi":"Tasseva arūpāvacarassa kusalassa kammassa katattā upacitattā vipākaṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:375","sourceIds":["vb6:375.0","vb6:375.1","vb6:375.2","vb6:375.3"],"kind":"text","text":{"pi":"2.13.5. Lokuttaravipākacitta\nKatame dhammā abyākatā?\nYasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti—\nime dhammā kusalā."}},{"id":"vb6:376","sourceIds":["vb6:376.1","vb6:376.2","vb6:376.3"],"kind":"text","text":{"pi":"Tasseva lokuttarassa kusalassa jhānassa katattā bhāvitattā vipākaṁ vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye kusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā pasādo, pasādapaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametesaṁ dhammānaṁ samudayo hoti.\n(…)"}},{"id":"vb6:377","sourceIds":["vb6:377.1"],"kind":"text","text":{"pi":"Kusalamūlakavipākaniddeso."}},{"id":"vb6:378.0","sourceIds":["vb6:378.0.1","vb6:378.0.2"],"kind":"text","text":{"pi":"2.14. 2.14 Akusalamūlakavipākaniddesa\n2.14.1. Cakkhuviññāṇacitta"}},{"id":"vb6:378","sourceIds":["vb6:378.1","vb6:378.2","vb6:378.3"],"kind":"text","text":{"pi":"Katame dhammā abyākatā?\nYasmiṁ samaye akusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ, tasmiṁ samaye akusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:379","sourceIds":["vb6:379.1","vb6:379.2","vb6:379.3","vb6:379.4"],"kind":"text","text":{"pi":"Tattha katamo akusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “akusalamūlapaccayā saṅkhāro” …pe…\ntena vuccati “evametassa kevalassa dukkhakkhandhassa samudayo hotī”ti."}},{"id":"vb6:380","sourceIds":["vb6:380.0","vb6:380.1","vb6:380.2","vb6:380.3","vb6:380.4","vb6:380.5","vb6:380.6","vb6:380.7","vb6:380.8"],"kind":"text","text":{"pi":"2.14.2. Sotaviññāṇa-sampaṭicchanacitta\nKatame dhammā abyākatā?\nYasmiṁ samaye akusalassa kammassa katattā upacitattā vipākaṁ sotaviññāṇaṁ uppannaṁ hoti upekkhāsahagataṁ saddārammaṇaṁ …pe…\nghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…\njivhāviññāṇaṁ uppannaṁ hoti upekkhāsahagataṁ rasārammaṇaṁ …pe…\nkāyaviññāṇaṁ uppannaṁ hoti dukkhasahagataṁ phoṭṭhabbārammaṇaṁ …pe…\nmanodhātu uppannā hoti upekkhāsahagatā rūpārammaṇā vā …pe…\nphoṭṭhabbārammaṇā vā yaṁ yaṁ vā panārabbha, tasmiṁ samaye akusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:381","sourceIds":["vb6:381.0","vb6:381.1","vb6:381.2","vb6:381.3","vb6:381.4"],"kind":"text","text":{"pi":"2.14.3. Upekkhāsantīraṇacitta\nKatame dhammā abyākatā?\nYasmiṁ samaye akusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā …pe…\ndhammārammaṇā vā yaṁ yaṁ vā panārabbha, tasmiṁ samaye akusalamūlapaccayā saṅkhāro, saṅkhārapaccayā viññāṇaṁ, viññāṇapaccayā nāmaṁ, nāmapaccayā chaṭṭhāyatanaṁ, chaṭṭhāyatanapaccayā phasso, phassapaccayā vedanā, vedanāpaccayā adhimokkho, adhimokkhapaccayā bhavo, bhavapaccayā jāti, jātipaccayā jarāmaraṇaṁ.\nEvametassa kevalassa dukkhakkhandhassa samudayo hoti."}},{"id":"vb6:382","sourceIds":["vb6:382.1","vb6:382.2","vb6:382.3"],"kind":"text","text":{"pi":"Tattha katamo akusalamūlapaccayā saṅkhāro?\nYā cetanā sañcetanā sañcetayitattaṁ—\nayaṁ vuccati “akusalamūlapaccayā saṅkhāro”."}},{"id":"vb6:383","sourceIds":["vb6:383.1","vb6:383.2","vb6:383.3"],"kind":"text","text":{"pi":"Tattha katamaṁ saṅkhārapaccayā viññāṇaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “saṅkhārapaccayā viññāṇaṁ”."}},{"id":"vb6:384","sourceIds":["vb6:384.1","vb6:384.2","vb6:384.3"],"kind":"text","text":{"pi":"Tattha katamaṁ viññāṇapaccayā nāmaṁ?\nVedanākkhandho, saññākkhandho, saṅkhārakkhandho—\nidaṁ vuccati “viññāṇapaccayā nāmaṁ”."}},{"id":"vb6:385","sourceIds":["vb6:385.1","vb6:385.2","vb6:385.3"],"kind":"text","text":{"pi":"Tattha katamaṁ nāmapaccayā chaṭṭhāyatanaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “nāmapaccayā chaṭṭhāyatanaṁ”."}},{"id":"vb6:386","sourceIds":["vb6:386.1","vb6:386.2","vb6:386.3"],"kind":"text","text":{"pi":"Tattha katamo chaṭṭhāyatanapaccayā phasso?\nYo phasso phusanā samphusanā samphusitattaṁ—\nayaṁ vuccati “chaṭṭhāyatanapaccayā phasso”."}},{"id":"vb6:387","sourceIds":["vb6:387.1","vb6:387.2","vb6:387.3"],"kind":"text","text":{"pi":"Tattha katamā phassapaccayā vedanā?\nYaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—\nayaṁ vuccati “phassapaccayā vedanā”."}},{"id":"vb6:388","sourceIds":["vb6:388.1","vb6:388.2","vb6:388.3"],"kind":"text","text":{"pi":"Tattha katamo vedanāpaccayā adhimokkho?\nYo cittassa adhimokkho adhimuccanā tadadhimuttatā—\nayaṁ vuccati “vedanāpaccayā adhimokkho”."}},{"id":"vb6:389","sourceIds":["vb6:389.1","vb6:389.2","vb6:389.3"],"kind":"text","text":{"pi":"Tattha katamo adhimokkhapaccayā bhavo?\nṬhapetvā adhimokkhaṁ, vedanākkhandho saññākkhandho saṅkhārakkhandho viññāṇakkhandho—\nayaṁ vuccati “adhimokkhapaccayā bhavo”."}},{"id":"vb6:390","sourceIds":["vb6:390.1","vb6:390.2","vb6:390.3"],"kind":"text","text":{"pi":"Tattha katamā bhavapaccayā jāti?\nYā tesaṁ tesaṁ dhammānaṁ jāti sañjāti nibbatti abhinibbatti pātubhāvo—\nayaṁ vuccati “bhavapaccayā jāti”."}},{"id":"vb6:391","sourceIds":["vb6:391.1","vb6:391.2","vb6:391.3","vb6:391.4","vb6:391.5","vb6:391.6","vb6:391.7","vb6:391.8","vb6:391.9","vb6:391.10"],"kind":"text","text":{"pi":"Tattha katamaṁ jātipaccayā jarāmaraṇaṁ?\nAtthi jarā, atthi maraṇaṁ.\nTattha katamā jarā?\nYā tesaṁ tesaṁ dhammānaṁ jarā jīraṇatā āyuno saṁhāni—\nayaṁ vuccati “jarā”.\nTattha katamaṁ maraṇaṁ?\nYo tesaṁ tesaṁ dhammānaṁ khayo vayo bhedo paribhedo aniccatā antaradhānaṁ—\nidaṁ vuccati “maraṇaṁ”.\nIti ayañca jarā, idañca maraṇaṁ.\nIdaṁ vuccati “jātipaccayā jarāmaraṇaṁ”."}},{"id":"vb6:392","sourceIds":["vb6:392.1","vb6:392.2","vb6:392.3"],"kind":"text","text":{"pi":"Evametassa kevalassa dukkhakkhandhassa samudayo hotīti.\nEvametassa kevalassa dukkhakkhandhassa saṅgati hoti, samāgamo hoti, samodhānaṁ hoti, pātubhāvo hoti.\nTena vuccati “evametassa kevalassa dukkhakkhandhassa samudayo hotī”ti."}},{"id":"vb6:393","sourceIds":["vb6:393.1","vb6:393.2"],"kind":"text","text":{"pi":"Akusalamūlakavipākaniddeso.\nAbhidhammabhājanīyaṁ."}},{"id":"vb6:394","sourceIds":["vb6:394.1"],"kind":"text","text":{"pi":"Paṭiccasamuppādavibhaṅgo niṭṭhito."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/vb6/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}