{"id":"vb8","title":"Sammappadhānavibhaṅga","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"vb8","title":"Sammappadhānavibhaṅga","units":[{"id":"vb8:0","sourceIds":["vb8:0.1","vb8:0.2"],"kind":"text","text":{"pi":"Vibhaṅga\nSammappadhānavibhaṅga"}},{"id":"vb8:1","sourceIds":["vb8:1.0","vb8:1.1","vb8:1.2"],"kind":"text","text":{"pi":"1. Suttantabhājanīya\nCattāro sammappadhānā—\nidha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati, anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:2","sourceIds":["vb8:2.1","vb8:2.2","vb8:2.3","vb8:2.4","vb8:2.5","vb8:2.6","vb8:2.7","vb8:2.8","vb8:2.9"],"kind":"text","text":{"pi":"Kathañca bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati?\nTattha katame anuppannā pāpakā akusalā dhammā?\nTīṇi akusalamūlāni—\nlobho, doso, moho.\nTadekaṭṭhā ca kilesā.\nTaṁsampayutto vedanākkhandho, saññākkhandho, saṅkhārakkhandho, viññāṇakkhandho;\ntaṁsamuṭṭhānaṁ kāyakammaṁ vacīkammaṁ manokammaṁ—\nime vuccanti “anuppannā pāpakā akusalā dhammā”.\nIti imesaṁ anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:3","sourceIds":["vb8:3.1","vb8:3.2","vb8:3.3","vb8:3.4","vb8:3.5","vb8:3.6"],"kind":"text","text":{"pi":"“Chandaṁ janetī”ti.\nTattha katamo chando?\nYo chando chandikatā kattukamyatā kusalo dhammacchando—\nayaṁ vuccati “chando”.\nImaṁ chandaṁ janeti sañjaneti uṭṭhapeti samuṭṭhapeti nibbatteti abhinibbatteti.\nTena vuccati “chandaṁ janetī”ti."}},{"id":"vb8:4","sourceIds":["vb8:4.1","vb8:4.2","vb8:4.3","vb8:4.4","vb8:4.5","vb8:4.6"],"kind":"text","text":{"pi":"“Vāyamatī”ti.\nTattha katamo vāyāmo?\nYo cetasiko vīriyārambho …pe… sammāvāyāmo—\nayaṁ vuccati “vāyāmo”.\nIminā vāyāmena upeto hoti samupeto upāgato samupāgato upapanno sampanno samannāgato.\nTena vuccati “vāyamatī”ti."}},{"id":"vb8:5","sourceIds":["vb8:5.1","vb8:5.2","vb8:5.3","vb8:5.4","vb8:5.5","vb8:5.6"],"kind":"text","text":{"pi":"“Vīriyaṁ ārabhatī”ti.\nTattha katamaṁ vīriyaṁ?\nYo cetasiko vīriyārambho …pe… sammāvāyāmo—\nidaṁ vuccati “vīriyaṁ”.\nImaṁ vīriyaṁ ārabhati samārabhati āsevati bhāveti bahulīkaroti.\nTena vuccati “vīriyaṁ ārabhatī”ti."}},{"id":"vb8:6","sourceIds":["vb8:6.1","vb8:6.2","vb8:6.3","vb8:6.4","vb8:6.5","vb8:6.6"],"kind":"text","text":{"pi":"“Cittaṁ paggaṇhātī”ti.\nTattha katamaṁ cittaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “cittaṁ”.\nImaṁ cittaṁ paggaṇhāti sampaggaṇhāti upatthambheti paccupatthambheti.\nTena vuccati “cittaṁ paggaṇhātī”ti."}},{"id":"vb8:7","sourceIds":["vb8:7.1","vb8:7.2","vb8:7.3","vb8:7.4","vb8:7.5","vb8:7.6"],"kind":"text","text":{"pi":"“Padahatī”ti.\nTattha katamaṁ padhānaṁ?\nYo cetasiko vīriyārambho …pe… sammāvāyāmo—\nidaṁ vuccati “padhānaṁ”.\nIminā padhānena upeto hoti …pe… samannāgato.\nTena vuccati “padahatī”ti."}},{"id":"vb8:8","sourceIds":["vb8:8.1","vb8:8.2","vb8:8.3","vb8:8.4","vb8:8.5","vb8:8.6","vb8:8.7","vb8:8.8"],"kind":"text","text":{"pi":"Kathañca bhikkhu uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati?\nTattha katame uppannā pāpakā akusalā dhammā?\nTīṇi akusalamūlāni—\nlobho, doso, moho.\nTadekaṭṭhā ca kilesā.\nTaṁsampayutto vedanākkhandho, saññākkhandho, saṅkhārakkhandho, viññāṇakkhandho, taṁsamuṭṭhānaṁ kāyakammaṁ vacīkammaṁ manokammaṁ—\nime vuccanti “uppannā pāpakā akusalā dhammā”.\nIti imesaṁ uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:9","sourceIds":["vb8:9.1","vb8:9.2","vb8:9.3","vb8:9.4","vb8:9.5","vb8:9.6"],"kind":"text","text":{"pi":"“Chandaṁ janetī”ti.\nTattha katamo chando?\nYo chando chandikatā kattukamyatā kusalo dhammacchando—\nayaṁ vuccati “chando”.\nImaṁ chandaṁ janeti sañjaneti uṭṭhapeti samuṭṭhapeti nibbatteti abhinibbatteti.\nTena vuccati “chandaṁ janetī”ti."}},{"id":"vb8:10","sourceIds":["vb8:10.1","vb8:10.2","vb8:10.3","vb8:10.4","vb8:10.5","vb8:10.6"],"kind":"text","text":{"pi":"“Vāyamatī”ti.\nTattha katamo vāyāmo?\nYo cetasiko vīriyārambho …pe… sammāvāyāmo—\nayaṁ vuccati “vāyāmo”.\nIminā vāyāmena upeto hoti …pe… samannāgato.\nTena vuccati “vāyamatī”ti."}},{"id":"vb8:11","sourceIds":["vb8:11.1","vb8:11.2","vb8:11.3","vb8:11.4","vb8:11.5","vb8:11.6"],"kind":"text","text":{"pi":"“Vīriyaṁ ārabhatī”ti.\nTattha katamaṁ vīriyaṁ?\nYo cetasiko vīriyārambho …pe… sammāvāyāmo—\nidaṁ vuccati “vīriyaṁ”.\nImaṁ vīriyaṁ ārabhati samārabhati āsevati bhāveti bahulīkaroti.\nTena vuccati “vīriyaṁ ārabhatī”ti."}},{"id":"vb8:12","sourceIds":["vb8:12.1","vb8:12.2","vb8:12.3","vb8:12.4","vb8:12.5","vb8:12.6"],"kind":"text","text":{"pi":"“Cittaṁ paggaṇhātī”ti.\nTattha katamaṁ cittaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “cittaṁ”.\nImaṁ cittaṁ paggaṇhāti sampaggaṇhāti upatthambheti paccupatthambheti.\nTena vuccati “cittaṁ paggaṇhātī”ti."}},{"id":"vb8:13","sourceIds":["vb8:13.1","vb8:13.2","vb8:13.3","vb8:13.4","vb8:13.5","vb8:13.6"],"kind":"text","text":{"pi":"“Padahatī”ti.\nTattha katamaṁ padhānaṁ?\nYo cetasiko vīriyārambho …pe… sammāvāyāmo—\nidaṁ vuccati “padhānaṁ”.\nIminā padhānena upeto hoti …pe… samannāgato.\nTena vuccati “padahatī”ti."}},{"id":"vb8:14","sourceIds":["vb8:14.1","vb8:14.2","vb8:14.3","vb8:14.4","vb8:14.5","vb8:14.6","vb8:14.7"],"kind":"text","text":{"pi":"Kathañca bhikkhu anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati?\nTattha katame anuppannā kusalā dhammā?\nTīṇi kusalamūlāni—\nalobho, adoso, amoho.\nTaṁsampayutto vedanākkhandho, saññākkhandho, saṅkhārakkhandho, viññāṇakkhandho, taṁsamuṭṭhānaṁ kāyakammaṁ, vacīkammaṁ, manokammaṁ—\nime vuccanti “anuppannā kusalā dhammā”.\nIti imesaṁ anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:15","sourceIds":["vb8:15.1","vb8:15.2","vb8:15.3","vb8:15.4","vb8:15.5","vb8:15.6","vb8:15.7","vb8:15.8","vb8:15.9","vb8:15.10"],"kind":"text","text":{"pi":"“Chandaṁ janetī”ti …pe…\n“vāyamatī”ti …pe…\n“vīriyaṁ ārabhatī”ti …pe…\n“cittaṁ paggaṇhātī”ti …pe…\n“padahatī”ti.\nTattha katamaṁ padhānaṁ?\nYo cetasiko vīriyārambho …pe… sammāvāyāmo—\nidaṁ vuccati “padhānaṁ”.\nIminā padhānena upeto hoti …pe… samannāgato.\nTena vuccati “padahatī”ti."}},{"id":"vb8:16","sourceIds":["vb8:16.1","vb8:16.2","vb8:16.3","vb8:16.4","vb8:16.5","vb8:16.6","vb8:16.7"],"kind":"text","text":{"pi":"Kathañca bhikkhu uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati?\nTattha katame uppannā kusalā dhammā?\nTīṇi kusalamūlāni—\nalobho, adoso, amoho.\nTaṁsampayutto vedanākkhandho, saññākkhandho, saṅkhārakkhandho, viññāṇakkhandho, taṁsamuṭṭhānaṁ kāyakammaṁ vacīkammaṁ manokammaṁ—\nime vuccanti “uppannā kusalā dhammā”.\nIti imesaṁ uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:17","sourceIds":["vb8:17.1","vb8:17.2"],"kind":"text","text":{"pi":"“Ṭhitiyā”ti.\nYā ṭhiti so asammoso, yo asammoso so bhiyyobhāvo, yo bhiyyobhāvo taṁ vepullaṁ, yaṁ vepullaṁ sā bhāvanā, yā bhāvanā sā pāripūrī."}},{"id":"vb8:18","sourceIds":["vb8:18.1","vb8:18.2","vb8:18.3","vb8:18.4","vb8:18.5","vb8:18.6","vb8:18.7","vb8:18.8","vb8:18.9","vb8:18.10"],"kind":"text","text":{"pi":"“Chandaṁ janetī”ti …pe…\n“vāyamatī”ti …pe…\n“vīriyaṁ ārabhatī”ti …pe…\n“cittaṁ paggaṇhātī”ti …pe…\npadahatīti.\nTattha katamaṁ padhānaṁ?\nYo cetasiko vīriyārambho …pe… sammāvāyāmo—\nidaṁ vuccati “padhānaṁ”.\nIminā padhānena upeto hoti …pe… samannāgato.\nTena vuccati “padahatī”ti."}},{"id":"vb8:19","sourceIds":["vb8:19.1"],"kind":"text","text":{"pi":"Suttantabhājanīyaṁ."}},{"id":"vb8:20","sourceIds":["vb8:20.0","vb8:20.1","vb8:20.2"],"kind":"text","text":{"pi":"2. Abhidhammabhājanīya\nCattāro sammappadhānā—\nidha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati, anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:21","sourceIds":["vb8:21.1","vb8:21.2"],"kind":"text","text":{"pi":"Kathañca bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:22","sourceIds":["vb8:22.1","vb8:22.2","vb8:22.3","vb8:22.4","vb8:22.5","vb8:22.6"],"kind":"text","text":{"pi":"“Chandaṁ janetī”ti.\nTattha katamo chando?\nYo chando chandikatā kattukamyatā kusalo dhammacchando—\nayaṁ vuccati “chando”.\nImaṁ chandaṁ janeti sañjaneti uṭṭhapeti samuṭṭhapeti nibbatteti abhinibbatteti.\nTena vuccati “chandaṁ janetī”ti."}},{"id":"vb8:23","sourceIds":["vb8:23.1","vb8:23.2","vb8:23.3","vb8:23.4","vb8:23.5","vb8:23.6"],"kind":"text","text":{"pi":"“Vāyamatī”ti.\nTattha katamo vāyāmo?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nayaṁ vuccati “vāyāmo”.\nIminā vāyāmena upeto hoti samupeto upāgato samupāgato upapanno sampanno samannāgato.\nTena vuccati “vāyamatī”ti."}},{"id":"vb8:24","sourceIds":["vb8:24.1","vb8:24.2","vb8:24.3","vb8:24.4","vb8:24.5","vb8:24.6"],"kind":"text","text":{"pi":"“Vīriyaṁ ārabhatī”ti.\nTattha katamaṁ vīriyaṁ?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nidaṁ vuccati “vīriyaṁ”.\nImaṁ vīriyaṁ ārabhati samārabhati āsevati bhāveti bahulīkaroti.\nTena vuccati “vīriyaṁ ārabhatī”ti."}},{"id":"vb8:25","sourceIds":["vb8:25.1","vb8:25.2","vb8:25.3","vb8:25.4","vb8:25.5","vb8:25.6"],"kind":"text","text":{"pi":"“Cittaṁ paggaṇhātī”ti.\nTattha katamaṁ cittaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “cittaṁ”.\nImaṁ cittaṁ paggaṇhāti sampaggaṇhāti upatthambheti paccupatthambheti.\nTena vuccati “cittaṁ paggaṇhātī”ti."}},{"id":"vb8:26","sourceIds":["vb8:26.1","vb8:26.2","vb8:26.3","vb8:26.4","vb8:26.5"],"kind":"text","text":{"pi":"“Padahatī”ti.\nTattha katamaṁ sammappadhānaṁ?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nidaṁ vuccati “sammappadhānaṁ”.\nAvasesā dhammā sammappadhānasampayuttā."}},{"id":"vb8:27","sourceIds":["vb8:27.1","vb8:27.2"],"kind":"text","text":{"pi":"Kathañca bhikkhu uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:28","sourceIds":["vb8:28.1","vb8:28.2","vb8:28.3","vb8:28.4","vb8:28.5","vb8:28.6","vb8:28.7","vb8:28.8","vb8:28.9"],"kind":"text","text":{"pi":"“Chandaṁ janetī”ti …pe…\n“vāyamatī”ti …pe…\n“vīriyaṁ ārabhatī”ti …pe…\n“cittaṁ paggaṇhātī”ti …pe…\n“padahatī”ti.\nTattha katamaṁ sammappadhānaṁ?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nidaṁ vuccati “sammappadhānaṁ”.\nAvasesā dhammā sammappadhānasampayuttā."}},{"id":"vb8:29","sourceIds":["vb8:29.1","vb8:29.2"],"kind":"text","text":{"pi":"Kathañca bhikkhu anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:30","sourceIds":["vb8:30.1","vb8:30.2","vb8:30.3","vb8:30.4","vb8:30.5","vb8:30.6","vb8:30.7","vb8:30.8","vb8:30.9"],"kind":"text","text":{"pi":"“Chandaṁ janetī”ti …pe…\n“vāyamatī”ti …pe…\n“vīriyaṁ ārabhatī”ti …pe…\n“cittaṁ paggaṇhātī”ti …pe…\n“padahatī”ti.\nTattha katamaṁ sammappadhānaṁ?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nidaṁ vuccati “sammappadhānaṁ”.\nAvasesā dhammā sammappadhānasampayuttā."}},{"id":"vb8:31","sourceIds":["vb8:31.1","vb8:31.2"],"kind":"text","text":{"pi":"Kathañca bhikkhu uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:32","sourceIds":["vb8:32.1","vb8:32.2"],"kind":"text","text":{"pi":"“Ṭhitiyā”ti.\nYā ṭhiti so asammoso, yo asammoso so bhiyyobhāvo, yo bhiyyobhāvo taṁ vepullaṁ, yaṁ vepullaṁ sā bhāvanā, yā bhāvanā sā pāripūrī."}},{"id":"vb8:33","sourceIds":["vb8:33.1","vb8:33.2","vb8:33.3","vb8:33.4","vb8:33.5","vb8:33.6"],"kind":"text","text":{"pi":"“Chandaṁ janetī”ti.\nTattha katamo chando?\nYo chando chandikatā kattukamyatā kusalo dhammacchando—\nayaṁ vuccati “chando”.\nImaṁ chandaṁ janeti sañjaneti uṭṭhapeti samuṭṭhapeti nibbatteti abhinibbatteti.\nTena vuccati “chandaṁ janetī”ti."}},{"id":"vb8:34","sourceIds":["vb8:34.1","vb8:34.2","vb8:34.3","vb8:34.4","vb8:34.5","vb8:34.6"],"kind":"text","text":{"pi":"“Vāyamatī”ti.\nTattha katamo vāyāmo?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nayaṁ vuccati “vāyāmo”.\nIminā vāyāmena upeto hoti …pe… samannāgato.\nTena vuccati “vāyamatī”ti."}},{"id":"vb8:35","sourceIds":["vb8:35.1","vb8:35.2","vb8:35.3","vb8:35.4","vb8:35.5","vb8:35.6"],"kind":"text","text":{"pi":"“Vīriyaṁ ārabhatī”ti.\nTattha katamaṁ vīriyaṁ?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nidaṁ vuccati “vīriyaṁ”.\nImaṁ vīriyaṁ ārabhati samārabhati āsevati bhāveti bahulīkaroti.\nTena vuccati “vīriyaṁ ārabhatī”ti."}},{"id":"vb8:36","sourceIds":["vb8:36.1","vb8:36.2","vb8:36.3","vb8:36.4","vb8:36.5","vb8:36.6"],"kind":"text","text":{"pi":"“Cittaṁ paggaṇhātī”ti.\nTattha katamaṁ cittaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “cittaṁ”.\nImaṁ cittaṁ paggaṇhāti sampaggaṇhāti upatthambheti paccupatthambheti.\nTena vuccati “cittaṁ paggaṇhātī”ti."}},{"id":"vb8:37","sourceIds":["vb8:37.1","vb8:37.2","vb8:37.3","vb8:37.4","vb8:37.5"],"kind":"text","text":{"pi":"“Padahatī”ti.\nTattha katamaṁ sammappadhānaṁ?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nidaṁ vuccati “sammappadhānaṁ”.\nAvasesā dhammā sammappadhānasampayuttā."}},{"id":"vb8:38","sourceIds":["vb8:38.1","vb8:38.2","vb8:38.3","vb8:38.4"],"kind":"text","text":{"pi":"Tattha katamaṁ sammappadhānaṁ?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yo tasmiṁ samaye cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nidaṁ vuccati “sammappadhānaṁ”.\nAvasesā dhammā sammappadhānasampayuttā."}},{"id":"vb8:39","sourceIds":["vb8:39.1"],"kind":"text","text":{"pi":"Abhidhammabhājanīyaṁ."}},{"id":"vb8:40","sourceIds":["vb8:40.0","vb8:40.1","vb8:40.2","vb8:40.3","vb8:40.4"],"kind":"text","text":{"pi":"3. Pañhāpucchaka\nCattāro sammappadhānā—\nidha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya …pe…\nanuppannānaṁ kusalānaṁ dhammānaṁ uppādāya …pe…\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati."}},{"id":"vb8:41","sourceIds":["vb8:41.1"],"kind":"text","text":{"pi":"Catunnaṁ sammappadhānānaṁ kati kusalā, kati akusalā, kati abyākatā …pe… kati saraṇā, kati araṇā?"}},{"id":"vb8:42","sourceIds":["vb8:42.0","vb8:42.1"],"kind":"text","text":{"pi":"3.1. Tika\nKusalāyeva."}},{"id":"vb8:43","sourceIds":["vb8:43.1"],"kind":"text","text":{"pi":"Siyā sukhāya vedanāya sampayuttā, siyā adukkhamasukhāya vedanāya sampayuttā."}},{"id":"vb8:44","sourceIds":["vb8:44.1"],"kind":"text","text":{"pi":"Vipākadhammadhammā."}},{"id":"vb8:45","sourceIds":["vb8:45.1"],"kind":"text","text":{"pi":"Anupādinnaanupādāniyā."}},{"id":"vb8:46","sourceIds":["vb8:46.1"],"kind":"text","text":{"pi":"Asaṅkiliṭṭhaasaṅkilesikā."}},{"id":"vb8:47","sourceIds":["vb8:47.1"],"kind":"text","text":{"pi":"Siyā savitakkasavicārā, siyā avitakkavicāramattā, siyā avitakkaavicārā."}},{"id":"vb8:48","sourceIds":["vb8:48.1"],"kind":"text","text":{"pi":"Siyā pītisahagatā, siyā sukhasahagatā, siyā upekkhāsahagatā."}},{"id":"vb8:49","sourceIds":["vb8:49.1"],"kind":"text","text":{"pi":"Neva dassanena na bhāvanāya pahātabbā."}},{"id":"vb8:50","sourceIds":["vb8:50.1"],"kind":"text","text":{"pi":"Neva dassanena na bhāvanāya pahātabbahetukā."}},{"id":"vb8:51","sourceIds":["vb8:51.1"],"kind":"text","text":{"pi":"Apacayagāmino."}},{"id":"vb8:52","sourceIds":["vb8:52.1"],"kind":"text","text":{"pi":"Sekkhā."}},{"id":"vb8:53","sourceIds":["vb8:53.1"],"kind":"text","text":{"pi":"Appamāṇā."}},{"id":"vb8:54","sourceIds":["vb8:54.1"],"kind":"text","text":{"pi":"Appamāṇārammaṇā."}},{"id":"vb8:55","sourceIds":["vb8:55.1"],"kind":"text","text":{"pi":"Paṇītā."}},{"id":"vb8:56","sourceIds":["vb8:56.1"],"kind":"text","text":{"pi":"Sammattaniyatā."}},{"id":"vb8:57","sourceIds":["vb8:57.1"],"kind":"text","text":{"pi":"Na maggārammaṇā, maggahetukā, siyā maggādhipatino, siyā na vattabbā “maggādhipatino”ti."}},{"id":"vb8:58","sourceIds":["vb8:58.1"],"kind":"text","text":{"pi":"Siyā uppannā, siyā anuppannā, na vattabbā “uppādino”ti."}},{"id":"vb8:59","sourceIds":["vb8:59.1"],"kind":"text","text":{"pi":"Siyā atītā, siyā anāgatā, siyā paccuppannā."}},{"id":"vb8:60","sourceIds":["vb8:60.1"],"kind":"text","text":{"pi":"Na vattabbā “atītārammaṇā”tipi, “anāgatārammaṇā”tipi, “paccuppannārammaṇā”tipi."}},{"id":"vb8:61","sourceIds":["vb8:61.1"],"kind":"text","text":{"pi":"Siyā ajjhattā, siyā bahiddhā, siyā ajjhattabahiddhā."}},{"id":"vb8:62","sourceIds":["vb8:62.1"],"kind":"text","text":{"pi":"Bahiddhārammaṇā."}},{"id":"vb8:63","sourceIds":["vb8:63.1"],"kind":"text","text":{"pi":"Anidassanaappaṭighā."}},{"id":"vb8:64.0","sourceIds":["vb8:64.0.1","vb8:64.0.2"],"kind":"text","text":{"pi":"3.2. 3.2 Duka\n3.2.1. Hetugocchaka"}},{"id":"vb8:64","sourceIds":["vb8:64.1","vb8:64.2","vb8:64.3","vb8:64.4","vb8:64.5","vb8:64.6"],"kind":"text","text":{"pi":"Na hetū.\nSahetukā.\nHetusampayuttā.\nNa vattabbā hetū ceva sahetukā cāti, sahetukā ceva na ca hetū.\nNa vattabbā hetū ceva hetusampayuttā cāti, hetusampayuttā ceva na ca hetū.\nNa hetū sahetukā."}},{"id":"vb8:65","sourceIds":["vb8:65.0","vb8:65.1","vb8:65.2","vb8:65.3","vb8:65.4","vb8:65.5","vb8:65.6","vb8:65.7"],"kind":"text","text":{"pi":"3.2.2. Cūḷantaraduka\nSappaccayā.\nSaṅkhatā.\nAnidassanā.\nAppaṭighā.\nArūpā.\nLokuttarā.\nKenaci viññeyyā, kenaci na viññeyyā."}},{"id":"vb8:66","sourceIds":["vb8:66.0","vb8:66.1","vb8:66.2","vb8:66.3","vb8:66.4","vb8:66.5","vb8:66.6","vb8:66.7"],"kind":"text","text":{"pi":"3.2.3. Āsavagocchaka\nNo āsavā.\nAnāsavā.\nĀsavavippayuttā.\nNa vattabbā āsavā ceva sāsavā cātipi, sāsavā ceva no ca āsavātipi.\nNa vattabbā “āsavā ceva āsavasampayuttā cā”tipi, “āsavasampayuttā ceva no ca āsavā”tipi.\nĀsavavippayuttā.\nAnāsavā."}},{"id":"vb8:67","sourceIds":["vb8:67.0","vb8:67.1","vb8:67.2","vb8:67.3","vb8:67.4","vb8:67.5","vb8:67.6","vb8:67.7","vb8:67.8","vb8:67.9","vb8:67.10","vb8:67.11","vb8:67.12","vb8:67.13","vb8:67.14","vb8:67.15","vb8:67.16","vb8:67.17","vb8:67.18","vb8:67.19","vb8:67.20"],"kind":"text","text":{"pi":"8.3.2.4. Saṁyojanagocchakādi\nNo saṁyojanā …pe…\nno ganthā …pe…\nno oghā …pe…\nno yogā …pe…\nno nīvaraṇā …pe…\nno parāmāsā …pe…\nsārammaṇā.\nNo cittā.\nCetasikā.\nCittasampayuttā.\nCittasaṁsaṭṭhā.\nCittasamuṭṭhānā.\nCittasahabhuno.\nCittānuparivattino.\nCittasaṁsaṭṭhasamuṭṭhānā.\nCittasaṁsaṭṭhasamuṭṭhānasahabhuno.\nCittasaṁsaṭṭhasamuṭṭhānānuparivattino.\nBāhirā.\nNo upādā.\nAnupādinnā."}},{"id":"vb8:68","sourceIds":["vb8:68.0","vb8:68.1","vb8:68.2","vb8:68.3","vb8:68.4","vb8:68.5","vb8:68.6","vb8:68.7","vb8:68.8","vb8:68.9","vb8:68.10","vb8:68.11","vb8:68.12","vb8:68.13","vb8:68.14","vb8:68.15","vb8:68.16","vb8:68.17","vb8:68.18","vb8:68.19","vb8:68.20"],"kind":"text","text":{"pi":"8.3.2.11. Upādānagocchakādi\nNo upādānā …pe…\nno kilesā …pe…\nna dassanena pahātabbā.\nNa bhāvanāya pahātabbā.\nNa dassanena pahātabbahetukā.\nNa bhāvanāya pahātabbahetukā.\nSiyā savitakkā, siyā avitakkā.\nSiyā savicārā, siyā avicārā.\nSiyā sappītikā, siyā appītikā.\nSiyā pītisahagatā, siyā na pītisahagatā.\nSiyā sukhasahagatā, siyā na sukhasahagatā.\nSiyā upekkhāsahagatā, siyā na upekkhāsahagatā.\nNa kāmāvacarā.\nNa rūpāvacarā.\nNa arūpāvacarā.\nApariyāpannā.\nNiyyānikā.\nNiyatā.\nAnuttarā.\nAraṇāti."}},{"id":"vb8:69","sourceIds":["vb8:69.1"],"kind":"text","text":{"pi":"Pañhāpucchakaṁ."}},{"id":"vb8:70","sourceIds":["vb8:70.1"],"kind":"text","text":{"pi":"Sammappadhānavibhaṅgo niṭṭhito."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/vb8/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}