{"id":"vb9","title":"Iddhipādavibhaṅga","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"vb9","title":"Iddhipādavibhaṅga","units":[{"id":"vb9:0","sourceIds":["vb9:0.1","vb9:0.2"],"kind":"text","text":{"pi":"Vibhaṅga\nIddhipādavibhaṅga"}},{"id":"vb9:1","sourceIds":["vb9:1.0","vb9:1.1","vb9:1.2","vb9:1.3","vb9:1.4","vb9:1.5"],"kind":"text","text":{"pi":"1. Suttantabhājanīya\nCattāro iddhipādā—\nidha bhikkhu chandasamādhipadhānasaṅkhārasamannāgataṁ iddhipādaṁ bhāveti,\nvīriyasamādhipadhānasaṅkhārasamannāgataṁ iddhipādaṁ bhāveti,\ncittasamādhipadhānasaṅkhārasamannāgataṁ iddhipādaṁ bhāveti,\nvīmaṁsāsamādhipadhānasaṅkhārasamannāgataṁ iddhipādaṁ bhāveti."}},{"id":"vb9:2","sourceIds":["vb9:2.0","vb9:2.1","vb9:2.2","vb9:2.3","vb9:2.4","vb9:2.5","vb9:2.6","vb9:2.7"],"kind":"text","text":{"pi":"1.1. Chandiddhipāda\nKathañca bhikkhu chandasamādhipadhānasaṅkhārasamannāgataṁ iddhipādaṁ bhāveti?\nChandañce bhikkhu adhipatiṁ karitvā labhati samādhiṁ, labhati cittassekaggataṁ—\nayaṁ vuccati “chandasamādhi”.\nSo anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati, anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nIme vuccanti “padhānasaṅkhārā”.\nIti ayañca chandasamādhi, ime ca padhānasaṅkhārā.\nTadekajjhaṁ abhisaññūhitvā abhisaṅkhipitvā chandasamādhipadhānasaṅkhārotveva saṅkhyaṁ gacchati."}},{"id":"vb9:3","sourceIds":["vb9:3.1","vb9:3.2","vb9:3.3"],"kind":"text","text":{"pi":"Tattha katamo chando?\nYo chando chandikatā kattukamyatā kusalo dhammacchando—\nayaṁ vuccati “chando”."}},{"id":"vb9:4","sourceIds":["vb9:4.1","vb9:4.2","vb9:4.3"],"kind":"text","text":{"pi":"Tattha katamo samādhi?\nYā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—\nayaṁ vuccati “samādhi”."}},{"id":"vb9:5","sourceIds":["vb9:5.1","vb9:5.2","vb9:5.3","vb9:5.4","vb9:5.5"],"kind":"text","text":{"pi":"Tattha katamo padhānasaṅkhāro?\nYo cetasiko vīriyārambho nikkamo parakkamo uyyāmo vāyāmo ussāho ussoḷhī thāmo ṭhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ sammāvāyāmo—\nayaṁ vuccati “padhānasaṅkhāro”.\nIti iminā ca chandena, iminā ca samādhinā, iminā ca padhānasaṅkhārena upeto hoti samupeto upāgato samupāgato upapanno sampanno samannāgato.\nTena vuccati “chandasamādhipadhānasaṅkhārasamannāgato”ti."}},{"id":"vb9:6","sourceIds":["vb9:6.1","vb9:6.2"],"kind":"text","text":{"pi":"“Iddhī”ti.\nYā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā."}},{"id":"vb9:7","sourceIds":["vb9:7.1","vb9:7.2"],"kind":"text","text":{"pi":"“Iddhipādo”ti.\nTathābhūtassa vedanākkhandho, saññākkhandho, saṅkhārakkhandho, viññāṇakkhandho."}},{"id":"vb9:8","sourceIds":["vb9:8.1","vb9:8.2","vb9:8.3"],"kind":"text","text":{"pi":"“Iddhipādaṁ bhāvetī”ti.\nTe dhamme āsevati bhāveti bahulīkaroti.\nTena vuccati “iddhipādaṁ bhāvetī”ti."}},{"id":"vb9:9","sourceIds":["vb9:9.0","vb9:9.1","vb9:9.2","vb9:9.3","vb9:9.4","vb9:9.5","vb9:9.6","vb9:9.7","vb9:9.8","vb9:9.9"],"kind":"text","text":{"pi":"1.2. Vīriyiddhipāda\nKathañca bhikkhu vīriyasamādhipadhānasaṅkhārasamannāgataṁ iddhipādaṁ bhāveti?\nVīriyañce bhikkhu adhipatiṁ karitvā labhati samādhiṁ labhati cittassekaggataṁ—\nayaṁ vuccati “vīriyasamādhi”.\nSo anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya …pe…\nanuppannānaṁ kusalānaṁ dhammānaṁ uppādāya …pe…\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nIme vuccanti “padhānasaṅkhārā”.\nIti ayañca vīriyasamādhi, ime ca padhānasaṅkhārā;\ntadekajjhaṁ abhisaññūhitvā abhisaṅkhipitvā vīriyasamādhipadhānasaṅkhārotveva saṅkhyaṁ gacchati."}},{"id":"vb9:10","sourceIds":["vb9:10.1","vb9:10.2","vb9:10.3"],"kind":"text","text":{"pi":"Tattha katamaṁ vīriyaṁ?\nYo cetasiko vīriyārambho …pe… sammāvāyāmo—\nidaṁ vuccati “vīriyaṁ”."}},{"id":"vb9:11","sourceIds":["vb9:11.1","vb9:11.2","vb9:11.3"],"kind":"text","text":{"pi":"Tattha katamo samādhi?\nYā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—\nayaṁ vuccati “samādhi”."}},{"id":"vb9:12","sourceIds":["vb9:12.1","vb9:12.2","vb9:12.3","vb9:12.4","vb9:12.5"],"kind":"text","text":{"pi":"Tattha katamo padhānasaṅkhāro?\nYo cetasiko vīriyārambho …pe… sammāvāyāmo—\nayaṁ vuccati “padhānasaṅkhāro”.\nIti iminā ca vīriyena, iminā ca samādhinā, iminā ca padhānasaṅkhārena upeto hoti …pe… samannāgato.\nTena vuccati “vīriyasamādhipadhānasaṅkhārasamannāgato”ti."}},{"id":"vb9:13","sourceIds":["vb9:13.1","vb9:13.2"],"kind":"text","text":{"pi":"“Iddhī”ti.\nYā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā."}},{"id":"vb9:14","sourceIds":["vb9:14.1","vb9:14.2"],"kind":"text","text":{"pi":"“Iddhipādo”ti.\nTathābhūtassa vedanākkhandho …pe… viññāṇakkhandho."}},{"id":"vb9:15","sourceIds":["vb9:15.1","vb9:15.2","vb9:15.3"],"kind":"text","text":{"pi":"“Iddhipādaṁ bhāvetī”ti.\nTe dhamme āsevati bhāveti bahulīkaroti.\nTena vuccati “iddhipādaṁ bhāvetī”ti."}},{"id":"vb9:16","sourceIds":["vb9:16.0","vb9:16.1","vb9:16.2","vb9:16.3","vb9:16.4","vb9:16.5","vb9:16.6","vb9:16.7","vb9:16.8","vb9:16.9"],"kind":"text","text":{"pi":"1.3. Cittiddhipāda\nKathañca bhikkhu cittasamādhipadhānasaṅkhārasamannāgataṁ iddhipādaṁ bhāveti?\nCittañce bhikkhu adhipatiṁ karitvā labhati samādhiṁ labhati cittassekaggataṁ—\nayaṁ vuccati “cittasamādhi”.\nSo anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya …pe…\nanuppannānaṁ kusalānaṁ dhammānaṁ uppādāya …pe…\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nIme vuccanti “padhānasaṅkhārā”.\nIti ayañca cittasamādhi, ime ca padhānasaṅkhārā;\ntadekajjhaṁ abhisaññūhitvā abhisaṅkhipitvā cittasamādhipadhānasaṅkhārotveva saṅkhyaṁ gacchati."}},{"id":"vb9:17","sourceIds":["vb9:17.1","vb9:17.2","vb9:17.3"],"kind":"text","text":{"pi":"Tattha katamaṁ cittaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “cittaṁ”."}},{"id":"vb9:18","sourceIds":["vb9:18.1","vb9:18.2","vb9:18.3"],"kind":"text","text":{"pi":"Tattha katamo samādhi?\nYā cittassa ṭhiti saṇṭhiti …pe… sammāsamādhi—\nayaṁ vuccati “samādhi”."}},{"id":"vb9:19","sourceIds":["vb9:19.1","vb9:19.2","vb9:19.3","vb9:19.4","vb9:19.5"],"kind":"text","text":{"pi":"Tattha katamo padhānasaṅkhāro?\nYo cetasiko vīriyārambho …pe… sammāvāyāmo—\nayaṁ vuccati “padhānasaṅkhāro”.\nIti iminā ca cittena, iminā ca samādhinā, iminā ca padhānasaṅkhārena upeto hoti …pe… samannāgato.\nTena vuccati “cittasamādhipadhānasaṅkhārasamannāgato”ti."}},{"id":"vb9:20","sourceIds":["vb9:20.1","vb9:20.2"],"kind":"text","text":{"pi":"“Iddhī”ti.\nYā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā."}},{"id":"vb9:21","sourceIds":["vb9:21.1","vb9:21.2"],"kind":"text","text":{"pi":"“Iddhipādo”ti.\nTathābhūtassa vedanākkhandho …pe… viññāṇakkhandho."}},{"id":"vb9:22","sourceIds":["vb9:22.1","vb9:22.2","vb9:22.3"],"kind":"text","text":{"pi":"“Iddhipādaṁ bhāvetī”ti.\nTe dhamme āsevati bhāveti bahulīkaroti.\nTena vuccati “iddhipādaṁ bhāvetī”ti."}},{"id":"vb9:23","sourceIds":["vb9:23.0","vb9:23.1","vb9:23.2","vb9:23.3","vb9:23.4","vb9:23.5","vb9:23.6","vb9:23.7","vb9:23.8","vb9:23.9"],"kind":"text","text":{"pi":"1.4. Vīmaṁsiddhipāda\nKathañca bhikkhu vīmaṁsāsamādhipadhānasaṅkhārasamannāgataṁ iddhipādaṁ bhāveti?\nVīmaṁsañce bhikkhu adhipatiṁ karitvā labhati samādhiṁ labhati cittassekaggataṁ—\nayaṁ vuccati “vīmaṁsāsamādhi”.\nSo anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya …pe…\nanuppannānaṁ kusalānaṁ dhammānaṁ uppādāya …pe…\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nIme vuccanti “padhānasaṅkhārā”.\nIti ayañca vīmaṁsāsamādhi, ime ca padhānasaṅkhārā;\ntadekajjhaṁ abhisaññūhitvā abhisaṅkhipitvā vīmaṁsāsamādhipadhānasaṅkhārotveva saṅkhyaṁ gacchati."}},{"id":"vb9:24","sourceIds":["vb9:24.1","vb9:24.2","vb9:24.3"],"kind":"text","text":{"pi":"Tattha katamā vīmaṁsā?\nYā paññā pajānanā …pe… amoho dhammavicayo sammādiṭṭhi—\nayaṁ vuccati “vīmaṁsā”."}},{"id":"vb9:25","sourceIds":["vb9:25.1","vb9:25.2","vb9:25.3"],"kind":"text","text":{"pi":"Tattha katamo samādhi?\nYā cittassa ṭhiti saṇṭhiti …pe… sammāsamādhi—\nayaṁ vuccati “samādhi”."}},{"id":"vb9:26","sourceIds":["vb9:26.1","vb9:26.2","vb9:26.3","vb9:26.4","vb9:26.5"],"kind":"text","text":{"pi":"Tattha katamo padhānasaṅkhāro?\nYo cetasiko vīriyārambho …pe… sammāvāyāmo—\nayaṁ vuccati “padhānasaṅkhāro”.\nIti imāya ca vīmaṁsāya, iminā ca samādhinā, iminā ca padhānasaṅkhārena upeto hoti …pe… samannāgato.\nTena vuccati “vīmaṁsāsamādhipadhānasaṅkhārasamannāgato”ti."}},{"id":"vb9:27","sourceIds":["vb9:27.1","vb9:27.2"],"kind":"text","text":{"pi":"“Iddhī”ti.\nYā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā."}},{"id":"vb9:28","sourceIds":["vb9:28.1","vb9:28.2"],"kind":"text","text":{"pi":"“Iddhipādo”ti.\nTathābhūtassa vedanākkhandho, saññākkhandho, saṅkhārakkhandho, viññāṇakkhandho."}},{"id":"vb9:29","sourceIds":["vb9:29.1","vb9:29.2","vb9:29.3"],"kind":"text","text":{"pi":"“Iddhipādaṁ bhāvetī”ti.\nTe dhamme āsevati bhāveti bahulīkaroti.\nTena vuccati “iddhipādaṁ bhāvetī”ti."}},{"id":"vb9:30","sourceIds":["vb9:30.1"],"kind":"text","text":{"pi":"Suttantabhājanīyaṁ."}},{"id":"vb9:31","sourceIds":["vb9:31.0","vb9:31.1","vb9:31.2","vb9:31.3","vb9:31.4","vb9:31.5"],"kind":"text","text":{"pi":"2. Abhidhammabhājanīya\nCattāro iddhipādā—\nidha bhikkhu chandasamādhipadhānasaṅkhārasamannāgataṁ iddhipādaṁ bhāveti,\nvīriyasamādhipadhānasaṅkhārasamannāgataṁ iddhipādaṁ bhāveti,\ncittasamādhipadhānasaṅkhārasamannāgataṁ iddhipādaṁ bhāveti,\nvīmaṁsāsamādhipadhānasaṅkhārasamannāgataṁ iddhipādaṁ bhāveti."}},{"id":"vb9:32","sourceIds":["vb9:32.0","vb9:32.1","vb9:32.2"],"kind":"text","text":{"pi":"2.1. Chandiddhipāda\nKathañca bhikkhu chandasamādhipadhānasaṅkhārasamannāgataṁ iddhipādaṁ bhāveti?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye chandasamādhipadhānasaṅkhārasamannāgataṁ iddhipādaṁ bhāveti."}},{"id":"vb9:33","sourceIds":["vb9:33.1","vb9:33.2","vb9:33.3"],"kind":"text","text":{"pi":"Tattha katamo chando?\nYo chando chandikatā kattukamyatā kusalo dhammacchando—\nayaṁ vuccati “chando”."}},{"id":"vb9:34","sourceIds":["vb9:34.1","vb9:34.2","vb9:34.3"],"kind":"text","text":{"pi":"Tattha katamo samādhi?\nYā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—\nayaṁ vuccati “samādhi”."}},{"id":"vb9:35","sourceIds":["vb9:35.1","vb9:35.2","vb9:35.3","vb9:35.4","vb9:35.5"],"kind":"text","text":{"pi":"Tattha katamo padhānasaṅkhāro?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nayaṁ vuccati “padhānasaṅkhāro”.\nIti iminā ca chandena, iminā ca samādhinā, iminā ca padhānasaṅkhārena upeto hoti …pe… samannāgato.\nTena vuccati “chandasamādhipadhānasaṅkhārasamannāgato”ti."}},{"id":"vb9:36","sourceIds":["vb9:36.1","vb9:36.2"],"kind":"text","text":{"pi":"“Iddhī”ti.\nYā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā."}},{"id":"vb9:37","sourceIds":["vb9:37.1","vb9:37.2"],"kind":"text","text":{"pi":"“Iddhipādo”ti.\nTathābhūtassa phasso …pe… paggāho avikkhepo."}},{"id":"vb9:38","sourceIds":["vb9:38.1","vb9:38.2","vb9:38.3"],"kind":"text","text":{"pi":"“Iddhipādaṁ bhāvetī”ti.\nTe dhamme āsevati bhāveti bahulīkaroti.\nTena vuccati “iddhipādaṁ bhāvetī”ti."}},{"id":"vb9:39","sourceIds":["vb9:39.0","vb9:39.1","vb9:39.2"],"kind":"text","text":{"pi":"2.2. Vīriyiddhipāda\nKathañca bhikkhu vīriyasamādhipadhānasaṅkhārasamannāgataṁ iddhipādaṁ bhāveti?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye vīriyasamādhipadhānasaṅkhārasamannāgataṁ iddhipādaṁ bhāveti."}},{"id":"vb9:40","sourceIds":["vb9:40.1","vb9:40.2","vb9:40.3"],"kind":"text","text":{"pi":"Tattha katamaṁ vīriyaṁ?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nidaṁ vuccati “vīriyaṁ”."}},{"id":"vb9:41","sourceIds":["vb9:41.1","vb9:41.2","vb9:41.3"],"kind":"text","text":{"pi":"Tattha katamo samādhi?\nYā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—\nayaṁ vuccati “samādhi”."}},{"id":"vb9:42","sourceIds":["vb9:42.1","vb9:42.2","vb9:42.3","vb9:42.4","vb9:42.5"],"kind":"text","text":{"pi":"Tattha katamo padhānasaṅkhāro?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nayaṁ vuccati “padhānasaṅkhāro”.\nIti iminā ca vīriyena, iminā ca samādhinā, iminā ca padhānasaṅkhārena upeto hoti …pe… samannāgato.\nTena vuccati “vīriyasamādhipadhānasaṅkhārasamannāgato”ti."}},{"id":"vb9:43","sourceIds":["vb9:43.1","vb9:43.2"],"kind":"text","text":{"pi":"“Iddhī”ti.\nYā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā."}},{"id":"vb9:44","sourceIds":["vb9:44.1","vb9:44.2"],"kind":"text","text":{"pi":"“Iddhipādo”ti.\nTathābhūtassa phasso …pe… paggāho avikkhepo."}},{"id":"vb9:45","sourceIds":["vb9:45.1","vb9:45.2","vb9:45.3"],"kind":"text","text":{"pi":"“Iddhipādaṁ bhāvetī”ti.\nTe dhamme āsevati bhāveti bahulīkaroti.\nTena vuccati “iddhipādaṁ bhāvetī”ti."}},{"id":"vb9:46","sourceIds":["vb9:46.0","vb9:46.1","vb9:46.2"],"kind":"text","text":{"pi":"2.3. Cittiddhipāda\nKathañca bhikkhu cittasamādhipadhānasaṅkhārasamannāgataṁ iddhipādaṁ bhāveti?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye cittasamādhipadhānasaṅkhārasamannāgataṁ iddhipādaṁ bhāveti."}},{"id":"vb9:47","sourceIds":["vb9:47.1","vb9:47.2","vb9:47.3"],"kind":"text","text":{"pi":"Tattha katamaṁ cittaṁ?\nYaṁ cittaṁ mano mānasaṁ …pe… tajjāmanoviññāṇadhātu—\nidaṁ vuccati “cittaṁ”."}},{"id":"vb9:48","sourceIds":["vb9:48.1","vb9:48.2","vb9:48.3"],"kind":"text","text":{"pi":"Tattha katamo samādhi?\nYā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—\nayaṁ vuccati “samādhi”."}},{"id":"vb9:49","sourceIds":["vb9:49.1","vb9:49.2","vb9:49.3","vb9:49.4","vb9:49.5"],"kind":"text","text":{"pi":"Tattha katamo padhānasaṅkhāro?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nayaṁ vuccati “padhānasaṅkhāro”.\nIti iminā ca cittena, iminā ca samādhinā, iminā ca padhānasaṅkhārena upeto hoti …pe… samannāgato.\nTena vuccati “cittasamādhipadhānasaṅkhārasamannāgato”ti."}},{"id":"vb9:50","sourceIds":["vb9:50.1","vb9:50.2"],"kind":"text","text":{"pi":"“Iddhī”ti.\nYā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā."}},{"id":"vb9:51","sourceIds":["vb9:51.1","vb9:51.2"],"kind":"text","text":{"pi":"“Iddhipādo”ti.\nTathābhūtassa phasso …pe… paggāho avikkhepo."}},{"id":"vb9:52","sourceIds":["vb9:52.1","vb9:52.2","vb9:52.3"],"kind":"text","text":{"pi":"“Iddhipādaṁ bhāvetī”ti.\nTe dhamme āsevati bhāveti bahulīkaroti.\nTena vuccati “iddhipādaṁ bhāvetī”ti."}},{"id":"vb9:53","sourceIds":["vb9:53.0","vb9:53.1","vb9:53.2"],"kind":"text","text":{"pi":"2.4. Vīmaṁsiddhipāda\nKathañca bhikkhu vīmaṁsāsamādhipadhānasaṅkhārasamannāgataṁ iddhipādaṁ bhāveti?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye vīmaṁsāsamādhipadhānasaṅkhārasamannāgataṁ iddhipādaṁ bhāveti."}},{"id":"vb9:54","sourceIds":["vb9:54.1","vb9:54.2","vb9:54.3"],"kind":"text","text":{"pi":"Tattha katamā vīmaṁsā?\nYā paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—\nayaṁ vuccati “vīmaṁsā”."}},{"id":"vb9:55","sourceIds":["vb9:55.1","vb9:55.2","vb9:55.3"],"kind":"text","text":{"pi":"Tattha katamo samādhi?\nYā cittassa ṭhiti saṇṭhiti …pe… sammāsamādhi samādhisambojjhaṅgo maggaṅgaṁ maggapariyāpannaṁ—\nayaṁ vuccati “samādhi”."}},{"id":"vb9:56","sourceIds":["vb9:56.1","vb9:56.2","vb9:56.3","vb9:56.4","vb9:56.5"],"kind":"text","text":{"pi":"Tattha katamo padhānasaṅkhāro?\nYo cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nayaṁ vuccati “padhānasaṅkhāro”.\nIti imāya ca vīmaṁsāya, iminā ca samādhinā, iminā ca padhānasaṅkhārena upeto hoti samupeto upāgato samupāgato upapanno sampanno samannāgato.\nTena vuccati “vīmaṁsāsamādhipadhānasaṅkhārasamannāgato”ti"}},{"id":"vb9:57","sourceIds":["vb9:57.1","vb9:57.2"],"kind":"text","text":{"pi":"“Iddhī”ti.\nYā tesaṁ dhammānaṁ iddhi samiddhi ijjhanā samijjhanā lābho paṭilābho patti sampatti phusanā sacchikiriyā upasampadā."}},{"id":"vb9:58","sourceIds":["vb9:58.1","vb9:58.2"],"kind":"text","text":{"pi":"“Iddhipādo”ti.\nTathābhūtassa phasso …pe… paggāho avikkhepo."}},{"id":"vb9:59","sourceIds":["vb9:59.1","vb9:59.2","vb9:59.3"],"kind":"text","text":{"pi":"“Iddhipādaṁ bhāvetī”ti.\nTe dhamme āsevati bhāveti bahulīkaroti.\nTena vuccati “iddhipādaṁ bhāvetī”ti."}},{"id":"vb9:60","sourceIds":["vb9:60.1","vb9:60.2"],"kind":"text","text":{"pi":"Cattāro iddhipādā—\nchandiddhipādo, vīriyiddhipādo, cittiddhipādo, vīmaṁsiddhipādo."}},{"id":"vb9:61","sourceIds":["vb9:61.1","vb9:61.2","vb9:61.3","vb9:61.4"],"kind":"text","text":{"pi":"Tattha katamo chandiddhipādo?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yo tasmiṁ samaye chando chandikatā kattukamyatā kusalo dhammacchando—\nayaṁ vuccati “chandiddhipādo”.\nAvasesā dhammā chandiddhipādasampayuttā."}},{"id":"vb9:62","sourceIds":["vb9:62.1","vb9:62.2","vb9:62.3","vb9:62.4"],"kind":"text","text":{"pi":"Tattha katamo vīriyiddhipādo?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yo tasmiṁ samaye cetasiko vīriyārambho …pe… sammāvāyāmo vīriyasambojjhaṅgo maggaṅgaṁ maggapariyāpannaṁ—\nayaṁ vuccati “vīriyiddhipādo”.\nAvasesā dhammā vīriyiddhipādasampayuttā."}},{"id":"vb9:63","sourceIds":["vb9:63.1","vb9:63.2","vb9:63.3","vb9:63.4"],"kind":"text","text":{"pi":"Tattha katamo cittiddhipādo?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yaṁ tasmiṁ samaye cittaṁ mano mānasaṁ …pe… tajjāmanoviññāṇadhātu—\nayaṁ vuccati “cittiddhipādo”.\nAvasesā dhammā cittiddhipādasampayuttā."}},{"id":"vb9:64","sourceIds":["vb9:64.1","vb9:64.2","vb9:64.3","vb9:64.4"],"kind":"text","text":{"pi":"Tattha katamo vīmaṁsiddhipādo?\nIdha bhikkhu yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, yā tasmiṁ samaye paññā pajānanā …pe… amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—\nayaṁ vuccati “vīmaṁsiddhipādo”.\nAvasesā dhammā vīmaṁsiddhipādasampayuttā."}},{"id":"vb9:65","sourceIds":["vb9:65.1"],"kind":"text","text":{"pi":"Abhidhammabhājanīyaṁ."}},{"id":"vb9:66","sourceIds":["vb9:66.0","vb9:66.1","vb9:66.2","vb9:66.3","vb9:66.4"],"kind":"text","text":{"pi":"3. Pañhāpucchaka\nCattāro iddhipādā—\nidha bhikkhu chandasamādhipadhānasaṅkhārasamannāgataṁ iddhipādaṁ bhāveti, vīriyasamādhi …pe…\ncittasamādhi …pe…\nvīmaṁsāsamādhipadhānasaṅkhārasamannāgataṁ iddhipādaṁ bhāveti."}},{"id":"vb9:67","sourceIds":["vb9:67.1"],"kind":"text","text":{"pi":"Catunnaṁ iddhipādānaṁ kati kusalā, kati akusalā, kati abyākatā …pe… kati saraṇā, kati araṇā?"}},{"id":"vb9:68","sourceIds":["vb9:68.0","vb9:68.1"],"kind":"text","text":{"pi":"3.1. Tika\nKusalāyeva."}},{"id":"vb9:69","sourceIds":["vb9:69.1"],"kind":"text","text":{"pi":"Siyā sukhāya vedanāya sampayuttā, siyā adukkhamasukhāya vedanāya sampayuttā."}},{"id":"vb9:70","sourceIds":["vb9:70.1"],"kind":"text","text":{"pi":"Vipākadhammadhammā."}},{"id":"vb9:71","sourceIds":["vb9:71.1"],"kind":"text","text":{"pi":"Anupādinnaanupādāniyā."}},{"id":"vb9:72","sourceIds":["vb9:72.1"],"kind":"text","text":{"pi":"Asaṅkiliṭṭhaasaṅkilesikā."}},{"id":"vb9:73","sourceIds":["vb9:73.1"],"kind":"text","text":{"pi":"Siyā savitakkasavicārā, siyā avitakkavicāramattā, siyā avitakkaavicārā."}},{"id":"vb9:74","sourceIds":["vb9:74.1"],"kind":"text","text":{"pi":"Siyā pītisahagatā, siyā sukhasahagatā, siyā upekkhāsahagatā."}},{"id":"vb9:75","sourceIds":["vb9:75.1"],"kind":"text","text":{"pi":"Neva dassanena na bhāvanāya pahātabbā."}},{"id":"vb9:76","sourceIds":["vb9:76.1"],"kind":"text","text":{"pi":"Neva dassanena na bhāvanāya pahātabbahetukā."}},{"id":"vb9:77","sourceIds":["vb9:77.1"],"kind":"text","text":{"pi":"Apacayagāmino."}},{"id":"vb9:78","sourceIds":["vb9:78.1"],"kind":"text","text":{"pi":"Sekkhā."}},{"id":"vb9:79","sourceIds":["vb9:79.1"],"kind":"text","text":{"pi":"Appamāṇā."}},{"id":"vb9:80","sourceIds":["vb9:80.1"],"kind":"text","text":{"pi":"Appamāṇārammaṇā."}},{"id":"vb9:81","sourceIds":["vb9:81.1"],"kind":"text","text":{"pi":"Paṇītā."}},{"id":"vb9:82","sourceIds":["vb9:82.1"],"kind":"text","text":{"pi":"Sammattaniyatā."}},{"id":"vb9:83","sourceIds":["vb9:83.1"],"kind":"text","text":{"pi":"Na maggārammaṇā, maggahetukā, na maggādhipatino."}},{"id":"vb9:84","sourceIds":["vb9:84.1"],"kind":"text","text":{"pi":"Siyā uppannā, siyā anuppannā, na vattabbā uppādinoti."}},{"id":"vb9:85","sourceIds":["vb9:85.1"],"kind":"text","text":{"pi":"Siyā atītā, siyā anāgatā, siyā paccuppannā."}},{"id":"vb9:86","sourceIds":["vb9:86.1"],"kind":"text","text":{"pi":"Na vattabbā atītārammaṇātipi, anāgatārammaṇātipi, paccuppannārammaṇātipi."}},{"id":"vb9:87","sourceIds":["vb9:87.1"],"kind":"text","text":{"pi":"Siyā ajjhattā, siyā bahiddhā, siyā ajjhattabahiddhā."}},{"id":"vb9:88","sourceIds":["vb9:88.1"],"kind":"text","text":{"pi":"Bahiddhārammaṇā."}},{"id":"vb9:89","sourceIds":["vb9:89.1"],"kind":"text","text":{"pi":"Anidassanaappaṭighā."}},{"id":"vb9:90.0","sourceIds":["vb9:90.0.1","vb9:90.0.2"],"kind":"text","text":{"pi":"3.2. 3.2 Duka\n3.2.1. Hetugocchaka"}},{"id":"vb9:90","sourceIds":["vb9:90.1","vb9:90.2","vb9:90.3","vb9:90.4","vb9:90.5","vb9:90.6"],"kind":"text","text":{"pi":"Vīmaṁsiddhipādo hetu, tayo iddhipādā na hetū.\nSahetukā.\nHetusampayuttā.\nVīmaṁsiddhipādo hetu ceva sahetuko ca, tayo iddhipādā na vattabbā “hetū ceva sahetukā cā”ti, sahetukā ceva na ca hetū.\nVīmaṁsiddhipādo hetu ceva hetusampayutto ca, tayo iddhipādā na vattabbā “hetū ceva hetusampayuttā cā”ti, hetusampayuttā ceva na ca hetū.\nTayo iddhipādā na hetū sahetukā, vīmaṁsiddhipādo na vattabbo “na hetu sahetuko”tipi, “na hetu ahetuko”tipi."}},{"id":"vb9:91","sourceIds":["vb9:91.0","vb9:91.1","vb9:91.2","vb9:91.3","vb9:91.4","vb9:91.5","vb9:91.6","vb9:91.7","vb9:91.8","vb9:91.9","vb9:91.10","vb9:91.11","vb9:91.12","vb9:91.13"],"kind":"text","text":{"pi":"9.3.2.2. Cūḷantaradukādi\nSappaccayā.\nSaṅkhatā.\nAnidassanā.\nAppaṭighā.\nArūpā.\nLokuttarā.\nKenaci viññeyyā, kenaci na viññeyyā.\nNo āsavā.\nAnāsavā.\nĀsavavippayuttā.\nNa vattabbā āsavā ceva sāsavā cātipi, sāsavā ceva no ca āsavātipi.\nNa vattabbā āsavā ceva āsavasampayuttā cātipi, āsavasampayuttā ceva no ca āsavātipi.\nĀsavavippayuttāanāsavā."}},{"id":"vb9:92","sourceIds":["vb9:92.1","vb9:92.2","vb9:92.3","vb9:92.4","vb9:92.5","vb9:92.6","vb9:92.7","vb9:92.8","vb9:92.9","vb9:92.10","vb9:92.11","vb9:92.12","vb9:92.13","vb9:92.14","vb9:92.15","vb9:92.16","vb9:92.17","vb9:92.18"],"kind":"text","text":{"pi":"No saṁyojanā …pe…\nno ganthā …pe…\nno oghā …pe…\nno yogā …pe…\nno nīvaraṇā …pe…\nno parāmāsā …pe…\nsārammaṇā.\nTayo iddhipādā no cittā, cittiddhipādo cittaṁ.\nTayo iddhipādā cetasikā, cittiddhipādo acetasiko.\nTayo iddhipādā cittasampayuttā, cittiddhipādo na vattabbo “cittena sampayutto”tipi, “cittena vippayutto”tipi.\nTayo iddhipādā cittasaṁsaṭṭhā, cittiddhipādo na vattabbo “cittena saṁsaṭṭho”tipi, “cittena visaṁsaṭṭho”tipi.\nTayo iddhipādā cittasamuṭṭhānā, cittiddhipādo no cittasamuṭṭhāno.\nTayo iddhipādā cittasahabhuno, cittiddhipādo no cittasahabhū.\nTayo iddhipādā cittānuparivattino, cittiddhipādo no cittānuparivatti.\nTayo iddhipādā cittasaṁsaṭṭhasamuṭṭhānā, cittiddhipādo no cittasaṁsaṭṭhasamuṭṭhāno.\nTayo iddhipādā cittasaṁsaṭṭhasamuṭṭhānasahabhuno, cittiddhipādo no cittasaṁsaṭṭhasamuṭṭhānasahabhū.\nTayo iddhipādā cittasaṁsaṭṭhasamuṭṭhānānuparivattino, cittiddhipādo no cittasaṁsaṭṭhasamuṭṭhānānuparivatti.\nTayo iddhipādā bāhirā, cittiddhipādo ajjhattiko."}},{"id":"vb9:93","sourceIds":["vb9:93.0","vb9:93.1","vb9:93.2","vb9:93.3","vb9:93.4","vb9:93.5","vb9:93.6","vb9:93.7","vb9:93.8","vb9:93.9","vb9:93.10","vb9:93.11","vb9:93.12","vb9:93.13","vb9:93.14","vb9:93.15","vb9:93.16","vb9:93.17","vb9:93.18","vb9:93.19","vb9:93.20","vb9:93.21","vb9:93.22"],"kind":"text","text":{"pi":"9.3.2.11. Upādānagocchakādi\nNo upādā.\nAnupādinnā.\nNo upādānā …pe…\nno kilesā …pe…\nna dassanena pahātabbā.\nNa bhāvanāya pahātabbā.\nNa dassanena pahātabbahetukā.\nNa bhāvanāya pahātabbahetukā.\nSiyā savitakkā, siyā avitakkā.\nSiyā savicārā, siyā avicārā.\nSiyā sappītikā, siyā appītikā.\nSiyā pītisahagatā, siyā na pītisahagatā.\nSiyā sukhasahagatā, siyā na sukhasahagatā.\nSiyā upekkhāsahagatā, siyā na upekkhāsahagatā.\nNa kāmāvacarā.\nNa rūpāvacarā.\nNa arūpāvacarā.\nApariyāpannā.\nNiyyānikā.\nNiyatā.\nAnuttarā.\nAraṇāti."}},{"id":"vb9:94","sourceIds":["vb9:94.1"],"kind":"text","text":{"pi":"Pañhāpucchakaṁ."}},{"id":"vb9:95","sourceIds":["vb9:95.1"],"kind":"text","text":{"pi":"Iddhipādavibhaṅgo niṭṭhito."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/vb9/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}